{"id":"sn16.4","title":"Visiting Families","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn16.4","title":"Visiting Families","units":[{"id":"sn16.4:0","sourceIds":["sn16.4:0.1","sn16.4:0.2","sn16.4:0.3"],"kind":"text","text":{"pi":"Saṁyutta Nikāya 16.4\n1. Kassapavagga\nKulūpakasutta","en":"Linked Discourses 16.4\n1. Kassapa\nVisiting Families"}},{"id":"sn16.4:1","sourceIds":["sn16.4:1.1","sn16.4:1.2","sn16.4:1.3","sn16.4:1.4","sn16.4:1.5"],"kind":"text","text":{"pi":"Sāvatthiyaṁ viharati.\n“Taṁ kiṁ maññatha, bhikkhave,\nkathaṁrūpo bhikkhu arahati kulūpako hotuṁ, kathaṁrūpo bhikkhu na arahati kulūpako hotun”ti?\nBhagavaṁmūlakā no, bhante, dhammā …pe…\nbhagavā etadavoca:","en":"At Sāvatthī.\n“What do you think, mendicants?\nWhat kind of mendicant is worthy of visiting families? And what kind of mendicant is not worthy of visiting families?”\n“Our teachings are rooted in the Buddha. …”\nThe Buddha said this:"}},{"id":"sn16.4:2","sourceIds":["sn16.4:2.1","sn16.4:2.2","sn16.4:2.3","sn16.4:2.4","sn16.4:2.5","sn16.4:2.6","sn16.4:2.7","sn16.4:2.8","sn16.4:2.9","sn16.4:2.10","sn16.4:2.11","sn16.4:2.12"],"kind":"text","text":{"pi":"“Yo hi koci, bhikkhave, bhikkhu evaṁcitto kulāni upasaṅkamati:\n‘dentuyeva me, mā nādaṁsu;\nbahukaññeva me dentu, mā thokaṁ;\npaṇītaññeva me dentu, mā lūkhaṁ;\nsīghaññeva me dentu, mā dandhaṁ;\nsakkaccaññeva me dentu, mā asakkaccan’ti.\nTassa ce, bhikkhave, bhikkhuno evaṁcittassa kulāni upasaṅkamato na denti, tena bhikkhu sandīyati; so tatonidānaṁ dukkhaṁ domanassaṁ paṭisaṁvedayati.\nThokaṁ denti, no bahukaṁ …pe…\nlūkhaṁ denti, no paṇītaṁ …\ndandhaṁ denti, no sīghaṁ, tena bhikkhu sandīyati; so tatonidānaṁ dukkhaṁ domanassaṁ paṭisaṁvedayati.\nAsakkaccaṁ denti, no sakkaccaṁ; tena bhikkhu sandīyati; so tatonidānaṁ dukkhaṁ domanassaṁ paṭisaṁvedayati.\nEvarūpo kho, bhikkhave, bhikkhu na arahati kulūpako hotuṁ.","en":"“Whoever visits families with the thought:\n‘May they give to me, may they not fail to give.\nMay they give a lot, not a little.\nMay they give me fine things, not coarse.\nMay they give quickly, not slowly.\nMay they give carefully, not carelessly.’\nIf a mendicant with such a thought approaches a family and they don’t give, the mendicant feels slighted. And they experience pain and sadness because of that.\nIf they give only a little …\nif they give coarse things …\nif they give slowly …\nif they give carelessly, the mendicant feels slighted. And they experience pain and sadness because of that.\nThat kind of mendicant is not worthy of visiting families."}},{"id":"sn16.4:3","sourceIds":["sn16.4:3.1","sn16.4:3.2","sn16.4:3.3","sn16.4:3.4","sn16.4:3.5","sn16.4:3.6","sn16.4:3.7","sn16.4:3.8","sn16.4:3.9","sn16.4:3.10","sn16.4:3.11","sn16.4:3.12","sn16.4:3.13"],"kind":"text","text":{"pi":"Yo ca kho, bhikkhave, bhikkhu evaṁcitto kulāni upasaṅkamati:\n‘taṁ kutettha labbhā parakulesu—\ndentuyeva me, mā nādaṁsu;\nbahukaññeva me dentu, mā thokaṁ;\npaṇītaññeva me dentu, mā lūkhaṁ;\nsīghaññeva me dentu, mā dandhaṁ;\nsakkaccaññeva me dentu, mā asakkaccan’ti.\nTassa ce, bhikkhave, bhikkhuno evaṁcittassa kulāni upasaṅkamato na denti; tena bhikkhu na sandīyati; so na tatonidānaṁ dukkhaṁ domanassaṁ paṭisaṁvedayati.\nThokaṁ denti, no bahukaṁ; tena bhikkhu na sandīyati; so na tatonidānaṁ dukkhaṁ domanassaṁ paṭisaṁvedayati.\nLūkhaṁ denti, no paṇītaṁ; tena bhikkhu na sandīyati; so na tatonidānaṁ dukkhaṁ domanassaṁ paṭisaṁvedayati.\nDandhaṁ denti, no sīghaṁ; tena bhikkhu na sandīyati; so na tatonidānaṁ dukkhaṁ domanassaṁ paṭisaṁvedayati.\nAsakkaccaṁ denti, no sakkaccaṁ; tena bhikkhu na sandīyati; so na tatonidānaṁ dukkhaṁ domanassaṁ paṭisaṁvedayati.\nEvarūpo kho, bhikkhave, bhikkhu arahati kulūpako hotuṁ.","en":"Whoever visits families with the thought:\n‘When among other families, how could I possibly think:\n“May they give to me, may they not fail to give.\nMay they give a lot, not a little.\nMay they give me fine things, not coarse.\nMay they give quickly, not slowly.\nMay they give carefully, not carelessly.”’\nIf a mendicant with such a thought approaches a family and they don’t give, the mendicant doesn’t feel slighted. And they don’t experience pain and sadness because of that.\nIf they give only a little …\nif they give coarse things …\nif they give slowly …\nif they give carelessly, the mendicant doesn’t feel slighted. And they don’t experience pain and sadness because of that.\nThat kind of mendicant is worthy of visiting families."}},{"id":"sn16.4:4","sourceIds":["sn16.4:4.1","sn16.4:4.2","sn16.4:4.3","sn16.4:4.4","sn16.4:4.5","sn16.4:4.6","sn16.4:4.7","sn16.4:4.8","sn16.4:4.9","sn16.4:4.10","sn16.4:4.11","sn16.4:4.12","sn16.4:4.13","sn16.4:4.14"],"kind":"text","text":{"pi":"Kassapo, bhikkhave, evaṁcitto kulāni upasaṅkamati:\n‘taṁ kutettha labbhā parakulesu—\ndentuyeva me, mā nādaṁsu;\nbahukaññeva me dentu, mā thokaṁ;\npaṇītaññeva me dentu, mā lūkhaṁ;\nsīghaññeva me dentu, mā dandhaṁ;\nsakkaccaññeva me dentu, mā asakkaccan’ti.\nTassa ce, bhikkhave, kassapassa evaṁcittassa kulāni upasaṅkamato na denti; tena kassapo na sandīyati; so na tatonidānaṁ dukkhaṁ domanassaṁ paṭisaṁvedayati.\nThokaṁ denti, no bahukaṁ; tena kassapo na sandīyati; so na tatonidānaṁ dukkhaṁ domanassaṁ paṭisaṁvedayati.\nLūkhaṁ denti, no paṇītaṁ; tena kassapo na sandīyati; so na tatonidānaṁ dukkhaṁ domanassaṁ paṭisaṁvedayati.\nDandhaṁ denti, no sīghaṁ; tena kassapo na sandīyati; so na tatonidānaṁ dukkhaṁ domanassaṁ paṭisaṁvedayati.\nAsakkaccaṁ denti, no sakkaccaṁ; tena kassapo na sandīyati; so na tatonidānaṁ dukkhaṁ domanassaṁ paṭisaṁvedayati.\nKassapena vā hi vo, bhikkhave, ovadissāmi yo vā panassa kassapasadiso. Ovaditehi ca pana vo tathattāya paṭipajjitabban”ti.\nCatutthaṁ.","en":"Kassapa visits families with the thought:\n‘When among other families, how could I possibly think:\n“May they give to me, may they not fail to give.\nMay they give a lot, not a little.\nMay they give me fine things, not coarse.\nMay they give quickly, not slowly.\nMay they give carefully, not carelessly.”’\nWith such a thought, if he approaches a family and they don’t give, he doesn’t feel slighted. And he doesn’t experience pain and sadness because of that.\nIf they give only a little …\nif they give coarse things …\nif they give slowly …\nif they give carelessly, he doesn’t feel slighted. And he doesn’t experience pain and sadness because of that.\nI will exhort you with the example of Kassapa or someone like him. You should practice accordingly.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn16.4/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}