{"id":"sn21.3","title":"A Mound of Salt","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn21.3","title":"A Mound of Salt","units":[{"id":"sn21.3:0","sourceIds":["sn21.3:0.1","sn21.3:0.2","sn21.3:0.3"],"kind":"text","text":{"pi":"Saṁyutta Nikāya 21.3\n1. Bhikkhuvagga\nGhaṭasutta","en":"Linked Discourses 21.3\n1. Monks\nA Mound of Salt"}},{"id":"sn21.3:1","sourceIds":["sn21.3:1.1","sn21.3:1.2","sn21.3:1.3","sn21.3:1.4","sn21.3:1.5"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena āyasmā ca sāriputto āyasmā ca mahāmoggallāno rājagahe viharanti veḷuvane kalandakanivāpe ekavihāre.\nAtha kho āyasmā sāriputto sāyanhasamayaṁ paṭisallānā vuṭṭhito yenāyasmā mahāmoggallāno tenupasaṅkami; upasaṅkamitvā āyasmatā mahāmoggallānena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho āyasmā sāriputto āyasmantaṁ mahāmoggallānaṁ etadavoca:","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nAt that time the venerables Sāriputta and Moggallāna were staying near Rājagaha in the Bamboo Grove, the squirrels’ feeding ground.\nThen in the late afternoon, Venerable Sāriputta came out of retreat, went to Venerable Moggallāna, and exchanged greetings with him.\nWhen the greetings and polite conversation were over, Sāriputta sat down to one side, and said to Mahāmoggallāna:"}},{"id":"sn21.3:2","sourceIds":["sn21.3:2.1","sn21.3:2.2","sn21.3:2.3","sn21.3:2.4","sn21.3:2.5","sn21.3:2.6","sn21.3:2.7","sn21.3:2.8","sn21.3:2.9","sn21.3:2.10","sn21.3:2.11","sn21.3:2.12","sn21.3:2.13","sn21.3:2.14"],"kind":"text","text":{"pi":"“Vippasannāni kho te, āvuso moggallāna, indriyāni;\nparisuddho mukhavaṇṇo pariyodāto santena nūnāyasmā mahāmoggallāno ajja vihārena vihāsī”ti.\n“Oḷārikena khvāhaṁ, āvuso, ajja vihārena vihāsiṁ.\nApi ca me ahosi dhammī kathā”ti.\n“Kena saddhiṁ panāyasmato mahāmoggallānassa ahosi dhammī kathā”ti?\n“Bhagavatā kho me, āvuso, saddhiṁ ahosi dhammī kathā”ti.\n“Dūre kho, āvuso, bhagavā etarahi sāvatthiyaṁ viharati jetavane anāthapiṇḍikassa ārāme.\nKiṁ nu kho āyasmā mahāmoggallāno bhagavantaṁ iddhiyā upasaṅkami;\nudāhu bhagavā āyasmantaṁ mahāmoggallānaṁ iddhiyā upasaṅkamī”ti?\n“Na khvāhaṁ, āvuso, bhagavantaṁ iddhiyā upasaṅkamiṁ;\nnapi maṁ bhagavā iddhiyā upasaṅkami.\nApi ca me yāvatā bhagavā ettāvatā dibbacakkhu visujjhi dibbā ca sotadhātu.\nBhagavatopi yāvatāhaṁ ettāvatā dibbacakkhu visujjhi dibbā ca sotadhātū”ti.\n“Yathākathaṁ panāyasmato mahāmoggallānassa bhagavatā saddhiṁ ahosi dhammī kathā”ti?","en":"“Reverend Moggallāna, your faculties are so very clear, and your complexion is pure and bright.\nHave you spent the day in a peaceful meditation?”\n“Reverend, I’ve spent the day in a coarse meditation.\nBut I have had some Dhamma talk.”\n“Who did you have a Dhamma talk with?”\n“With the Buddha.”\n“But Reverend, the Buddha is far away. He’s staying near Sāvatthī in Jeta’s Grove, Anāthapiṇḍika’s monastery.\nDid you go to him with your psychic power,\nor did he come to you?”\n“No reverend, I didn’t go to him with my psychic power,\nnor did he come to me.\nRather, the Buddha cleared his clairvoyance and clairaudience toward me,\nand I cleared my clairvoyance and clairaudience toward him.”\n“But what manner of Dhamma talk did you have together?”"}},{"id":"sn21.3:3","sourceIds":["sn21.3:3.1","sn21.3:3.2","sn21.3:3.3","sn21.3:3.4","sn21.3:3.5","sn21.3:3.6","sn21.3:3.7","sn21.3:3.8"],"kind":"text","text":{"pi":"“Idhāhaṁ, āvuso, bhagavantaṁ etadavocaṁ:\n‘āraddhavīriyo āraddhavīriyoti, bhante, vuccati.\nKittāvatā nu kho, bhante, āraddhavīriyo hotī’ti?\nEvaṁ vutte, maṁ, āvuso, bhagavā etadavoca:\n‘idha, moggallāna, bhikkhu āraddhavīriyo viharati—\nkāmaṁ taco ca nhāru ca aṭṭhi ca avasissatu, sarīre upassussatu maṁsalohitaṁ, yaṁ taṁ purisathāmena purisavīriyena purisaparakkamena pattabbaṁ na taṁ apāpuṇitvā vīriyassa saṇṭhānaṁ bhavissatīti.\nEvaṁ kho, moggallāna, āraddhavīriyo hotī’ti.\nEvaṁ kho me, āvuso, bhagavatā saddhiṁ ahosi dhammī kathā”ti.","en":"“Well, reverend, I said to the Buddha,\n‘Sir, they speak of one who is energetic.\nHow is an energetic person defined?’\nWhen I said this, the Buddha said,\n‘Moggallāna, it’s when a mendicant lives with energy roused up:\n“Gladly, let only skin, sinews, and bones remain! Let the flesh and blood waste away in my body! I will not stop trying until I have achieved what is possible by human strength, energy, and vigor.”\nThat’s how an individual is energetic.’\nThat’s the Dhamma talk I had together with the Buddha.”"}},{"id":"sn21.3:4","sourceIds":["sn21.3:4.1","sn21.3:4.2","sn21.3:4.3"],"kind":"text","text":{"pi":"“Seyyathāpi, āvuso, himavato pabbatarājassa parittā pāsāṇasakkharā yāvadeva upanikkhepanamattāya;\nevameva kho mayaṁ āyasmato mahāmoggallānassa yāvadeva upanikkhepanamattāya.\nĀyasmā hi mahāmoggallāno mahiddhiko mahānubhāvo ākaṅkhamāno kappaṁ tiṭṭheyyā”ti.","en":"“Reverend, next to Venerable Mahāmoggallāna I’m like a few pieces of gravel next to the Himalayas, the king of mountains.\nVenerable Mahāmoggallāna is so mighty and powerful he could, if he wished, live on for the proper lifespan.”"}},{"id":"sn21.3:5","sourceIds":["sn21.3:5.1","sn21.3:5.2","sn21.3:5.3"],"kind":"text","text":{"pi":"“Seyyathāpi, āvuso, mahatiyā loṇaghaṭāya parittā loṇasakkharāya yāvadeva upanikkhepanamattāya;\nevameva kho mayaṁ āyasmato sāriputtassa yāvadeva upanikkhepanamattāya.\nĀyasmā hi sāriputto bhagavatā anekapariyāyena thomito vaṇṇito pasattho:","en":"“Reverend, next to Venerable Sāriputta I’m like a few grains of salt next to a mound of salt.\nVenerable Sāriputta has been commended, complimented, and praised by the Buddha:"}},{"id":"sn21.3:6","sourceIds":["sn21.3:6.1","sn21.3:6.2","sn21.3:6.3","sn21.3:6.4"],"kind":"text","text":{"pi":"‘Sāriputtova paññāya,\nsīlena upasamena ca;\nYopi pāraṅgato bhikkhu,\netāvaparamo siyā’”ti.","en":"‘Sāriputta is full of wisdom,\nethics, and peace.\nEven a mendicant who has crossed over\nmight at best equal him.’”"}},{"id":"sn21.3:7","sourceIds":["sn21.3:7.1","sn21.3:7.2"],"kind":"text","text":{"pi":"Itiha te ubho mahānāgā aññamaññassa subhāsitaṁ sulapitaṁ samanumodiṁsūti.\nTatiyaṁ.","en":"And so these two spiritual giants agreed with each other’s fine words."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn21.3/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}