{"id":"sn12.62","title":"Unlearned (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn12.62","title":"Unlearned (2nd)","units":[{"id":"sn12.62:0","sourceIds":["sn12.62:0.1","sn12.62:0.2","sn12.62:0.3"],"kind":"text","text":{"pi":"Saṁyutta Nikāya 12.62\n7. Mahāvagga\nDutiyaassutavāsutta","en":"Linked Discourses 12.62\n7. The Great Chapter\nUnlearned (2nd)"}},{"id":"sn12.62:1","sourceIds":["sn12.62:1.1","sn12.62:1.2","sn12.62:1.3","sn12.62:1.4","sn12.62:1.5","sn12.62:1.6","sn12.62:1.7","sn12.62:1.8","sn12.62:1.9","sn12.62:1.10"],"kind":"text","text":{"pi":"Sāvatthiyaṁ viharati.\n“Assutavā, bhikkhave, puthujjano imasmiṁ cātumahābhūtikasmiṁ kāyasmiṁ nibbindeyyapi virajjeyyapi vimucceyyapi.\nTaṁ kissa hetu?\nDissati, bhikkhave, imassa cātumahābhūtikassa kāyassa ācayopi apacayopi ādānampi nikkhepanampi.\nTasmā tatrāssutavā puthujjano nibbindeyyapi virajjeyyapi vimucceyyapi.\nYañca kho etaṁ, bhikkhave, vuccati cittaṁ itipi, mano itipi, viññāṇaṁ itipi, tatrāssutavā puthujjano nālaṁ nibbindituṁ nālaṁ virajjituṁ nālaṁ vimuccituṁ.\nTaṁ kissa hetu?\nDīgharattañhetaṁ, bhikkhave, assutavato puthujjanassa ajjhositaṁ mamāyitaṁ parāmaṭṭhaṁ:\n‘etaṁ mama, esohamasmi, eso me attā’ti.\nTasmā tatrāssutavā puthujjano nālaṁ nibbindituṁ nālaṁ virajjituṁ nālaṁ vimuccituṁ.","en":"At Sāvatthī.\n“Mendicants, an unlearned ordinary person might become disillusioned, dispassionate, and freed from this body made up of the four principal states.\nWhy is that?\nThis body made up of the four principal states is seen to accumulate and disperse, to be taken up and laid to rest.\nThat’s why an unlearned ordinary person might become disillusioned, dispassionate, and freed from it.\nBut an unlearned ordinary person is unable to become disillusioned, dispassionate, or freed from that which is called ‘mind’ and also ‘sentience’ and also ‘consciousness’.\nWhy is that?\nBecause for a long time they’ve been attached to it, thought of it as their own, and mistaken it:\n‘This is mine, I am this, this is my self.’\nThat’s why an unlearned ordinary person is unable to become disillusioned, dispassionate, or freed from it."}},{"id":"sn12.62:2","sourceIds":["sn12.62:2.1","sn12.62:2.2","sn12.62:2.3","sn12.62:2.4"],"kind":"text","text":{"pi":"Varaṁ, bhikkhave, assutavā puthujjano imaṁ cātumahābhūtikaṁ kāyaṁ attato upagaccheyya, na tveva cittaṁ.\nTaṁ kissa hetu?\nDissatāyaṁ, bhikkhave, cātumahābhūtiko kāyo ekampi vassaṁ tiṭṭhamāno dvepi vassāni tiṭṭhamāno tīṇipi vassāni tiṭṭhamāno cattāripi vassāni tiṭṭhamāno pañcapi vassāni tiṭṭhamāno dasapi vassāni tiṭṭhamāno vīsatipi vassāni tiṭṭhamāno tiṁsampi vassāni tiṭṭhamāno cattārīsampi vassāni tiṭṭhamāno paññāsampi vassāni tiṭṭhamāno vassasatampi tiṭṭhamāno, bhiyyopi tiṭṭhamāno.\nYañca kho etaṁ, bhikkhave, vuccati cittaṁ itipi, mano itipi, viññāṇaṁ itipi, taṁ rattiyā ca divasassa ca aññadeva uppajjati aññaṁ nirujjhati.","en":"But an unlearned ordinary person would be better off taking this body made up of the four principal states to be their self, rather than the mind.\nWhy is that?\nThis body made up of the four principal states is seen to last for a year, or for two, three, four, five, ten, twenty, thirty, forty, fifty, or a hundred years, or even longer.\nBut that which is called ‘mind’ and also ‘sentience’ and also ‘consciousness’ arises as one thing and ceases as another all day and all night."}},{"id":"sn12.62:3","sourceIds":["sn12.62:3.1","sn12.62:3.2","sn12.62:3.3","sn12.62:3.4","sn12.62:3.5","sn12.62:3.6","sn12.62:3.7","sn12.62:3.8","sn12.62:3.9"],"kind":"text","text":{"pi":"Tatra, bhikkhave, sutavā ariyasāvako paṭiccasamuppādaṁyeva sādhukaṁ yoniso manasi karoti:\n‘iti imasmiṁ sati idaṁ hoti, imassuppādā idaṁ uppajjati;\nimasmiṁ asati idaṁ na hoti, imassa nirodhā idaṁ nirujjhatī’ti.\nSukhavedaniyaṁ, bhikkhave, phassaṁ paṭicca uppajjati sukhavedanā.\nTasseva sukhavedaniyassa phassassa nirodhā yaṁ tajjaṁ vedayitaṁ sukhavedaniyaṁ phassaṁ paṭicca uppannā sukhavedanā sā nirujjhati sā vūpasammati.\nDukkhavedaniyaṁ, bhikkhave, phassaṁ paṭicca uppajjati dukkhavedanā.\nTasseva dukkhavedaniyassa phassassa nirodhā yaṁ tajjaṁ vedayitaṁ dukkhavedaniyaṁ phassaṁ paṭicca uppannā dukkhavedanā sā nirujjhati sā vūpasammati.\nAdukkhamasukhavedaniyaṁ, bhikkhave, phassaṁ paṭicca uppajjati adukkhamasukhavedanā.\nTasseva adukkhamasukhavedaniyassa phassassa nirodhā yaṁ tajjaṁ vedayitaṁ adukkhamasukhavedaniyaṁ phassaṁ paṭicca uppannā adukkhamasukhavedanā sā nirujjhati sā vūpasammati.","en":"In this case, a learned noble disciple carefully and rationally applies the mind to dependent origination itself:\n‘So, when this exists, this comes to be; due to the arising of this, this arises.\nWhen this doesn’t exist, this doesn’t come to be; due to the cessation of this, this ceases.’\nPleasant feeling arises dependent on a contact to be experienced as pleasant.\nWith the cessation of that contact to be experienced as pleasant, the corresponding pleasant feeling ceases and stops.\nPainful feeling arises dependent on a contact to be experienced as painful.\nWith the cessation of that contact to be experienced as painful, the corresponding painful feeling ceases and stops.\nNeutral feeling arises dependent on a contact to be experienced as neutral.\nWith the cessation of that contact to be experienced as neutral, the corresponding neutral feeling ceases and stops."}},{"id":"sn12.62:4","sourceIds":["sn12.62:4.1","sn12.62:4.2","sn12.62:4.3","sn12.62:4.4","sn12.62:4.5","sn12.62:4.6"],"kind":"text","text":{"pi":"Seyyathāpi, bhikkhave, dvinnaṁ kaṭṭhānaṁ saṅghaṭṭanasamodhānā usmā jāyati tejo abhinibbattati. Tesaṁyeva dvinnaṁ kaṭṭhānaṁ nānākatavinibbhogā yā tajjā usmā sā nirujjhati sā vūpasammati;\nevameva kho, bhikkhave, sukhavedaniyaṁ phassaṁ paṭicca uppajjati sukhavedanā.\nTasseva sukhavedaniyassa phassassa nirodhā yaṁ tajjaṁ vedayitaṁ sukhavedaniyaṁ phassaṁ paṭicca uppannā sukhavedanā sā nirujjhati sā vūpasammati …pe…\ndukkhavedaniyaṁ phassaṁ paṭicca …\nadukkhamasukhavedaniyaṁ phassaṁ paṭicca uppajjati adukkhamasukhavedanā.\nTasseva adukkhamasukhavedaniyassa phassassa nirodhā yaṁ tajjaṁ vedayitaṁ adukkhamasukhavedaniyaṁ phassaṁ paṭicca uppannā adukkhamasukhavedanā sā nirujjhati sā vūpasammati.","en":"When you rub two sticks together, heat is generated and fire is produced. But when you part the sticks and lay them aside, any corresponding heat ceases and stops.\nIn the same way, pleasant feeling arises dependent on a contact to be experienced as pleasant.\nWith the cessation of that contact to be experienced as pleasant, the corresponding pleasant feeling ceases and stops.\nPainful feeling …\nNeutral feeling arises dependent on a contact to be experienced as neutral.\nWith the cessation of that contact to be experienced as neutral, the corresponding neutral feeling ceases and stops."}},{"id":"sn12.62:5","sourceIds":["sn12.62:5.1","sn12.62:5.2","sn12.62:5.3","sn12.62:5.4"],"kind":"text","text":{"pi":"Evaṁ passaṁ, bhikkhave, sutavā ariyasāvako phassepi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati;\nnibbindaṁ virajjati, virāgā vimuccati, vimuttasmiṁ vimuttamiti ñāṇaṁ hoti.\n‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānātī”ti.\nDutiyaṁ.","en":"Seeing this, a learned noble disciple grows disillusioned with contact, feeling, perception, choices, and consciousness.\nBeing disillusioned, desire fades away. When desire fades away they’re freed. When they’re freed, they know they’re freed.\nThey understand: ‘Rebirth is ended, the spiritual journey has been completed, what had to be done has been done, there is nothing further for this place.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn12.62/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}