{"id":"sn11.6","title":"Bird Nests","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn11.6","title":"Bird Nests","units":[{"id":"sn11.6:0","sourceIds":["sn11.6:0.1","sn11.6:0.2","sn11.6:0.3"],"kind":"text","text":{"pi":"Saṁyutta Nikāya 11.6\n1. Paṭhamavagga\nKulāvakasutta","en":"Linked Discourses 11.6\nChapter One\nBird Nests"}},{"id":"sn11.6:1","sourceIds":["sn11.6:1.1","sn11.6:1.2","sn11.6:1.3","sn11.6:1.4","sn11.6:1.5"],"kind":"text","text":{"pi":"Sāvatthiyaṁ.\n“Bhūtapubbaṁ, bhikkhave, devāsurasaṅgāmo samupabyūḷho ahosi.\nTasmiṁ kho pana, bhikkhave, saṅgāme asurā jiniṁsu, devā parājiniṁsu.\nParājitā ca kho, bhikkhave, devā apāyaṁsveva uttarenamukhā, abhiyaṁsveva ne asurā.\nAtha kho, bhikkhave, sakko devānamindo mātali saṅgāhakaṁ gāthāya ajjhabhāsi:","en":"At Sāvatthī.\n“Once upon a time, mendicants, a battle was fought between the gods and the titans.\nIn that battle the titans won and the gods lost.\nDefeated, the gods fled north with the titans in pursuit.\nThen Sakka, lord of gods, addressed his chariot handler Mātali in verse:"}},{"id":"sn11.6:2","sourceIds":["sn11.6:2.1","sn11.6:2.2","sn11.6:2.3","sn11.6:2.4"],"kind":"text","text":{"pi":"‘Kulāvakā mātali simbalismiṁ,\nĪsāmukhena parivajjayassu;\nKāmaṁ cajāma asuresu pāṇaṁ,\nMāyime dijā vikulāvakā ahesun’ti.","en":"‘Mātali, don’t ram the bird nests\nin the Red Silk-Cotton Woods with your draft-pole.\nI’d rather give up our lives to the titans\nthan deprive these birds of their nests.’"}},{"id":"sn11.6:3","sourceIds":["sn11.6:3.1","sn11.6:3.2","sn11.6:3.3","sn11.6:3.4","sn11.6:3.5"],"kind":"text","text":{"pi":"‘Evaṁ, bhaddantavā’ti kho, bhikkhave, mātali saṅgāhako sakkassa devānamindassa paṭissutvā sahassayuttaṁ ājaññarathaṁ paccudāvattesi.\nAtha kho, bhikkhave, asurānaṁ etadahosi:\n‘paccudāvatto kho dāni sakkassa devānamindassa sahassayutto ājaññaratho.\nDutiyampi kho devā asurehi saṅgāmessantī’ti bhītā asurapurameva pāvisiṁsu.\nIti kho, bhikkhave, sakkassa devānamindassa dhammena jayo ahosī”ti.","en":"‘Yes, lord,’ replied Mātali. And he turned the chariot back around, with its team of a thousand thoroughbreds.\nThen the titans thought,\n‘Now Sakka’s chariot has turned back.\nThe titans will have to fight the gods a second time!’ Terrified, they retreated right away to the citadel of the titans.\nAnd that’s how Sakka came to win victory by principle.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn11.6/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}