{"id":"sn17.36","title":"Five Hundred Carts","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn17.36","title":"Five Hundred Carts","units":[{"id":"sn17.36:0","sourceIds":["sn17.36:0.1","sn17.36:0.2","sn17.36:0.3"],"kind":"text","text":{"pi":"Saṁyutta Nikāya 17.36\n4. Catutthavagga\nPañcarathasatasutta","en":"Linked Discourses 17.36\nChapter Four\nFive Hundred Carts"}},{"id":"sn17.36:1","sourceIds":["sn17.36:1.1","sn17.36:1.2","sn17.36:1.3","sn17.36:1.4","sn17.36:1.5","sn17.36:1.6"],"kind":"text","text":{"pi":"Rājagahe viharati veḷuvane kalandakanivāpe.\nTena kho pana samayena devadattassa ajātasattukumāro pañcahi rathasatehi sāyaṁ pātaṁ upaṭṭhānaṁ gacchati, pañca ca thālipākasatāni bhattābhihāro abhiharīyati.\nAtha kho sambahulā bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:\n“devadattassa, bhante, ajātasattukumāro pañcahi rathasatehi sāyaṁ pātaṁ upaṭṭhānaṁ gacchati, pañca ca thālipākasatāni bhattābhihāro abhiharīyatī”ti.\n“Mā, bhikkhave, devadattassa lābhasakkārasilokaṁ pihayittha.\nYāvakīvañca, bhikkhave, devadattassa ajātasattukumāro pañcahi rathasatehi sāyaṁ pātaṁ upaṭṭhānaṁ gamissati, pañca ca thālipākasatāni bhattābhihāro āharīyissati, hāniyeva, bhikkhave, devadattassa pāṭikaṅkhā kusalesu dhammesu, no vuddhi.","en":"Near Rājagaha, in the Bamboo Grove, the squirrels’ feeding ground.\nNow at that time Prince Ajātasattu was going with five hundred carts at daybreak and dusk to attend on Devadatta, presenting him with an offering of five hundred servings of food.\nThen several mendicants went up to the Buddha, bowed, sat down to one side, and said to him,\n“Sir, Prince Ajātasattu is going with five hundred carts at daybreak and dusk to attend on Devadatta, presenting him with an offering of five hundred servings of food.”\n“Mendicants, don’t envy Devadatta’s possessions, honor, and popularity.\nAs long as Prince Ajātasattu goes with five hundred carts at daybreak and dusk to attend on Devadatta, presenting him with an offering of five hundred servings of food, Devadatta can expect decline, not growth, in skillful qualities."}},{"id":"sn17.36:2","sourceIds":["sn17.36:2.1","sn17.36:2.2","sn17.36:2.3","sn17.36:2.4","sn17.36:2.5"],"kind":"text","text":{"pi":"Seyyathāpi, bhikkhave, caṇḍassa kukkurassa nāsāya pittaṁ bhindeyyuṁ, evañhi so, bhikkhave, kukkuro bhiyyoso mattāya caṇḍataro assa;\nevameva, bhikkhave, yāvakīvañca devadattassa ajātasattukumāro pañcahi rathasatehi sāyaṁ pātaṁ upaṭṭhānaṁ gamissati, pañca ca thālipākasatāni bhattābhihāro āharīyissati, hāniyeva, bhikkhave, devadattassa pāṭikaṅkhā kusalesu dhammesu, no vuddhi.\nEvaṁ dāruṇo kho, bhikkhave, lābhasakkārasiloko …pe…\nevañhi vo, bhikkhave, sikkhitabban”ti.\nChaṭṭhaṁ.","en":"If they were to lance a boil on a wild dog’s nose, it would get even wilder.\nIn the same way, as long as Prince Ajātasattu goes with five hundred carts at daybreak and dusk to attend on Devadatta, presenting him with an offering of five hundred servings of food, Devadatta can expect decline, not growth, in skillful qualities.\nSo grim are possessions, honor, and popularity. …”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn17.36/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}