{"id":"sn22.58","title":"The Fully Awakened Buddha","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.58","title":"The Fully Awakened Buddha","units":[{"id":"sn22.58:0","sourceIds":["sn22.58:0.1","sn22.58:0.2","sn22.58:0.3"],"kind":"text","text":{"pi":"Saṁyutta Nikāya 22.58\n6. Upayavagga\nSammāsambuddhasutta","en":"Linked Discourses 22.58\n6. Involvement\nThe Fully Awakened Buddha"}},{"id":"sn22.58:1","sourceIds":["sn22.58:1.1","sn22.58:1.2","sn22.58:1.3"],"kind":"text","text":{"pi":"Sāvatthinidānaṁ.\n“Tathāgato, bhikkhave, arahaṁ sammāsambuddho rūpassa nibbidā virāgā nirodhā anupādā vimutto sammāsambuddhoti vuccati.\nBhikkhupi, bhikkhave, paññāvimutto rūpassa nibbidā virāgā nirodhā anupādā vimutto paññāvimuttoti vuccati.","en":"At Sāvatthī.\n“Mendicants, a Realized One, a perfected one, a fully awakened Buddha is freed by not grasping, due to disillusionment, dispassion, and cessation regarding form. They’re called a fully awakened Buddha.\nA mendicant freed by wisdom is also freed by not grasping, due to disillusionment, dispassion, and cessation regarding form. They’re called a mendicant freed by wisdom."}},{"id":"sn22.58:2","sourceIds":["sn22.58:2.1","sn22.58:2.2"],"kind":"text","text":{"pi":"Tathāgato, bhikkhave, arahaṁ sammāsambuddho vedanāya nibbidā virāgā nirodhā anupādā vimutto sammāsambuddhoti vuccati.\nBhikkhupi, bhikkhave, paññāvimutto vedanāya nibbidā …pe… paññāvimuttoti vuccati.","en":"A Realized One, a perfected one, a fully awakened Buddha is freed by not grasping, due to disillusionment, dispassion, and cessation regarding feeling …"}},{"id":"sn22.58:3","sourceIds":["sn22.58:3.1","sn22.58:3.2","sn22.58:3.3","sn22.58:3.4"],"kind":"text","text":{"pi":"Tathāgato, bhikkhave, arahaṁ sammāsambuddho saññāya …\nsaṅkhārānaṁ …\nviññāṇassa nibbidā virāgā nirodhā anupādā vimutto sammāsambuddhoti vuccati.\nBhikkhupi, bhikkhave, paññāvimutto viññāṇassa nibbidā virāgā nirodhā anupādā vimutto paññāvimuttoti vuccati.","en":"perception …\nchoices …\nconsciousness. They’re called a fully awakened Buddha.\nA mendicant freed by wisdom is also freed by not grasping, due to disillusionment, dispassion, and cessation regarding consciousness. They’re called a mendicant freed by wisdom."}},{"id":"sn22.58:4","sourceIds":["sn22.58:4.1","sn22.58:4.2","sn22.58:4.3","sn22.58:4.4","sn22.58:4.5"],"kind":"text","text":{"pi":"Tatra kho, bhikkhave, ko viseso, ko adhippayāso, kiṁ nānākaraṇaṁ, tathāgatassa arahato sammāsambuddhassa paññāvimuttena bhikkhunā”ti?\n“Bhagavaṁmūlakā no, bhante, dhammā bhagavaṁnettikā bhagavaṁpaṭisaraṇā. Sādhu vata, bhante, bhagavantaññeva paṭibhātu etassa bhāsitassa attho. Bhagavato sutvā bhikkhū dhāressantī”ti.\n“Tena hi, bhikkhave, suṇātha, sādhukaṁ manasi karotha, bhāsissāmī”ti.\n“Evaṁ, bhante”ti kho te bhikkhū bhagavato paccassosuṁ.\nBhagavā etadavoca:","en":"What, then, is the difference between a Realized One, a perfected one, a fully awakened Buddha, and a mendicant freed by wisdom?”\n“Our teachings are rooted in the Buddha. He is our guide and our refuge. Sir, may the Buddha himself please clarify the meaning of this. The mendicants will listen and remember it.”\n“Well then, mendicants, listen and apply your mind well, I will speak.”\n“Yes, sir,” they replied.\nThe Buddha said this:"}},{"id":"sn22.58:5","sourceIds":["sn22.58:5.1","sn22.58:5.2","sn22.58:5.3","sn22.58:5.4"],"kind":"text","text":{"pi":"“Tathāgato, bhikkhave, arahaṁ sammāsambuddho anuppannassa maggassa uppādetā, asañjātassa maggassa sañjanetā, anakkhātassa maggassa akkhātā maggaññū, maggavidū, maggakovido;\nmaggānugā ca, bhikkhave, etarahi sāvakā viharanti pacchā samannāgatā.\nAyaṁ kho, bhikkhave, viseso, ayaṁ adhippayāso, idaṁ nānākaraṇaṁ tathāgatassa arahato sammāsambuddhassa paññāvimuttena bhikkhunā”ti.\nChaṭṭhaṁ.","en":"“The Realized One, the perfected one, the fully awakened Buddha gave rise to the unarisen path, gave birth to the unborn path, and explained the unexplained path. He is the knower of the path, the discoverer of the path, the expert on the path.\nAnd now the disciples live following the path; they acquire it later.\nThis is the difference between a Realized One, a perfected one, a fully awakened Buddha, and a mendicant freed by wisdom.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.58/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}