{"id":"sn11.24","title":"Transgression","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn11.24","title":"Transgression","units":[{"id":"sn11.24:0","sourceIds":["sn11.24:0.1","sn11.24:0.2","sn11.24:0.3"],"kind":"text","text":{"pi":"Saṁyutta Nikāya 11.24\n3. Tatiyavagga\nAccayasutta","en":"Linked Discourses 11.24\nChapter Three\nTransgression"}},{"id":"sn11.24:1","sourceIds":["sn11.24:1.1","sn11.24:1.2","sn11.24:1.3","sn11.24:1.4","sn11.24:1.5","sn11.24:1.6","sn11.24:1.7","sn11.24:1.8"],"kind":"text","text":{"pi":"Sāvatthiyaṁ …pe… ārāme.\nTena kho pana samayena dve bhikkhū sampayojesuṁ.\nTatreko bhikkhu accasarā.\nAtha kho so bhikkhu tassa bhikkhuno santike accayaṁ accayato deseti;\nso bhikkhu nappaṭiggaṇhāti.\nAtha kho sambahulā bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:\n“idha, bhante, dve bhikkhū sampayojesuṁ, tatreko bhikkhu accasarā.\nAtha kho so, bhante, bhikkhu tassa bhikkhuno santike accayaṁ accayato deseti, so bhikkhu nappaṭiggaṇhātī”ti.","en":"At Sāvatthī.\nNow at that time two mendicants had clashed.\nOne of them transgressed against the other.\nThe transgressor confessed to the other mendicant,\nbut they didn’t accept it.\nThen several mendicants went up to the Buddha, bowed, sat down to one side, and told him what had happened."}},{"id":"sn11.24:2","sourceIds":["sn11.24:2.1","sn11.24:2.2","sn11.24:2.3","sn11.24:2.4","sn11.24:2.5","sn11.24:2.6"],"kind":"text","text":{"pi":"“Dveme, bhikkhave, bālā.\nYo ca accayaṁ accayato na passati, yo ca accayaṁ desentassa yathādhammaṁ nappaṭiggaṇhāti—\nime kho, bhikkhave, dve bālā.\nDveme, bhikkhave, paṇḍitā.\nYo ca accayaṁ accayato passati, yo ca accayaṁ desentassa yathādhammaṁ paṭiggaṇhāti—\nime kho, bhikkhave, dve paṇḍitā.","en":"“Mendicants, there are two fools.\nOne who doesn’t recognize when they’ve made a mistake. And one who doesn’t properly accept the confession of someone who’s made a mistake.\nThese are the two fools.\nThere are two who are astute.\nOne who recognizes when they’ve made a mistake. And one who properly accepts the confession of someone who’s made a mistake.\nThese are the two who are astute."}},{"id":"sn11.24:3","sourceIds":["sn11.24:3.1"],"kind":"text","text":{"pi":"Bhūtapubbaṁ, bhikkhave, sakko devānamindo sudhammāyaṁ sabhāyaṁ deve tāvatiṁse anunayamāno tāyaṁ velāyaṁ imaṁ gāthaṁ abhāsi:","en":"Once upon a time, mendicants, Sakka, lord of gods, guiding the gods of the thirty-three, spoke this verse:"}},{"id":"sn11.24:4","sourceIds":["sn11.24:4.1","sn11.24:4.2","sn11.24:4.3","sn11.24:4.4","sn11.24:4.5","sn11.24:4.6"],"kind":"text","text":{"pi":"‘Kodho vo vasamāyātu,\nMā ca mittehi vo jarā;\nAgarahiyaṁ mā garahittha,\nMā ca bhāsittha pesuṇaṁ;\nAtha pāpajanaṁ kodho,\nPabbatovābhimaddatī’”ti.","en":"‘Control your anger;\ndon’t let friendships decay.\nDon’t blame the blameless,\nand don’t backbite.\nFor anger crushes bad people\nlike a mountain.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn11.24/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}