{"id":"sn16.10","title":"The Nuns’ Quarters","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn16.10","title":"The Nuns’ Quarters","units":[{"id":"sn16.10:0","sourceIds":["sn16.10:0.1","sn16.10:0.2","sn16.10:0.3"],"kind":"text","text":{"pi":"Saṁyutta Nikāya 16.10\n1. Kassapavagga\nUpassayasutta","en":"Linked Discourses 16.10\n1. Kassapa\nThe Nuns’ Quarters"}},{"id":"sn16.10:1","sourceIds":["sn16.10:1.1","sn16.10:1.2","sn16.10:1.3","sn16.10:1.4","sn16.10:1.5","sn16.10:1.6","sn16.10:1.7","sn16.10:1.8","sn16.10:1.9","sn16.10:1.10"],"kind":"text","text":{"pi":"Evaṁ me sutaṁ—\nekaṁ samayaṁ āyasmā mahākassapo sāvatthiyaṁ viharati jetavane anāthapiṇḍikassa ārāme.\nAtha kho āyasmā ānando pubbaṇhasamayaṁ nivāsetvā pattacīvaramādāya yenāyasmā mahākassapo tenupasaṅkami; upasaṅkamitvā āyasmantaṁ mahākassapaṁ etadavoca:\n“āyāma, bhante kassapa, yena aññataro bhikkhunupassayo tenupasaṅkamissāmā”ti.\n“Gaccha tvaṁ, āvuso ānanda, bahukicco tvaṁ bahukaraṇīyo”ti.\nDutiyampi kho āyasmā ānando āyasmantaṁ mahākassapaṁ etadavoca:\n“āyāma, bhante kassapa, yena aññataro bhikkhunupassayo tenupasaṅkamissāmā”ti.\n“Gaccha tvaṁ, āvuso ānanda, bahukicco tvaṁ bahukaraṇīyo”ti.\nTatiyampi kho āyasmā ānando āyasmantaṁ mahākassapaṁ etadavoca:\n“āyāma, bhante kassapa, yena aññataro bhikkhunupassayo tenupasaṅkamissāmā”ti.","en":"So I have heard.\nAt one time Venerable Mahākassapa was staying near Sāvatthī in Jeta’s Grove, Anāthapiṇḍika’s monastery.\nThen Venerable Ānanda robed up in the morning and, taking his bowl and robe, went to Mahākassapa and said,\n“Come, Honorable Kassapa. Let’s go to one of the nuns’ quarters.”\n“You go, Reverend Ānanda. You’re the one with many duties and responsibilities.”\nAnd a second time …\nAnd a third time, Ānanda said,\n“Come, Honorable Kassapa. Let’s go to one of the nuns’ quarters.”"}},{"id":"sn16.10:2","sourceIds":["sn16.10:2.1","sn16.10:2.2","sn16.10:2.3","sn16.10:2.4"],"kind":"text","text":{"pi":"Atha kho āyasmā mahākassapo pubbaṇhasamayaṁ nivāsetvā pattacīvaramādāya āyasmatā ānandena pacchāsamaṇena yena aññataro bhikkhunupassayo tenupasaṅkami; upasaṅkamitvā paññatte āsane nisīdi.\nAtha kho sambahulā bhikkhuniyo yenāyasmā mahākassapo tenupasaṅkamiṁsu; upasaṅkamitvā āyasmantaṁ mahākassapaṁ abhivādetvā ekamantaṁ nisīdiṁsu.\nEkamantaṁ nisinnā kho tā bhikkhuniyo āyasmā mahākassapo dhammiyā kathāya sandassesi samādapesi samuttejesi sampahaṁsesi.\nAtha kho āyasmā mahākassapo tā bhikkhuniyo dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.","en":"Then Venerable Mahākassapa robed up in the morning and, taking his bowl and robe, went with Venerable Ānanda as his second monk to one of the nuns’ quarters, where he sat down on the seat spread out.\nAnd then several nuns went up to Mahākassapa, bowed, and sat down to one side.\nMahākassapa educated, encouraged, fired up, and inspired those nuns with a Dhamma talk,\nafter which he rose from his seat and left."}},{"id":"sn16.10:3","sourceIds":["sn16.10:3.1","sn16.10:3.2","sn16.10:3.3","sn16.10:3.4"],"kind":"text","text":{"pi":"Atha kho thullatissā bhikkhunī anattamanā anattamanavācaṁ nicchāresi:\n“kiṁ pana ayyo mahākassapo, ayyassa ānandassa vedehamunino sammukhā dhammaṁ bhāsitabbaṁ maññati?\nSeyyathāpi nāma sūcivāṇijako sūcikārassa santike sūciṁ vikketabbaṁ maññeyya;\nevameva ayyo mahākassapo ayyassa ānandassa vedehamunino sammukhā dhammaṁ bhāsitabbaṁ maññatī”ti.","en":"But the nun Thullatissā was upset and blurted out,\n“What is the venerable Mahākassapa thinking, that he’d teach Dhamma in front of the venerable Ānanda, the Videhan sage?\nHe’s like a needle peddler who thinks they can sell a needle to a needle maker!”"}},{"id":"sn16.10:4","sourceIds":["sn16.10:4.1","sn16.10:4.2","sn16.10:4.3","sn16.10:4.4","sn16.10:4.5","sn16.10:4.6"],"kind":"text","text":{"pi":"Assosi kho āyasmā mahākassapo thullatissāya bhikkhuniyā imaṁ vācaṁ bhāsamānāya.\nAtha kho āyasmā mahākassapo āyasmantaṁ ānandaṁ etadavoca:\n“kiṁ nu kho, āvuso ānanda, ahaṁ sūcivāṇijako, tvaṁ sūcikāro;\nudāhu ahaṁ sūcikāro, tvaṁ sūcivāṇijako”ti?\n“Khama, bhante kassapa, bālo mātugāmo”ti.\n“Āgamehi tvaṁ, āvuso ānanda, mā te saṅgho uttari upaparikkhi.","en":"Mahākassapa heard Thullatissā say these words,\nand he said to Ānanda,\n“Is that right, Reverend Ānanda? Am I the needle peddler and you the needle maker?\nOr am I the needle maker and you the needle peddler?”\n“Forgive her, sir. The lady’s a fool.”\n“Hold on, Reverend Ānanda! Don’t make the Saṅgha investigate you further!"}},{"id":"sn16.10:5","sourceIds":["sn16.10:5.1","sn16.10:5.2","sn16.10:5.3","sn16.10:5.4","sn16.10:5.5"],"kind":"text","text":{"pi":"Taṁ kiṁ maññasi, āvuso ānanda,\napi nu tvaṁ bhagavato sammukhā bhikkhusaṅghe upanīto:\n‘ahaṁ, bhikkhave, yāvade ākaṅkhāmi vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharāmi.\nĀnandopi, bhikkhave, yāvade ākaṅkhati vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharatī’”ti?\n“No hetaṁ, bhante”.","en":"What do you think, Reverend Ānanda?\nWas it you who the Buddha brought up before the Saṅgha of mendicants, saying:\n‘Mendicants, whenever I want, quite secluded from sensual pleasures, secluded from unskillful qualities, I enter and remain in the first absorption, which has the rapture and bliss born of seclusion, while placing the mind and keeping it connected.\nAnd so does Ānanda’?”\n“No, sir.”"}},{"id":"sn16.10:6","sourceIds":["sn16.10:6.1","sn16.10:6.2","sn16.10:6.3","sn16.10:6.4"],"kind":"text","text":{"pi":"“Ahaṁ kho, āvuso, bhagavato sammukhā bhikkhusaṅghe upanīto:\n‘ahaṁ, bhikkhave, yāvade ākaṅkhāmi vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharāmi.\nKassapopi, bhikkhave, yāvade ākaṅkhati vivicceva kāmehi vivicca akusalehi dhammehi …pe… paṭhamaṁ jhānaṁ upasampajja viharatī’ti …pe….\n(Navannaṁ anupubbavihārasamāpattīnaṁ pañcannañca abhiññānaṁ evaṁ vitthāro veditabbo.)","en":"“I was the one the Buddha brought up before the Saṅgha of mendicants, saying:\n‘Mendicants, whenever I want, quite secluded from sensual pleasures, secluded from unskillful qualities, I enter and remain in the first absorption, which has the rapture and bliss born of seclusion, while placing the mind and keeping it connected.\nAnd so does Kassapa. …’\n(The nine progressive meditations and the five insights should be told in full.)"}},{"id":"sn16.10:7","sourceIds":["sn16.10:7.1","sn16.10:7.2","sn16.10:7.3","sn16.10:7.4","sn16.10:7.5"],"kind":"text","text":{"pi":"Taṁ kiṁ maññasi, āvuso ānanda,\napi nu tvaṁ bhagavato sammukhā bhikkhusaṅghe upanīto:\n‘ahaṁ, bhikkhave, āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharāmi.\nĀnandopi, bhikkhave, āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharatī’”ti?\n“No hetaṁ, bhante”.","en":"What do you think, Reverend Ānanda?\nWas it you who the Buddha brought up before the Saṅgha of mendicants, saying:\n‘I have realized the undefiled freedom of heart and freedom by wisdom. And I live having realized it with my own insight in this very life due to the ending of defilements.\nAnd so does Ānanda’?”\n“No, sir.”"}},{"id":"sn16.10:8","sourceIds":["sn16.10:8.1","sn16.10:8.2","sn16.10:8.3"],"kind":"text","text":{"pi":"“Ahaṁ kho, āvuso, bhagavato sammukhā bhikkhusaṅghe upanīto:\n‘ahaṁ, bhikkhave, āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharāmi.\nKassapopi, bhikkhave, āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharatī’ti.","en":"“I was the one the Buddha brought up before the Saṅgha of mendicants, saying:\n‘I have realized the undefiled freedom of heart and freedom by wisdom. And I live having realized it with my own insight in this very life due to the ending of defilements.\nAnd so does Kassapa.’"}},{"id":"sn16.10:9","sourceIds":["sn16.10:9.1"],"kind":"text","text":{"pi":"Sattaratanaṁ vā, āvuso, nāgaṁ aḍḍhaṭṭhamaratanaṁ vā tālapattikāya chādetabbaṁ maññeyya, yo me cha abhiññā chādetabbaṁ maññeyyā”ti.","en":"Reverend, you might as well think to hide a bull elephant that’s three or three and a half meters tall behind a palm leaf as to hide my six insights.”"}},{"id":"sn16.10:10","sourceIds":["sn16.10:10.1","sn16.10:10.2"],"kind":"text","text":{"pi":"Cavittha ca pana thullatissā bhikkhunī brahmacariyamhāti.\nDasamaṁ.","en":"But the nun Thullatissā fell from the spiritual life."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn16.10/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}