{"id":"sn17.37","title":"Mother","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn17.37","title":"Mother","units":[{"id":"sn17.37:0","sourceIds":["sn17.37:0.1","sn17.37:0.2","sn17.37:0.3"],"kind":"text","text":{"pi":"Saṁyutta Nikāya 17.37\n4. Catutthavagga\nMātusutta","en":"Linked Discourses 17.37\nChapter Four\nMother"}},{"id":"sn17.37:1","sourceIds":["sn17.37:1.1","sn17.37:1.2","sn17.37:1.3","sn17.37:1.4","sn17.37:1.5","sn17.37:1.6","sn17.37:1.7","sn17.37:1.8","sn17.37:1.9","sn17.37:1.10","sn17.37:1.11"],"kind":"text","text":{"pi":"Sāvatthiyaṁ viharati.\n“Dāruṇo, bhikkhave, lābhasakkārasiloko kaṭuko pharuso antarāyiko anuttarassa yogakkhemassa adhigamāya.\nIdhāhaṁ, bhikkhave, ekaccaṁ puggalaṁ evaṁ cetasā ceto paricca pajānāmi:\n‘na cāyamāyasmā mātupi hetu sampajānamusā bhāseyyā’ti.\nTamenaṁ passāmi aparena samayena lābhasakkārasilokena abhibhūtaṁ pariyādiṇṇacittaṁ sampajānamusā bhāsantaṁ.\nEvaṁ dāruṇo kho, bhikkhave, lābhasakkārasiloko kaṭuko pharuso antarāyiko anuttarassa yogakkhemassa adhigamāya.\nTasmātiha, bhikkhave, evaṁ sikkhitabbaṁ:\n‘uppannaṁ lābhasakkārasilokaṁ pajahissāma.\nNa ca no uppanno lābhasakkārasiloko cittaṁ pariyādāya ṭhassatī’ti.\nEvañhi vo, bhikkhave, sikkhitabban”ti.\nSattamaṁ.","en":"At Sāvatthī.\n“Possessions, honor, and popularity are grim, bitter, and harsh. They’re an obstacle to reaching the supreme sanctuary from the yoke.\nWhen I’ve comprehended the mind of a certain individual, I understand:\n‘This venerable would not tell a deliberate lie even for the sake of their mother.’\nBut some time later I see them tell a deliberate lie because their mind is overcome and overwhelmed by possessions, honor, and popularity.\nSo grim are possessions, honor, and popularity—bitter and harsh, an obstacle to reaching the supreme sanctuary from the yoke.\nSo you should train like this:\n‘We will give up arisen possessions, honor, and popularity, and we won’t let them occupy our minds.’\nThat’s how you should train.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn17.37/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}