{"id":"sn12.68","title":"At Kosambī","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn12.68","title":"At Kosambī","units":[{"id":"sn12.68:0","sourceIds":["sn12.68:0.1","sn12.68:0.2","sn12.68:0.3"],"kind":"text","text":{"pi":"Saṁyutta Nikāya 12.68\n7. Mahāvagga\nKosambisutta","en":"Linked Discourses 12.68\n7. The Great Chapter\nAt Kosambī"}},{"id":"sn12.68:1","sourceIds":["sn12.68:1.1","sn12.68:1.2","sn12.68:1.3","sn12.68:1.4","sn12.68:1.5","sn12.68:1.6"],"kind":"text","text":{"pi":"Ekaṁ samayaṁ āyasmā ca musilo āyasmā ca paviṭṭho āyasmā ca nārado āyasmā ca ānando kosambiyaṁ viharanti ghositārāme.\nAtha kho āyasmā paviṭṭho āyasmantaṁ musilaṁ etadavoca:\n“aññatreva, āvuso musila, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato musilassa paccattameva ñāṇaṁ:\n‘jātipaccayā jarāmaraṇan’”ti?\n“Aññatreva, āvuso paviṭṭha, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā ahametaṁ jānāmi ahametaṁ passāmi:\n‘jātipaccayā jarāmaraṇan’”ti.","en":"At one time the venerables Musīla, Saviṭṭha, Nārada, and Ānanda were staying near Kosambī in Ghosita’s monastery.\nThen Venerable Saviṭṭha said to Venerable Musīla:\n“Reverend Musīla, apart from faith, endorsement, oral transmission, reasoned train of thought, or acceptance of a view after deliberation, do you personally know that\nrebirth is a requirement for old age and death?”\n“Reverend Saviṭṭha, apart from faith, endorsement, oral transmission, reasoned train of thought, or acceptance of a view after deliberation, I know and see that\nrebirth is a requirement for old age and death.”"}},{"id":"sn12.68:2","sourceIds":["sn12.68:2.1","sn12.68:2.2","sn12.68:2.3","sn12.68:2.4","sn12.68:2.5","sn12.68:2.6","sn12.68:2.7","sn12.68:2.8","sn12.68:2.9","sn12.68:2.10","sn12.68:2.11","sn12.68:2.12","sn12.68:2.13"],"kind":"text","text":{"pi":"“Aññatreva, āvuso musila, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato musilassa paccattameva ñāṇaṁ:\n‘bhavapaccayā jātīti …pe…\nupādānapaccayā bhavoti …\ntaṇhāpaccayā upādānanti …\nvedanāpaccayā taṇhāti …\nphassapaccayā vedanāti …\nsaḷāyatanapaccayā phassoti …\nnāmarūpapaccayā saḷāyatananti …\nviññāṇapaccayā nāmarūpanti …\nsaṅkhārapaccayā viññāṇanti …\navijjāpaccayā saṅkhārā’”ti?\n“Aññatreva, āvuso paviṭṭha, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā ahametaṁ jānāmi ahametaṁ passāmi:\n‘avijjāpaccayā saṅkhārā’”ti.","en":"“Reverend Musīla, apart from faith, endorsement, oral transmission, reasoned train of thought, or acceptance of a view after deliberateation, do you personally know that\ncontinued existence is a requirement for rebirth …\ngrasping is a requirement for continued existence …\ncraving is a requirement for grasping …\nfeeling is a requirement for craving …\ncontact is a requirement for feeling …\nthe six sense fields are requirements for contact …\nname and form are requirements for the six sense fields …\nconsciousness is a requirement for name and form …\nchoices are a requirement for consciousness …\nignorance is a requirement for choices?”\n“Reverend Saviṭṭha, apart from faith, endorsement, oral transmission, reasoned train of thought, or acceptance of a view after deliberation, I know and see that\nignorance is a requirement for choices.”"}},{"id":"sn12.68:3","sourceIds":["sn12.68:3.1","sn12.68:3.2","sn12.68:3.3","sn12.68:3.4"],"kind":"text","text":{"pi":"“Aññatreva, āvuso musila, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato musilassa paccattameva ñāṇaṁ:\n‘jātinirodhā jarāmaraṇanirodho’”ti?\n“Aññatreva, āvuso paviṭṭha, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā ahametaṁ jānāmi ahametaṁ passāmi:\n‘jātinirodhā jarāmaraṇanirodho’”ti.","en":"“Reverend Musīla, apart from faith, endorsement, oral transmission, reasoned train of thought, or acceptance of a view after deliberation, do you personally know that\nwhen rebirth ceases, old age and death cease?”\n“Reverend Saviṭṭha, apart from faith, endorsement, oral transmission, reasoned train of thought, or acceptance of a view after deliberation, I know and see that\nwhen rebirth ceases, old age and death cease.”"}},{"id":"sn12.68:4","sourceIds":["sn12.68:4.1","sn12.68:4.2","sn12.68:4.3","sn12.68:4.4","sn12.68:4.5","sn12.68:4.6","sn12.68:4.7","sn12.68:4.8","sn12.68:4.9","sn12.68:4.10","sn12.68:4.11","sn12.68:4.12","sn12.68:4.13"],"kind":"text","text":{"pi":"“Aññatreva, āvuso musila, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato musilassa paccattameva ñāṇaṁ:\n‘bhavanirodhā jātinirodhoti …pe…\nupādānanirodhā bhavanirodhoti …\ntaṇhānirodhā upādānanirodhoti …\nvedanānirodhā taṇhānirodhoti …\nphassanirodhā vedanānirodhoti …\nsaḷāyatananirodhā phassanirodhoti …\nnāmarūpanirodhā saḷāyatananirodhoti …\nviññāṇanirodhā nāmarūpanirodhoti …\nsaṅkhāranirodhā viññāṇanirodhoti …\navijjānirodhā saṅkhāranirodho’”ti?\n“Aññatreva, āvuso paviṭṭha, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā ahametaṁ jānāmi ahametaṁ passāmi:\n‘avijjānirodhā saṅkhāranirodho’”ti.","en":"“Reverend Musīla, apart from faith, endorsement, oral transmission, reasoned train of thought, or acceptance of a view after deliberation, do you personally know that\nwhen continued existence ceases, rebirth ceases …\nwhen grasping ceases, continued existence ceases …\nwhen craving ceases, grasping ceases …\nwhen feeling ceases, craving ceases …\nwhen contact ceases, feeling ceases …\nwhen the six sense fields cease, contact ceases …\nwhen name and form cease, the six sense fields cease …\nwhen consciousness ceases name and form cease …\nwhen choices cease consciousness ceases …\nwhen ignorance ceases, choices cease?”\n“Reverend Saviṭṭha, apart from faith, endorsement, oral transmission, reasoned train of thought, or acceptance of a view after deliberation, I know and see that\nwhen ignorance ceases, choices cease.”"}},{"id":"sn12.68:5","sourceIds":["sn12.68:5.1","sn12.68:5.2","sn12.68:5.3","sn12.68:5.4"],"kind":"text","text":{"pi":"“Aññatreva, āvuso musila, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato musilassa paccattameva ñāṇaṁ:\n‘bhavanirodho nibbānan’”ti?\n“Aññatreva, āvuso paviṭṭha, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā ahametaṁ jānāmi ahametaṁ passāmi:\n‘bhavanirodho nibbānan’”ti.","en":"“Reverend Musīla, apart from faith, endorsement, oral transmission, reasoned train of thought, or acceptance of a view after deliberation, do you personally know that\nthe cessation of continued existence is extinguishment?”\n“Reverend Saviṭṭha, apart from faith, endorsement, oral transmission, reasoned train of thought, or acceptance of a view after deliberation, I know and see that\nthe cessation of continued existence is extinguishment.”"}},{"id":"sn12.68:6","sourceIds":["sn12.68:6.1","sn12.68:6.2"],"kind":"text","text":{"pi":"“Tenahāyasmā musilo arahaṁ khīṇāsavo”ti?\nEvaṁ vutte, āyasmā musilo tuṇhī ahosi.","en":"“Then Venerable Musīla is a perfected one, with defilements ended.”\nWhen he said this, Musīla kept silent."}},{"id":"sn12.68:7","sourceIds":["sn12.68:7.1","sn12.68:7.2","sn12.68:7.3","sn12.68:7.4","sn12.68:7.5","sn12.68:7.6","sn12.68:7.7"],"kind":"text","text":{"pi":"Atha kho āyasmā nārado āyasmantaṁ paviṭṭhaṁ etadavoca:\n“sādhāvuso paviṭṭha, ahaṁ etaṁ pañhaṁ labheyyaṁ.\nMaṁ etaṁ pañhaṁ puccha.\nAhaṁ te etaṁ pañhaṁ byākarissāmī”ti.\n“Labhatāyasmā nārado etaṁ pañhaṁ.\nPucchāmahaṁ āyasmantaṁ nāradaṁ etaṁ pañhaṁ.\nByākarotu ca me āyasmā nārado etaṁ pañhaṁ.","en":"Then Venerable Nārada said to Venerable Saviṭṭha,\n“Reverend Saviṭṭha, please let me answer these questions.\nAsk me\nand I will answer them for you.”\n“By all means, Venerable Nārada, try these questions.\nI’ll ask you\nand you can answer them for me.”"}},{"id":"sn12.68:8","sourceIds":["sn12.68:8.1","sn12.68:8.2","sn12.68:8.3","sn12.68:8.4"],"kind":"text","text":{"pi":"Aññatreva, āvuso nārada, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato nāradassa paccattameva ñāṇaṁ:\n‘jātipaccayā jarāmaraṇan’”ti?\n“Aññatreva, āvuso paviṭṭha, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā ahametaṁ jānāmi ahametaṁ passāmi:\n‘jātipaccayā jarāmaraṇan’”ti.","en":"(Saviṭṭha repeats exactly the same series of questions, and Nārada answers just as Musīla did.)"}},{"id":"sn12.68:9","sourceIds":["sn12.68:9.1","sn12.68:9.2","sn12.68:9.3","sn12.68:9.4","sn12.68:9.5"],"kind":"text","text":{"pi":"“Aññatreva, āvuso nārada, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato nāradassa paccattameva ñāṇaṁ—\nbhavapaccayā jāti …pe…\navijjāpaccayā saṅkhārā”ti?\n“Aññatreva, āvuso paviṭṭha, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā ahametaṁ jānāmi ahametaṁ passāmi:\n‘avijjāpaccayā saṅkhārā’”ti."}},{"id":"sn12.68:10","sourceIds":["sn12.68:10.1","sn12.68:10.2","sn12.68:10.3","sn12.68:10.4"],"kind":"text","text":{"pi":"“Aññatreva, āvuso nārada, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato nāradassa paccattameva ñāṇaṁ:\n‘jātinirodhā jarāmaraṇanirodho’”ti?\n“Aññatreva, āvuso paviṭṭha, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā ahametaṁ jānāmi ahametaṁ passāmi:\n‘jātinirodhā jarāmaraṇanirodho’”ti."}},{"id":"sn12.68:11","sourceIds":["sn12.68:11.1","sn12.68:11.2","sn12.68:11.3","sn12.68:11.4","sn12.68:11.5"],"kind":"text","text":{"pi":"“Aññatreva, āvuso nārada, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato nāradassa paccattameva ñāṇaṁ:\n‘bhavanirodhā jātinirodhoti …pe…\navijjānirodhā saṅkhāranirodho’”ti?\n“Aññatreva, āvuso paviṭṭha, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā ahametaṁ jānāmi ahametaṁ passāmi:\n‘avijjānirodhā saṅkhāranirodho’”ti."}},{"id":"sn12.68:12","sourceIds":["sn12.68:12.1","sn12.68:12.2","sn12.68:12.3","sn12.68:12.4"],"kind":"text","text":{"pi":"“Aññatreva, āvuso nārada, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato nāradassa paccattameva ñāṇaṁ:\n‘bhavanirodho nibbānan’”ti?\n“Aññatreva, āvuso paviṭṭha, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā ahametaṁ jānāmi ahametaṁ passāmi:\n‘bhavanirodho nibbānan’”ti.","en":"“Reverend Nārada, apart from faith, endorsement, oral transmission, reasoned train of thought, or acceptance of a view after deliberation, do you personally know that\nthe cessation of continued existence is extinguishment?”\n“Reverend Saviṭṭha, apart from faith, endorsement, oral transmission, reasoned train of thought, or acceptance of a view after deliberation, I know and see that\nthe cessation of continued existence is extinguishment.”"}},{"id":"sn12.68:13","sourceIds":["sn12.68:13.1","sn12.68:13.2","sn12.68:13.3","sn12.68:13.4","sn12.68:13.5","sn12.68:13.6"],"kind":"text","text":{"pi":"“Tenahāyasmā nārado arahaṁ khīṇāsavo”ti?\n“‘Bhavanirodho nibbānan’ti kho me, āvuso, yathābhūtaṁ sammappaññāya sudiṭṭhaṁ, na camhi arahaṁ khīṇāsavo.\nSeyyathāpi, āvuso, kantāramagge udapāno, tatra nevassa rajju na udakavārako.\nAtha puriso āgaccheyya ghammābhitatto ghammapareto kilanto tasito pipāsito, so taṁ udapānaṁ olokeyya.\nTassa ‘udakan’ti hi kho ñāṇaṁ assa, na ca kāyena phusitvā vihareyya.\nEvameva kho, āvuso, ‘bhavanirodho nibbānan’ti yathābhūtaṁ sammappaññāya sudiṭṭhaṁ, na camhi arahaṁ khīṇāsavo”ti.","en":"“Then Venerable Nārada is a perfected one, with defilements ended.”\n“I have truly seen clearly with right wisdom that the cessation of continued existence is extinguishment. Yet I am not a perfected one.\nSuppose there was a well on a desert road that had neither rope nor bucket.\nThen along comes a person struggling in the oppressive heat, weary, thirsty, and parched.\nThey’d know that there was water, but they couldn’t physically touch it.\nIn the same way, I have truly seen clearly with right wisdom that the cessation of continued existence is extinguishment. Yet I am not a perfected one.”"}},{"id":"sn12.68:14","sourceIds":["sn12.68:14.1","sn12.68:14.2","sn12.68:14.3","sn12.68:14.4"],"kind":"text","text":{"pi":"Evaṁ vutte, āyasmā ānando āyasmantaṁ paviṭṭhaṁ etadavoca:\n“evaṁvādī tvaṁ, āvuso paviṭṭha, āyasmantaṁ nāradaṁ kiṁ vadesī”ti?\n“Evaṁvādāhaṁ, āvuso ānanda, āyasmantaṁ nāradaṁ na kiñci vadāmi aññatra kalyāṇā aññatra kusalā”ti.\nAṭṭhamaṁ.","en":"When he said this, Venerable Ānanda said to Venerable Saviṭṭha,\n“Reverend Saviṭṭha, what do you have to say to Venerable Nārada when he speaks like this?”\n“Reverend Ānanda, I have nothing to say to Venerable Nārada when he speaks like this, except what is good and wholesome.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn12.68/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}