{"id":"sn22.62","title":"The Scope of Definition","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.62","title":"The Scope of Definition","units":[{"id":"sn22.62:0","sourceIds":["sn22.62:0.1","sn22.62:0.2","sn22.62:0.3"],"kind":"text","text":{"pi":"Saṁyutta Nikāya 22.62\n6. Upayavagga\nNiruttipathasutta","en":"Linked Discourses 22.62\n6. Involvement\nThe Scope of Definition"}},{"id":"sn22.62:1","sourceIds":["sn22.62:1.1","sn22.62:1.2","sn22.62:1.3","sn22.62:1.4","sn22.62:1.5"],"kind":"text","text":{"pi":"Sāvatthinidānaṁ.\n“Tayome, bhikkhave, niruttipathā adhivacanapathā paññattipathā asaṅkiṇṇā asaṅkiṇṇapubbā, na saṅkīyanti, na saṅkīyissanti, appaṭikuṭṭhā samaṇehi brāhmaṇehi viññūhi.\nKatame tayo?\nYaṁ, bhikkhave, rūpaṁ atītaṁ niruddhaṁ vipariṇataṁ ‘ahosī’ti tassa saṅkhā, ‘ahosī’ti tassa samaññā, ‘ahosī’ti tassa paññatti;\nna tassa saṅkhā ‘atthī’ti, na tassa saṅkhā ‘bhavissatī’ti.","en":"At Sāvatthī.\n“Mendicants, there are these three scopes of definition, labeling, and description. They’re uncorrupted, as they have been since the beginning. They’re not being corrupted now, nor will they be. Sensible ascetics and brahmins don’t look down on them.\nWhat three?\nWhen form has passed, ceased, and perished, its designation, label, and description is ‘was’.\nIt’s not ‘is’ or ‘will be’."}},{"id":"sn22.62:2","sourceIds":["sn22.62:2.1","sn22.62:2.2"],"kind":"text","text":{"pi":"Yā vedanā atītā niruddhā vipariṇatā ‘ahosī’ti tassā saṅkhā, ‘ahosī’ti tassā samaññā, ‘ahosī’ti tassā paññatti;\nna tassā saṅkhā ‘atthī’ti, na tassā saṅkhā ‘bhavissatī’ti.","en":"When feeling …"}},{"id":"sn22.62:3","sourceIds":["sn22.62:3.1","sn22.62:3.2","sn22.62:3.3"],"kind":"text","text":{"pi":"Yā saññā …\nye saṅkhārā atītā niruddhā vipariṇatā ‘ahesun’ti tesaṁ saṅkhā, ‘ahesun’ti tesaṁ samaññā, ‘ahesun’ti tesaṁ paññatti;\nna tesaṁ saṅkhā ‘atthī’ti, na tesaṁ saṅkhā ‘bhavissantī’ti.","en":"perception …\nchoices …"}},{"id":"sn22.62:4","sourceIds":["sn22.62:4.1","sn22.62:4.2"],"kind":"text","text":{"pi":"Yaṁ viññāṇaṁ atītaṁ niruddhaṁ vipariṇataṁ, ‘ahosī’ti tassa saṅkhā, ‘ahosī’ti tassa samaññā, ‘ahosī’ti tassa paññatti;\nna tassa saṅkhā ‘atthī’ti, na tassa saṅkhā ‘bhavissatī’ti.","en":"consciousness has passed, ceased, and perished, its designation, label, and description is ‘was’.\nIt’s not ‘is’ or ‘will be’."}},{"id":"sn22.62:5","sourceIds":["sn22.62:5.1","sn22.62:5.2"],"kind":"text","text":{"pi":"Yaṁ, bhikkhave, rūpaṁ ajātaṁ apātubhūtaṁ, ‘bhavissatī’ti tassa saṅkhā, ‘bhavissatī’ti tassa samaññā, ‘bhavissatī’ti tassa paññatti;\nna tassa saṅkhā ‘atthī’ti, na tassa saṅkhā ‘ahosī’ti.","en":"When form is not yet born, and has not yet appeared, its designation, label, and description is ‘will be’.\nIt’s not ‘is’ or ‘was’."}},{"id":"sn22.62:6","sourceIds":["sn22.62:6.1","sn22.62:6.2"],"kind":"text","text":{"pi":"Yā vedanā ajātā apātubhūtā, ‘bhavissatī’ti tassā saṅkhā, ‘bhavissatī’ti tassā samaññā, ‘bhavissatī’ti tassā paññatti;\nna tassā saṅkhā ‘atthī’ti, na tassā saṅkhā ‘ahosī’ti.","en":"When feeling …"}},{"id":"sn22.62:7","sourceIds":["sn22.62:7.1","sn22.62:7.2","sn22.62:7.3"],"kind":"text","text":{"pi":"Yā saññā …\nye saṅkhārā ajātā apātubhūtā, ‘bhavissantī’ti tesaṁ saṅkhā, ‘bhavissantī’ti tesaṁ samaññā, ‘bhavissantī’ti tesaṁ paññatti;\nna tesaṁ saṅkhā ‘atthī’ti, na tesaṁ saṅkhā ‘ahesun’ti.","en":"perception …\nchoices …"}},{"id":"sn22.62:8","sourceIds":["sn22.62:8.1","sn22.62:8.2"],"kind":"text","text":{"pi":"Yaṁ viññāṇaṁ ajātaṁ apātubhūtaṁ, ‘bhavissatī’ti tassa saṅkhā, ‘bhavissatī’ti tassa samaññā, ‘bhavissatī’ti tassa paññatti;\nna tassa saṅkhā ‘atthī’ti, na tassa saṅkhā ‘ahosī’ti.","en":"consciousness is not yet born, and has not yet appeared, its designation, label, and description is ‘will be’.\nIt’s not ‘is’ or ‘was’."}},{"id":"sn22.62:9","sourceIds":["sn22.62:9.1","sn22.62:9.2"],"kind":"text","text":{"pi":"Yaṁ, bhikkhave, rūpaṁ jātaṁ pātubhūtaṁ, ‘atthī’ti tassa saṅkhā, ‘atthī’ti tassa samaññā, ‘atthī’ti tassa paññatti;\nna tassa saṅkhā ‘ahosī’ti, na tassa saṅkhā ‘bhavissatī’ti.","en":"When form has been born, and has appeared, its designation, label, and description is ‘is’.\nIt’s not ‘was’ or ‘will be’."}},{"id":"sn22.62:10","sourceIds":["sn22.62:10.1","sn22.62:10.2"],"kind":"text","text":{"pi":"Yā vedanā jātā pātubhūtā, ‘atthī’ti tassā saṅkhā, ‘atthī’ti tassā samaññā, ‘atthī’ti tassā paññatti;\nna tassā saṅkhā ‘ahosī’ti, na tassā saṅkhā ‘bhavissatī’ti.","en":"When feeling …"}},{"id":"sn22.62:11","sourceIds":["sn22.62:11.1","sn22.62:11.2","sn22.62:11.3"],"kind":"text","text":{"pi":"Yā saññā …\nye saṅkhārā jātā pātubhūtā, ‘atthī’ti tesaṁ saṅkhā, ‘atthī’ti tesaṁ samaññā, ‘atthī’ti tesaṁ paññatti;\nna tesaṁ saṅkhā ‘ahesun’ti, na tesaṁ saṅkhā, ‘bhavissantī’ti.","en":"perception …\nchoices …"}},{"id":"sn22.62:12","sourceIds":["sn22.62:12.1","sn22.62:12.2"],"kind":"text","text":{"pi":"Yaṁ viññāṇaṁ jātaṁ pātubhūtaṁ, ‘atthī’ti tassa saṅkhā, ‘atthī’ti tassa samaññā, ‘atthī’ti tassa paññatti;\nna tassa saṅkhā ‘ahosī’ti, na tassa saṅkhā ‘bhavissatī’ti.","en":"consciousness has been born, and has appeared, its designation, label, and description is ‘is’.\nIt’s not ‘was’ or ‘will be’."}},{"id":"sn22.62:13","sourceIds":["sn22.62:13.1","sn22.62:13.2","sn22.62:13.3","sn22.62:13.4","sn22.62:13.5"],"kind":"text","text":{"pi":"Ime kho, bhikkhave, tayo niruttipathā adhivacanapathā paññattipathā asaṅkiṇṇā asaṅkiṇṇapubbā, na saṅkīyanti, na saṅkīyissanti, appaṭikuṭṭhā samaṇehi brāhmaṇehi viññūhi.\nYepi te, bhikkhave, ahesuṁ ukkalā vassabhaññā ahetukavādā akiriyavādā natthikavādā, tepime tayo niruttipathe adhivacanapathe paññattipathe na garahitabbaṁ nappaṭikkositabbaṁ amaññiṁsu.\nTaṁ kissa hetu?\nNindāghaṭṭanabyārosaupārambhabhayā”ti.\nMajjhimapaṇṇāsakassa upayavaggo paṭhamo.","en":"These are the three scopes of definition, labeling, and description. They’re uncorrupted, as they have been since the beginning. They’re not being corrupted now, nor will they be. Sensible ascetics and brahmins don’t look down on them.\nEven those who were loud and bold advocates of the doctrines of no-cause, inaction, and nihilism, didn’t imagine that these three scopes of definition should be criticized or rejected.\nWhy is that?\nFor fear of being blamed, attacked, provoked, and faulted.”"}},{"id":"sn22.62:14","sourceIds":["sn22.62:14.0","sn22.62:14.1","sn22.62:14.2","sn22.62:14.3","sn22.62:14.4","sn22.62:14.5"],"kind":"text","text":{"pi":"Tassuddānaṁ\nUpayo bījaṁ udānaṁ,\nUpādānaparivattaṁ;\nSattaṭṭhānañca sambuddho,\nPañcamahāli ādittā;\nVaggo niruttipathena cāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.62/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}