{"id":"sn3.15","title":"Battle (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn3.15","title":"Battle (2nd)","units":[{"id":"sn3.15:0","sourceIds":["sn3.15:0.1","sn3.15:0.2","sn3.15:0.3"],"kind":"text","text":{"pi":"Saṁyutta Nikāya 3.15\n2. Dutiyavagga\nDutiyasaṅgāmasutta","en":"Linked Discourses 3.15\n2. Childless\nBattle (2nd)"}},{"id":"sn3.15:1","sourceIds":["sn3.15:1.1","sn3.15:1.2","sn3.15:1.3","sn3.15:1.4","sn3.15:1.5","sn3.15:1.6","sn3.15:1.7","sn3.15:1.8","sn3.15:1.9"],"kind":"text","text":{"pi":"Atha kho rājā māgadho ajātasattu vedehiputto caturaṅginiṁ senaṁ sannayhitvā rājānaṁ pasenadiṁ kosalaṁ abbhuyyāsi yena kāsi.\nAssosi kho rājā pasenadi kosalo:\n“rājā kira māgadho ajātasattu vedehiputto caturaṅginiṁ senaṁ sannayhitvā mamaṁ abbhuyyāto yena kāsī”ti.\nAtha kho rājā pasenadi kosalo caturaṅginiṁ senaṁ sannayhitvā rājānaṁ māgadhaṁ ajātasattuṁ vedehiputtaṁ paccuyyāsi yena kāsi.\nAtha kho rājā ca māgadho ajātasattu vedehiputto rājā ca pasenadi kosalo saṅgāmesuṁ.\nTasmiṁ kho pana saṅgāme rājā pasenadi kosalo rājānaṁ māgadhaṁ ajātasattuṁ vedehiputtaṁ parājesi, jīvaggāhañca naṁ aggahesi.\nAtha kho rañño pasenadissa kosalassa etadahosi:\n“kiñcāpi kho myāyaṁ rājā māgadho ajātasattu vedehiputto adubbhantassa dubbhati, atha ca pana me bhāgineyyo hoti.\nYannūnāhaṁ rañño māgadhassa ajātasattuno vedehiputtassa sabbaṁ hatthikāyaṁ pariyādiyitvā sabbaṁ assakāyaṁ pariyādiyitvā sabbaṁ rathakāyaṁ pariyādiyitvā sabbaṁ pattikāyaṁ pariyādiyitvā jīvantameva naṁ osajjeyyan”ti.","en":"Then King Ajātasattu of Magadha, son of the princess of Videha, mobilized an army of four divisions and marched to Kāsi to attack King Pasenadi of Kosala.\nWhen King Pasenadi heard of this,\nhe mobilized an army of four divisions and marched to Kāsi to defend it against Ajātasattu.\nThen the two kings met in battle.\nAnd in that battle Pasenadi defeated Ajātasattu and captured him alive.\nThen King Pasenadi thought,\n“Even though I’ve never betrayed this King Ajātasattu, he betrayed me. Still, he is my nephew.\nNow that I’ve vanquished all of Ajātasattu’s elephant troops, cavalry, chariots, and infantry, why don’t I let him loose with just his life?”"}},{"id":"sn3.15:2","sourceIds":["sn3.15:2.1"],"kind":"text","text":{"pi":"Atha kho rājā pasenadi kosalo rañño māgadhassa ajātasattuno vedehiputtassa sabbaṁ hatthikāyaṁ pariyādiyitvā sabbaṁ assakāyaṁ pariyādiyitvā sabbaṁ rathakāyaṁ pariyādiyitvā sabbaṁ pattikāyaṁ pariyādiyitvā jīvantameva naṁ osajji.","en":"And that’s what he did."}},{"id":"sn3.15:3","sourceIds":["sn3.15:3.1","sn3.15:3.2"],"kind":"text","text":{"pi":"Atha kho sambahulā bhikkhū pubbaṇhasamayaṁ nivāsetvā pattacīvaramādāya sāvatthiṁ piṇḍāya pavisiṁsu.\nSāvatthiyaṁ piṇḍāya caritvā pacchābhattaṁ piṇḍapātapaṭikkantā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:","en":"Then several mendicants …\ntold the Buddha what had happened."}},{"id":"sn3.15:4","sourceIds":["sn3.15:4.1","sn3.15:4.2","sn3.15:4.3","sn3.15:4.4","sn3.15:4.5","sn3.15:4.6","sn3.15:4.7","sn3.15:4.8","sn3.15:4.9"],"kind":"text","text":{"pi":"“Idha, bhante, rājā māgadho ajātasattu vedehiputto caturaṅginiṁ senaṁ sannayhitvā rājānaṁ pasenadiṁ kosalaṁ abbhuyyāsi yena kāsi.\nAssosi kho, bhante, rājā pasenadi kosalo:\n‘rājā kira māgadho ajātasattu vedehiputto caturaṅginiṁ senaṁ sannayhitvā mamaṁ abbhuyyāto yena kāsī’ti.\nAtha kho, bhante, rājā pasenadi kosalo caturaṅginiṁ senaṁ sannayhitvā rājānaṁ māgadhaṁ ajātasattuṁ vedehiputtaṁ paccuyyāsi yena kāsi.\nAtha kho, bhante, rājā ca māgadho ajātasattu vedehiputto rājā ca pasenadi kosalo saṅgāmesuṁ.\nTasmiṁ kho pana, bhante, saṅgāme rājā pasenadi kosalo rājānaṁ māgadhaṁ ajātasattuṁ vedehiputtaṁ parājesi, jīvaggāhañca naṁ aggahesi.\nAtha kho, bhante, rañño pasenadissa kosalassa etadahosi:\n‘kiñcāpi kho myāyaṁ rājā māgadho ajātasattu vedehiputto adubbhantassa dubbhati, atha ca pana me bhāgineyyo hoti.\nYannūnāhaṁ rañño māgadhassa ajātasattuno vedehiputtassa sabbaṁ hatthikāyaṁ pariyādiyitvā sabbaṁ assakāyaṁ sabbaṁ rathakāyaṁ sabbaṁ pattikāyaṁ pariyādiyitvā jīvantameva naṁ osajjeyyan’”ti."}},{"id":"sn3.15:5","sourceIds":["sn3.15:5.1"],"kind":"text","text":{"pi":"“Atha kho, bhante, rājā pasenadi kosalo rañño māgadhassa ajātasattuno vedehiputtassa sabbaṁ hatthikāyaṁ pariyādiyitvā sabbaṁ assakāyaṁ pariyādiyitvā sabbaṁ rathakāyaṁ pariyādiyitvā sabbaṁ pattikāyaṁ pariyādiyitvā jīvantameva naṁ osajjī”ti."}},{"id":"sn3.15:6","sourceIds":["sn3.15:6.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imā gāthāyo abhāsi:","en":"Then, understanding this matter, on that occasion the Buddha recited these verses:"}},{"id":"sn3.15:7","sourceIds":["sn3.15:7.1","sn3.15:7.2","sn3.15:7.3","sn3.15:7.4"],"kind":"text","text":{"pi":"“Vilumpateva puriso,\nyāvassa upakappati;\nYadā caññe vilumpanti,\nso vilutto viluppati.","en":"“A man goes on plundering\nas long as it serves his ends.\nBut as soon as others plunder him,\nthe plunderer is plundered."}},{"id":"sn3.15:8","sourceIds":["sn3.15:8.1","sn3.15:8.2","sn3.15:8.3","sn3.15:8.4"],"kind":"text","text":{"pi":"Ṭhānañhi maññati bālo,\nyāva pāpaṁ na paccati;\nYadā ca paccati pāpaṁ,\natha dukkhaṁ nigacchati.","en":"For the fool thinks they’re on solid ground,\nso long as their wickedness has not ripened.\nBut as soon as that wickedness ripens,\nthey fall into suffering."}},{"id":"sn3.15:9","sourceIds":["sn3.15:9.1","sn3.15:9.2","sn3.15:9.3","sn3.15:9.4","sn3.15:9.5","sn3.15:9.6"],"kind":"text","text":{"pi":"Hantā labhati hantāraṁ,\njetāraṁ labhate jayaṁ;\nAkkosako ca akkosaṁ,\nrosetārañca rosako;\nAtha kammavivaṭṭena,\nso vilutto viluppatī”ti.","en":"A killer creates a killer;\na conqueror creates a conqueror;\nan abuser creates abuse,\nand a bully creates a bully.\nAnd so as deeds unfold\nthe plunderer is plundered.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn3.15/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}