{"id":"sn17.9","title":"Gale-force Winds","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn17.9","title":"Gale-force Winds","units":[{"id":"sn17.9:0","sourceIds":["sn17.9:0.1","sn17.9:0.2","sn17.9:0.3"],"kind":"text","text":{"pi":"Saṁyutta Nikāya 17.9\n1. Paṭhamavagga\nVerambhasutta","en":"Linked Discourses 17.9\nChapter One\nGale-force Winds"}},{"id":"sn17.9:1","sourceIds":["sn17.9:1.1","sn17.9:1.2","sn17.9:1.3","sn17.9:1.4","sn17.9:1.5","sn17.9:1.6","sn17.9:1.7","sn17.9:1.8","sn17.9:1.9","sn17.9:1.10","sn17.9:1.11","sn17.9:1.12","sn17.9:1.13"],"kind":"text","text":{"pi":"Sāvatthiyaṁ viharati.\n“Dāruṇo, bhikkhave, lābhasakkārasiloko …pe… adhigamāya.\nUpari, bhikkhave, ākāse verambhā nāma vātā vāyanti.\nTattha yo pakkhī gacchati tamenaṁ verambhā vātā khipanti.\nTassa verambhavātakkhittassa aññeneva pādā gacchanti, aññena pakkhā gacchanti, aññena sīsaṁ gacchati, aññena kāyo gacchati.\nEvameva kho, bhikkhave, idhekacco bhikkhu lābhasakkārasilokena abhibhūto pariyādiṇṇacitto pubbaṇhasamayaṁ nivāsetvā pattacīvaramādāya gāmaṁ vā nigamaṁ vā piṇḍāya pavisati arakkhiteneva kāyena arakkhitāya vācāya arakkhitena cittena, anupaṭṭhitāya satiyā, asaṁvutehi indriyehi.\nSo tattha passati mātugāmaṁ dunnivatthaṁ vā duppārutaṁ vā.\nTassa mātugāmaṁ disvā dunnivatthaṁ vā duppārutaṁ vā rāgo cittaṁ anuddhaṁseti.\nSo rāgānuddhaṁsitena cittena sikkhaṁ paccakkhāya hīnāyāvattati.\nTassa aññe cīvaraṁ haranti, aññe pattaṁ haranti, aññe nisīdanaṁ haranti, aññe sūcigharaṁ haranti, verambhavātakkhittasseva sakuṇassa.\nEvaṁ dāruṇo kho, bhikkhave, lābhasakkārasiloko …pe…\nevañhi vo, bhikkhave, sikkhitabban”ti.\nNavamaṁ.","en":"At Sāvatthī.\n“Possessions, honor, and popularity are grim …\nHigh in the atmosphere there are gale-force winds blowing.\nAny bird that flies there is flung about by those gale-force winds.\nTheir feet go one way, their wings another, their head another, and their body another.\nIn the same way, take a certain monk whose mind is overcome and overwhelmed by possessions, honor, and popularity. He robes up in the morning and, taking his bowl and robe, enters the village or town for alms without guarding body, speech, and mind, without establishing mindfulness, and without restraining the sense faculties.\nThere he sees a lady scantily clad, with revealing clothes.\nLust infects his mind.\nHe resigns the training and returns to a lesser life.\nSome take his robe, others his bowl, others his sitting cloth, others his needle case, just like the bird flung about by the gale-force winds.\nSo grim are possessions, honor, and popularity. …”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn17.9/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}