{"id":"sn21.8","title":"With Nanda","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn21.8","title":"With Nanda","units":[{"id":"sn21.8:0","sourceIds":["sn21.8:0.1","sn21.8:0.2","sn21.8:0.3"],"kind":"text","text":{"pi":"Saṁyutta Nikāya 21.8\n1. Bhikkhuvagga\nNandasutta","en":"Linked Discourses 21.8\n1. Monks\nWith Nanda"}},{"id":"sn21.8:1","sourceIds":["sn21.8:1.1","sn21.8:1.2","sn21.8:1.3","sn21.8:1.4","sn21.8:1.5","sn21.8:1.6"],"kind":"text","text":{"pi":"Sāvatthiyaṁ viharati.\nAtha kho āyasmā nando bhagavato mātucchāputto ākoṭitapaccākoṭitāni cīvarāni pārupitvā akkhīni añjetvā acchaṁ pattaṁ gahetvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ nandaṁ bhagavā etadavoca:\n“na kho te taṁ, nanda, patirūpaṁ kulaputtassa saddhā agārasmā anagāriyaṁ pabbajitassa, yaṁ tvaṁ ākoṭitapaccākoṭitāni cīvarāni pārupeyyāsi, akkhīni ca añjeyyāsi, acchañca pattaṁ dhāreyyāsi.\nEtaṁ kho te, nanda, patirūpaṁ kulaputtassa saddhā agārasmā anagāriyaṁ pabbajitassa, yaṁ tvaṁ āraññiko ca assasi, piṇḍapātiko ca paṁsukūliko ca kāmesu ca anapekkho vihareyyāsī”ti.\nIdamavoca bhagavā …pe…\nsatthā:","en":"At Sāvatthī.\nThen Venerable Nanda—the Buddha’s cousin on his mother’s side—dressed in nicely pressed and ironed robes, applied eyeshadow, and took a glazed bowl. He went to the Buddha, bowed, and sat down to one side. The Buddha said to him:\n“Nanda, as a gentleman who has gone forth out of faith from the lay life to homelessness, it’s not appropriate for you to dress in nicely pressed and ironed robes, apply eyeshadow, and carry a glazed bowl.\nIt’s appropriate for you to stay in the wilderness, eat only almsfood, wear rag robes, and live without concern for sensual pleasures.”\nThat is what the Buddha said.\nThen the Holy One, the Teacher, went on to say:"}},{"id":"sn21.8:2","sourceIds":["sn21.8:2.1","sn21.8:2.2","sn21.8:2.3","sn21.8:2.4"],"kind":"text","text":{"pi":"“Kadāhaṁ nandaṁ passeyyaṁ,\nāraññaṁ paṁsukūlikaṁ;\nAññātuñchena yāpentaṁ,\nkāmesu anapekkhinan”ti.","en":"“When will I see Nanda\nin the wilderness, wearing rag robes,\nfeeding on scraps offered by strangers,\nunconcerned for sensual pleasures?”"}},{"id":"sn21.8:3","sourceIds":["sn21.8:3.1","sn21.8:3.2"],"kind":"text","text":{"pi":"Atha kho āyasmā nando aparena samayena āraññiko ca piṇḍapātiko ca paṁsukūliko ca kāmesu ca anapekkho vihāsīti.\nAṭṭhamaṁ.","en":"Then some time later Venerable Nanda stayed in the wilderness, ate only almsfood, wore rag robes, and lived without concern for sensual pleasures."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn21.8/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}