{"id":"sn21.4","title":"A Junior Mendicant","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn21.4","title":"A Junior Mendicant","units":[{"id":"sn21.4:0","sourceIds":["sn21.4:0.1","sn21.4:0.2","sn21.4:0.3"],"kind":"text","text":{"pi":"Saṁyutta Nikāya 21.4\n1. Bhikkhuvagga\nNavasutta","en":"Linked Discourses 21.4\n1. Monks\nA Junior Mendicant"}},{"id":"sn21.4:1","sourceIds":["sn21.4:1.1","sn21.4:1.2","sn21.4:1.3","sn21.4:1.4"],"kind":"text","text":{"pi":"Sāvatthiyaṁ viharati.\nTena kho pana samayena aññataro navo bhikkhu pacchābhattaṁ piṇḍapātapaṭikkanto vihāraṁ pavisitvā appossukko tuṇhībhūto saṅkasāyati, na bhikkhūnaṁ veyyāvaccaṁ karoti cīvarakārasamaye.\nAtha kho sambahulā bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:\n“idha, bhante, aññataro navo bhikkhu pacchābhattaṁ piṇḍapātapaṭikkanto vihāraṁ pavisitvā appossukko tuṇhībhūto saṅkasāyati, na bhikkhūnaṁ veyyāvaccaṁ karoti cīvarakārasamaye”ti.","en":"At Sāvatthī.\nNow at that time a certain junior monk, after his meal, on his return from almsround, entered his dwelling, where he adhered to passivity and silence. And he didn’t help the mendicants out when it was time to sew robes.\nThen several mendicants went up to the Buddha, bowed, sat down to one side, and told him what had happened."}},{"id":"sn21.4:2","sourceIds":["sn21.4:2.1","sn21.4:2.2","sn21.4:2.3","sn21.4:2.4","sn21.4:2.5","sn21.4:2.6","sn21.4:2.7"],"kind":"text","text":{"pi":"Atha kho bhagavā aññataraṁ bhikkhuṁ āmantesi:\n“ehi tvaṁ, bhikkhu, mama vacanena taṁ bhikkhuṁ āmantehi ‘satthā taṁ, āvuso, āmantetī’”ti.\n“Evaṁ, bhante”ti kho so bhikkhu bhagavato paṭissutvā yena so bhikkhu tenupasaṅkami; upasaṅkamitvā taṁ bhikkhuṁ etadavoca:\n“satthā taṁ, āvuso, āmantetī”ti.\n“Evamāvuso”ti kho so bhikkhu tassa bhikkhuno paṭissutvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho taṁ bhikkhuṁ bhagavā etadavoca:\n“saccaṁ kira tvaṁ, bhikkhu, pacchābhattaṁ piṇḍapātapaṭikkanto vihāraṁ pavisitvā appossukko tuṇhībhūto saṅkasāyasi, na bhikkhūnaṁ veyyāvaccaṁ karosi cīvarakārasamaye”ti?\n“Ahampi kho, bhante, sakaṁ kiccaṁ karomī”ti.","en":"So the Buddha addressed one of the monks,\n“Please, monk, in my name tell that monk that the Teacher summons him.”\n“Yes, sir,” that monk replied. He went to that monk and said to him,\n“Reverend, the Teacher summons you.”\n“Yes, reverend,” that monk replied. He went to the Buddha, bowed, and sat down to one side. The Buddha said to him:\n“Is it really true, monk, that after your meal, on your return from almsround, you entered your dwelling, where you adhered to passivity and silence, and you didn’t help the mendicants out when it was time to sew robes?”\n“Sir, I am doing my own work.”"}},{"id":"sn21.4:3","sourceIds":["sn21.4:3.1","sn21.4:3.2","sn21.4:3.3"],"kind":"text","text":{"pi":"Atha kho bhagavā tassa bhikkhuno cetasā cetoparivitakkamaññāya bhikkhū āmantesi:\n“mā kho tumhe, bhikkhave, etassa bhikkhuno ujjhāyittha.\nEso kho, bhikkhave, bhikkhu catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī akicchalābhī akasiralābhī, yassa catthāya kulaputtā sammadeva agārasmā anagāriyaṁ pabbajanti, tadanuttaraṁ brahmacariyapariyosānaṁ diṭṭheva dhamme sayaṁ abhiññā sacchikatvā upasampajja viharatī”ti.","en":"Then the Buddha, knowing that monk’s train of thought, addressed the mendicants:\n“Mendicants, don’t complain about this monk.\nThis monk gets the four absorptions—blissful meditations in this life that belong to the higher mind—when he wants, without trouble or difficulty. He has realized the supreme culmination of the spiritual path in this very life, and lives having achieved with his own insight the goal for which gentlemen rightly go forth from the lay life to homelessness.”"}},{"id":"sn21.4:4","sourceIds":["sn21.4:4.1","sn21.4:4.2"],"kind":"text","text":{"pi":"Idamavoca bhagavā.\nIdaṁ vatvāna sugato athāparaṁ etadavoca satthā:","en":"That is what the Buddha said.\nThen the Holy One, the Teacher, went on to say:"}},{"id":"sn21.4:5","sourceIds":["sn21.4:5.1","sn21.4:5.2","sn21.4:5.3","sn21.4:5.4"],"kind":"text","text":{"pi":"“Nayidaṁ sithilamārabbha,\nnayidaṁ appena thāmasā;\nNibbānaṁ adhigantabbaṁ,\nsabbadukkhappamocanaṁ.","en":"“Not by being slack,\nor with little strength\nmay this be realized—extinguishment,\nthe release from all suffering."}},{"id":"sn21.4:6","sourceIds":["sn21.4:6.1","sn21.4:6.2","sn21.4:6.3","sn21.4:6.4","sn21.4:6.5"],"kind":"text","text":{"pi":"Ayañca daharo bhikkhu,\nayamuttamapuriso;\nDhāreti antimaṁ dehaṁ,\njetvā māraṁ savāhinin”ti.\nCatutthaṁ.","en":"This young monk,\nthis best of men,\nbears his final body,\nhaving vanquished Māra with his legions.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn21.4/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}