{"id":"sn15.13","title":"Thirty Mendicants","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn15.13","title":"Thirty Mendicants","units":[{"id":"sn15.13:0","sourceIds":["sn15.13:0.1","sn15.13:0.2","sn15.13:0.3"],"kind":"text","text":{"pi":"Saṁyutta Nikāya 15.13\n2. Dutiyavagga\nTiṁsamattasutta","en":"Linked Discourses 15.13\nChapter Two\nThirty Mendicants"}},{"id":"sn15.13:1","sourceIds":["sn15.13:1.1","sn15.13:1.2","sn15.13:1.3","sn15.13:1.4","sn15.13:1.5","sn15.13:1.6","sn15.13:1.7","sn15.13:1.8","sn15.13:1.9"],"kind":"text","text":{"pi":"Rājagahe viharati veḷuvane.\nAtha kho tiṁsamattā pāveyyakā bhikkhū sabbe āraññikā sabbe piṇḍapātikā sabbe paṁsukūlikā sabbe tecīvarikā sabbe sasaṁyojanā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu.\nAtha kho bhagavato etadahosi:\n“ime kho tiṁsamattā pāveyyakā bhikkhū sabbe āraññikā sabbe piṇḍapātikā sabbe paṁsukūlikā sabbe tecīvarikā sabbe sasaṁyojanā.\nYannūnāhaṁ imesaṁ tathā dhammaṁ deseyyaṁ yathā nesaṁ imasmiṁyeva āsane anupādāya āsavehi cittāni vimucceyyun”ti.\nAtha kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"Near Rājagaha, in the Bamboo Grove.\nThen thirty mendicants from Pāvā went to the Buddha. All of them lived in the wilderness, ate only almsfood, wore rag robes, and owned just three robes; yet they all still had fetters. They bowed to the Buddha and sat down to one side.\nThen it occurred to the Buddha,\n“These thirty mendicants from Pāvā live in the wilderness, eat only almsfood, wear rag robes, and own just three robes; yet they all still have fetters.\nWhy don’t I teach them the Dhamma in such a way that their minds are freed from defilements by not grasping while sitting in this very seat?”\nThen the Buddha said to the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"sn15.13:2","sourceIds":["sn15.13:2.1","sn15.13:2.2","sn15.13:2.3","sn15.13:2.4"],"kind":"text","text":{"pi":"“Anamataggoyaṁ, bhikkhave, saṁsāro.\nPubbā koṭi na paññāyati avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsarataṁ.\nTaṁ kiṁ maññatha, bhikkhave, katamaṁ nu kho bahutaraṁ, yaṁ vā vo iminā dīghena addhunā sandhāvataṁ saṁsarataṁ sīsacchinnānaṁ lohitaṁ passannaṁ paggharitaṁ, yaṁ vā catūsu mahāsamuddesu udakan”ti?\n“Yathā kho mayaṁ, bhante, bhagavatā dhammaṁ desitaṁ ājānāma, etadeva, bhante, bahutaraṁ, yaṁ no iminā dīghena addhunā sandhāvataṁ saṁsarataṁ sīsacchinnānaṁ lohitaṁ passannaṁ paggharitaṁ, na tveva catūsu mahāsamuddesu udakan”ti.","en":"“Mendicants, this transmigration has no known beginning.\nNo first point is found of sentient beings roaming and transmigrating, shrouded by ignorance and fettered by craving.\nWhat do you think? Which is more: the flow of blood you’ve shed when your head was chopped off while roaming and transmigrating for such a very long time, or the water in the four oceans?”\n“As we understand the Buddha’s teaching, the flow of blood we’ve shed when our head was chopped off while roaming and transmigrating is more than the water in the four oceans.”"}},{"id":"sn15.13:3","sourceIds":["sn15.13:3.1","sn15.13:3.2","sn15.13:3.3","sn15.13:3.4","sn15.13:3.5","sn15.13:3.6","sn15.13:3.7","sn15.13:3.8","sn15.13:3.9","sn15.13:3.10","sn15.13:3.11","sn15.13:3.12","sn15.13:3.13","sn15.13:3.14","sn15.13:3.15"],"kind":"text","text":{"pi":"“Sādhu sādhu, bhikkhave, sādhu kho me tumhe, bhikkhave, evaṁ dhammaṁ desitaṁ ājānātha.\nEtadeva, bhikkhave, bahutaraṁ, yaṁ vo iminā dīghena addhunā sandhāvataṁ saṁsarataṁ sīsacchinnānaṁ lohitaṁ passannaṁ paggharitaṁ, na tveva catūsu mahāsamuddesu udakaṁ.\nDīgharattaṁ vo, bhikkhave, gunnaṁ sataṁ gobhūtānaṁ sīsacchinnānaṁ lohitaṁ passannaṁ paggharitaṁ, na tveva catūsu mahāsamuddesu udakaṁ.\nDīgharattaṁ vo, bhikkhave, mahiṁsānaṁ sataṁ mahiṁsabhūtānaṁ sīsacchinnānaṁ lohitaṁ passannaṁ paggharitaṁ …pe…\ndīgharattaṁ vo, bhikkhave, urabbhānaṁ sataṁ urabbhabhūtānaṁ …pe…\najānaṁ sataṁ ajabhūtānaṁ …\nmigānaṁ sataṁ migabhūtānaṁ …\nkukkuṭānaṁ sataṁ kukkuṭabhūtānaṁ …\nsūkarānaṁ sataṁ sūkarabhūtānaṁ …\ndīgharattaṁ vo, bhikkhave, corā gāmaghātāti gahetvā sīsacchinnānaṁ lohitaṁ passannaṁ paggharitaṁ.\nDīgharattaṁ vo, bhikkhave, corā pāripanthikāti gahetvā sīsacchinnānaṁ lohitaṁ passannaṁ paggharitaṁ.\nDīgharattaṁ vo, bhikkhave, corā pāradārikāti gahetvā sīsacchinnānaṁ lohitaṁ passannaṁ paggharitaṁ, na tveva catūsu mahāsamuddesu udakaṁ.\nTaṁ kissa hetu?\nAnamataggoyaṁ, bhikkhave, saṁsāro …pe…\nalaṁ vimuccitun”ti.","en":"“Good, good, mendicants! It’s good that you understand my teaching like this.\nThe flow of blood you’ve shed when your head was chopped off while roaming and transmigrating is indeed more than the water in the four oceans.\nFor a long time you’ve been cows, and the flow of blood you’ve shed when your head was chopped off as a cow is more than the water in the four oceans.\nFor a long time you’ve been buffalo …\nsheep …\ngoats …\ndeer …\nchickens …\npigs …\nFor a long time you’ve been bandits, arrested for raiding villages,\nhighway robbery,\nor adultery. And the flow of blood you’ve shed when your head was chopped off as a bandit is more than the water in the four oceans.\nWhy is that?\nThis transmigration has no known beginning. …\nThis is quite enough for you to become disillusioned, dispassionate, and freed regarding all conditions.”"}},{"id":"sn15.13:4","sourceIds":["sn15.13:4.1","sn15.13:4.2","sn15.13:4.3","sn15.13:4.4"],"kind":"text","text":{"pi":"Idamavoca bhagavā.\nAttamanā te bhikkhū bhagavato bhāsitaṁ abhinandunti.\nImasmiñca pana veyyākaraṇasmiṁ bhaññamāne tiṁsamattānaṁ pāveyyakānaṁ bhikkhūnaṁ anupādāya āsavehi cittāni vimucciṁsūti.\nTatiyaṁ.","en":"That is what the Buddha said.\nSatisfied, the mendicants approved what the Buddha said.\nAnd while this discourse was being spoken, the minds of the thirty mendicants from Pāvā were freed from defilements by not grasping."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn15.13/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}