{"id":"sn22.43","title":"Be Your Own Island","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.43","title":"Be Your Own Island","units":[{"id":"sn22.43:0","sourceIds":["sn22.43:0.1","sn22.43:0.2","sn22.43:0.3"],"kind":"text","text":{"pi":"Saṁyutta Nikāya 22.43\n5. Attadīpavagga\nAttadīpasutta","en":"Linked Discourses 22.43\n5. Be Your Own Island\nBe Your Own Island"}},{"id":"sn22.43:1","sourceIds":["sn22.43:1.1","sn22.43:1.2","sn22.43:1.3"],"kind":"text","text":{"pi":"Sāvatthinidānaṁ.\n“Attadīpā, bhikkhave, viharatha attasaraṇā anaññasaraṇā, dhammadīpā dhammasaraṇā anaññasaraṇā.\nAttadīpānaṁ, bhikkhave, viharataṁ attasaraṇānaṁ anaññasaraṇānaṁ, dhammadīpānaṁ dhammasaraṇānaṁ anaññasaraṇānaṁ yoni upaparikkhitabbā ‘Kiṁjātikā sokaparidevadukkhadomanassupāyāsā, kiṁpahotikā’ti?","en":"At Sāvatthī.\n“Mendicants, be your own island, your own refuge, with no other refuge. Let the teaching be your island and your refuge, with no other refuge.\nWhen you live like this, you should examine rationally: ‘From what are sorrow, lamentation, pain, sadness, and distress born and produced?’"}},{"id":"sn22.43:2","sourceIds":["sn22.43:2.1","sn22.43:2.2","sn22.43:2.3","sn22.43:2.4","sn22.43:2.5","sn22.43:2.6","sn22.43:2.7","sn22.43:2.8","sn22.43:2.9","sn22.43:2.10","sn22.43:2.11","sn22.43:2.12","sn22.43:2.13"],"kind":"text","text":{"pi":"Kiṁjātikā ca, bhikkhave, sokaparidevadukkhadomanassupāyāsā, kiṁpahotikā?\nIdha, bhikkhave, assutavā puthujjano ariyānaṁ adassāvī ariyadhammassa akovido ariyadhamme avinīto, sappurisānaṁ adassāvī sappurisadhammassa akovido sappurisadhamme avinīto,\nrūpaṁ attato samanupassati, rūpavantaṁ vā attānaṁ; attani vā rūpaṁ, rūpasmiṁ vā attānaṁ.\nTassa taṁ rūpaṁ vipariṇamati, aññathā ca hoti.\nTassa rūpavipariṇāmaññathābhāvā uppajjanti sokaparidevadukkhadomanassupāyāsā.\nVedanaṁ attato samanupassati, vedanāvantaṁ vā attānaṁ; attani vā vedanaṁ, vedanāya vā attānaṁ.\nTassa sā vedanā vipariṇamati, aññathā ca hoti.\nTassa vedanāvipariṇāmaññathābhāvā uppajjanti sokaparideva …pe… pāyāsā.\nSaññaṁ attato samanupassati …\nsaṅkhāre attato samanupassati …\nviññāṇaṁ attato samanupassati, viññāṇavantaṁ vā attānaṁ; attani vā viññāṇaṁ, viññāṇasmiṁ vā attānaṁ.\nTassa taṁ viññāṇaṁ vipariṇamati, aññathā ca hoti.\nTassa viññāṇavipariṇāmaññathābhāvā uppajjanti sokaparidevadukkhadomanassupāyāsā.","en":"And, mendicants, from what are sorrow, lamentation, pain, sadness, and distress born and produced?\nIt’s when an unlearned ordinary person has not seen the noble ones, and is neither skilled nor trained in the teaching of the noble ones. They’ve not seen true persons, and are neither skilled nor trained in the teaching of the true persons.\nThey regard form as self, self as having form, form in self, or self in form.\nBut that form of theirs decays and perishes,\nwhich gives rise to sorrow, lamentation, pain, sadness, and distress.\nThey regard feeling as self …\nThey regard perception as self …\nThey regard choices as self …\nThey regard consciousness as self, self as having consciousness, consciousness in self, or self in consciousness.\nBut that consciousness of theirs decays and perishes,\nwhich gives rise to sorrow, lamentation, pain, sadness, and distress."}},{"id":"sn22.43:3","sourceIds":["sn22.43:3.1","sn22.43:3.2","sn22.43:3.3","sn22.43:3.4","sn22.43:3.5","sn22.43:3.6","sn22.43:3.7","sn22.43:3.8","sn22.43:3.9","sn22.43:3.10"],"kind":"text","text":{"pi":"Rūpassa tveva, bhikkhave, aniccataṁ viditvā vipariṇāmaṁ virāgaṁ nirodhaṁ, ‘pubbe ceva rūpaṁ etarahi ca sabbaṁ rūpaṁ aniccaṁ dukkhaṁ vipariṇāmadhamman’ti, evametaṁ yathābhūtaṁ sammappaññāya passato ye sokaparidevadukkhadomanassupāyāsā te pahīyanti.\nTesaṁ pahānā na paritassati, aparitassaṁ sukhaṁ viharati, sukhavihārī bhikkhu ‘tadaṅganibbuto’ti vuccati.\nVedanāya tveva, bhikkhave, aniccataṁ viditvā vipariṇāmaṁ virāgaṁ nirodhaṁ, ‘pubbe ceva vedanā etarahi ca sabbā vedanā aniccā dukkhā vipariṇāmadhammā’ti, evametaṁ yathābhūtaṁ sammappaññāya passato ye sokaparidevadukkhadomanassupāyāsā te pahīyanti.\nTesaṁ pahānā na paritassati, aparitassaṁ sukhaṁ viharati, sukhavihārī bhikkhu ‘tadaṅganibbuto’ti vuccati.\nSaññāya …\nsaṅkhārānaṁ tveva, bhikkhave, aniccataṁ viditvā vipariṇāmaṁ virāgaṁ nirodhaṁ, ‘pubbe ceva saṅkhārā etarahi ca sabbe saṅkhārā aniccā dukkhā vipariṇāmadhammā’ti, evametaṁ yathābhūtaṁ sammappaññāya passato ye sokaparidevadukkhadomanassupāyāsā te pahīyanti.\nTesaṁ pahānā na paritassati, aparitassaṁ sukhaṁ viharati, sukhavihārī bhikkhu ‘tadaṅganibbuto’ti vuccati.\nViññāṇassa tveva, bhikkhave, aniccataṁ viditvā vipariṇāmaṁ virāgaṁ nirodhaṁ, ‘pubbe ceva viññāṇaṁ etarahi ca sabbaṁ viññāṇaṁ aniccaṁ dukkhaṁ vipariṇāmadhamman’ti, evametaṁ yathābhūtaṁ sammappaññāya passato ye sokaparidevadukkhadomanassupāyāsā te pahīyanti.\nTesaṁ pahānā na paritassati, aparitassaṁ sukhaṁ viharati, sukhavihārī bhikkhu ‘tadaṅganibbuto’ti vuccatī”ti.\nPaṭhamaṁ.","en":"Sorrow, lamentation, pain, sadness, and distress are given up when you understand the impermanence of form—its perishing, fading away, and cessation—and you truly see with right understanding that all form, whether past or present, is impermanent, suffering, and perishable.\nWhen these things are given up there’s no anxiety. Without anxiety you live happily. A mendicant who lives happily is said to be quenched in that respect.\nSorrow, lamentation, pain, sadness, and distress are given up when you understand the impermanence of feeling …\nperception …\nchoices …\nconsciousness—its perishing, fading away, and cessation—and you truly see with right understanding that all consciousness, whether past or present, is impermanent, suffering, and perishable.\nWhen these things are given up there’s no anxiety. Without anxiety you live happily. A mendicant who lives happily is said to be quenched in that respect.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.43/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}