{"id":"sn22.90","title":"With Channa","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.90","title":"With Channa","units":[{"id":"sn22.90:0","sourceIds":["sn22.90:0.1","sn22.90:0.2","sn22.90:0.3"],"kind":"text","text":{"pi":"Saṁyutta Nikāya 22.90\n9. Theravagga\nChannasutta","en":"Linked Discourses 22.90\n9. Senior Mendicants\nWith Channa"}},{"id":"sn22.90:1","sourceIds":["sn22.90:1.1","sn22.90:1.2","sn22.90:1.3"],"kind":"text","text":{"pi":"Ekaṁ samayaṁ sambahulā therā bhikkhū bārāṇasiyaṁ viharanti isipatane migadāye.\nAtha kho āyasmā channo sāyanhasamayaṁ paṭisallānā vuṭṭhito avāpuraṇaṁ ādāya vihārena vihāraṁ upasaṅkamitvā there bhikkhū etadavoca:\n“ovadantu maṁ āyasmanto therā, anusāsantu maṁ āyasmanto therā, karontu me āyasmanto therā dhammiṁ kathaṁ, yathāhaṁ dhammaṁ passeyyan”ti.","en":"At one time several senior mendicants were staying near Varanasi in the deer park at Isipatana.\nThen in the late afternoon, Venerable Channa came out of retreat. Taking a latchkey, he went from dwelling to dwelling, going up to the senior mendicants and saying,\n“May the venerable senior mendicants advise me and instruct me! May they give me a Dhamma talk so that I can see the teaching!”"}},{"id":"sn22.90:2","sourceIds":["sn22.90:2.1","sn22.90:2.2","sn22.90:2.3","sn22.90:2.4","sn22.90:2.5","sn22.90:2.6","sn22.90:2.7","sn22.90:2.8","sn22.90:2.9","sn22.90:2.10","sn22.90:2.11","sn22.90:2.12","sn22.90:2.13"],"kind":"text","text":{"pi":"Evaṁ vutte, therā bhikkhū āyasmantaṁ channaṁ etadavocuṁ:\n“rūpaṁ kho, āvuso channa, aniccaṁ;\nvedanā aniccā;\nsaññā aniccā;\nsaṅkhārā aniccā;\nviññāṇaṁ aniccaṁ.\nRūpaṁ anattā;\nvedanā …\nsaññā …\nsaṅkhārā …\nviññāṇaṁ anattā.\nSabbe saṅkhārā aniccā;\nsabbe dhammā anattā”ti.","en":"When he said this, the senior mendicants said to Venerable Channa:\n“Reverend Channa, form,\nfeeling,\nperception,\nchoices,\nand consciousness are impermanent.\nForm,\nfeeling,\nperception,\nchoices,\nand consciousness are not-self.\nAll conditions are impermanent.\nAll things are not-self.”"}},{"id":"sn22.90:3","sourceIds":["sn22.90:3.1","sn22.90:3.2","sn22.90:3.3","sn22.90:3.4","sn22.90:3.5","sn22.90:3.6","sn22.90:3.7","sn22.90:3.8","sn22.90:3.9","sn22.90:3.10","sn22.90:3.11","sn22.90:3.12","sn22.90:3.13","sn22.90:3.14","sn22.90:3.15","sn22.90:3.16","sn22.90:3.17"],"kind":"text","text":{"pi":"Atha kho āyasmato channassa etadahosi:\n“mayhampi kho etaṁ evaṁ hoti:\n‘rūpaṁ aniccaṁ, vedanā …\nsaññā …\nsaṅkhārā …\nviññāṇaṁ aniccaṁ;\nrūpaṁ anattā, vedanā …\nsaññā …\nsaṅkhārā …\nviññāṇaṁ anattā.\nSabbe saṅkhārā aniccā, sabbe dhammā anattā’ti.\nAtha ca pana me sabbasaṅkhārasamathe sabbūpadhipaṭinissagge taṇhākkhaye virāge nirodhe nibbāne cittaṁ na pakkhandati nappasīdati na santiṭṭhati nādhimuccati.\nParitassanā upādānaṁ uppajjati;\npaccudāvattati mānasaṁ:\n‘atha ko carahi me attā’ti?\nNa kho panevaṁ dhammaṁ passato hoti.\nKo nu kho me tathā dhammaṁ deseyya yathāhaṁ dhammaṁ passeyyan”ti.","en":"Then Venerable Channa thought,\n“I too think in this way. …\nAnd yet my mind does not leap forth, gain confidence, settle down, and become decided about the stilling of all activities, the letting go of all attachments, the ending of craving, fading away, cessation, extinguishment.\nBecause of anxiety, grasping arises\nand keeps turning back to the thought:\n‘So who then is my self?’\nBut that doesn’t happen for someone who sees the teaching.\nWho can teach me the Dhamma so that I can see the teaching?”"}},{"id":"sn22.90:4","sourceIds":["sn22.90:4.1","sn22.90:4.2","sn22.90:4.3","sn22.90:4.4","sn22.90:4.5"],"kind":"text","text":{"pi":"Atha kho āyasmato channassa etadahosi:\n“ayaṁ kho āyasmā ānando kosambiyaṁ viharati ghositārāme satthu ceva saṁvaṇṇito sambhāvito ca viññūnaṁ sabrahmacārīnaṁ, pahoti ca me āyasmā ānando tathā dhammaṁ desetuṁ yathāhaṁ dhammaṁ passeyyaṁ;\natthi ca me āyasmante ānande tāvatikā vissaṭṭhi.\nYannūnāhaṁ yenāyasmā ānando tenupasaṅkameyyan”ti.\nAtha kho āyasmā channo senāsanaṁ saṁsāmetvā pattacīvaramādāya yena kosambī ghositārāmo yenāyasmā ānando tenupasaṅkami; upasaṅkamitvā āyasmatā ānandena saddhiṁ sammodi …pe… ekamantaṁ nisinno kho āyasmā channo āyasmantaṁ ānandaṁ etadavoca:","en":"Then Venerable Channa thought,\n“Venerable Ānanda is staying near Kosambī in Ghosita’s monastery. He’s praised by the Buddha and esteemed by his sensible spiritual companions. He’s quite capable of teaching me the Dhamma so that I can see the teaching.\nSince I have so much trust in Venerable Ānanda,\nwhy don’t I go to see him?”\nThen Channa set his lodgings in order and, taking his bowl and robe, set out for Kosambī. He went to see Ānanda in Ghosita’s monastery, exchanged greetings with him, and told him what had happened. Then he said,"}},{"id":"sn22.90:5","sourceIds":["sn22.90:5.1","sn22.90:5.2","sn22.90:5.3","sn22.90:5.4","sn22.90:5.5","sn22.90:5.6","sn22.90:5.7","sn22.90:5.8","sn22.90:5.9","sn22.90:5.10","sn22.90:5.11","sn22.90:5.12","sn22.90:5.13"],"kind":"text","text":{"pi":"“Ekamidāhaṁ, āvuso ānanda, samayaṁ bārāṇasiyaṁ viharāmi isipatane migadāye.\nAtha khvāhaṁ, āvuso, sāyanhasamayaṁ paṭisallānā vuṭṭhito avāpuraṇaṁ ādāya vihārena vihāraṁ upasaṅkamiṁ;\nupasaṅkamitvā there bhikkhū etadavocaṁ:\n‘ovadantu maṁ āyasmanto therā, anusāsantu maṁ āyasmanto therā, karontu me āyasmanto therā dhammiṁ kathaṁ yathāhaṁ dhammaṁ passeyyan’ti.\nEvaṁ vutte, maṁ, āvuso, therā bhikkhū etadavocuṁ:\n‘rūpaṁ kho, āvuso channa, aniccaṁ;\nvedanā …\nsaññā …\nsaṅkhārā …\nviññāṇaṁ aniccaṁ;\nrūpaṁ anattā …pe…\nviññāṇaṁ anattā.\nSabbe saṅkhārā aniccā, sabbe dhammā anattā’ti."}},{"id":"sn22.90:6","sourceIds":["sn22.90:6.1","sn22.90:6.2","sn22.90:6.3","sn22.90:6.4","sn22.90:6.5","sn22.90:6.6","sn22.90:6.7","sn22.90:6.8","sn22.90:6.9","sn22.90:6.10","sn22.90:6.11","sn22.90:6.12","sn22.90:6.13","sn22.90:6.14"],"kind":"text","text":{"pi":"Tassa mayhaṁ, āvuso, etadahosi:\n‘mayhampi kho etaṁ evaṁ hoti—\nrūpaṁ aniccaṁ …pe…\nviññāṇaṁ aniccaṁ, rūpaṁ anattā, vedanā …\nsaññā …\nsaṅkhārā …\nviññāṇaṁ anattā.\nSabbe saṅkhārā aniccā, sabbe dhammā anattā’ti.\nAtha ca pana me sabbasaṅkhārasamathe sabbūpadhipaṭinissagge taṇhākkhaye virāge nirodhe nibbāne cittaṁ na pakkhandati nappasīdati na santiṭṭhati nādhimuccati.\nParitassanā upādānaṁ uppajjati;\npaccudāvattati mānasaṁ:\n‘atha ko carahi me attā’ti?\nNa kho panevaṁ dhammaṁ passato hoti.\nKo nu kho me tathā dhammaṁ deseyya yathāhaṁ dhammaṁ passeyyanti."}},{"id":"sn22.90:7","sourceIds":["sn22.90:7.1","sn22.90:7.2","sn22.90:7.3","sn22.90:7.4","sn22.90:7.5","sn22.90:7.6","sn22.90:7.7"],"kind":"text","text":{"pi":"Tassa mayhaṁ, āvuso, etadahosi:\n‘ayaṁ kho āyasmā ānando kosambiyaṁ viharati ghositārāme satthu ceva saṁvaṇṇito sambhāvito ca viññūnaṁ sabrahmacārīnaṁ, pahoti ca me āyasmā ānando tathā dhammaṁ desetuṁ yathāhaṁ dhammaṁ passeyyaṁ.\nAtthi ca me āyasmante ānande tāvatikā vissaṭṭhi.\nYannūnāhaṁ yenāyasmā ānando tenupasaṅkameyyan’ti.\nOvadatu maṁ, āyasmā ānando;\nanusāsatu maṁ, āyasmā ānando;\nkarotu me, āyasmā ānando dhammiṁ kathaṁ yathāhaṁ dhammaṁ passeyyan”ti.","en":"“May Venerable Ānanda advise me and instruct me! May he give me a Dhamma talk so that I can see the teaching!”"}},{"id":"sn22.90:8","sourceIds":["sn22.90:8.1","sn22.90:8.2","sn22.90:8.3","sn22.90:8.4","sn22.90:8.5"],"kind":"text","text":{"pi":"“Ettakenapi mayaṁ āyasmato channassa attamanā api nāma taṁ āyasmā channo āvi akāsi khīlaṁ chindi.\nOdahāvuso channa, sotaṁ;\nbhabbosi dhammaṁ viññātun”ti.\nAtha kho āyasmato channassa tāvatakeneva uḷāraṁ pītipāmojjaṁ uppajji:\n“bhabbo kirasmi dhammaṁ viññātun”ti.","en":"“I’m already delighted with Venerable Channa. Hopefully you’ve opened yourself up and severed your hard-heartedness.\nListen well, Channa.\nYou are capable of understanding the teaching.”\nThen right away Channa was filled with lofty rapture and joy,\n“It seems I’m capable of understanding the teaching!”"}},{"id":"sn22.90:9","sourceIds":["sn22.90:9.1","sn22.90:9.2","sn22.90:9.3","sn22.90:9.4","sn22.90:9.5","sn22.90:9.6","sn22.90:9.7","sn22.90:9.8","sn22.90:9.9","sn22.90:9.10","sn22.90:9.11","sn22.90:9.12","sn22.90:9.13","sn22.90:9.14","sn22.90:9.15","sn22.90:9.16","sn22.90:9.17"],"kind":"text","text":{"pi":"“Sammukhā metaṁ, āvuso channa, bhagavato sutaṁ, sammukhā paṭiggahitaṁ kaccānagottaṁ bhikkhuṁ ovadantassa—\ndvayanissito khvāyaṁ, kaccāna, loko yebhuyyena atthitañceva natthitañca.\nLokasamudayaṁ kho, kaccāna, yathābhūtaṁ sammappaññāya passato yā loke natthitā, sā na hoti.\nLokanirodhaṁ kho, kaccāna, yathābhūtaṁ sammappaññāya passato yā loke atthitā, sā na hoti.\nUpayupādānābhinivesavinibandho khvāyaṁ, kaccāna, loko yebhuyyena\ntaṁ cāyaṁ upayupādānaṁ cetaso adhiṭṭhānābhinivesānusayaṁ na upeti na upādiyati nādhiṭṭhāti ‘attā me’ti.\nDukkhameva uppajjamānaṁ uppajjati, dukkhaṁ nirujjhamānaṁ nirujjhatīti na kaṅkhati na vicikicchati.\nAparappaccayā ñāṇamevassa ettha hoti.\nEttāvatā kho, kaccāna, sammādiṭṭhi hoti.\nSabbamatthīti kho, kaccāna, ayameko anto.\nSabbaṁ natthīti ayaṁ dutiyo anto.\nEte te, kaccāna, ubho ante anupagamma majjhena tathāgato dhammaṁ deseti—\navijjāpaccayā saṅkhārā;\nsaṅkhārapaccayā viññāṇaṁ …pe…\nevametassa kevalassa dukkhakkhandhassa samudayo hoti.\nAvijjāya tveva asesavirāganirodhā saṅkhāranirodho …pe…\nevametassa kevalassa dukkhakkhandhassa nirodho hotī”ti.","en":"“Reverend Channa, I heard and learned in the presence of the Buddha his advice to the mendicant Kaccānagotta:\n‘Kaccāna, this world mostly relies on the duality of existence and non-existence.\nBut for one who truly sees the origin of the world with right understanding, the concept of non-existence regarding the world does not occur.\nAnd for one who truly sees the cessation of the world with right understanding, the concept of existence regarding the world does not occur.\nThis world is for the most part shackled by getting involved, grasping, and insisting.\nBut if—for all that getting involved and grasping, mental fixation, and insistence and underlying tendency—they do not get attracted, grasp, and fixate on the thought, ‘my self’,\nthey’ll have no doubt or uncertainty that what arises is just suffering arising, and what ceases is just suffering ceasing.\nTheir knowledge of this is independent of others.\nThis is how right view is defined.\n“All exists”: this is one extreme.\n“All does not exist”: this is the second extreme.\nAvoiding these two extremes, the Realized One teaches by the middle way:\n“Ignorance is a requirement for choices.\nChoices are a requirement for consciousness. …\nThat is how this entire mass of suffering originates.\nWhen ignorance fades away and ceases with no residue left behind, choices cease. …\nThat is how this entire mass of suffering ceases.”’”"}},{"id":"sn22.90:10","sourceIds":["sn22.90:10.1","sn22.90:10.2","sn22.90:10.3"],"kind":"text","text":{"pi":"“Evametaṁ, āvuso ānanda, hoti yesaṁ āyasmantānaṁ tādisā sabrahmacārayo anukampakā atthakāmā ovādakā anusāsakā.\nIdañca pana me āyasmato ānandassa dhammadesanaṁ sutvā dhammo abhisamito”ti.\nAṭṭhamaṁ.","en":"“Reverend Ānanda, this is how it is when you have such venerables as spiritual companions to advise and instruct you out of kindness and sympathy.\nAnd now that I’ve heard this teaching from Venerable Ānanda, I’ve comprehended the teaching.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.90/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}