{"id":"sn22.52","title":"The End of Relishing (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.52","title":"The End of Relishing (2nd)","units":[{"id":"sn22.52:0","sourceIds":["sn22.52:0.1","sn22.52:0.2","sn22.52:0.3"],"kind":"text","text":{"pi":"Saṁyutta Nikāya 22.52\n5. Attadīpavagga\nDutiyanandikkhayasutta","en":"Linked Discourses 22.52\n5. Be Your Own Island\nThe End of Relishing (2nd)"}},{"id":"sn22.52:1","sourceIds":["sn22.52:1.1","sn22.52:1.2","sn22.52:1.3","sn22.52:1.4","sn22.52:1.5","sn22.52:1.6","sn22.52:1.7","sn22.52:1.8","sn22.52:1.9","sn22.52:1.10","sn22.52:1.11","sn22.52:1.12","sn22.52:1.13","sn22.52:1.14","sn22.52:1.15","sn22.52:1.16","sn22.52:1.17","sn22.52:1.18","sn22.52:1.19","sn22.52:1.20"],"kind":"text","text":{"pi":"Sāvatthinidānaṁ.\n“Rūpaṁ, bhikkhave, yoniso manasi karotha, rūpāniccatañca yathābhūtaṁ samanupassatha.\nRūpaṁ, bhikkhave, bhikkhu yoniso manasi karonto, rūpāniccatañca yathābhūtaṁ samanupassanto rūpasmiṁ nibbindati.\nNandikkhayā rāgakkhayo, rāgakkhayā nandikkhayo.\nNandirāgakkhayā cittaṁ vimuttaṁ suvimuttanti vuccati.\nVedanaṁ, bhikkhave, yoniso manasi karotha, vedanāniccatañca yathābhūtaṁ samanupassatha.\nVedanaṁ, bhikkhave, bhikkhu yoniso manasi karonto, vedanāniccatañca yathābhūtaṁ samanupassanto vedanāya nibbindati.\nNandikkhayā rāgakkhayo, rāgakkhayā nandikkhayo.\nNandirāgakkhayā cittaṁ vimuttaṁ suvimuttanti vuccati.\nSaññaṁ bhikkhave …\nsaṅkhāre, bhikkhave, yoniso manasi karotha, saṅkhārāniccatañca yathābhūtaṁ samanupassatha.\nSaṅkhāre, bhikkhave, bhikkhu yoniso manasi karonto, saṅkhārāniccataṁ yathābhūtaṁ samanupassanto saṅkhāresu nibbindati.\nNandikkhayā rāgakkhayo, rāgakkhayā nandikkhayo.\nNandirāgakkhayā cittaṁ vimuttaṁ suvimuttanti vuccati.\nViññāṇaṁ, bhikkhave, yoniso manasi karotha, viññāṇāniccatañca yathābhūtaṁ samanupassatha.\nViññāṇaṁ, bhikkhave, bhikkhu yoniso manasi karonto, viññāṇāniccatañca yathābhūtaṁ samanupassanto viññāṇasmiṁ nibbindati.\nNandikkhayā rāgakkhayo, rāgakkhayā nandikkhayo.\nNandirāgakkhayā cittaṁ vimuttaṁ suvimuttanti vuccatī”ti.\nDasamaṁ.\nAttadīpavaggo pañcamo.","en":"At Sāvatthī.\n“Mendicants, rationally apply the mind to form. Truly see the impermanence of form.\nWhen a mendicant does this, they grow disillusioned with form.\nWhen relishing ends, greed ends. When greed ends, relishing ends.\nWhen relishing and greed end, the mind is freed, and is said to be well freed.\nRationally apply the mind to feeling …\nperception …\nchoices …\nconsciousness. Truly see the impermanence of consciousness.\nWhen a mendicant does this, they grow disillusioned with consciousness.\nWhen relishing ends, greed ends. When greed ends, relishing ends.\nWhen relishing and greed end, the mind is freed, and is said to be well freed.”"}},{"id":"sn22.52:2","sourceIds":["sn22.52:2.0","sn22.52:2.1","sn22.52:2.2","sn22.52:2.3","sn22.52:2.4","sn22.52:2.5"],"kind":"text","text":{"pi":"Tassuddānaṁ\nAttadīpā paṭipadā,\nDve ca honti aniccatā;\nSamanupassanā khandhā,\nDve soṇā dve nandikkhayena cāti.\nMūlapaṇṇāsako samatto."}},{"id":"sn22.52:3","sourceIds":["sn22.52:3.0","sn22.52:3.1","sn22.52:3.2","sn22.52:3.3","sn22.52:3.4"],"kind":"text","text":{"pi":"Tassa mūlapaṇṇāsakassa vagguddānaṁ\nNakulapitā anicco ca,\nBhāro natumhākena ca;\nAttadīpena paññāso,\nPaṭhamo tena pavuccatīti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.52/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}