{"id":"sn11.23","title":"The Sambari Sorcery","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn11.23","title":"The Sambari Sorcery","units":[{"id":"sn11.23:0","sourceIds":["sn11.23:0.1","sn11.23:0.2","sn11.23:0.3"],"kind":"text","text":{"pi":"Saṁyutta Nikāya 11.23\n3. Tatiyavagga\nSambarimāyāsutta","en":"Linked Discourses 11.23\nChapter Three\nThe Sambari Sorcery"}},{"id":"sn11.23:1","sourceIds":["sn11.23:1.1","sn11.23:1.2","sn11.23:1.3","sn11.23:1.4","sn11.23:1.5","sn11.23:1.6","sn11.23:1.7","sn11.23:1.8","sn11.23:1.9","sn11.23:1.10","sn11.23:1.11","sn11.23:1.12","sn11.23:1.13"],"kind":"text","text":{"pi":"Sāvatthiyaṁ …pe…\nbhagavā etadavoca:\n“bhūtapubbaṁ, bhikkhave, vepacitti asurindo ābādhiko ahosi dukkhito bāḷhagilāno.\nAtha kho, bhikkhave, sakko devānamindo yena vepacitti asurindo tenupasaṅkami gilānapucchako.\nAddasā kho, bhikkhave, vepacitti asurindo sakkaṁ devānamindaṁ dūratova āgacchantaṁ.\nDisvāna sakkaṁ devānamindaṁ etadavoca:\n‘tikiccha maṁ, devānamindā’ti.\n‘Vācehi maṁ, vepacitti, sambarimāyan’ti.\n‘Na tāvāhaṁ vācemi, yāvāhaṁ, mārisa, asure paṭipucchāmī’ti.\nAtha kho, bhikkhave, vepacitti asurindo asure paṭipucchi:\n‘vācemahaṁ, mārisā, sakkaṁ devānamindaṁ sambarimāyan’ti?\n‘Mā kho tvaṁ, mārisa, vācesi sakkaṁ devānamindaṁ sambarimāyan’ti.\nAtha kho, bhikkhave, vepacitti asurindo sakkaṁ devānamindaṁ gāthāya ajjhabhāsi:","en":"At Sāvatthī.\nThe Buddha said this:\n“Once upon a time, mendicants, Vepacitti, lord of titans, was sick, suffering, gravely ill.\nSo Sakka went to see him to ask after his illness.\nVepacitti saw Sakka coming off in the distance,\nand said to him,\n‘Heal me, lord of gods!’\n‘Teach me, Vepacitti, the Sambari sorcery.’\n‘I can’t do that, good fellow, until I have consulted with the titans.’\nThen Vepacitti, lord of titans, asked the titans,\n‘Good fellows, may I teach the Sambari sorcery to Sakka, lord of gods?’\n‘Do not, good fellow, teach the Sambari sorcery to Sakka!’\nSo Vepacitti addressed Sakka in verse:"}},{"id":"sn11.23:2","sourceIds":["sn11.23:2.1","sn11.23:2.2","sn11.23:2.3","sn11.23:2.4"],"kind":"text","text":{"pi":"‘Māyāvī maghavā sakka,\ndevarāja sujampati;\nUpeti nirayaṁ ghoraṁ,\nsambarova sataṁ saman’”ti.","en":"‘O Maghavā, O Sakka,\nking of gods, Sujā’s husband:\na sorceror like Sambara falls\ninto the terrible hell for a full century.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn11.23/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}