{"id":"sn15.5","title":"A Mountain","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn15.5","title":"A Mountain","units":[{"id":"sn15.5:0","sourceIds":["sn15.5:0.1","sn15.5:0.2","sn15.5:0.3"],"kind":"text","text":{"pi":"Saṁyutta Nikāya 15.5\n1. Paṭhamavagga\nPabbatasutta","en":"Linked Discourses 15.5\nChapter One\nA Mountain"}},{"id":"sn15.5:1","sourceIds":["sn15.5:1.1","sn15.5:1.2","sn15.5:1.3","sn15.5:1.4","sn15.5:1.5"],"kind":"text","text":{"pi":"Sāvatthiyaṁ viharati …pe… ārāme …pe….\nAtha kho aññataro bhikkhu yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho so bhikkhu bhagavantaṁ etadavoca:\n“kīvadīgho nu kho, bhante, kappo”ti?\n“Dīgho kho, bhikkhu, kappo.\nSo na sukaro saṅkhātuṁ ettakāni vassāni iti vā, ettakāni vassasatāni iti vā, ettakāni vassasahassāni iti vā, ettakāni vassasatasahassāni iti vā”ti.","en":"At Sāvatthī.\nThen a mendicant went up to the Buddha, bowed, sat down to one side, and asked him,\n“Sir, how long is an eon?”\n“Mendicant, an eon is long.\nIt’s not easy to calculate how many years, how many hundreds or thousands or hundreds of thousands of years it lasts.”"}},{"id":"sn15.5:2","sourceIds":["sn15.5:2.1","sn15.5:2.2","sn15.5:2.3","sn15.5:2.4","sn15.5:2.5","sn15.5:2.6","sn15.5:2.7","sn15.5:2.8","sn15.5:2.9","sn15.5:2.10","sn15.5:2.11","sn15.5:2.12"],"kind":"text","text":{"pi":"“Sakkā pana, bhante, upamaṁ kātun”ti?\n“Sakkā, bhikkhū”ti bhagavā avoca.\n“Seyyathāpi, bhikkhu, mahāselo pabbato yojanaṁ āyāmena yojanaṁ vitthārena yojanaṁ ubbedhena acchinno asusiro ekagghano.\nTamenaṁ puriso vassasatassa vassasatassa accayena kāsikena vatthena sakiṁ sakiṁ parimajjeyya.\nKhippataraṁ kho so, bhikkhu, mahāselo pabbato iminā upakkamena parikkhayaṁ pariyādānaṁ gaccheyya, na tveva kappo.\nEvaṁ dīgho, bhikkhu, kappo.\nEvaṁ dīghānaṁ kho, bhikkhu, kappānaṁ neko kappo saṁsito, nekaṁ kappasataṁ saṁsitaṁ, nekaṁ kappasahassaṁ saṁsitaṁ, nekaṁ kappasatasahassaṁ saṁsitaṁ.\nTaṁ kissa hetu?\nAnamataggoyaṁ, bhikkhu, saṁsāro.\nPubbā koṭi …pe…\nyāvañcidaṁ, bhikkhu, alameva sabbasaṅkhāresu nibbindituṁ, alaṁ virajjituṁ, alaṁ vimuccitun”ti.\nPañcamaṁ.","en":"“But sir, is it possible to give a simile?”\n“It’s possible,” said the Buddha.\n“Suppose there was a big rocky mountain, a league long, a league wide, and a league high, with no cracks or holes, one solid mass.\nAnd as each century passed someone would stroke it once with a fine cloth from Kāsi.\nBy this means the big rocky mountain would be worn away before the eon comes to an end.\nThat’s how long an eon is.\nAnd we’ve transmigrated through many such eons, many hundreds, many thousands, many hundreds of thousands.\nWhy is that?\nThis transmigration has no known beginning. …\nThis is quite enough for you to become disillusioned, dispassionate, and freed regarding all conditions.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn15.5/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}