{"id":"sn28.1","title":"Born of Seclusion","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn28.1","title":"Born of Seclusion","units":[{"id":"sn28.1:0","sourceIds":["sn28.1:0.1","sn28.1:0.2","sn28.1:0.3"],"kind":"text","text":{"pi":"Saṁyutta Nikāya 28.1\n1. Sāriputtavagga\nVivekajasutta","en":"Linked Discourses 28.1\n1. With Sāriputta\nBorn of Seclusion"}},{"id":"sn28.1:1","sourceIds":["sn28.1:1.1","sn28.1:1.2","sn28.1:1.3","sn28.1:1.4"],"kind":"text","text":{"pi":"Ekaṁ samayaṁ āyasmā sāriputto sāvatthiyaṁ viharati jetavane anāthapiṇḍikassa ārāme.\nAtha kho āyasmā sāriputto pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisi.\nSāvatthiyaṁ piṇḍāya caritvā pacchābhattaṁ piṇḍapātapaṭikkanto yena andhavanaṁ tenupasaṅkami divāvihārāya.\nAndhavanaṁ ajjhogāhetvā aññatarasmiṁ rukkhamūle divāvihāraṁ nisīdi.","en":"At one time Venerable Sāriputta was staying near Sāvatthī in Jeta’s Grove, Anāthapiṇḍika’s monastery.\nThen Venerable Sāriputta robed up in the morning and, taking his bowl and robe, entered Sāvatthī for alms.\nHe wandered for alms in Sāvatthī. After the meal, on his return from almsround, he went to the Dark Forest for the day’s meditation,\nplunged deep into it, and sat at the root of a tree to meditate."}},{"id":"sn28.1:2","sourceIds":["sn28.1:2.1","sn28.1:2.2","sn28.1:2.3","sn28.1:2.4","sn28.1:2.5"],"kind":"text","text":{"pi":"Atha kho āyasmā sāriputto sāyanhasamayaṁ paṭisallānā vuṭṭhito yena jetavanaṁ anāthapiṇḍikassa ārāmo tenupasaṅkami.\nAddasā kho āyasmā ānando āyasmantaṁ sāriputtaṁ dūratova āgacchantaṁ.\nDisvāna āyasmantaṁ sāriputtaṁ etadavoca:\n“vippasannāni kho te, āvuso sāriputta, indriyāni; parisuddho mukhavaṇṇo pariyodāto.\nKatamenāyasmā sāriputto ajja vihārena vihāsī”ti?","en":"Then in the late afternoon, Sāriputta came out of retreat and went to Jeta’s Grove, Anāthapiṇḍika’s monastery.\nVenerable Ānanda saw him coming off in the distance,\nand said to him:\n“Reverend Sāriputta, your faculties are so very clear, and your complexion is pure and bright.\nWhat meditation were you practicing today?”"}},{"id":"sn28.1:3","sourceIds":["sn28.1:3.1","sn28.1:3.2","sn28.1:3.3","sn28.1:3.4","sn28.1:3.5","sn28.1:3.6","sn28.1:3.7"],"kind":"text","text":{"pi":"“Idhāhaṁ, āvuso, vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharāmi.\nTassa mayhaṁ, āvuso, na evaṁ hoti:\n‘ahaṁ paṭhamaṁ jhānaṁ samāpajjāmī’ti vā ‘ahaṁ paṭhamaṁ jhānaṁ samāpanno’ti vā ‘ahaṁ paṭhamā jhānā vuṭṭhito’ti vā”ti.\nTathā hi panāyasmato sāriputtassa dīgharattaṁ ahaṅkāramamaṅkāramānānusayā susamūhatā.\nTasmā āyasmato sāriputtassa na evaṁ hoti:\n“‘ahaṁ paṭhamaṁ jhānaṁ samāpajjāmī’ti vā ‘ahaṁ paṭhamaṁ jhānaṁ samāpanno’ti vā ‘ahaṁ paṭhamā jhānā vuṭṭhito’ti vā”ti.\nPaṭhamaṁ.","en":"“Reverend, quite secluded from sensual pleasures, secluded from unskillful qualities, I entered and remained in the first absorption, which has the rapture and bliss born of seclusion, while placing the mind and keeping it connected.\nBut it didn’t occur to me:\n‘I am entering the first absorption’ or ‘I have entered the first absorption’ or ‘I am emerging from the first absorption’.”\n“That must be because Venerable Sāriputta has long ago totally eradicated I-making, mine-making, and the underlying tendency to conceit.\nThat’s why it didn’t occur to you:\n‘I am entering the first absorption’ or ‘I have entered the first absorption’ or ‘I am emerging from the first absorption’.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn28.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}