{"id":"sn12.31","title":"What Has Come to Be","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn12.31","title":"What Has Come to Be","units":[{"id":"sn12.31:0","sourceIds":["sn12.31:0.1","sn12.31:0.2","sn12.31:0.3"],"kind":"text","text":{"pi":"Saṁyutta Nikāya 12.31\n4. Kaḷārakhattiyavagga\nBhūtasutta","en":"Linked Discourses 12.31\n4. Kaḷāra the Aristocrat\nWhat Has Come to Be"}},{"id":"sn12.31:1","sourceIds":["sn12.31:1.1","sn12.31:1.2","sn12.31:1.3"],"kind":"text","text":{"pi":"Ekaṁ samayaṁ bhagavā sāvatthiyaṁ viharati.\nTatra kho bhagavā āyasmantaṁ sāriputtaṁ āmantesi:\n“vuttamidaṁ, sāriputta, pārāyane ajitapañhe:","en":"At one time the Buddha was staying near Sāvatthī.\nThen the Buddha said to Venerable Sāriputta,\n“Sāriputta, this was said in ‘The Way to the Far Shore’, in ‘The Questions of Ajita’:"}},{"id":"sn12.31:2","sourceIds":["sn12.31:2.1","sn12.31:2.2","sn12.31:2.3","sn12.31:2.4"],"kind":"text","text":{"pi":"‘Ye ca saṅkhātadhammāse,\nye ca sekkhā puthū idha;\nTesaṁ me nipako iriyaṁ,\npuṭṭho pabrūhi mārisā’ti.","en":"‘There are those who have appraised the teaching,\nand many kinds of trainees here.\nNow you, being alert, are asked\nto tell me their behavior, good fellow.’"}},{"id":"sn12.31:3","sourceIds":["sn12.31:3.1","sn12.31:3.2"],"kind":"text","text":{"pi":"Imassa nu kho, sāriputta, saṅkhittena bhāsitassa kathaṁ vitthārena attho daṭṭhabbo”ti?\nEvaṁ vutte, āyasmā sāriputto tuṇhī ahosi.","en":"How should we see the detailed meaning of this brief statement?”\nWhen he said this, Sāriputta kept silent."}},{"id":"sn12.31:4","sourceIds":["sn12.31:4.1","sn12.31:4.2","sn12.31:4.3","sn12.31:4.4"],"kind":"text","text":{"pi":"Dutiyampi kho bhagavā āyasmantaṁ sāriputtaṁ āmantesi …pe…\ndutiyampi kho āyasmā sāriputto tuṇhī ahosi.\nTatiyampi kho bhagavā āyasmantaṁ sāriputtaṁ āmantesi:\n“vuttamidaṁ, sāriputta, pārāyane ajitapañhe:","en":"For a second time …\nFor a third time …"}},{"id":"sn12.31:5","sourceIds":["sn12.31:5.1","sn12.31:5.2","sn12.31:5.3","sn12.31:5.4"],"kind":"text","text":{"pi":"‘Ye ca saṅkhātadhammāse,\nye ca sekkhā puthū idha;\nTesaṁ me nipako iriyaṁ,\npuṭṭho pabrūhi mārisā’ti."}},{"id":"sn12.31:6","sourceIds":["sn12.31:6.1","sn12.31:6.2"],"kind":"text","text":{"pi":"Imassa nu kho, sāriputta, saṅkhittena bhāsitassa kathaṁ vitthārena attho daṭṭhabbo”ti?\nTatiyampi kho āyasmā sāriputto tuṇhī ahosi.","en":"Sāriputta kept silent."}},{"id":"sn12.31:7","sourceIds":["sn12.31:7.1","sn12.31:7.2","sn12.31:7.3","sn12.31:7.4","sn12.31:7.5","sn12.31:7.6","sn12.31:7.7","sn12.31:7.8"],"kind":"text","text":{"pi":"“Bhūtamidanti, sāriputta, passasī”ti?\n“Bhūtamidanti, bhante, yathābhūtaṁ sammappaññāya passati.\nBhūtamidanti yathābhūtaṁ sammappaññāya disvā bhūtassa nibbidāya virāgāya nirodhāya paṭipanno hoti.\nTadāhārasambhavanti yathābhūtaṁ sammappaññāya passati.\nTadāhārasambhavanti yathābhūtaṁ sammappaññāya disvā āhārasambhavassa nibbidāya virāgāya nirodhāya paṭipanno hoti.\nTadāhāranirodhā yaṁ bhūtaṁ taṁ nirodhadhammanti yathābhūtaṁ sammappaññāya passati.\nTadāhāranirodhā yaṁ bhūtaṁ taṁ nirodhadhammanti yathābhūtaṁ sammappaññāya disvā nirodhadhammassa nibbidāya virāgāya nirodhāya paṭipanno hoti.\nEvaṁ kho, bhante, sekkho hoti.","en":"“Sāriputta, do you see that this has come to be?”\n“Sir, one truly sees with right wisdom that this has come to be.\nSeeing this, one is practicing for disillusionment, dispassion, and cessation regarding what has come to be.\nOne truly sees with right wisdom that it came to be with that as fuel.\nSeeing this, one is practicing for disillusionment, dispassion, and cessation regarding the fuel for its origination.\nOne truly sees with right wisdom that when that fuel ceases, what has come to be is liable to cease.\nSeeing this, one is practicing for disillusionment, dispassion, and cessation regarding what is liable to cease.\nIn this way one is a trainee."}},{"id":"sn12.31:8","sourceIds":["sn12.31:8.1","sn12.31:8.2","sn12.31:8.3","sn12.31:8.4","sn12.31:8.5","sn12.31:8.6","sn12.31:8.7","sn12.31:8.8","sn12.31:8.9"],"kind":"text","text":{"pi":"Kathañca, bhante, saṅkhātadhammo hoti?\nBhūtamidanti, bhante, yathābhūtaṁ sammappaññāya passati.\nBhūtamidanti yathābhūtaṁ sammappaññāya disvā bhūtassa nibbidā virāgā nirodhā anupādā vimutto hoti.\nTadāhārasambhavanti yathābhūtaṁ sammappaññāya passati.\nTadāhārasambhavanti yathābhūtaṁ sammappaññāya disvā āhārasambhavassa nibbidā virāgā nirodhā anupādā vimutto hoti.\nTadāhāranirodhā yaṁ bhūtaṁ taṁ nirodhadhammanti yathābhūtaṁ sammappaññāya passati.\nTadāhāranirodhā yaṁ bhūtaṁ taṁ nirodhadhammanti yathābhūtaṁ sammappaññāya disvā nirodhadhammassa nibbidā virāgā nirodhā anupādā vimutto hoti.\nEvaṁ kho, bhante, saṅkhātadhammo hoti.\nIti kho, bhante, yaṁ taṁ vuttaṁ pārāyane ajitapañhe:","en":"And how, sir, has one appraised the teaching?\nSir, one truly sees with right wisdom that this has come to be.\nSeeing this, one is freed by not grasping through disillusionment, dispassion, and cessation regarding what has come to be.\nOne truly sees with right wisdom that it came to be with that as fuel.\nSeeing this, one is freed by not grasping through disillusionment, dispassion, and cessation regarding the fuel for its origination.\nOne truly sees with right wisdom that when that fuel ceases, what has come to be is liable to cease.\nSeeing this, one is freed by not grasping through disillusionment, dispassion, and cessation regarding what is liable to cease.\nIn this way one has appraised the teaching.\nSir, regarding what was said in ‘The Way to the Far Shore’, in ‘The Questions of Ajita’:"}},{"id":"sn12.31:9","sourceIds":["sn12.31:9.1","sn12.31:9.2","sn12.31:9.3","sn12.31:9.4"],"kind":"text","text":{"pi":"‘Ye ca saṅkhātadhammāse,\nye ca sekkhā puthū idha;\nTesaṁ me nipako iriyaṁ,\npuṭṭho pabrūhi mārisā’ti.","en":"‘There are those who have appraised the teaching,\nand many kinds of trainees here.\nNow you, being alert, are asked\nto tell me their behavior, good fellow.’"}},{"id":"sn12.31:10","sourceIds":["sn12.31:10.1"],"kind":"text","text":{"pi":"Imassa khvāhaṁ, bhante, saṅkhittena bhāsitassa evaṁ vitthārena atthaṁ ājānāmī”ti.","en":"This is how I understand the detailed meaning of what was said in brief.”"}},{"id":"sn12.31:11","sourceIds":["sn12.31:11.1","sn12.31:11.2","sn12.31:11.3","sn12.31:11.4","sn12.31:11.5","sn12.31:11.6","sn12.31:11.7"],"kind":"text","text":{"pi":"“Sādhu sādhu, sāriputta, bhūtamidanti, sāriputta, yathābhūtaṁ sammappaññāya passati.\nBhūtamidanti yathābhūtaṁ sammappaññāya disvā bhūtassa nibbidāya virāgāya nirodhāya paṭipanno hoti.\nTadāhārasambhavanti yathābhūtaṁ sammappaññāya passati.\nTadāhārasambhavanti yathābhūtaṁ sammappaññāya disvā āhārasambhavassa nibbidāya virāgāya nirodhāya paṭipanno hoti.\nTadāhāranirodhā yaṁ bhūtaṁ taṁ nirodhadhammanti yathābhūtaṁ sammappaññāya passati.\nTadāhāranirodhā yaṁ bhūtaṁ taṁ nirodhadhammanti yathābhūtaṁ sammappaññāya disvā nirodhadhammassa nibbidāya virāgāya nirodhāya paṭipanno hoti.\nEvaṁ kho, sāriputta, sekkho hoti.","en":"“Good, good, Sāriputta! (The Buddha repeated all of Sāriputta’s explanation, concluding:)"}},{"id":"sn12.31:12","sourceIds":["sn12.31:12.1","sn12.31:12.2","sn12.31:12.3","sn12.31:12.4","sn12.31:12.5","sn12.31:12.6","sn12.31:12.7","sn12.31:12.8","sn12.31:12.9"],"kind":"text","text":{"pi":"Kathañca, sāriputta, saṅkhātadhammo hoti?\nBhūtamidanti, sāriputta, yathābhūtaṁ sammappaññāya passati.\nBhūtamidanti yathābhūtaṁ sammappaññāya disvā bhūtassa nibbidā virāgā nirodhā anupādā vimutto hoti.\nTadāhārasambhavanti yathābhūtaṁ sammappaññāya passati.\nTadāhārasambhavanti yathābhūtaṁ sammappaññāya disvā āhārasambhavassa nibbidā virāgā nirodhā anupādā vimutto hoti.\nTadāhāranirodhā yaṁ bhūtaṁ taṁ nirodhadhammanti yathābhūtaṁ sammappaññāya passati.\nTadāhāranirodhā yaṁ bhūtaṁ taṁ nirodhadhammanti yathābhūtaṁ sammappaññā disvā nirodhadhammassa nibbidā virāgā nirodhā anupādā vimutto hoti.\nEvaṁ kho, sāriputta, saṅkhātadhammo hoti.\nIti kho, sāriputta, yaṁ taṁ vuttaṁ pārāyane ajitapañhe:"}},{"id":"sn12.31:13","sourceIds":["sn12.31:13.1","sn12.31:13.2","sn12.31:13.3","sn12.31:13.4"],"kind":"text","text":{"pi":"‘Ye ca saṅkhātadhammāse,\nye ca sekkhā puthū idha;\nTesaṁ me nipako iriyaṁ,\npuṭṭho pabrūhi mārisā’ti."}},{"id":"sn12.31:14","sourceIds":["sn12.31:14.1","sn12.31:14.2"],"kind":"text","text":{"pi":"Imassa kho, sāriputta, saṅkhittena bhāsitassa evaṁ vitthārena attho daṭṭhabbo”ti.\nPaṭhamaṁ.","en":"This is how to see the detailed meaning of what was said in brief.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn12.31/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}