{"id":"pli-tv-kd21","title":"1. The origin story of the communal recitation","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-kd21","title":"1. The origin story of the communal recitation","units":[{"id":"pli-tv-kd21:0","sourceIds":["pli-tv-kd21:0.1","pli-tv-kd21:0.2","pli-tv-kd21:0.3","pli-tv-kd21:0.4"],"kind":"text","text":{"pi":"Theravāda Vinayapiṭaka\nCūḷavagga\n21. Pañcasatikakkhandhaka\n1. Saṅgītinidāna","en":"Theravāda Collection on Monastic Law\nThe Small Division\nThe chapter on the first council\n1. The origin story of the communal recitation"}},{"id":"pli-tv-kd21:1.1","sourceIds":["pli-tv-kd21:1.1.1","pli-tv-kd21:1.1.2","pli-tv-kd21:1.1.3","pli-tv-kd21:1.1.4","pli-tv-kd21:1.1.5","pli-tv-kd21:1.1.6","pli-tv-kd21:1.1.7","pli-tv-kd21:1.1.8","pli-tv-kd21:1.1.9","pli-tv-kd21:1.1.10","pli-tv-kd21:1.1.11","pli-tv-kd21:1.1.12","pli-tv-kd21:1.1.13","pli-tv-kd21:1.1.14","pli-tv-kd21:1.1.15","pli-tv-kd21:1.1.16","pli-tv-kd21:1.1.17","pli-tv-kd21:1.1.18","pli-tv-kd21:1.1.19","pli-tv-kd21:1.1.20","pli-tv-kd21:1.1.21","pli-tv-kd21:1.1.22","pli-tv-kd21:1.1.23","pli-tv-kd21:1.1.24","pli-tv-kd21:1.1.25","pli-tv-kd21:1.1.26","pli-tv-kd21:1.1.27","pli-tv-kd21:1.1.28","pli-tv-kd21:1.1.29","pli-tv-kd21:1.1.30","pli-tv-kd21:1.1.31","pli-tv-kd21:1.1.32","pli-tv-kd21:1.1.33","pli-tv-kd21:1.1.34"],"kind":"text","text":{"pi":"Atha kho āyasmā mahākassapo bhikkhū āmantesi—\n“ekamidāhaṁ, āvuso, samayaṁ pāvāya kusināraṁ addhānamaggappaṭipanno mahatā bhikkhusaṅghena saddhiṁ pañcamattehi bhikkhusatehi.\nAtha khvāhaṁ, āvuso, maggā okkamma aññatarasmiṁ rukkhamūle nisīdiṁ.\nTena kho pana samayena aññataro ājīvako kusinārāya mandāravapupphaṁ gahetvā pāvaṁ addhānamaggappaṭipanno hoti.\nAddasaṁ kho ahaṁ, āvuso, taṁ ājīvakaṁ dūratova āgacchantaṁ.\nDisvāna taṁ ājīvakaṁ etadavocaṁ—\n‘apāvuso, amhākaṁ satthāraṁ jānāsī’ti?\n‘Āmāvuso, jānāmi.\nAjja sattāhaparinibbuto samaṇo gotamo.\nTato me idaṁ mandāravapupphaṁ gahitan’ti.\nTatrāvuso, ye te bhikkhū avītarāgā appekacce bāhā paggayha kandanti, chinnapātaṁ papatanti, āvaṭṭanti, vivaṭṭanti—\natikhippaṁ bhagavā parinibbuto, atikhippaṁ sugato parinibbuto, atikhippaṁ cakkhuṁ loke antarahitanti.\nYe pana te bhikkhū vītarāgā te satā sampajānā adhivāsenti—\naniccā saṅkhārā, taṁ kutettha labbhāti.\nAtha khvāhaṁ, āvuso, te bhikkhū etadavocaṁ—\n‘alaṁ, āvuso, mā socittha;\nmā paridevittha.\nNanvetaṁ, āvuso, bhagavatā paṭikacceva akkhātaṁ—\nsabbeheva piyehi manāpehi nānābhāvo vinābhāvo aññathābhāvo.\nTaṁ kutettha āvuso labbhā, yaṁ taṁ jātaṁ bhūtaṁ saṅkhataṁ palokadhammaṁ, taṁ vata mā palujjīti—\nnetaṁ ṭhānaṁ vijjatī’ti.\nTena kho panāvuso, samayena subhaddo nāma vuḍḍhapabbajito tassaṁ parisāyaṁ nisinno hoti.\nAtha kho, āvuso, subhaddo vuḍḍhapabbajito te bhikkhū etadavoca—\n‘alaṁ, āvuso, mā socittha;\nmā paridevittha.\nSumuttā mayaṁ tena mahāsamaṇena;\nupaddutā ca mayaṁ homa—\nidaṁ vo kappati, idaṁ vo na kappatīti.\nIdāni pana mayaṁ yaṁ icchissāma taṁ karissāma, yaṁ na icchissāma na taṁ karissāmā’ti.\nHanda mayaṁ, āvuso, dhammañca vinayañca saṅgāyāma.\nPure adhammo dippati, dhammo paṭibāhiyyati;\npure avinayo dippati vinayo paṭibāhiyyati;\npure adhammavādino balavanto honti, dhammavādino dubbalā honti;\npure avinayavādino balavanto honti, vinayavādino dubbalā hontī”ti.","en":"Then Venerable Mahākassapa addressed the monks:\n“On one occasion, as I was traveling from Pāvā to Kusināra with a large sangha of five hundred monks,\nI left the road and sat down at the foot of a tree.\nJust then a follower of the Ājīvakas was traveling toward Pāvā on the same road, holding a coral-tree flower that he had picked up in Kusināra.\nWhen I saw him coming,\nI asked him,\n‘Do you know anything about our Teacher?’\n‘I do.\nToday it’s seven days since the ascetic Gotama attained final extinguishment.\nThat’s why I carry this coral-tree flower.’\nSome of the monks there who were not yet free from desire threw up their arms and cried, collapsed on the ground, and rolled back and forth, lamenting,\n‘The Buddha, the Happy One, has attained final extinguishment too soon—too soon has the eye of the world been put out!’\nBut the monks there who were free from desire bore it with mindfulness and full awareness, saying,\n‘All phenomena are impermanent. How could it be any different?’\nI said,\n‘Please stop grieving,\nstop lamenting.\nDidn’t the Buddha warn us\nthat we must be separated from everyone and everything dear and agreeable to us?\nHow could that which is born, become, made up, and of a nature to fall apart, not fall apart?\nThat’s impossible.’\nOn that occasion a monk called Subhadda, who had gone forth when old, was part of that group.\nHe said to the monks,\n‘Please stop grieving,\nstop lamenting.\nIt’s good that we are free from that great ascetic.\nWe were oppressed,\nalways being told what’s allowable and what’s not.\nNow we can do what we like and not do what we don’t like.’\nSo then, let’s recite the Teaching and the Monastic Law—\nbefore what’s contrary to the Teaching shines forth and the Teaching is obstructed;\nbefore what’s contrary to the Monastic Law shines forth and the Monastic Law is obstructed;\nbefore those who speak contrary to the Teaching become strong and those who speak in accordance with it become weak;\nbefore those who speak contrary to the Monastic Law become strong and those who speak in accordance with it become weak.”"}},{"id":"pli-tv-kd21:1.2","sourceIds":["pli-tv-kd21:1.2.1","pli-tv-kd21:1.2.2","pli-tv-kd21:1.2.3","pli-tv-kd21:1.2.4","pli-tv-kd21:1.2.5","pli-tv-kd21:1.2.6","pli-tv-kd21:1.2.7"],"kind":"text","text":{"pi":"“Tena hi, bhante, thero bhikkhū uccinatū”ti.\nAtha kho āyasmā mahākassapo ekenūnapañcaarahantasatāni uccini.\nBhikkhū āyasmantaṁ mahākassapaṁ etadavocuṁ—\n“ayaṁ, bhante, āyasmā ānando kiñcāpi sekkho, abhabbo chandā dosā mohā bhayā agatiṁ gantuṁ.\nBahu ca anena bhagavato santike dhammo ca vinayo ca pariyatto.\nTena hi, bhante, thero āyasmantampi ānandaṁ uccinatū”ti.\nAtha kho āyasmā mahākassapo āyasmantampi ānandaṁ uccini.","en":"“Well then, venerable, please select the monks.”\nMahākassapa then selected four hundred and ninety-nine perfected ones.\nThe monks said to him,\n“There’s Venerable Ānanda who, although still a trainee, is incapable of acting out of desire, ill will, confusion, or fear.\nHe has learned many teachings and much Monastic Law from the Buddha.\nPlease invite him as well.”\nAnd he did."}},{"id":"pli-tv-kd21:1.3","sourceIds":["pli-tv-kd21:1.3.1","pli-tv-kd21:1.3.2","pli-tv-kd21:1.3.3","pli-tv-kd21:1.3.4","pli-tv-kd21:1.3.5"],"kind":"text","text":{"pi":"Atha kho therānaṁ bhikkhūnaṁ etadahosi—\n“kattha nu kho mayaṁ dhammañca vinayañca saṅgāyeyyāmā”ti?\nAtha kho therānaṁ bhikkhūnaṁ etadahosi—\n“rājagahaṁ kho mahāgocaraṁ pahūtasenāsanaṁ, yannūna mayaṁ rājagahe vassaṁ vasantā dhammañca vinayañca saṅgāyeyyāma.\nNa aññe bhikkhū rājagahe vassaṁ upagaccheyyun”ti.","en":"The senior monks thought,\n“Where should we recite the Teaching and the Monastic Law?”\nIt occurred to them,\n“Rājagaha has much almsfood and many dwellings. Let’s spend the rainy season there in order to recite the Teaching and the Monastic Law.\nNo other monks should enter the rainy-season residence at Rājagaha.”"}},{"id":"pli-tv-kd21:1.4","sourceIds":["pli-tv-kd21:1.4.1","pli-tv-kd21:1.4.2","pli-tv-kd21:1.4.3","pli-tv-kd21:1.4.4","pli-tv-kd21:1.4.5","pli-tv-kd21:1.4.6","pli-tv-kd21:1.4.7","pli-tv-kd21:1.4.8","pli-tv-kd21:1.4.9","pli-tv-kd21:1.4.10","pli-tv-kd21:1.4.11","pli-tv-kd21:1.4.12","pli-tv-kd21:1.4.13","pli-tv-kd21:1.4.14"],"kind":"text","text":{"pi":"Atha kho āyasmā mahākassapo saṅghaṁ ñāpesi—\n“Suṇātu me, āvuso, saṅgho.\nYadi saṅghassa pattakallaṁ, saṅgho imāni pañca bhikkhusatāni sammanneyya—\nrājagahe vassaṁ vasantāni dhammañca vinayañca saṅgāyituṁ, na aññehi bhikkhūhi rājagahe vassaṁ vasitabbanti.\nEsā ñatti.\nSuṇātu me, āvuso, saṅgho.\nImāni pañca bhikkhusatāni sammannati—\nrājagahe vassaṁ vasantāni dhammañca vinayañca saṅgāyituṁ, na aññehi bhikkhūhi rājagahe vassaṁ vasitabbanti.\nYassāyasmato khamati imesaṁ pañcannaṁ bhikkhusatānaṁ sammuti—\nrājagahe vassaṁ vasantānaṁ dhammañca vinayañca saṅgāyituṁ, na aññehi bhikkhūhi rājagahe vassaṁ vasitabbanti—\nso tuṇhassa;\nyassa nakkhamati, so bhāseyya.\nSammatāni saṅghena imāni pañca bhikkhusatāni rājagahe vassaṁ vasantāni dhammañca vinayañca saṅgāyituṁ, na aññehi bhikkhūhi rājagahe vassaṁ vasitabbanti.\nKhamati saṅghassa, tasmā tuṇhī, evametaṁ dhārayāmī”ti.","en":"And Venerable Mahākassapa informed the Sangha:\n“Please, venerables, I ask the Sangha to listen.\nIf the Sangha is ready, it should appoint these five hundred monks\nto spend the rainy season at Rājagaha in order to recite the Teaching and the Monastic Law. No other monks should spend the rainy-season residence at Rājagaha.\nThis is the motion.\nPlease, venerables, I ask the Sangha to listen.\nThe Sangha appoints these five hundred monks\nto spend the rainy season at Rājagaha in order to recite the Teaching and the Monastic Law. No other monks should spend the rainy-season residence at Rājagaha.\nAny monk who approves of appointing these five hundred monks\nto spend the rainy season at Rājagaha in order to recite the Teaching and the Monastic Law, with no other monks spending the rainy-season residence at Rājagaha,\nshould remain silent.\nAny monk who doesn’t approve should speak up.\nThe Sangha has appointed these five hundred monks to spend the rainy season at Rājagaha in order to recite the Teaching and the Monastic Law. No other monks should spend the rainy-season residence at Rājagaha.\nThe Sangha approves and is therefore silent. I will remember it thus.”"}},{"id":"pli-tv-kd21:1.5","sourceIds":["pli-tv-kd21:1.5.0","pli-tv-kd21:1.5.1","pli-tv-kd21:1.5.2","pli-tv-kd21:1.5.3","pli-tv-kd21:1.5.4","pli-tv-kd21:1.5.5","pli-tv-kd21:1.5.6"],"kind":"text","text":{"en":"The communal recitation at Rājagaha\nThe senior monks then went to Rājagaha to recite the Teaching and the Monastic Law.\nThey thought,\n“The Buddha has praised repairing what’s defective and broken.\nWell then, let’s spend the first month doing repairs,\nand then gather for the middle month to recite the Teaching and the Monastic Law.”\nThey then spent the first month doing repairs.","pi":"Atha kho therā bhikkhū rājagahaṁ agamaṁsu dhammañca vinayañca saṅgāyituṁ.\nAtha kho therānaṁ bhikkhūnaṁ etadahosi—\n“bhagavatā kho, āvuso, khaṇḍaphullapaṭisaṅkharaṇaṁ vaṇṇitaṁ.\nHanda mayaṁ, āvuso, paṭhamaṁ māsaṁ khaṇḍaphullaṁ paṭisaṅkharoma;\nmajjhimaṁ māsaṁ sannipatitvā dhammañca vinayañca saṅgāyissāmā”ti.\nAtha kho therā bhikkhū paṭhamaṁ māsaṁ khaṇḍaphullaṁ paṭisaṅkhariṁsu."}},{"id":"pli-tv-kd21:1.6","sourceIds":["pli-tv-kd21:1.6.1","pli-tv-kd21:1.6.2","pli-tv-kd21:1.6.3","pli-tv-kd21:1.6.4","pli-tv-kd21:1.6.5","pli-tv-kd21:1.6.6"],"kind":"text","text":{"pi":"Atha kho āyasmā ānando—\n“sve sannipāto na kho metaṁ patirūpaṁ, yohaṁ sekkho samāno sannipātaṁ gaccheyyan”ti—\nbahudeva rattiṁ kāyagatāya satiyā vītināmetvā rattiyā paccūsasamayaṁ “nipajjissāmī”ti kāyaṁ āvajjesi.\nAppattañca sīsaṁ bibbohanaṁ, bhūmito ca pādā muttā.\nEtasmiṁ antare anupādāya āsavehi cittaṁ vimucci.\nAtha kho āyasmā ānando arahā samāno sannipātaṁ agamāsi.","en":"Venerable Ānanda thought,\n“It wouldn’t be proper for me to go to the assembly tomorrow if I’m still a trainee.”\nAfter spending most of the night with mindfulness directed to the body, early in the morning he bent over to lie down.\nIn the interval between his feet coming off the ground and his head hitting the pillow,\nhis mind was freed from the corruptions through letting go.\nAnd Venerable Ānanda went to the assembly as a perfected one."}},{"id":"pli-tv-kd21:1.7","sourceIds":["pli-tv-kd21:1.7.1","pli-tv-kd21:1.7.2","pli-tv-kd21:1.7.3","pli-tv-kd21:1.7.4","pli-tv-kd21:1.7.5","pli-tv-kd21:1.7.6","pli-tv-kd21:1.7.7","pli-tv-kd21:1.7.8","pli-tv-kd21:1.7.9","pli-tv-kd21:1.7.10","pli-tv-kd21:1.7.11","pli-tv-kd21:1.7.12","pli-tv-kd21:1.7.13","pli-tv-kd21:1.7.14","pli-tv-kd21:1.7.15","pli-tv-kd21:1.7.16","pli-tv-kd21:1.7.17","pli-tv-kd21:1.7.18","pli-tv-kd21:1.7.19","pli-tv-kd21:1.7.20","pli-tv-kd21:1.7.21","pli-tv-kd21:1.7.22","pli-tv-kd21:1.7.23","pli-tv-kd21:1.7.24","pli-tv-kd21:1.7.25","pli-tv-kd21:1.7.26","pli-tv-kd21:1.7.27","pli-tv-kd21:1.7.28","pli-tv-kd21:1.7.29","pli-tv-kd21:1.7.30","pli-tv-kd21:1.7.31","pli-tv-kd21:1.7.32","pli-tv-kd21:1.7.33","pli-tv-kd21:1.7.34","pli-tv-kd21:1.7.35","pli-tv-kd21:1.7.36","pli-tv-kd21:1.7.37"],"kind":"text","text":{"pi":"Atha kho āyasmā mahākassapo saṅghaṁ ñāpesi—\n“Suṇātu me, āvuso, saṅgho.\nYadi saṅghassa pattakallaṁ, ahaṁ upāliṁ vinayaṁ puccheyyan”ti.\nĀyasmā upāli saṅghaṁ ñāpesi—\n“Suṇātu me, bhante, saṅgho.\nYadi saṅghassa pattakallaṁ, ahaṁ āyasmatā mahākassapena vinayaṁ puṭṭho vissajjeyyan”ti.\nAtha kho āyasmā mahākassapo āyasmantaṁ upāliṁ etadavoca—\n“paṭhamaṁ, āvuso upāli, pārājikaṁ kattha paññattan”ti?\n“Vesāliyaṁ, bhante”ti.\n“Kaṁ ārabbhā”ti?\n“Sudinnaṁ kalandaputtaṁ ārabbhā”ti.\n“Kismiṁ vatthusmin”ti?\n“Methunadhamme”ti.\nAtha kho āyasmā mahākassapo āyasmantaṁ upāliṁ paṭhamassa pārājikassa vatthumpi pucchi, nidānampi pucchi, puggalampi pucchi, paññattimpi pucchi, anupaññattimpi pucchi, āpattimpi pucchi, anāpattimpi pucchi.\n“Dutiyaṁ panāvuso upāli, pārājikaṁ kattha paññattan”ti?\n“Rājagahe, bhante”ti.\n“Kaṁ ārabbhā”ti?\n“Dhaniyaṁ kumbhakāraputtaṁ ārabbhā”ti.\n“Kismiṁ vatthusmin”ti?\n“Adinnādāne”ti.\nAtha kho āyasmā mahākassapo āyasmantaṁ upāliṁ dutiyassa pārājikassa vatthumpi pucchi, nidānampi pucchi, puggalampi pucchi, paññattimpi pucchi, anupaññattimpi pucchi, āpattimpi pucchi, anāpattimpi pucchi.\n“Tatiyaṁ panāvuso upāli, pārājikaṁ kattha paññattan”ti?\n“Vesāliyaṁ, bhante”ti.\n“Kaṁ ārabbhā”ti?\n“Sambahule bhikkhū ārabbhā”ti.\n“Kismiṁ vatthusmin”ti?\n“Manussaviggahe”ti.\nAtha kho āyasmā mahākassapo āyasmantaṁ upāliṁ tatiyassa pārājikassa vatthumpi pucchi, nidānampi pucchi, puggalampi pucchi, paññattimpi pucchi, anupaññattimpi pucchi, āpattimpi pucchi, anāpattimpi pucchi.\n“Catutthaṁ panāvuso upāli, pārājikaṁ kattha paññattan”ti?\n“Vesāliyaṁ, bhante”ti.\n“Kaṁ ārabbhā”ti?\n“Vaggumudātīriye bhikkhū ārabbhā”ti.\n“Kismiṁ vatthusmin”ti?\n“Uttarimanussadhamme”ti.\nAtha kho āyasmā mahākassapo āyasmantaṁ upāliṁ catutthassa pārājikassa vatthumpi pucchi, nidānampi pucchi, puggalampi pucchi, paññattimpi pucchi, anupaññattimpi pucchi, āpattimpi pucchi, anāpattimpi pucchi.\nEteneva upāyena ubhatovibhaṅge pucchi.\nPuṭṭho puṭṭho āyasmā upāli vissajjesi.","en":"Venerable Mahākassapa then informed the Sangha:\n“Please, venerables, I ask the Sangha to listen.\nIf the Sangha is ready, I will ask Upāli about the Monastic Law.”\nVenerable Upāli informed the Sangha:\n“Please, venerables, I ask the Sangha to listen.\nIf the Sangha is ready, I will reply when asked by Venerable Mahākassapa about the Monastic Law.”\nMahākassapa then asked Upāli,\n“Where was the first offense entailing expulsion laid down?”\n“At Vesālī.”\n“Who is it about?”\n“Sudinna the Kalandian.”\n“What is it about?”\n“Sexual intercourse.”\nMahākassapa also asked Upāli about the topic of the first offense entailing expulsion, about the origin story, about the person, about the rule, about the additions to the rule, about the offense, and about the non-offenses.\n“And where was the second offense entailing expulsion laid down?”\n“At Rājagaha.”\n“Who is it about?”\n“Dhaniya the potter.”\n“What is it about?”\n“Stealing.”\nMahākassapa also asked Upāli about the topic of the second offense entailing expulsion, about the origin story, about the person, about the rule, about the additions to the rule, about the offense, and about the non-offenses.\n“And where was the third offense entailing expulsion laid down?”\n“At Vesālī.”\n“Who is it about?”\n“A number of monks.”\n“What is it about?”\n“Human beings.”\nMahākassapa also asked Upāli about the topic of the third offense entailing expulsion, about the origin story, about the person, about the rule, about the additions to the rule, about the offense, and about the non-offenses.\n“And where was the fourth offense entailing expulsion laid down?”\n“At Vesālī.”\n“Who is it about?”\n“The monks from the banks of the Vaggumudā.”\n“What is it about?”\n“Superhuman qualities.”\nMahākassapa also asked Upāli about the topic of the fourth offense entailing expulsion, about the origin story, about the person, about the rule, about the additions to the rule, about the offense, and about the non-offenses.\nIn this way he asked about the analyses of both Monastic Codes.\nUpāli was able to reply to each and every question."}},{"id":"pli-tv-kd21:1.8","sourceIds":["pli-tv-kd21:1.8.1","pli-tv-kd21:1.8.2","pli-tv-kd21:1.8.3","pli-tv-kd21:1.8.4","pli-tv-kd21:1.8.5","pli-tv-kd21:1.8.6","pli-tv-kd21:1.8.7","pli-tv-kd21:1.8.8","pli-tv-kd21:1.8.9","pli-tv-kd21:1.8.10","pli-tv-kd21:1.8.11","pli-tv-kd21:1.8.12","pli-tv-kd21:1.8.13","pli-tv-kd21:1.8.14","pli-tv-kd21:1.8.15","pli-tv-kd21:1.8.16","pli-tv-kd21:1.8.17","pli-tv-kd21:1.8.18","pli-tv-kd21:1.8.19"],"kind":"text","text":{"pi":"Atha kho āyasmā mahākassapo saṅghaṁ ñāpesi—\n“Suṇātu me, āvuso, saṅgho.\nYadi saṅghassa pattakallaṁ, ahaṁ ānandaṁ dhammaṁ puccheyyan”ti.\nĀyasmā ānando saṅghaṁ ñāpesi—\n“Suṇātu me, bhante, saṅgho.\nYadi saṅghassa pattakallaṁ, ahaṁ āyasmatā mahākassapena dhammaṁ puṭṭho vissajjeyyan”ti.\nAtha kho āyasmā mahākassapo āyasmantaṁ ānandaṁ etadavoca—\n“brahmajālaṁ, āvuso ānanda, kattha bhāsitan”ti?\n“Antarā ca, bhante, rājagahaṁ antarā ca nāḷandaṁ rājāgārake ambalaṭṭhikāyā”ti.\n“Kaṁ ārabbhā”ti?\n“Suppiyañca paribbājakaṁ brahmadattañca māṇavan”ti.\nAtha kho āyasmā mahākassapo āyasmantaṁ ānandaṁ brahmajālassa nidānampi pucchi, puggalampi pucchi.\n“Sāmaññaphalaṁ panāvuso ānanda, kattha bhāsitan”ti?\n“Rājagahe, bhante, jīvakambavane”ti.\n“Kena saddhin”ti?\n“Ajātasattunā vedehiputtena saddhin”ti.\nAtha kho āyasmā mahākassapo āyasmantaṁ ānandaṁ sāmaññaphalassa nidānampi pucchi, puggalampi pucchi.\nEteneva upāyena pañcapi nikāye pucchi.\nPuṭṭho puṭṭho āyasmā ānando vissajjesi.","en":"Venerable Mahākassapa then informed the Sangha:\n“Please, venerables, I ask the Sangha to listen.\nIf the Sangha is ready, I will ask Ānanda about the Teaching.”\nVenerable Ānanda informed the Sangha:\n“Please, venerables, I ask the Sangha to listen.\nIf the Sangha is ready, I will reply when asked by Venerable Mahākassapa about the Teaching.”\nMahākassapa then asked Ānanda,\n“Where was ‘The Supreme Net’ spoken?”\n“At the royal rest-house at Ambalaṭṭhikā, between Rājagaha and Nāḷanda.”\n“Who is it about?”\n“The wanderer Suppiya and the young brahmin Brahmadatta.”\nMahākassapa also asked Ānanda about the origin story of ‘The Supreme Net’ and about the person.\n“Where was ‘The Fruits of the Monastic Life’ spoken?”\n“In Jīvaka’s Mango Grove at Rājagaha.”\n“Who is it with?”\n“Ajātasattu Vedehiputta.”\nMahākassapa also asked Ānanda about the origin story of ‘The Fruits of the Monastic Life’ and about the person.\nIn this way he asked about the five collections.\nĀnanda was able to reply to each and every question."}},{"id":"pli-tv-kd21:1.9","sourceIds":["pli-tv-kd21:1.9.0","pli-tv-kd21:1.9.1","pli-tv-kd21:1.9.2","pli-tv-kd21:1.9.3","pli-tv-kd21:1.9.4","pli-tv-kd21:1.9.5","pli-tv-kd21:1.9.6","pli-tv-kd21:1.9.7","pli-tv-kd21:1.9.8","pli-tv-kd21:1.9.9","pli-tv-kd21:1.9.10","pli-tv-kd21:1.9.11","pli-tv-kd21:1.9.12","pli-tv-kd21:1.9.13","pli-tv-kd21:1.9.14","pli-tv-kd21:1.9.15","pli-tv-kd21:1.9.16","pli-tv-kd21:1.9.17","pli-tv-kd21:1.9.18","pli-tv-kd21:1.9.19","pli-tv-kd21:1.9.20","pli-tv-kd21:1.9.21","pli-tv-kd21:1.9.22","pli-tv-kd21:1.9.23","pli-tv-kd21:1.9.24","pli-tv-kd21:1.9.25","pli-tv-kd21:1.9.26","pli-tv-kd21:1.9.27","pli-tv-kd21:1.9.28","pli-tv-kd21:1.9.29","pli-tv-kd21:1.9.30","pli-tv-kd21:1.9.31","pli-tv-kd21:1.9.32","pli-tv-kd21:1.9.33","pli-tv-kd21:1.9.34","pli-tv-kd21:1.9.35","pli-tv-kd21:1.9.36","pli-tv-kd21:1.9.37","pli-tv-kd21:1.9.38","pli-tv-kd21:1.9.39","pli-tv-kd21:1.9.40","pli-tv-kd21:1.9.41","pli-tv-kd21:1.9.42","pli-tv-kd21:1.9.43"],"kind":"text","text":{"pi":"2. Khuddānukhuddakasikkhāpadakathā\nAtha kho āyasmā ānando there bhikkhū etadavoca—\n“bhagavā maṁ, bhante, parinibbānakāle evamāha—\n‘ākaṅkhamāno, ānanda, saṅgho mamaccayena khuddānukhuddakāni sikkhāpadāni samūhaneyyā’”ti.\n“Pucchi pana tvaṁ, āvuso ānanda, bhagavantaṁ—\n‘katamāni pana, bhante, khuddānukhuddakāni sikkhāpadānī’”ti?\n“Na khohaṁ, bhante, bhagavantaṁ pucchiṁ—\n‘katamāni pana, bhante, khuddānukhuddakāni sikkhāpadānī’”ti.\nEkacce therā evamāhaṁsu—\n“cattāri pārājikāni ṭhapetvā, avasesāni khuddānukhuddakāni sikkhāpadānī”ti.\nEkacce therā evamāhaṁsu—\n“cattāri pārājikāni ṭhapetvā, terasa saṅghādisese ṭhapetvā, avasesāni khuddānukhuddakāni sikkhāpadānī”ti.\nEkacce therā evamāhaṁsu—\n“cattāri pārājikāni ṭhapetvā, terasa saṅghādisese ṭhapetvā, dve aniyate ṭhapetvā, avasesāni khuddānukhuddakāni sikkhāpadānī”ti.\nEkacce therā evamāhaṁsu—\n“cattāri pārājikāni ṭhapetvā, terasa saṅghādisese ṭhapetvā, dve aniyate ṭhapetvā, tiṁsa nissaggiye pācittiye ṭhapetvā, avasesāni khuddānukhuddakāni sikkhāpadānī”ti.\nEkacce therā evamāhaṁsu—\n“cattāri pārājikāni ṭhapetvā, terasa saṅghādisese ṭhapetvā, dve aniyate ṭhapetvā, tiṁsa nissaggiye pācittiye ṭhapetvā, dvenavuti pācittiye ṭhapetvā, avasesāni khuddānukhuddakāni sikkhāpadānī”ti.\nEkacce therā evamāhaṁsu—\n“cattāri pārājikāni ṭhapetvā, terasa saṅghādisese ṭhapetvā, dve aniyate ṭhapetvā, tiṁsa nissaggiye pācittiye ṭhapetvā, dvenavuti pācittiye ṭhapetvā, cattāro pāṭidesanīye ṭhapetvā, avasesāni khuddānukhuddakāni sikkhāpadānī”ti.\nAtha kho āyasmā mahākassapo saṅghaṁ ñāpesi—\n“Suṇātu me, āvuso, saṅgho.\nSantamhākaṁ sikkhāpadāni gihigatāni.\nGihinopi jānanti—\n‘idaṁ vo samaṇānaṁ sakyaputtiyānaṁ kappati, idaṁ vo na kappatī’ti.\nSace mayaṁ khuddānukhuddakāni sikkhāpadāni samūhanissāma, bhavissanti vattāro—\n‘dhūmakālikaṁ samaṇena gotamena sāvakānaṁ sikkhāpadaṁ paññattaṁ.\nYāvimesaṁ satthā aṭṭhāsi tāvime sikkhāpadesu sikkhiṁsu.\nYato imesaṁ satthā parinibbuto, na dānime sikkhāpadesu sikkhantī’ti.\nYadi saṅghassa pattakallaṁ, saṅgho apaññattaṁ nappaññapeyya, paññattaṁ na samucchindeyya, yathāpaññattesu sikkhāpadesu samādāya vatteyya.\nEsā ñatti.\nSuṇātu me, āvuso, saṅgho.\nSantamhākaṁ sikkhāpadāni gihigatāni.\nGihinopi jānanti—\n‘idaṁ vo samaṇānaṁ sakyaputtiyānaṁ kappati, idaṁ vo na kappatī’ti.\nSace mayaṁ khuddānukhuddakāni sikkhāpadāni samūhanissāma, bhavissanti vattāro—\n‘dhūmakālikaṁ samaṇena gotamena sāvakānaṁ sikkhāpadaṁ paññattaṁ.\nYāvimesaṁ satthā aṭṭhāsi tāvime sikkhāpadesu sikkhiṁsu.\nYato imesaṁ satthā parinibbuto, na dānime sikkhāpadesu sikkhantī’ti.\nSaṅgho apaññattaṁ nappaññapeti, paññattaṁ na samucchindati, yathāpaññattesu sikkhāpadesu samādāya vattati.\nYassāyasmato khamati apaññattassa appaññāpanā, paññattassa asamucchedo, yathāpaññattesu sikkhāpadesu samādāya vattanā, so tuṇhassa;\nyassa nakkhamati, so bhāseyya.\nSaṅgho apaññattaṁ nappaññapeti, paññattaṁ na samucchindati, yathāpaññattesu sikkhāpadesu samādāya vattati.\nKhamati saṅghassa, tasmā tuṇhī, evametaṁ dhārayāmī”ti.","en":"2. Discussion of the minor training rules\nĀnanda said to the senior monks,\n“At the time of his final extinguishment, the Buddha said to me,\n‘After my passing away, Ānanda, if the Sangha wishes, it may abolish the minor training rules.’”\n“But, Ānanda, did you ask the Buddha\nwhat the minor training rules are?”\n“No, sirs, I didn’t.”\nSome senior monks said,\n“Apart from the four rules entailing expulsion, the rest are the minor training rules.”\nOthers said,\n“Apart from the four rules entailing expulsion and the thirteen rules entailing suspension, the rest are the minor training rules.”\nStill others said,\n“Apart from the four rules entailing expulsion, the thirteen rules entailing suspension, and the two undetermined rules, the rest are the minor training rules.”\nStill others said,\n“Apart from the four rules entailing expulsion, the thirteen rules entailing suspension, the two undetermined rules, and the thirty rules entailing relinquishment and confession, the rest are the minor training rules.”\nStill others said,\n“Apart from the four rules entailing expulsion, the thirteen rules entailing suspension, the two undetermined rules, the thirty rules entailing relinquishment and confession, and the ninety-two rules entailing confession, the rest are the minor training rules.”\nStill others said,\n“Apart from the four rules entailing expulsion, the thirteen rules entailing suspension, the two undetermined rules, the thirty rules entailing relinquishment and confession, the ninety-two rules entailing confession, and the four rules entailing acknowledgment, the rest are the minor training rules.”\nThen Venerable Mahākassapa informed the Sangha:\n“Please, venerables, I ask the Sangha to listen.\nWe have training rules that relate to householders.\nThe householders know\nwhat is allowable for us and what is not allowable.\nIf we abolish the minor training rules, some people will say,\n‘The ascetic Gotama laid down training rules for his disciples until the time of his death.\nBut they practice the training rules only as long as their teacher is alive.\nSince their teacher has now attained final extinguishment, they no longer practice them.’\nIf the Sangha is ready, it shouldn’t lay down new rules, nor get rid of existing rules, and it should undertake to practice the training rules as they are.\nThis is the motion.\nPlease, venerables, I ask the Sangha to listen.\nWe have training rules that relate to householders.\nThe householders know\nwhat is allowable for us and what is not allowable.\nIf we abolish the minor training rules, some people will say,\n‘The ascetic Gotama laid down training rules for his disciples until the time of his death.\nBut they practice the training rules only as long as their teacher is alive.\nSince their teacher has now attained final extinguishment, they no longer practice them.’\nThe Sangha doesn’t lay down new rules, nor get rid of existing rules, and it undertakes to practice the training rules as they are.\nAny monk who approves of not laying down new rules, nor of getting rid of existing rules, and of undertaking to practice the training rules as they are should remain silent.\nAny monk who doesn’t approve should speak up.\nThe Sangha doesn’t lay down new rules, nor get rid of the existing rules, and it undertakes to practice the training rules as they are.\nThe Sangha approves and is therefore silent. I will remember it thus.”"}},{"id":"pli-tv-kd21:1.10","sourceIds":["pli-tv-kd21:1.10.1","pli-tv-kd21:1.10.2","pli-tv-kd21:1.10.3","pli-tv-kd21:1.10.4","pli-tv-kd21:1.10.5","pli-tv-kd21:1.10.6","pli-tv-kd21:1.10.7","pli-tv-kd21:1.10.8","pli-tv-kd21:1.10.9","pli-tv-kd21:1.10.10","pli-tv-kd21:1.10.11","pli-tv-kd21:1.10.12","pli-tv-kd21:1.10.13","pli-tv-kd21:1.10.14","pli-tv-kd21:1.10.15","pli-tv-kd21:1.10.16","pli-tv-kd21:1.10.17","pli-tv-kd21:1.10.18","pli-tv-kd21:1.10.19","pli-tv-kd21:1.10.20","pli-tv-kd21:1.10.21","pli-tv-kd21:1.10.22","pli-tv-kd21:1.10.23"],"kind":"text","text":{"pi":"Atha kho therā bhikkhū āyasmantaṁ ānandaṁ etadavocuṁ—\n“idaṁ te, āvuso ānanda, dukkaṭaṁ, yaṁ tvaṁ bhagavantaṁ na pucchi—‘katamāni pana, bhante, khuddānukhuddakāni sikkhāpadānī’ti.\nDesehi taṁ dukkaṭan”ti.\n“Ahaṁ kho, bhante, assatiyā bhagavantaṁ na pucchiṁ—‘katamāni pana, bhante, khuddānukhuddakāni sikkhāpadānī’ti.\nNāhaṁ taṁ dukkaṭaṁ passāmi, api cāyasmantānaṁ saddhāya desemi taṁ dukkaṭan”ti.\n“Idampi te, āvuso ānanda, dukkaṭaṁ, yaṁ tvaṁ bhagavato vassikasāṭikaṁ akkamitvā sibbesi.\nDesehi taṁ dukkaṭan”ti.\n“Ahaṁ kho, bhante, na agāravena bhagavato vassikasāṭikaṁ akkamitvā sibbesiṁ.\nNāhaṁ taṁ dukkaṭaṁ passāmi, api cāyasmantānaṁ saddhāya desemi taṁ dukkaṭan”ti.\n“Idampi te, āvuso ānanda, dukkaṭaṁ, yaṁ tvaṁ mātugāmehi bhagavato sarīraṁ paṭhamaṁ vandāpesi, tāsaṁ rodantīnaṁ bhagavato sarīraṁ assukena makkhitaṁ.\nDesehi taṁ dukkaṭan”ti.\n“Ahaṁ kho, bhante—māyimāsaṁ vikāle ahesunti—mātugāmehi bhagavato sarīraṁ paṭhamaṁ vandāpesiṁ.\nNāhaṁ taṁ dukkaṭaṁ passāmi, api cāyasmantānaṁ saddhāya desemi taṁ dukkaṭan”ti.\n“Idampi te, āvuso ānanda, dukkaṭaṁ, yaṁ tvaṁ bhagavatā oḷārike nimitte kayiramāne, oḷārike obhāse kayiramāne, na bhagavantaṁ yāci—\n‘tiṭṭhatu bhagavā kappaṁ, tiṭṭhatu sugato kappaṁ, bahujanahitāya bahujanasukhāya lokānukampāya atthāya hitāya sukhāya devamanussānan’ti.\nDesehi taṁ dukkaṭan”ti.\n“Ahaṁ kho, bhante, mārena pariyuṭṭhitacitto na bhagavantaṁ yāciṁ—\n‘tiṭṭhatu bhagavā kappaṁ, tiṭṭhatu sugato kappaṁ, bahujanahitāya bahujanasukhāya lokānukampāya atthāya hitāya sukhāya devamanussānan’ti.\nNāhaṁ taṁ dukkaṭaṁ passāmi, api cāyasmantānaṁ saddhāya desemi taṁ dukkaṭan”ti.\n“Idampi te, āvuso ānanda, dukkaṭaṁ yaṁ tvaṁ mātugāmassa tathāgatappavedite dhammavinaye pabbajjaṁ ussukkaṁ akāsi.\nDesehi taṁ dukkaṭan”ti.\n“Ahaṁ kho, bhante, ayaṁ mahāpajāpati gotamī bhagavato mātucchā āpādikā posikā khīrassa dāyikā bhagavantaṁ janettiyā kālaṅkatāya thaññaṁ pāyesīti mātugāmassa tathāgatappavedite dhammavinaye pabbajjaṁ ussukkaṁ akāsiṁ.\nNāhaṁ taṁ dukkaṭaṁ passāmi, api cāyasmantānaṁ saddhāya desemi taṁ dukkaṭan”ti.","en":"The senior monks then said,\n“You have committed an act of wrong conduct, Ānanda, in that you didn’t ask the Buddha what the minor training rules are.\nPlease confess that wrong conduct.”\n“It was because of lack of mindfulness that I didn’t ask.\nI can’t see that I have committed any wrong conduct, but I’ll confess it out of faith in the venerables.”\n“You have also committed an act of wrong conduct in that you stepped on the Buddha’s rainy-season robe while you were sewing it.\nPlease confess that wrong conduct.”\n“I didn’t step on it because of disrespect.\nI can’t see that I’ve committed any wrong conduct, but I’ll confess it out of faith in the venerables.”\n“You have also committed an act of wrong conduct in that you first had women pay respect to the Buddha’s dead body. They soiled the Buddha’s body with tears.\nPlease confess that wrong conduct.”\n“I did this so that it wouldn’t get too late for them.\nI can’t see that I’ve committed any wrong conduct, but I’ll confess it out of faith in the venerables.”\n“You have also committed an act of wrong conduct in that you didn’t ask the Buddha, even when he gave you a broad hint,\nto live on for an eon—for the benefit and happiness of humanity, out of compassion for the world, for the good, benefit, and happiness of gods and humans.\nPlease confess that wrong conduct.”\n“I didn’t ask because my mind was possessed by the Lord of Death.\nI can’t see that I’ve committed any wrong conduct, but I’ll confess it out of faith in the venerables.”\n“You have also committed an act of wrong conduct in that you made an effort for women to be given the going forth on the spiritual path proclaimed by the Buddha.\nPlease confess that wrong conduct.”\n“I made this effort because Mahāpajāpati Gotamī was the Buddha’s aunt who nurtured him, brought him up, and breastfed him when his own mother died.\nI can’t see that I’ve committed any wrong conduct, but I’ll confess it out of faith in the venerables.”"}},{"id":"pli-tv-kd21:1.11","sourceIds":["pli-tv-kd21:1.11.1","pli-tv-kd21:1.11.2","pli-tv-kd21:1.11.3","pli-tv-kd21:1.11.4","pli-tv-kd21:1.11.5","pli-tv-kd21:1.11.6","pli-tv-kd21:1.11.7"],"kind":"text","text":{"pi":"Tena kho pana samayena āyasmā purāṇo dakkhiṇāgirismiṁ cārikaṁ carati mahatā bhikkhusaṅghena saddhiṁ pañcamattehi bhikkhusatehi.\nAtha kho āyasmā purāṇo therehi bhikkhūhi dhamme ca vinaye ca saṅgīte dakkhiṇāgirismiṁ yathābhirantaṁ viharitvā yena rājagahaṁ yena veḷuvanaṁ kalandakanivāpo yena therā bhikkhū tenupasaṅkami, upasaṅkamitvā therehi bhikkhūhi saddhiṁ paṭisammoditvā ekamantaṁ nisīdi.\nEkamantaṁ nisinnaṁ kho āyasmantaṁ purāṇaṁ therā bhikkhū etadavocuṁ—\n“therehi, āvuso purāṇa, dhammo ca vinayo ca saṅgīto.\nUpehi taṁ saṅgītin”ti.\n“Susaṅgītāvuso, therehi dhammo ca vinayo ca.\nApi ca yatheva mayā bhagavato sammukhā sutaṁ, sammukhā paṭiggahitaṁ, tathevāhaṁ dhāressāmī”ti.","en":"At that time Venerable Purāṇa was wandering in the Southern Hills with a large sangha of five hundred monks.\nSoon the senior monks had concluded the communal recitation of the Teaching and the Monastic Law. Then, when Purāṇa had stayed in the Southern Hills for as long as he liked, he went to the Bamboo Grove at Rājagaha. There he went up to the senior monks, exchanged pleasantries with them, and sat down.\nAnd they said to him,\n“Purāṇa, the senior monks have recited the Teaching and the Monastic Law.\nPlease accept that communal recitation.”\n“The Teaching and the Monastic Law have been well-recited by the senior monks.\nNevertheless, I’ll remember what I myself have received from the Buddha.”"}},{"id":"pli-tv-kd21:1.12","sourceIds":["pli-tv-kd21:1.12.0","pli-tv-kd21:1.12.1","pli-tv-kd21:1.12.2","pli-tv-kd21:1.12.3","pli-tv-kd21:1.12.4","pli-tv-kd21:1.12.5","pli-tv-kd21:1.12.6","pli-tv-kd21:1.12.7","pli-tv-kd21:1.12.8","pli-tv-kd21:1.12.9","pli-tv-kd21:1.12.10","pli-tv-kd21:1.12.11","pli-tv-kd21:1.12.12","pli-tv-kd21:1.12.13"],"kind":"text","text":{"pi":"3. Brahmadaṇḍakathā\nAtha kho āyasmā ānando there bhikkhū etadavoca—\n“bhagavā maṁ, bhante, parinibbānakāle evamāha—\n‘tena hānanda, saṅgho mamaccayena channassa bhikkhuno brahmadaṇḍaṁ āṇāpetū’”ti.\n“Pucchi pana tvaṁ, āvuso ānanda, bhagavantaṁ—\n‘katamo pana, bhante, brahmadaṇḍo’”ti?\n“Pucchiṁ khohaṁ, bhante, bhagavantaṁ—\n‘katamo pana, bhante, brahmadaṇḍo’ti?\n‘Channo, ānanda, bhikkhu yaṁ iccheyya taṁ vadeyya.\nBhikkhūhi channo bhikkhu neva vattabbo, na ovaditabbo, nānusāsitabbo’”ti.\n“Tena hāvuso ānanda, tvaṁyeva channassa bhikkhuno brahmadaṇḍaṁ āṇāpehī”ti.\n“Kathāhaṁ, bhante, channassa bhikkhuno brahmadaṇḍaṁ āṇāpemi, caṇḍo so bhikkhu pharuso”ti?\n“Tena hāvuso ānanda, bahukehi bhikkhūhi saddhiṁ gacchāhī”ti.\n“Evaṁ, bhante”ti kho āyasmā ānando therānaṁ bhikkhūnaṁ paṭissutvā mahatā bhikkhusaṅghena saddhiṁ pañcamattehi bhikkhusatehi nāvāya ujjavanikāya kosambiṁ ujjavi, nāvāya paccorohitvā rañño udenassa uyyānassa avidūre aññatarasmiṁ rukkhamūle nisīdi.","en":"3. Discussion of the supreme penalty\nVenerable Ānanda said to the senior monks,\n“At the time of his final extinguishment, the Buddha said to me,\n‘After my passing away, Ānanda, the Sangha should impose the supreme penalty on the monk Channa.’”\n“Did you ask the Buddha\nwhat the supreme penalty is?”\n“I did,\nand he replied, ‘Whatever Channa says,\nthe monks shouldn’t correct him, instruct him, or teach him.’”\n“Well then, Ānanda, impose the supreme penalty on Channa.”\n“But how should I do it? Channa is temperamental and harsh.”\n“Go together with many monks.”\nSaying, “Yes, venerables,” he traveled by boat upstream to Kosambī with a large sangha of five hundred monks. After disembarking, he sat down at the foot of a tree not far from King Udena’s park."}},{"id":"pli-tv-kd21:1.13","sourceIds":["pli-tv-kd21:1.13.1","pli-tv-kd21:1.13.2","pli-tv-kd21:1.13.3","pli-tv-kd21:1.13.4","pli-tv-kd21:1.13.5","pli-tv-kd21:1.13.6","pli-tv-kd21:1.13.7","pli-tv-kd21:1.13.8","pli-tv-kd21:1.13.9","pli-tv-kd21:1.13.10","pli-tv-kd21:1.13.11"],"kind":"text","text":{"pi":"Tena kho pana samayena rājā udeno uyyāne paricāresi saddhiṁ orodhena.\nAssosi kho rañño udenassa orodho—\n“amhākaṁ kira ācariyo ayyo ānando uyyānassa avidūre aññatarasmiṁ rukkhamūle nisinno”ti.\nAtha kho rañño udenassa orodho rājānaṁ udenaṁ etadavoca—\n“amhākaṁ kira, deva, ācariyo ayyo ānando uyyānassa avidūre aññatarasmiṁ rukkhamūle nisinno.\nIcchāma mayaṁ, deva, ayyaṁ ānandaṁ passitun”ti.\n“Tena hi tumhe samaṇaṁ ānandaṁ passathā”ti.\nAtha kho rañño udenassa orodho yenāyasmā ānando tenupasaṅkami, upasaṅkamitvā āyasmantaṁ ānandaṁ abhivādetvā ekamantaṁ nisīdi.\nEkamantaṁ nisinnaṁ kho rañño udenassa orodhaṁ āyasmā ānando dhammiyā kathāya sandassesi samādapesi samuttejesi sampahaṁsesi.\nAtha kho rañño udenassa orodho āyasmatā ānandena dhammiyā kathāya sandassito samādapito samuttejito sampahaṁsito āyasmato ānandassa pañca uttarāsaṅgasatāni pādāsi.\nAtha kho rañño udenassa orodho āyasmato ānandassa bhāsitaṁ abhinanditvā anumoditvā uṭṭhāyāsanā āyasmantaṁ ānandaṁ abhivādetvā padakkhiṇaṁ katvā yena rājā udeno tenupasaṅkami.","en":"Just then King Udena was enjoying himself in the park together with his harem.\nThe harem women heard\nthat their teacher, Venerable Ānanda, was seated at the foot of a tree not far from the park.\nThey told the king,\nadding, “Sir, we would like to see Venerable Ānanda.”\n“Well then, go ahead.”\nThe harem women then went to Ānanda, bowed, and sat down.\nAnd Ānanda instructed, inspired, and gladdened them with a teaching,\nat the end of which they gave him five hundred upper robes.\nAfter rejoicing and expressing their appreciation for his teaching, they got up from their seats, bowed down, circumambulated him with their right sides toward him, and went to King Udena."}},{"id":"pli-tv-kd21:1.14","sourceIds":["pli-tv-kd21:1.14.1","pli-tv-kd21:1.14.2","pli-tv-kd21:1.14.3","pli-tv-kd21:1.14.4","pli-tv-kd21:1.14.5","pli-tv-kd21:1.14.6","pli-tv-kd21:1.14.7","pli-tv-kd21:1.14.8","pli-tv-kd21:1.14.9","pli-tv-kd21:1.14.10","pli-tv-kd21:1.14.11","pli-tv-kd21:1.14.12","pli-tv-kd21:1.14.13","pli-tv-kd21:1.14.14","pli-tv-kd21:1.14.15","pli-tv-kd21:1.14.16","pli-tv-kd21:1.14.17","pli-tv-kd21:1.14.18","pli-tv-kd21:1.14.19","pli-tv-kd21:1.14.20","pli-tv-kd21:1.14.21","pli-tv-kd21:1.14.22","pli-tv-kd21:1.14.23","pli-tv-kd21:1.14.24","pli-tv-kd21:1.14.25","pli-tv-kd21:1.14.26","pli-tv-kd21:1.14.27","pli-tv-kd21:1.14.28","pli-tv-kd21:1.14.29","pli-tv-kd21:1.14.30","pli-tv-kd21:1.14.31","pli-tv-kd21:1.14.32","pli-tv-kd21:1.14.33"],"kind":"text","text":{"pi":"Addasā kho rājā udeno orodhaṁ dūratova āgacchantaṁ.\nDisvāna orodhaṁ etadavoca—\n“api nu kho tumhe samaṇaṁ ānandaṁ passitthā”ti?\n“Apassimhā kho mayaṁ, deva, ayyaṁ ānandan”ti.\n“Api nu tumhe samaṇassa ānandassa kiñci adatthā”ti?\n“Adamhā kho mayaṁ, deva, ayyassa ānandassa pañca uttarāsaṅgasatānī”ti.\nRājā udeno ujjhāyati khiyyati vipāceti—\n“kathañhi nāma samaṇo ānando tāva bahuṁ cīvaraṁ paṭiggahessati.\nDussavāṇijjaṁ vā samaṇo ānando karissati, paggāhikasālaṁ vā pasāressatī”ti.\nAtha kho rājā udeno yenāyasmā ānando tenupasaṅkami, upasaṅkamitvā āyasmatā ānandena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi.\nEkamantaṁ nisinno kho rājā udeno āyasmantaṁ ānandaṁ etadavoca—\n“āgamā nu khvidha, bho ānanda, amhākaṁ orodho”ti?\n“Āgamāsi kho te idha, mahārāja, orodho”ti.\n“Api pana bhoto ānandassa kiñci adāsī”ti?\n“Adāsi kho me, mahārāja, pañca uttarāsaṅgasatānī”ti.\n“Kiṁ pana bhavaṁ ānando tāva bahuṁ cīvaraṁ karissatī”ti?\n“Ye te, mahārāja, bhikkhū dubbalacīvarā tehi saddhiṁ saṁvibhajissāmī”ti.\n“Yāni kho pana, bho ānanda, porāṇakāni dubbalacīvarāni tāni kathaṁ karissathā”ti?\n“Tāni, mahārāja, uttarattharaṇaṁ karissāmā”ti.\n“Yāni pana, bho ānanda, porāṇakāni uttarattharaṇāni tāni kathaṁ karissathā”ti?\n“Tāni, mahārāja, bhisicchaviyo karissāmā”ti.\n“Yā pana, bho ānanda, porāṇakā bhisicchaviyo tā kathaṁ karissathā”ti?\n“Tā, mahārāja, bhūmattharaṇaṁ karissāmā”ti.\n“Yāni pana, bho ānanda, porāṇakāni bhūmattharaṇāni tāni kathaṁ karissathā”ti?\n“Tāni, mahārāja, pādapuñchaniyo karissāmā”ti.\n“Yā pana, bho ānanda, porāṇakā pādapuñchaniyo tā kathaṁ karissathā”ti?\n“Tā, mahārāja, rajoharaṇaṁ karissāmā”ti.\n“Yāni pana, bho ānanda, porāṇakāni rajoharaṇāni tāni kathaṁ karissathā”ti?\n“Tāni, mahārāja, koṭṭetvā cikkhallena madditvā paribhaṇḍaṁ limpissāmā”ti.\nAtha kho rājā udeno—“sabbevime samaṇā sakyaputtiyā yoniso upanenti, na kulavaṁ gamentī”ti—\nāyasmato ānandassa aññānipi pañca dussasatāni pādāsi.\nAyañcarahi āyasmato ānandassa paṭhamaṁ cīvarabhikkhā uppajji cīvarasahassaṁ.","en":"When King Udena saw them coming,\nhe said to them,\n“Did you see the ascetic Ānanda?”\n“We did.”\n“Did you give him anything?”\n“We gave him five hundred upper robes.”\nKing Udena complained and criticized him,\n“How can the ascetic Ānanda receive so many robes?\nIs he starting up as cloth merchant or setting up shop?”\nKing Udena then went to Ānanda, exchanged pleasantries with him,\nsat down,\nand said,\n“Sir Ānanda, did our harem women come here?”\n“They did.”\n“Did they give you anything?”\n“They gave me five hundred upper robes.”\n“But what will you do with five hundred robes?”\n“I’ll share them with those monks whose robes are worn out.”\n“And what will you do with the worn out robes?”\n“We’ll make them into bedspreads.”\n“And what will you do with the old bedspreads?”\n“We’ll make them into mattress covers.”\n“And what will you do with the old mattress covers?”\n“We’ll make them into floor covers.”\n“And what will you do with the old floor covers?”\n“We’ll make them into doormats.”\n“And what will you do with the old doormats?”\n“We’ll make them into dustcloths.”\n“And what will you do with the old dustcloths?”\n“We’ll cut them up, mix them with mud, and smear the floors.”\nKing Udena thought, “These Sakyan monastics are clever at putting things to use; nothing is wasted,”\nand he gave another five hundred pieces of cloth to Ānanda.\nTogether with the first offering of robes, Ānanda was given a total of one thousand robes."}},{"id":"pli-tv-kd21:1.15","sourceIds":["pli-tv-kd21:1.15.1","pli-tv-kd21:1.15.2","pli-tv-kd21:1.15.3","pli-tv-kd21:1.15.4","pli-tv-kd21:1.15.5","pli-tv-kd21:1.15.6","pli-tv-kd21:1.15.7","pli-tv-kd21:1.15.8","pli-tv-kd21:1.15.9","pli-tv-kd21:1.15.10","pli-tv-kd21:1.15.11","pli-tv-kd21:1.15.12","pli-tv-kd21:1.15.13","pli-tv-kd21:1.15.14","pli-tv-kd21:1.15.15","pli-tv-kd21:1.15.16"],"kind":"text","text":{"pi":"Atha kho āyasmā ānando yena ghositārāmo tenupasaṅkami, upasaṅkamitvā paññatte āsane nisīdi.\nAtha kho āyasmā channo yenāyasmā ānando tenupasaṅkami, upasaṅkamitvā āyasmantaṁ ānandaṁ abhivādetvā ekamantaṁ nisīdi.\nEkamantaṁ nisinnaṁ kho āyasmantaṁ channaṁ āyasmā ānando etadavoca—\n“saṅghena te, āvuso channa, brahmadaṇḍo āṇāpito”ti.\n“Katamo pana, bhante ānanda, brahmadaṇḍo āṇāpito”ti?\n“Tvaṁ, āvuso channa, bhikkhū yaṁ iccheyyāsi taṁ vadeyyāsi.\nBhikkhūhi tvaṁ neva vattabbo, na ovaditabbo, nānusāsitabbo”ti.\n“Nanvāhaṁ, bhante ānanda, hato ettāvatā, yatohaṁ bhikkhūhi neva vattabbo, na ovaditabbo, nānusāsitabbo”ti tattheva mucchito papato.\nAtha kho āyasmā channo brahmadaṇḍena aṭṭīyamāno harāyamāno jigucchamāno eko vūpakaṭṭho appamatto ātāpī pahitatto viharanto nacirasseva—\nyassatthāya kulaputtā sammadeva agārasmā anagāriyaṁ pabbajanti, tadanuttaraṁ—\nbrahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihāsi.\n“Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā”ti abbhaññāsi.\nAññataro ca panāyasmā channo arahataṁ ahosi.\nAtha kho āyasmā channo arahattaṁ patto yenāyasmā ānando tenupasaṅkami, upasaṅkamitvā āyasmantaṁ ānandaṁ etadavoca—\n“paṭippassambhehi dāni me, bhante ānanda, brahmadaṇḍan”ti.\n“Yadaggena tayā, āvuso channa, arahattaṁ sacchikataṁ tadaggena te brahmadaṇḍo paṭippassaddho”ti.","en":"Ānanda then went to Ghosita’s Monastery where he sat down on the prepared seat.\nVenerable Channa went up to Ānanda, bowed, and sat down.\nAnd Ānanda said,\n“Channa, the Sangha has imposed the supreme penalty on you.”\n“What’s the supreme penalty?”\n“Whatever you say to the monks,\nthe monks shouldn’t correct you, instruct you, or teach you.”\nExclaiming, “I’m ruined!” he fainted right there.\nBeing troubled, ashamed, and disgusted by the supreme penalty, Channa stayed by himself, secluded, heedful, energetic, and diligent.\nAnd in this very life, he soon realized with his own insight the supreme goal of the spiritual life for which gentlemen rightly go forth into homelessness.\nHe understood that birth had come to an end, that the spiritual life had been fulfilled, that the job had been done, that there was no further state of existence.\nVenerable Channa became one of the perfected ones.\nHe then went to Ānanda and said,\n“Venerable Ānanda, please lift the supreme penalty.”\n“The supreme penalty was lifted the moment you realized perfection.”"}},{"id":"pli-tv-kd21:1.16","sourceIds":["pli-tv-kd21:1.16.1","pli-tv-kd21:1.16.2","pli-tv-kd21:1.16.3","pli-tv-kd21:1.16.4","pli-tv-kd21:1.16.5","pli-tv-kd21:1.16.6","pli-tv-kd21:1.16.7","pli-tv-kd21:1.16.8","pli-tv-kd21:1.16.9","pli-tv-kd21:1.16.10","pli-tv-kd21:1.16.11","pli-tv-kd21:1.16.12","pli-tv-kd21:1.16.13","pli-tv-kd21:1.16.14","pli-tv-kd21:1.16.15","pli-tv-kd21:1.16.16","pli-tv-kd21:1.16.17","pli-tv-kd21:1.16.18","pli-tv-kd21:1.16.19","pli-tv-kd21:1.16.20","pli-tv-kd21:1.16.21","pli-tv-kd21:1.16.22","pli-tv-kd21:1.16.23","pli-tv-kd21:1.16.24","pli-tv-kd21:1.16.25","pli-tv-kd21:1.16.26","pli-tv-kd21:1.16.27","pli-tv-kd21:1.16.28","pli-tv-kd21:1.16.29","pli-tv-kd21:1.16.30","pli-tv-kd21:1.16.31","pli-tv-kd21:1.16.32","pli-tv-kd21:1.16.33","pli-tv-kd21:1.16.34","pli-tv-kd21:1.16.35","pli-tv-kd21:1.16.36","pli-tv-kd21:1.16.37","pli-tv-kd21:1.16.38","pli-tv-kd21:1.16.39"],"kind":"text","text":{"pi":"Imāya kho pana vinayasaṅgītiyā pañca bhikkhusatāni anūnāni anadhikāni ahesuṁ.\nTasmā ayaṁ vinayasaṅgīti “pañcasatikā”ti vuccatīti.\nPañcasatikakkhandhako ekādasamo. Imamhi khandhake vatthū tevīsati.\nTassuddānaṁ\nParinibbute sambuddhe,\nthero kassapasavhayo;\nĀmantayi bhikkhugaṇaṁ,\nsaddhammamanupālako.\nPāvāyaddhānamaggamhi,\nsubhaddena paveditaṁ;\nSaṅgāyissāma saddhammaṁ,\nadhammo pure dippati.\nEkenūna pañcasataṁ,\nānandampi ca uccini;\nDhammavinayasaṅgītiṁ,\nvasanto guhamuttame.\nUpāliṁ vinayaṁ pucchi,\nsuttantānandapaṇḍitaṁ;\nPiṭakaṁ tīṇi saṅgītiṁ,\nakaṁsu jinasāvakā.\nKhuddānukhuddake nānā,\nyathāpaññattivattanā;\nNa pucchi akkamitvāna,\nvandāpesi na yāci ca.\nPabbajjaṁ mātugāmassa,\nsaddhāya dukkaṭāni me;\nPurāṇo brahmadaṇḍañca,\norodho udenena saha.\nTāva bahu dubbalañca,\nuttarattharaṇā bhisi;\nBhūmattharaṇā puñchaniyo,\nrajo cikkhallamaddanā.\nSahassacīvaraṁ uppajji,\npaṭhamānandasavhayo;\nTajjito brahmadaṇḍena,\ncatussaccaṁ apāpuṇi;\nVasībhūtā pañcasatā,\ntasmā pañcasatī iti.\nPañcasatikakkhandhako niṭṭhito.","en":"At this communal recitation of the Monastic Law there were five hundred monks, neither more nor less.\nThis is why this communal recitation is called “The group of five hundred”.\nThe eleventh chapter on the first council is finished. In this chapter there are twenty-three topics.\nThis is the summary:\n“When the Buddha had attained extinguishment,\nThe senior monk called Kassapa;\nAddressed the community of monks,\nGuarding the true Teaching.\nOn the way from Pāvā,\nSubhadda declared;\nWe will recite the true Teaching,\nBefore what is contrary to the Teaching shines forth.\nFour hundred and ninety-nine,\nAnd he also invited Ānanda;\nCommunal recitation of the Teaching and the Monastic Law,\nStaying in the best of caves.\nHe asked Upāli about the Monastic Law,\nAnd the wise Ānanda about the discourses;\nCommunal recitation of the three Collections,\nWas done by the disciples of the Victor.\nThe various minor rules,\nWere continued as laid down;\nHe did not ask, having stepped on,\nHad pay respect, and did not ask.\nThe going forth of women,\nWrong conduct for me out of faith;\nPurāṇa, and the supreme penalty,\nHarem with Udena.\nSo many, and worn out,\nBedspreads, mattress;\nFloor covers, doormats,\nDustcloth, mixed with mud.\nHe got one thousand robes,\nWith the first, the one called Ānanda;\nFrightened by the supreme punishment,\nAcquired the four truths;\nMastered by the five hundred,\nTherefore it was ‘the group of five hundred’.”\nThe chapter on the first council is finished."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-kd21/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}