{"id":"sn22.97","title":"A Fingernail","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn22.97","title":"A Fingernail","units":[{"id":"sn22.97:0","sourceIds":["sn22.97:0.1","sn22.97:0.2","sn22.97:0.3"],"kind":"text","text":{"pi":"Saṁyutta Nikāya 22.97\n10. Pupphavagga\nNakhasikhāsutta","en":"Linked Discourses 22.97\n10. Flowers\nA Fingernail"}},{"id":"sn22.97:1","sourceIds":["sn22.97:1.1","sn22.97:1.2","sn22.97:1.3","sn22.97:1.4","sn22.97:1.5","sn22.97:1.6","sn22.97:1.7","sn22.97:1.8","sn22.97:1.9","sn22.97:1.10","sn22.97:1.11","sn22.97:1.12"],"kind":"text","text":{"pi":"Sāvatthinidānaṁ.\nEkamantaṁ nisinno kho so bhikkhu bhagavantaṁ etadavoca:\n“atthi nu kho, bhante, kiñci rūpaṁ yaṁ rūpaṁ niccaṁ dhuvaṁ sassataṁ avipariṇāmadhammaṁ sassatisamaṁ tatheva ṭhassati?\nAtthi nu kho, bhante, kāci vedanā yā vedanā niccā dhuvā sassatā avipariṇāmadhammā sassatisamaṁ tatheva ṭhassati?\nAtthi nu kho, bhante, kāci saññā …pe…\nkeci saṅkhārā, ye saṅkhārā niccā dhuvā sassatā avipariṇāmadhammā sassatisamaṁ tatheva ṭhassanti?\nAtthi nu kho, bhante, kiñci viññāṇaṁ, yaṁ viññāṇaṁ niccaṁ dhuvaṁ sassataṁ avipariṇāmadhammaṁ sassatisamaṁ tatheva ṭhassatī”ti?\n“Natthi kho, bhikkhu, kiñci rūpaṁ, yaṁ rūpaṁ niccaṁ dhuvaṁ sassataṁ avipariṇāmadhammaṁ sassatisamaṁ tatheva ṭhassati.\nNatthi kho, bhikkhu, kāci vedanā …\nkāci saññā …\nkeci saṅkhārā …pe…\nkiñci viññāṇaṁ, yaṁ viññāṇaṁ niccaṁ dhuvaṁ sassataṁ avipariṇāmadhammaṁ sassatisamaṁ tatheva ṭhassatī”ti.","en":"At Sāvatthī.\nSeated to one side, that mendicant said to the Buddha:\n“Sir, is there any form at all that’s permanent, everlasting, eternal, imperishable, and will last forever and ever?\nIs there any feeling …\nperception …\nchoices …\nconsciousness at all that’s permanent, everlasting, eternal, imperishable, and will last forever and ever?”\n“Mendicant, there is no form at all that’s permanent, everlasting, eternal, imperishable, and will last forever and ever.\nThere’s no feeling …\nperception …\nchoices …\nconsciousness at all that’s permanent, everlasting, eternal, imperishable, and will last forever and ever.”"}},{"id":"sn22.97:2","sourceIds":["sn22.97:2.1","sn22.97:2.2","sn22.97:2.3","sn22.97:2.4"],"kind":"text","text":{"pi":"Atha kho bhagavā parittaṁ nakhasikhāyaṁ paṁsuṁ āropetvā taṁ bhikkhuṁ etadavoca:\n“ettakampi kho, bhikkhu, rūpaṁ natthi niccaṁ dhuvaṁ sassataṁ avipariṇāmadhammaṁ sassatisamaṁ tatheva ṭhassati.\nEttakañcepi, bhikkhu, rūpaṁ abhavissa niccaṁ dhuvaṁ sassataṁ avipariṇāmadhammaṁ, nayidaṁ brahmacariyavāso paññāyetha sammā dukkhakkhayāya.\nYasmā ca kho, bhikkhu, ettakampi rūpaṁ natthi niccaṁ dhuvaṁ sassataṁ avipariṇāmadhammaṁ, tasmā brahmacariyavāso paññāyati sammā dukkhakkhayāya”.","en":"Then the Buddha, picking up a little bit of dirt on his fingernail, said to that mendicant:\n“There’s not even this much of any form that’s permanent, everlasting, eternal, imperishable, and will last forever and ever.\nIf there were, this living of the spiritual life for the complete ending of suffering would not be found.\nBut since there isn’t, this living of the spiritual life for the complete ending of suffering is found."}},{"id":"sn22.97:3","sourceIds":["sn22.97:3.1","sn22.97:3.2","sn22.97:3.3"],"kind":"text","text":{"pi":"Ettakāpi kho, bhikkhu, vedanā natthi niccā dhuvā sassatā avipariṇāmadhammā sassatisamaṁ tatheva ṭhassati.\nEttakā cepi, bhikkhu, vedanā abhavissa niccā dhuvā sassatā avipariṇāmadhammā, na yidaṁ brahmacariyavāso paññāyetha sammā dukkhakkhayāya.\nYasmā ca kho, bhikkhu, ettakāpi vedanā natthi niccā dhuvā sassatā avipariṇāmadhammā, tasmā brahmacariyavāso paññāyati sammā dukkhakkhayāya.","en":"There’s not even this much of any feeling …"}},{"id":"sn22.97:4","sourceIds":["sn22.97:4.1","sn22.97:4.2","sn22.97:4.3","sn22.97:4.4"],"kind":"text","text":{"pi":"Ettakāpi kho, bhikkhu, saññā natthi …pe…\nettakāpi kho, bhikkhu, saṅkhārā natthi niccā dhuvā sassatā avipariṇāmadhammā sassatisamaṁ tatheva ṭhassanti.\nEttakā cepi, bhikkhu, saṅkhārā abhavissaṁsu niccā dhuvā sassatā avipariṇāmadhammā, na yidaṁ brahmacariyavāso paññāyetha sammā dukkhakkhayāya.\nYasmā ca kho, bhikkhu, ettakāpi saṅkhārā natthi niccā dhuvā sassatā avipariṇāmadhammā, tasmā brahmacariyavāso paññāyati sammā dukkhakkhayāya.","en":"perception …\nchoices …"}},{"id":"sn22.97:5","sourceIds":["sn22.97:5.1","sn22.97:5.2","sn22.97:5.3"],"kind":"text","text":{"pi":"Ettakampi kho, bhikkhu, viññāṇaṁ natthi niccaṁ dhuvaṁ sassataṁ avipariṇāmadhammaṁ sassatisamaṁ tatheva ṭhassati.\nEttakampi kho, bhikkhu, viññāṇaṁ abhavissa niccaṁ dhuvaṁ sassataṁ avipariṇāmadhammaṁ, na yidaṁ brahmacariyavāso paññāyetha sammā dukkhakkhayāya.\nYasmā ca kho, bhikkhu, ettakampi viññāṇaṁ natthi niccaṁ dhuvaṁ sassataṁ avipariṇāmadhammaṁ, tasmā brahmacariyavāso paññāyati sammā dukkhakkhayāya.","en":"consciousness that’s permanent, everlasting, eternal, imperishable, and will last forever and ever.\nIf there were, this living of the spiritual life for the complete ending of suffering would not be found.\nBut since there isn’t, this living of the spiritual life for the complete ending of suffering is found."}},{"id":"sn22.97:6","sourceIds":["sn22.97:6.1","sn22.97:6.2","sn22.97:6.3","sn22.97:6.4","sn22.97:6.5","sn22.97:6.6","sn22.97:6.7","sn22.97:6.8","sn22.97:6.9","sn22.97:6.10","sn22.97:6.11","sn22.97:6.12"],"kind":"text","text":{"pi":"Taṁ kiṁ maññasi, bhikkhu,\nrūpaṁ niccaṁ vā aniccaṁ vā”ti?\n“Aniccaṁ, bhante”.\n“Vedanā …\nsaññā …\nsaṅkhārā …\nviññāṇaṁ niccaṁ vā aniccaṁ vā”ti?\n“Aniccaṁ, bhante” …pe…\n“tasmātiha …pe…\nevaṁ passaṁ …pe…\nnāparaṁ itthattāyāti pajānātī”ti.\nPañcamaṁ.","en":"What do you think, mendicant?\nIs form permanent or impermanent?”\n“Impermanent, sir.”\n“Is feeling …\nperception …\nchoices …\nconsciousness permanent or impermanent?”\n“Impermanent, sir.” …\n“So you should truly see …\nSeeing this …\nThey understand: ‘… there is nothing further for this place.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn22.97/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}