{"id":"sn12.66","title":"Probing Within","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn12.66","title":"Probing Within","units":[{"id":"sn12.66:0","sourceIds":["sn12.66:0.1","sn12.66:0.2","sn12.66:0.3"],"kind":"text","text":{"pi":"Saṁyutta Nikāya 12.66\n7. Mahāvagga\nSammasasutta","en":"Linked Discourses 12.66\n7. The Great Chapter\nProbing Within"}},{"id":"sn12.66:1","sourceIds":["sn12.66:1.1","sn12.66:1.2","sn12.66:1.3","sn12.66:1.4","sn12.66:1.5","sn12.66:1.6","sn12.66:1.7","sn12.66:1.8","sn12.66:1.9","sn12.66:1.10","sn12.66:1.11","sn12.66:1.12"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kurūsu viharati kammāsadhammaṁ nāma kurūnaṁ nigamo.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:\n“sammasatha no tumhe, bhikkhave, antaraṁ sammasan”ti.\nEvaṁ vutte, aññataro bhikkhu bhagavantaṁ etadavoca:\n“ahaṁ kho, bhante, sammasāmi antaraṁ sammasan”ti.\n“Yathā kathaṁ pana tvaṁ, bhikkhu, sammasasi antaraṁ sammasan”ti?\nAtha kho so bhikkhu byākāsi.\nYathā so bhikkhu byākāsi na so bhikkhu bhagavato cittaṁ ārādhesi.","en":"So I have heard.\nAt one time the Buddha was staying in the land of the Kurus, near the Kuru town named Kammāsadamma.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:\n“Mendicants, do you probe within?”\nWhen he said this, one of the mendicants said to the Buddha,\n“Sir, I probe within.”\n“But mendicant, how do you probe within?”\nThen that mendicant answered,\nbut the Buddha was not happy with the answer."}},{"id":"sn12.66:2","sourceIds":["sn12.66:2.1","sn12.66:2.2","sn12.66:2.3","sn12.66:2.4","sn12.66:2.5","sn12.66:2.6"],"kind":"text","text":{"pi":"Evaṁ vutte, āyasmā ānando bhagavantaṁ etadavoca:\n“etassa, bhagavā, kālo; etassa, sugata, kālo;\nyaṁ bhagavā antaraṁ sammasaṁ bhāseyya. Bhagavato sutvā bhikkhū dhāressantī”ti.\n“Tenahānanda, suṇātha, sādhukaṁ manasi karotha, bhāsissāmī”ti.\n“Evaṁ, bhante”ti kho te bhikkhū bhagavato paccassosuṁ.\nBhagavā etadavoca:","en":"When he had spoken, Venerable Ānanda said to the Buddha,\n“Now is the time, Blessed One! Now is the time, Holy One!\nLet the Buddha speak of probing within. The mendicants will listen and remember it.”\n“Well then, Ānanda, listen and apply your mind well, I will speak.”\n“Yes, sir,” they replied.\nThe Buddha said this:"}},{"id":"sn12.66:3","sourceIds":["sn12.66:3.1","sn12.66:3.2","sn12.66:3.3","sn12.66:3.4","sn12.66:3.5","sn12.66:3.6","sn12.66:3.7","sn12.66:3.8","sn12.66:3.9"],"kind":"text","text":{"pi":"“Idha, bhikkhave, bhikkhu sammasamāno sammasati antaraṁ sammasaṁ:\n‘yaṁ kho idaṁ anekavidhaṁ nānappakārakaṁ dukkhaṁ loke uppajjati jarāmaraṇaṁ.\nIdaṁ kho dukkhaṁ kiṁnidānaṁ kiṁsamudayaṁ kiṁjātikaṁ kiṁpabhavaṁ, kismiṁ sati jarāmaraṇaṁ hoti, kismiṁ asati jarāmaraṇaṁ na hotī’ti?\nSo sammasamāno evaṁ jānāti:\n‘yaṁ kho idaṁ anekavidhaṁ nānappakārakaṁ dukkhaṁ loke uppajjati jarāmaraṇaṁ.\nIdaṁ kho dukkhaṁ upadhinidānaṁ upadhisamudayaṁ upadhijātikaṁ upadhipabhavaṁ, upadhismiṁ sati jarāmaraṇaṁ hoti, upadhismiṁ asati jarāmaraṇaṁ na hotī’ti.\nSo jarāmaraṇañca pajānāti jarāmaraṇasamudayañca pajānāti jarāmaraṇanirodhañca pajānāti yā ca jarāmaraṇanirodhasāruppagāminī paṭipadā tañca pajānāti.\nTathāpaṭipanno ca hoti anudhammacārī.\nAyaṁ vuccati, bhikkhave, bhikkhu sabbaso sammā dukkhakkhayāya paṭipanno jarāmaraṇanirodhāya.","en":"“Take a mendicant who probes within:\n‘The suffering that arises in the world starting with old age and death takes many and diverse forms.\nBut what is the source of this suffering? When what exists do old age and death come to be? And when what does not exist do old age and death not come to be?’\nWhile probing they know:\n‘The suffering that arises in the world starting with old age and death takes many and diverse forms.\nThe source of this suffering is attachment. When attachments exist old age and death come to be. And when attachments do not exist old age and death don’t come to be.’\nThey understand old age and death, their origin, their cessation, and the fitting practice for their cessation.\nAnd they practice in line with that path.\nThis is called a mendicant who is practicing for the complete ending of suffering, for the cessation of old age and death."}},{"id":"sn12.66:4","sourceIds":["sn12.66:4.1","sn12.66:4.2","sn12.66:4.3","sn12.66:4.4","sn12.66:4.5","sn12.66:4.6","sn12.66:4.7"],"kind":"text","text":{"pi":"Athāparaṁ sammasamāno sammasati antaraṁ sammasaṁ:\n‘upadhi panāyaṁ kiṁnidāno kiṁsamudayo kiṁjātiko kiṁpabhavo, kismiṁ sati upadhi hoti, kismiṁ asati upadhi na hotī’ti?\nSo sammasamāno evaṁ jānāti:\n‘upadhi taṇhānidāno taṇhāsamudayo taṇhājātiko taṇhāpabhavo, taṇhāya sati upadhi hoti, taṇhāya asati upadhi na hotī’ti.\nSo upadhiñca pajānāti upadhisamudayañca pajānāti upadhinirodhañca pajānāti yā ca upadhinirodhasāruppagāminī paṭipadā tañca pajānāti.\nTathāpaṭipanno ca hoti anudhammacārī.\nAyaṁ vuccati, bhikkhave, bhikkhu sabbaso sammā dukkhakkhayāya paṭipanno upadhinirodhāya.","en":"They probe further within:\n‘But what is the source of this attachment? When what exists does attachment come to be? And when what does not exist does attachment not come to be?’\nWhile probing they know:\n‘The source of this attachment is craving. When craving exists attachments come to be. And when craving doesn’t exist attachments don’t come to be.’\nThey understand attachments, their origin, their cessation, and the fitting practice for their cessation.\nAnd they practice in line with that path.\nThis is called a mendicant who is practicing for the complete ending of suffering, for the cessation of attachments."}},{"id":"sn12.66:5","sourceIds":["sn12.66:5.1","sn12.66:5.2","sn12.66:5.3","sn12.66:5.4","sn12.66:5.5","sn12.66:5.6","sn12.66:5.7","sn12.66:5.8","sn12.66:5.9","sn12.66:5.10","sn12.66:5.11"],"kind":"text","text":{"pi":"Athāparaṁ sammasamāno sammasati antaraṁ sammasaṁ:\n‘taṇhā panāyaṁ kattha uppajjamānā uppajjati, kattha nivisamānā nivisatī’ti?\nSo sammasamāno evaṁ jānāti—\nyaṁ kho loke piyarūpaṁ sātarūpaṁ etthesā taṇhā uppajjamānā uppajjati, ettha nivisamānā nivisati.\nKiñca loke piyarūpaṁ sātarūpaṁ?\nCakkhuṁ loke piyarūpaṁ, sātarūpaṁ, etthesā taṇhā uppajjamānā uppajjati, ettha nivisamānā nivisati.\nSotaṁ loke piyarūpaṁ sātarūpaṁ …pe…\nghānaṁ loke piyarūpaṁ sātarūpaṁ …\njivhā loke piyarūpaṁ sātarūpaṁ …\nkāyo loke piyarūpaṁ sātarūpaṁ …\nmano loke piyarūpaṁ sātarūpaṁ, etthesā taṇhā uppajjamānā uppajjati ettha nivisamānā nivisati.","en":"They probe further within:\n‘But where does that craving arise and where does it settle?’\nWhile probing they know:\n‘That craving arises and settles on whatever in the world seems nice and pleasant.\nAnd what in the world seems nice and pleasant?\nThe eye in the world seems nice and pleasant, and it is there that craving arises and settles.\nThe ear …\nnose …\ntongue …\nbody …\nmind in the world seems nice and pleasant, and it is there that craving arises and settles.’"}},{"id":"sn12.66:6","sourceIds":["sn12.66:6.1","sn12.66:6.2","sn12.66:6.3","sn12.66:6.4","sn12.66:6.5"],"kind":"text","text":{"pi":"Ye hi keci, bhikkhave, atītamaddhānaṁ samaṇā vā brāhmaṇā vā yaṁ loke piyarūpaṁ sātarūpaṁ taṁ niccato addakkhuṁ sukhato addakkhuṁ attato addakkhuṁ ārogyato addakkhuṁ khemato addakkhuṁ.\nTe taṇhaṁ vaḍḍhesuṁ.\nYe taṇhaṁ vaḍḍhesuṁ te upadhiṁ vaḍḍhesuṁ.\nYe upadhiṁ vaḍḍhesuṁ te dukkhaṁ vaḍḍhesuṁ.\nYe dukkhaṁ vaḍḍhesuṁ te na parimucciṁsu jātiyā jarāya maraṇena sokehi paridevehi dukkhehi domanassehi upāyāsehi, ‘na parimucciṁsu dukkhasmā’ti vadāmi.","en":"There were ascetics and brahmins of the past who saw the things that seem nice and pleasant in the world as permanent, as pleasurable, as self, as healthy, and as safe.\nTheir craving grew.\nAs their craving grew, their attachments grew.\nAs their attachments grew, their suffering grew.\nAnd as their suffering grew, they were not freed from rebirth, old age, and death, from sorrow, lamentation, pain, sadness, and distress. They were not freed from suffering, I say."}},{"id":"sn12.66:7","sourceIds":["sn12.66:7.1","sn12.66:7.2","sn12.66:7.3","sn12.66:7.4","sn12.66:7.5"],"kind":"text","text":{"pi":"Yepi hi keci, bhikkhave, anāgatamaddhānaṁ samaṇā vā brāhmaṇā vā yaṁ loke piyarūpaṁ sātarūpaṁ taṁ niccato dakkhissanti sukhato dakkhissanti attato dakkhissanti ārogyato dakkhissanti khemato dakkhissanti.\nTe taṇhaṁ vaḍḍhissanti.\nYe taṇhaṁ vaḍḍhissanti te upadhiṁ vaḍḍhissanti.\nYe upadhiṁ vaḍḍhissanti te dukkhaṁ vaḍḍhissanti.\nYe dukkhaṁ vaḍḍhissanti te na parimuccissanti jātiyā jarāya maraṇena sokehi paridevehi dukkhehi domanassehi upāyāsehi, ‘na parimuccissanti dukkhasmā’ti vadāmi.","en":"There will be ascetics and brahmins in the future who will see the things that seem nice and pleasant in the world as permanent, as pleasurable, as self, as healthy, and as safe.\nTheir craving will grow.\nAs their craving grows, their attachments will grow.\nAs their attachments grow, their suffering will grow.\nAnd as their suffering grows, they will not be freed from rebirth, old age, and death, from sorrow, lamentation, pain, sadness, and distress. They will not be freed from suffering, I say."}},{"id":"sn12.66:8","sourceIds":["sn12.66:8.1","sn12.66:8.2","sn12.66:8.3","sn12.66:8.4","sn12.66:8.5"],"kind":"text","text":{"pi":"Yepi hi keci, bhikkhave, etarahi samaṇā vā brāhmaṇā vā yaṁ loke piyarūpaṁ sātarūpaṁ taṁ niccato passanti sukhato passanti attato passanti ārogyato passanti khemato passanti.\nTe taṇhaṁ vaḍḍhenti.\nYe taṇhaṁ vaḍḍhenti te upadhiṁ vaḍḍhenti.\nYe upadhiṁ vaḍḍhenti te dukkhaṁ vaḍḍhenti.\nYe dukkhaṁ vaḍḍhenti te na parimuccanti jātiyā jarāya maraṇena sokehi paridevehi dukkhehi domanassehi upāyāsehi, ‘na parimuccanti dukkhasmā’ti vadāmi.","en":"There are ascetics and brahmins in the present who see the things that seem nice and pleasant in the world as permanent, as pleasurable, as self, as healthy, and as safe.\nTheir craving grows.\nAs their craving grows, their attachments grow.\nAs their attachments grow, their suffering grows.\nAnd as their suffering grows, they are not freed from rebirth, old age, and death, from sorrow, lamentation, pain, sadness, and distress. They are not freed from suffering, I say."}},{"id":"sn12.66:9","sourceIds":["sn12.66:9.1","sn12.66:9.2","sn12.66:9.3","sn12.66:9.4","sn12.66:9.5","sn12.66:9.6","sn12.66:9.7","sn12.66:9.8","sn12.66:9.9","sn12.66:9.10","sn12.66:9.11","sn12.66:9.12","sn12.66:9.13","sn12.66:9.14","sn12.66:9.15","sn12.66:9.16"],"kind":"text","text":{"pi":"Seyyathāpi, bhikkhave, āpānīyakaṁso vaṇṇasampanno gandhasampanno rasasampanno.\nSo ca kho visena saṁsaṭṭho.\nAtha puriso āgaccheyya ghammābhitatto ghammapareto kilanto tasito pipāsito.\nTamenaṁ evaṁ vadeyyuṁ:\n‘ayaṁ te, ambho purisa, āpānīyakaṁso vaṇṇasampanno gandhasampanno rasasampanno;\nso ca kho visena saṁsaṭṭho.\nSace ākaṅkhasi piva.\nPivato hi kho taṁ chādessati vaṇṇenapi gandhenapi rasenapi, pivitvā ca pana tatonidānaṁ maraṇaṁ vā nigacchasi maraṇamattaṁ vā dukkhan’ti.\nSo taṁ āpānīyakaṁsaṁ sahasā appaṭisaṅkhā piveyya, nappaṭinissajjeyya.\nSo tatonidānaṁ maraṇaṁ vā nigaccheyya maraṇamattaṁ vā dukkhaṁ.\nEvameva kho, bhikkhave, ye hi keci atītamaddhānaṁ samaṇā vā brāhmaṇā vā yaṁ loke piyarūpaṁ …pe…\nanāgatamaddhānaṁ …pe…\netarahi samaṇā vā brāhmaṇā vā yaṁ loke piyarūpaṁ sātarūpaṁ taṁ niccato passanti sukhato passanti attato passanti ārogyato passanti khemato passanti, te taṇhaṁ vaḍḍhenti.\nYe taṇhaṁ vaḍḍhenti te upadhiṁ vaḍḍhenti.\nYe upadhiṁ vaḍḍhenti te dukkhaṁ vaḍḍhenti.\nYe dukkhaṁ vaḍḍhenti te na parimuccanti jātiyā jarāya maraṇena sokehi paridevehi dukkhehi domanassehi upāyāsehi, ‘na parimuccanti dukkhasmā’ti vadāmi.","en":"Suppose there was a bronze goblet of beverage that had a nice color, aroma, and flavor.\nBut it was mixed with poison.\nThen along comes a man struggling in the oppressive heat, weary, thirsty, and parched.\nThey’d say to him:\n‘Here, my man, this bronze goblet of beverage has a nice color, aroma, and flavor.\nBut it’s mixed with poison.\nDrink it if you like.\nIf you drink it, the color, aroma, and flavor will be appetizing, but it will result in death or deadly pain.’\nHe wouldn’t put that beverage down. Hastily, without reflection, he’d drink it,\nresulting in death or deadly pain.\nIn the same way, there are ascetics and brahmins of the past …\nfuture …\nThere are ascetics and brahmins in the present who see the things that seem nice and pleasant in the world as permanent, as pleasurable, as self, as healthy, and as safe. Their craving grows.\nAs their craving grows, their attachments grow.\nAs their attachments grow, their suffering grows.\nAnd as their suffering grows, they are not freed from rebirth, old age, and death, from sorrow, lamentation, pain, sadness, and distress. They are not freed from suffering, I say."}},{"id":"sn12.66:10","sourceIds":["sn12.66:10.1","sn12.66:10.2","sn12.66:10.3","sn12.66:10.4","sn12.66:10.5"],"kind":"text","text":{"pi":"Ye ca kho keci, bhikkhave, atītamaddhānaṁ samaṇā vā brāhmaṇā vā yaṁ loke piyarūpaṁ sātarūpaṁ taṁ aniccato addakkhuṁ dukkhato addakkhuṁ anattato addakkhuṁ rogato addakkhuṁ bhayato addakkhuṁ,\nte taṇhaṁ pajahiṁsu.\nYe taṇhaṁ pajahiṁsu te upadhiṁ pajahiṁsu.\nYe upadhiṁ pajahiṁsu te dukkhaṁ pajahiṁsu.\nYe dukkhaṁ pajahiṁsu te parimucciṁsu jātiyā jarāya maraṇena sokehi paridevehi dukkhehi domanassehi upāyāsehi, ‘parimucciṁsu dukkhasmā’ti vadāmi.","en":"There were ascetics and brahmins of the past who saw the things that seem nice and pleasant in the world as impermanent, as suffering, as not-self, as diseased, and as dangerous.\nThey gave up craving.\nGiving up craving, they gave up attachments.\nGiving up attachments, they gave up suffering.\nGiving up suffering, they were freed from rebirth, old age, and death, from sorrow, lamentation, pain, sadness, and distress. They were freed from suffering, I say."}},{"id":"sn12.66:11","sourceIds":["sn12.66:11.1","sn12.66:11.2","sn12.66:11.3","sn12.66:11.4"],"kind":"text","text":{"pi":"Yepi hi keci, bhikkhave, anāgatamaddhānaṁ samaṇā vā brāhmaṇā vā yaṁ loke piyarūpaṁ sātarūpaṁ taṁ aniccato dakkhissanti dukkhato dakkhissanti anattato dakkhissanti rogato dakkhissanti bhayato dakkhissanti,\nte taṇhaṁ pajahissanti.\nYe taṇhaṁ pajahissanti …pe…\n‘parimuccissanti dukkhasmā’ti vadāmi.","en":"There will be ascetics and brahmins in the future who will see the things that seem nice and pleasant in the world as impermanent, as suffering, as not-self, as diseased, and as dangerous.\nThey will give up craving.\nGiving up craving …\nthey will be freed from suffering, I say."}},{"id":"sn12.66:12","sourceIds":["sn12.66:12.1","sn12.66:12.2","sn12.66:12.3","sn12.66:12.4","sn12.66:12.5"],"kind":"text","text":{"pi":"Yepi hi keci, bhikkhave, etarahi samaṇā vā brāhmaṇā vā yaṁ loke piyarūpaṁ sātarūpaṁ taṁ aniccato passanti dukkhato passanti anattato passanti rogato passanti bhayato passanti,\nte taṇhaṁ pajahanti.\nYe taṇhaṁ pajahanti te upadhiṁ pajahanti.\nYe upadhiṁ pajahanti te dukkhaṁ pajahanti.\nYe dukkhaṁ pajahanti te parimuccanti jātiyā jarāya maraṇena sokehi paridevehi dukkhehi domanassehi upāyāsehi, ‘parimuccanti dukkhasmā’ti vadāmi.","en":"There are ascetics and brahmins in the present who see the things that seem nice and pleasant in the world as impermanent, as suffering, as not-self, as diseased, and as dangerous.\nThey give up craving.\nGiving up craving, they give up attachments.\nGiving up attachments, they give up suffering.\nGiving up suffering, they are freed from rebirth, old age, and death, from sorrow, lamentation, pain, sadness, and distress. They are freed from suffering, I say."}},{"id":"sn12.66:13","sourceIds":["sn12.66:13.1","sn12.66:13.2","sn12.66:13.3","sn12.66:13.4","sn12.66:13.5","sn12.66:13.6","sn12.66:13.7","sn12.66:13.8","sn12.66:13.9","sn12.66:13.10","sn12.66:13.11","sn12.66:13.12","sn12.66:13.13","sn12.66:13.14","sn12.66:13.15","sn12.66:13.16","sn12.66:13.17"],"kind":"text","text":{"pi":"Seyyathāpi, bhikkhave, āpānīyakaṁso vaṇṇasampanno gandhasampanno rasasampanno.\nSo ca kho visena saṁsaṭṭho.\nAtha puriso āgaccheyya ghammābhitatto ghammapareto kilanto tasito pipāsito.\nTamenaṁ evaṁ vadeyyuṁ:\n‘ayaṁ te, ambho purisa, āpānīyakaṁso vaṇṇasampanno gandhasampanno rasasampanno\nso ca kho visena saṁsaṭṭho.\nSace ākaṅkhasi piva.\nPivato hi kho taṁ chādessati vaṇṇenapi gandhenapi rasenapi; pivitvā ca pana tatonidānaṁ maraṇaṁ vā nigacchasi maraṇamattaṁ vā dukkhan’ti.\nAtha kho, bhikkhave, tassa purisassa evamassa:\n‘sakkā kho me ayaṁ surāpipāsitā pānīyena vā vinetuṁ dadhimaṇḍakena vā vinetuṁ bhaṭṭhaloṇikāya vā vinetuṁ loṇasovīrakena vā vinetuṁ, na tvevāhaṁ taṁ piveyyaṁ, yaṁ mama assa dīgharattaṁ hitāya sukhāyā’ti.\nSo taṁ āpānīyakaṁsaṁ paṭisaṅkhā na piveyya, paṭinissajjeyya.\nSo tatonidānaṁ na maraṇaṁ vā nigaccheyya maraṇamattaṁ vā dukkhaṁ.\nEvameva kho, bhikkhave, ye hi keci atītamaddhānaṁ samaṇā vā brāhmaṇā vā yaṁ loke piyarūpaṁ sātarūpaṁ taṁ aniccato addakkhuṁ dukkhato addakkhuṁ anattato addakkhuṁ rogato addakkhuṁ bhayato addakkhuṁ,\nte taṇhaṁ pajahiṁsu.\nYe taṇhaṁ pajahiṁsu te upadhiṁ pajahiṁsu.\nYe upadhiṁ pajahiṁsu te dukkhaṁ pajahiṁsu.\nYe dukkhaṁ pajahiṁsu te parimucciṁsu jātiyā jarāya maraṇena sokehi paridevehi dukkhehi domanassehi upāyāsehi, ‘parimucciṁsu dukkhasmā’ti vadāmi.","en":"Suppose there was a bronze goblet of beverage that had a nice color, aroma, and flavor.\nBut it was mixed with poison.\nThen along comes a man struggling in the oppressive heat, weary, thirsty, and parched.\nThey’d say to him:\n‘Here, my man, this bronze goblet of beverage has a nice color, aroma, and flavor.\nBut it’s mixed with poison.\nDrink it if you like.\nIf you drink it, its nice color, aroma, and flavor will refresh you. But drinking it will result in death or deadly pain.’\nThen that man might think:\n‘I can allay my thirst with a fermented drink of beer, buttermilk, salt lassi, or salted infusion. But in any case, I shouldn’t drink that beverage, for it would be for my lasting harm and suffering.’\nHe’d put that beverage down. After appraisal, he wouldn’t drink it,\nand it wouldn’t result in death or deadly pain.\nIn the same way, there were ascetics and brahmins of the past who saw the things that seem nice and pleasant in the world as impermanent, as suffering, as not-self, as diseased, and as dangerous.\nThey gave up craving.\nGiving up craving, they gave up attachments.\nGiving up attachments, they gave up suffering.\nGiving up suffering, they were freed from rebirth, old age, and death, from sorrow, lamentation, pain, sadness, and distress. They were freed from suffering, I say."}},{"id":"sn12.66:14","sourceIds":["sn12.66:14.1","sn12.66:14.2","sn12.66:14.3","sn12.66:14.4","sn12.66:14.5","sn12.66:14.6","sn12.66:14.7"],"kind":"text","text":{"pi":"Yepi hi keci, bhikkhave, anāgatamaddhānaṁ …pe…\netarahi samaṇā vā brāhmaṇā vā yaṁ loke piyarūpaṁ sātarūpaṁ taṁ aniccato passanti dukkhato passanti anattato passanti rogato passanti bhayato passanti,\nte taṇhaṁ pajahanti.\nYe taṇhaṁ pajahanti te upadhiṁ pajahanti.\nYe upadhiṁ pajahanti te dukkhaṁ pajahanti.\nYe dukkhaṁ pajahanti te parimuccanti jātiyā jarāya maraṇena sokehi paridevehi dukkhehi domanassehi upāyāsehi, ‘parimuccanti dukkhasmā’ti vadāmī”ti.\nChaṭṭhaṁ.","en":"There will be ascetics and brahmins in the future …\nThere are ascetics and brahmins in the present who see the things that seem nice and pleasant in the world as impermanent, as suffering, as not-self, as diseased, and as dangerous.\nThey give up craving.\nGiving up craving, they give up attachments.\nGiving up attachments, they give up suffering.\nGiving up suffering, they are freed from rebirth, old age, and death, from sorrow, lamentation, pain, sadness, and distress. They are freed from suffering, I say.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn12.66/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}