{"id":"sn12.50","title":"A Noble Disciple (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn12.50","title":"A Noble Disciple (2nd)","units":[{"id":"sn12.50:0","sourceIds":["sn12.50:0.1","sn12.50:0.2","sn12.50:0.3"],"kind":"text","text":{"pi":"Saṁyutta Nikāya 12.50\n5. Gahapativagga\nDutiyaariyasāvakasutta","en":"Linked Discourses 12.50\n5. Householders\nA Noble Disciple (2nd)"}},{"id":"sn12.50:1","sourceIds":["sn12.50:1.1","sn12.50:1.2","sn12.50:1.3","sn12.50:1.4"],"kind":"text","text":{"pi":"Sāvatthiyaṁ viharati.\n“Na, bhikkhave, sutavato ariyasāvakassa evaṁ hoti:\n‘kiṁ nu kho kismiṁ sati kiṁ hoti, kissuppādā kiṁ uppajjati?\nKismiṁ sati saṅkhārā honti, kismiṁ sati viññāṇaṁ hoti, kismiṁ sati nāmarūpaṁ hoti, kismiṁ sati saḷāyatanaṁ hoti, kismiṁ sati phasso hoti, kismiṁ sati vedanā hoti, kismiṁ sati taṇhā hoti, kismiṁ sati upādānaṁ hoti, kismiṁ sati bhavo hoti, kismiṁ sati jāti hoti, kismiṁ sati jarāmaraṇaṁ hotī’ti?","en":"At Sāvatthī.\n“Mendicants, a learned noble disciple doesn’t think:\n‘When what exists, what is? Due to the arising of what, what arises?\nWhen what exists do choices come to be? When what exists does consciousness come to be? When what exists do name and form … the six sense fields … contact … feeling … craving … grasping … continued existence … rebirth … old age and death come to be?’"}},{"id":"sn12.50:2","sourceIds":["sn12.50:2.1","sn12.50:2.2","sn12.50:2.3","sn12.50:2.4","sn12.50:2.5","sn12.50:2.6","sn12.50:2.7","sn12.50:2.8","sn12.50:2.9","sn12.50:2.10","sn12.50:2.11","sn12.50:2.12","sn12.50:2.13","sn12.50:2.14","sn12.50:2.15"],"kind":"text","text":{"pi":"Atha kho, bhikkhave, sutavato ariyasāvakassa aparappaccayā ñāṇamevettha hoti:\n‘imasmiṁ sati idaṁ hoti, imassuppādā idaṁ uppajjati.\nAvijjāya sati saṅkhārā honti;\nsaṅkhāresu sati viññāṇaṁ hoti;\nviññāṇe sati nāmarūpaṁ hoti;\nnāmarūpe sati saḷāyatanaṁ hoti;\nsaḷāyatane sati phasso hoti;\nphasse sati vedanā hoti;\nvedanāya sati taṇhā hoti;\ntaṇhāya sati upādānaṁ hoti;\nupādāne sati bhavo hoti;\nbhave sati jāti hoti;\njātiyā sati jarāmaraṇaṁ hotī’ti.\nSo evaṁ pajānāti:\n‘evamayaṁ loko samudayatī’ti.","en":"Rather, a learned noble disciple has only knowledge about this that is independent of others:\n‘When this exists, this comes to be; due to the arising of this, this arises.\nWhen ignorance exists, choices come to be.\nWhen choices exist consciousness comes to be.\nWhen consciousness exists name and form come to be.\nWhen name and form exist the six sense fields come to be.\nWhen the six sense fields exist contact comes to be.\nWhen contact exists feeling comes to be.\nWhen feeling exists craving comes to be.\nWhen craving exists grasping comes to be.\nWhen grasping exists continued existence comes to be.\nWhen continued existence exists rebirth comes to be.\nWhen rebirth exists old age and death come to be.’\nThey understand:\n‘That is how this world originates.’"}},{"id":"sn12.50:3","sourceIds":["sn12.50:3.1","sn12.50:3.2","sn12.50:3.3","sn12.50:3.4","sn12.50:3.5","sn12.50:3.6","sn12.50:3.7"],"kind":"text","text":{"pi":"Na, bhikkhave, sutavato ariyasāvakassa evaṁ hoti:\n‘kiṁ nu kho kismiṁ asati kiṁ na hoti, kissa nirodhā kiṁ nirujjhati?\nKismiṁ asati saṅkhārā na honti, kismiṁ asati viññāṇaṁ na hoti, kismiṁ asati nāmarūpaṁ na hoti, kismiṁ asati saḷāyatanaṁ na hoti, kismiṁ asati phasso na hoti, kismiṁ asati vedanā na hoti, kismiṁ asati taṇhā na hoti …pe…\nupādānaṁ …\nbhavo …\njāti …\nkismiṁ asati jarāmaraṇaṁ na hotī’ti?","en":"A learned noble disciple doesn’t think:\n‘When what doesn’t exist, what is not? Due to the cessation of what, what ceases?\nWhen what doesn’t exist do choices not come to be? When what doesn’t exist does consciousness not come to be? When what doesn’t exist do name and form … the six sense fields … contact … feeling … craving … grasping … continued existence … rebirth … old age and death not come to be?’"}},{"id":"sn12.50:4","sourceIds":["sn12.50:4.1","sn12.50:4.2","sn12.50:4.3","sn12.50:4.4","sn12.50:4.5","sn12.50:4.6","sn12.50:4.7","sn12.50:4.8","sn12.50:4.9"],"kind":"text","text":{"pi":"Atha kho, bhikkhave, sutavato ariyasāvakassa aparappaccayā ñāṇamevettha hoti:\n‘imasmiṁ asati idaṁ na hoti, imassa nirodhā idaṁ nirujjhati.\nAvijjāya asati saṅkhārā na honti;\nsaṅkhāresu asati viññāṇaṁ na hoti;\nviññāṇe asati nāmarūpaṁ na hoti;\nnāmarūpe asati saḷāyatanaṁ na hoti …pe…\njātiyā asati jarāmaraṇaṁ na hotī’ti.\nSo evaṁ pajānāti:\n‘evamayaṁ loko nirujjhatī’ti.","en":"Rather, a learned noble disciple has only knowledge about this that is independent of others:\n‘When this doesn’t exist, this doesn’t come to be; due to the cessation of this, this ceases. That is:\nWhen ignorance doesn’t exists, choices don’t come to be.\nWhen choices don’t exist consciousness doesn’t come to be.\nWhen consciousness doesn’t exist name and form don’t come to be.\nWhen name and form don’t exist the six sense fields don’t come to be. …\nWhen rebirth doesn’t exist old age and death don’t come to be.’\nThey understand:\n‘That is how this world ceases.’"}},{"id":"sn12.50:5","sourceIds":["sn12.50:5.1","sn12.50:5.2","sn12.50:5.3"],"kind":"text","text":{"pi":"Yato kho, bhikkhave, ariyasāvako evaṁ lokassa samudayañca atthaṅgamañca yathābhūtaṁ pajānāti, ayaṁ vuccati, bhikkhave, ariyasāvako diṭṭhisampanno itipi, dassanasampanno itipi, āgato imaṁ saddhammaṁ itipi, passati imaṁ saddhammaṁ itipi, sekkhena ñāṇena samannāgato itipi, sekkhāya vijjāya samannāgato itipi, dhammasotaṁ samāpanno itipi, ariyo nibbedhikapañño itipi, amatadvāraṁ āhacca tiṭṭhati itipī”ti.\nDasamaṁ.\nGahapativaggo pañcamo.","en":"A noble disciple comes to truly understand the origin and disappearance of the world. Such a noble disciple is one who is called ‘one accomplished in view’, ‘one accomplished in vision’, ‘one who has come to the true teaching’, ‘one who sees this true teaching’, ‘one endowed with a trainee’s insight’, ‘one endowed with a trainee’s knowledge’, ‘one who has entered the stream of the teaching’, ‘a noble one with penetrative wisdom’, and also ‘one who stands pressing against the door to freedom from death’.”"}},{"id":"sn12.50:6","sourceIds":["sn12.50:6.0","sn12.50:6.1","sn12.50:6.2","sn12.50:6.3","sn12.50:6.4","sn12.50:6.5","sn12.50:6.6"],"kind":"text","text":{"pi":"Tassuddānaṁ\nDve pañcaverabhayā vuttā,\ndukkhaṁ loko ca ñātikaṁ;\nAññataraṁ jāṇussoṇi ca,\nlokāyatikena aṭṭhamaṁ;\nDve ariyasāvakā vuttā,\nvaggo tena pavuccatīti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn12.50/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}