{"id":"sn12.61","title":"Unlearned","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn12.61","title":"Unlearned","units":[{"id":"sn12.61:0","sourceIds":["sn12.61:0.1","sn12.61:0.2","sn12.61:0.3"],"kind":"text","text":{"pi":"Saṁyutta Nikāya 12.61\n7. Mahāvagga\nAssutavāsutta","en":"Linked Discourses 12.61\n7. The Great Chapter\nUnlearned"}},{"id":"sn12.61:1","sourceIds":["sn12.61:1.1","sn12.61:1.2","sn12.61:1.3","sn12.61:1.4","sn12.61:1.5","sn12.61:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme …\n“assutavā, bhikkhave, puthujjano imasmiṁ cātumahābhūtikasmiṁ kāyasmiṁ nibbindeyyapi virajjeyyapi vimucceyyapi.\nTaṁ kissa hetu?\nDissati, bhikkhave, imassa cātumahābhūtikassa kāyassa ācayopi apacayopi ādānampi nikkhepanampi.\nTasmā tatrāssutavā puthujjano nibbindeyyapi virajjeyyapi vimucceyyapi.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery. …\n“Mendicants, an unlearned ordinary person might become disillusioned, dispassionate, and freed from this body made up of the four principal states.\nWhy is that?\nThis body made up of the four principal states is seen to accumulate and disperse, to be taken up and laid to rest.\nThat’s why an unlearned ordinary person might become disillusioned, dispassionate, and freed from it."}},{"id":"sn12.61:2","sourceIds":["sn12.61:2.1","sn12.61:2.2","sn12.61:2.3","sn12.61:2.4","sn12.61:2.5"],"kind":"text","text":{"pi":"Yañca kho etaṁ, bhikkhave, vuccati cittaṁ itipi, mano itipi, viññāṇaṁ itipi, tatrāssutavā puthujjano nālaṁ nibbindituṁ nālaṁ virajjituṁ nālaṁ vimuccituṁ.\nTaṁ kissa hetu?\nDīgharattañhetaṁ, bhikkhave, assutavato puthujjanassa ajjhositaṁ mamāyitaṁ parāmaṭṭhaṁ:\n‘etaṁ mama, esohamasmi, eso me attā’ti.\nTasmā tatrāssutavā puthujjano nālaṁ nibbindituṁ nālaṁ virajjituṁ nālaṁ vimuccituṁ.","en":"But an unlearned ordinary person is unable to become disillusioned, dispassionate, or freed from that which is called ‘mind’ and also ‘sentience’ and also ‘consciousness’.\nWhy is that?\nBecause for a long time they’ve been attached to it, thought of it as their own, and mistaken it:\n‘This is mine, I am this, this is my self.’\nThat’s why an unlearned ordinary person is unable to become disillusioned, dispassionate, or freed from it."}},{"id":"sn12.61:3","sourceIds":["sn12.61:3.1","sn12.61:3.2","sn12.61:3.3"],"kind":"text","text":{"pi":"Varaṁ, bhikkhave, assutavā puthujjano imaṁ cātumahābhūtikaṁ kāyaṁ attato upagaccheyya, na tveva cittaṁ.\nTaṁ kissa hetu?\nDissatāyaṁ, bhikkhave, cātumahābhūtiko kāyo ekampi vassaṁ tiṭṭhamāno dvepi vassāni tiṭṭhamāno tīṇipi vassāni tiṭṭhamāno cattāripi vassāni tiṭṭhamāno pañcapi vassāni tiṭṭhamāno dasapi vassāni tiṭṭhamāno vīsatipi vassāni tiṭṭhamāno tiṁsampi vassāni tiṭṭhamāno cattārīsampi vassāni tiṭṭhamāno paññāsampi vassāni tiṭṭhamāno vassasatampi tiṭṭhamāno, bhiyyopi tiṭṭhamāno.","en":"But an unlearned ordinary person would be better off taking this body made up of the four principal states to be their self, rather than the mind.\nWhy is that?\nThis body made up of the four principal states is seen to last for a year, or for two, three, four, five, ten, twenty, thirty, forty, fifty, or a hundred years, or even longer."}},{"id":"sn12.61:4","sourceIds":["sn12.61:4.1","sn12.61:4.2","sn12.61:4.3"],"kind":"text","text":{"pi":"Yañca kho etaṁ, bhikkhave, vuccati cittaṁ itipi, mano itipi, viññāṇaṁ itipi, taṁ rattiyā ca divasassa ca aññadeva uppajjati aññaṁ nirujjhati.\nSeyyathāpi, bhikkhave, makkaṭo araññe pavane caramāno sākhaṁ gaṇhati, taṁ muñcitvā aññaṁ gaṇhati, taṁ muñcitvā aññaṁ gaṇhati;\nevameva kho, bhikkhave, yamidaṁ vuccati cittaṁ itipi, mano itipi, viññāṇaṁ itipi, taṁ rattiyā ca divasassa ca aññadeva uppajjati aññaṁ nirujjhati.","en":"But that which is called ‘mind’ and also ‘sentience’ and also ‘consciousness’ arises as one thing and ceases as another all day and all night.\nIt’s like a monkey moving through the forest. It grabs hold of one branch, lets it go, and grabs another; then it lets that go and grabs yet another.\nIn the same way, that which is called ‘mind’ and also ‘sentience’ and also ‘consciousness’ arises as one thing and ceases as another all day and all night."}},{"id":"sn12.61:5","sourceIds":["sn12.61:5.1","sn12.61:5.2","sn12.61:5.3","sn12.61:5.4","sn12.61:5.5","sn12.61:5.6","sn12.61:5.7","sn12.61:5.8","sn12.61:5.9"],"kind":"text","text":{"pi":"Tatra, bhikkhave, sutavā ariyasāvako paṭiccasamuppādaṁyeva sādhukaṁ yoniso manasi karoti:\n‘iti imasmiṁ sati idaṁ hoti, imassuppādā idaṁ uppajjati;\nimasmiṁ asati idaṁ na hoti, imassa nirodhā idaṁ nirujjhati—\nyadidaṁ avijjāpaccayā saṅkhārā;\nsaṅkhārapaccayā viññāṇaṁ …pe…\nevametassa kevalassa dukkhakkhandhassa samudayo hoti.\nAvijjāya tveva asesavirāganirodhā saṅkhāranirodho;\nsaṅkhāranirodhā viññāṇanirodho …pe…\nevametassa kevalassa dukkhakkhandhassa nirodho hotī’ti.","en":"In this case, a learned noble disciple carefully and rationally applies the mind to dependent origination itself:\n‘So, when this exists, this comes to be; due to the arising of this, this arises.\nWhen this doesn’t exist, this doesn’t come to be; due to the cessation of this, this ceases. That is:\nIgnorance is a requirement for choices.\nChoices are a requirement for consciousness. …\nThat is how this entire mass of suffering originates.\nWhen ignorance fades away and ceases no residue left behind, choices cease.\nWhen choices cease, consciousness ceases. …\nThat is how this entire mass of suffering ceases.’"}},{"id":"sn12.61:6","sourceIds":["sn12.61:6.1","sn12.61:6.2","sn12.61:6.3","sn12.61:6.4"],"kind":"text","text":{"pi":"Evaṁ passaṁ, bhikkhave, sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati;\nnibbindaṁ virajjati, virāgā vimuccati, vimuttasmiṁ vimuttamiti ñāṇaṁ hoti.\n‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānātī”ti.\nPaṭhamaṁ.","en":"Seeing this, a learned noble disciple grows disillusioned with form, feeling, perception, choices, and consciousness.\nBeing disillusioned, desire fades away. When desire fades away they’re freed. When they’re freed, they know they’re freed.\nThey understand: ‘Rebirth is ended, the spiritual journey has been completed, what had to be done has been done, there is nothing further for this place.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn12.61/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}