{"id":"sn22.96","title":"A Lump of Cow Dung","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.96","title":"A Lump of Cow Dung","units":[{"id":"sn22.96:0","sourceIds":["sn22.96:0.1","sn22.96:0.2","sn22.96:0.3"],"kind":"text","text":{"pi":"Saṁyutta Nikāya 22.96\n10. Pupphavagga\nGomayapiṇḍasutta","en":"Linked Discourses 22.96\n10. Flowers\nA Lump of Cow Dung"}},{"id":"sn22.96:1","sourceIds":["sn22.96:1.1","sn22.96:1.2","sn22.96:1.3","sn22.96:1.4","sn22.96:1.5","sn22.96:1.6","sn22.96:1.7","sn22.96:1.8","sn22.96:1.9","sn22.96:1.10","sn22.96:1.11","sn22.96:1.12"],"kind":"text","text":{"pi":"Sāvatthinidānaṁ.\nEkamantaṁ nisinno kho so bhikkhu bhagavantaṁ etadavoca:\n“atthi nu kho, bhante, kiñci rūpaṁ yaṁ rūpaṁ niccaṁ dhuvaṁ sassataṁ avipariṇāmadhammaṁ sassatisamaṁ tatheva ṭhassati?\nAtthi nu kho, bhante, kāci vedanā yā vedanā niccā dhuvā sassatā avipariṇāmadhammā sassatisamaṁ tatheva ṭhassati?\nAtthi nu kho, bhante, kāci saññā yā saññā …pe…\natthi nu kho, bhante, keci saṅkhārā ye saṅkhārā niccā dhuvā sassatā avipariṇāmadhammā sassatisamaṁ tatheva ṭhassanti?\nAtthi nu kho, bhante, kiñci viññāṇaṁ, yaṁ viññāṇaṁ niccaṁ dhuvaṁ sassataṁ avipariṇāmadhammaṁ sassatisamaṁ tatheva ṭhassatī”ti?\n“Natthi kho, bhikkhu, kiñci rūpaṁ, yaṁ rūpaṁ niccaṁ dhuvaṁ sassataṁ avipariṇāmadhammaṁ sassatisamaṁ tatheva ṭhassati.\nNatthi kho, bhikkhu, kāci vedanā …\nkāci saññā …\nkeci saṅkhārā …\nkiñci viññāṇaṁ, yaṁ viññāṇaṁ niccaṁ dhuvaṁ sassataṁ avipariṇāmadhammaṁ sassatisamaṁ tatheva ṭhassatī”ti.","en":"At Sāvatthī.\nSeated to one side, that mendicant said to the Buddha:\n“Sir, is there any form at all that’s permanent, everlasting, eternal, imperishable, and will last forever and ever?\nIs there any feeling …\nperception …\nchoices …\nconsciousness at all that’s permanent, everlasting, eternal, imperishable, and will last forever and ever?”\n“Mendicant, there is no form at all that’s permanent, everlasting, eternal, imperishable, and will last forever and ever.\nThere’s no feeling …\nperception …\nchoices …\nconsciousness at all that’s permanent, everlasting, eternal, imperishable, and will last forever and ever.”"}},{"id":"sn22.96:2","sourceIds":["sn22.96:2.1","sn22.96:2.2","sn22.96:2.3","sn22.96:2.4"],"kind":"text","text":{"pi":"Atha kho bhagavā parittaṁ gomayapiṇḍaṁ pāṇinā gahetvā taṁ bhikkhuṁ etadavoca:\n“ettakopi kho, bhikkhu, attabhāvapaṭilābho natthi nicco dhuvo sassato avipariṇāmadhammo sassatisamaṁ tatheva ṭhassati.\nEttako cepi, bhikkhu, attabhāvapaṭilābho abhavissa nicco dhuvo sassato avipariṇāmadhammo, nayidaṁ brahmacariyavāso paññāyetha sammā dukkhakkhayāya.\nYasmā ca kho, bhikkhu, ettakopi attabhāvapaṭilābho natthi nicco dhuvo sassato avipariṇāmadhammo, tasmā brahmacariyavāso paññāyati sammā dukkhakkhayāya.","en":"Then the Buddha, picking up a lump of cow dung, said to the mendicant:\n“There’s not even this much of any incarnation that’s permanent, everlasting, eternal, imperishable, and will last forever and ever.\nIf there were, this living of the spiritual life for the complete ending of suffering would not be found.\nBut since there isn’t, this living of the spiritual life for the complete ending of suffering is found."}},{"id":"sn22.96:3","sourceIds":["sn22.96:3.1","sn22.96:3.2","sn22.96:3.3","sn22.96:3.4","sn22.96:3.5","sn22.96:3.6","sn22.96:3.7","sn22.96:3.8","sn22.96:3.9","sn22.96:3.10","sn22.96:3.11","sn22.96:3.12","sn22.96:3.13","sn22.96:3.14"],"kind":"text","text":{"pi":"Bhūtapubbāhaṁ, bhikkhu, rājā ahosiṁ khattiyo muddhāvasitto.\nTassa mayhaṁ, bhikkhu, rañño sato khattiyassa muddhāvasittassa caturāsītinagarasahassāni ahesuṁ kusāvatīrājadhānippamukhāni.\nTassa mayhaṁ, bhikkhu, rañño sato khattiyassa muddhāvasittassa caturāsītipāsādasahassāni ahesuṁ dhammapāsādappamukhāni.\nTassa mayhaṁ, bhikkhu, rañño sato khattiyassa muddhāvasittassa caturāsītikūṭāgārasahassāni ahesuṁ mahābyūhakūṭāgārappamukhāni.\nTassa mayhaṁ, bhikkhu, rañño sato khattiyassa muddhāvasittassa caturāsītipallaṅkasahassāni ahesuṁ dantamayāni sāramayāni sovaṇṇamayāni goṇakatthatāni paṭikatthatāni paṭalikatthatāni kadalimigapavarapaccattharaṇāni sauttaracchadāni ubhatolohitakūpadhānāni.\nTassa mayhaṁ, bhikkhu, rañño sato khattiyassa muddhāvasittassa caturāsītināgasahassāni ahesuṁ sovaṇṇālaṅkārāni sovaṇṇaddhajāni hemajālapaṭicchannāni uposathanāgarājappamukhāni.\nTassa mayhaṁ, bhikkhu, rañño sato khattiyassa muddhāvasittassa caturāsītiassasahassāni ahesuṁ sovaṇṇālaṅkārāni sovaṇṇaddhajāni hemajālapaṭicchannāni valāhakaassarājappamukhāni.\nTassa mayhaṁ, bhikkhu, rañño sato khattiyassa muddhāvasittassa caturāsītirathasahassāni ahesuṁ sovaṇṇālaṅkārāni sovaṇṇaddhajāni hemajālapaṭicchannāni vejayantarathappamukhāni.\nTassa mayhaṁ, bhikkhu, rañño sato khattiyassa muddhāvasittassa caturāsītimaṇisahassāni ahesuṁ maṇiratanappamukhāni.\nTassa mayhaṁ, bhikkhu …pe… caturāsītiitthisahassāni ahesuṁ subhaddādevippamukhāni.\nTassa mayhaṁ, bhikkhu …pe… caturāsītikhattiyasahassāni ahesuṁ anuyantāni pariṇāyakaratanappamukhāni.\nTassa mayhaṁ, bhikkhu …pe… caturāsītidhenusahassāni ahesuṁ dukūlasandānāni kaṁsūpadhāraṇāni.\nTassa mayhaṁ, bhikkhu …pe… caturāsītivatthakoṭisahassāni ahesuṁ khomasukhumāni koseyyasukhumāni kambalasukhumāni kappāsikasukhumāni.\nTassa mayhaṁ, bhikkhu …pe… caturāsītithālipākasahassāni ahesuṁ; sāyaṁ pātaṁ bhattābhihāro abhihariyittha.","en":"Once upon a time I was an anointed aristocratic king.\nI had 84,000 cities, with the capital Kusāvatī the foremost.\nI had 84,000 palaces, with the Palace of Principle the foremost.\nI had 84,000 chambers, with the Chamber of the Grand Tower the foremost.\nI had 84,000 couches made of ivory or heartwood or gold or silver, spread with woolen covers—shag-piled or embroidered with flowers—and spread with a fine deer hide, with a canopy above and red pillows at both ends.\nI had 84,000 bull elephants with gold adornments and banners, covered with snow gold netting, with the royal bull elephant named Sabbath the foremost.\nI had 84,000 horses with gold adornments and banners, covered with snow gold netting, with the royal steed named Thundercloud the foremost.\nI had 84,000 chariots with gold adornments and banners, covered with snow gold netting, with the chariot named Triumph the foremost.\nI had 84,000 jewels, with the jewel-treasure the foremost.\nI had 84,000 women, with Queen Subhaddā the foremost.\nI had 84,000 aristocrat vassals, with the commander-treasure the foremost.\nI had 84,000 milk cows with muslin halter and bronze pails.\nI had 8,400,000,000 cloths of delicate linen, cotton, silk, and wool.\nI had 84,000 servings of food, which were presented to me as offerings at daybreak and dusk."}},{"id":"sn22.96:4","sourceIds":["sn22.96:4.1","sn22.96:4.2","sn22.96:4.3","sn22.96:4.4","sn22.96:4.5","sn22.96:4.6","sn22.96:4.7","sn22.96:4.8","sn22.96:4.9","sn22.96:4.10","sn22.96:4.11","sn22.96:4.12","sn22.96:4.13","sn22.96:4.14","sn22.96:4.15","sn22.96:4.16"],"kind":"text","text":{"pi":"Tesaṁ kho pana, bhikkhu, caturāsītiyā nagarasahassānaṁ ekaññeva taṁ nagaraṁ hoti yamahaṁ tena samayena ajjhāvasāmi—kusāvatī rājadhānī.\nTesaṁ kho pana, bhikkhu, caturāsītiyā pāsādasahassānaṁ ekoyeva so pāsādo hoti yamahaṁ tena samayena ajjhāvasāmi—dhammo pāsādo.\nTesaṁ kho pana, bhikkhu, caturāsītiyā kūṭāgārasahassānaṁ ekaññeva taṁ kūṭāgāraṁ hoti yamahaṁ tena samayena ajjhāvasāmi—mahābyūhaṁ kūṭāgāraṁ.\nTesaṁ kho pana, bhikkhu, caturāsītiyā pallaṅkasahassānaṁ ekoyeva so pallaṅko hoti yamahaṁ tena samayena paribhuñjāmi—dantamayo vā sāramayo vā sovaṇṇamayo vā rūpiyamayo vā.\nTesaṁ kho pana, bhikkhu, caturāsītiyā nāgasahassānaṁ ekoyeva so nāgo hoti yamahaṁ tena samayena abhiruhāmi—uposatho nāgarājā.\nTesaṁ kho pana, bhikkhu, caturāsītiyā assasahassānaṁ ekoyeva so asso hoti yamahaṁ tena samayena abhiruhāmi—valāhako assarājā.\nTesaṁ kho pana, bhikkhu, caturāsītiyā rathasahassānaṁ ekoyeva so ratho hoti yamahaṁ tena samayena abhiruhāmi—vejayanto ratho.\nTesaṁ kho pana, bhikkhu, caturāsītiyā itthisahassānaṁ ekāyeva sā itthī hoti yā maṁ tena samayena paccupaṭṭhāti—khattiyānī vā velāmikā vā.\nTesaṁ kho pana, bhikkhu, caturāsītiyā vatthakoṭisahassānaṁ ekaññeva taṁ vatthayugaṁ hoti yamahaṁ tena samayena paridahāmi—khomasukhumaṁ vā koseyyasukhumaṁ vā kambalasukhumaṁ vā kappāsikasukhumaṁ vā.\nTesaṁ kho pana, bhikkhu, caturāsītiyā thālipākasahassānaṁ ekoyeva so thālipāko hoti yato nāḷikodanaparamaṁ bhuñjāmi tadupiyañca sūpeyyaṁ.\nIti kho, bhikkhu, sabbe te saṅkhārā atītā niruddhā vipariṇatā.\nEvaṁ aniccā kho, bhikkhu, saṅkhārā.\nEvaṁ addhuvā kho, bhikkhu, saṅkhārā.\nEvaṁ anassāsikā kho, bhikkhu, saṅkhārā.\nYāvañcidaṁ, bhikkhu, alameva sabbasaṅkhāresu nibbindituṁ, alaṁ virajjituṁ, alaṁ vimuccitun”ti.\nCatutthaṁ.","en":"Of those 84,000 cities, I only stayed in one, the capital Kusāvatī.\nOf those 84,000 palaces, I only dwelt in one, the Palace of Principle.\nOf those 84,000 chambers, I only dwelt in one, the  Chamber of the Grand Tower.\nOf those 84,000 couches, I only used one, made of ivory or heartwood or gold or silver.\nOf those 84,000 bull elephants, I only rode one, the royal bull elephant named Sabbath.\nOf those 84,000 horses, I only rode one, the royal horse named Thundercloud.\nOf those 84,000 chariots, I only rode one, the chariot named Triumph.\nOf those 84,000 women, I was only served by one, an aristocrat maiden or a coquette.\nOf those 8,400,000,000 cloths, I only wore one pair, made of delicate linen, cotton, silk, and wool.\nOf those 84,000 servings of food, I only had one, eating at most a cup of rice with suitable sauce.\nAnd so all those conditioned phenomena have passed, ceased, and perished.\nSo impermanent are conditions,\nso unstable are conditions,\nso unreliable are conditions.\nThis is quite enough for you to become disillusioned, dispassionate, and freed regarding all conditions.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.96/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}