{"id":"sn34.19","title":"Entering and What’s Conducive","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn34.19","title":"Entering and What’s Conducive","units":[{"id":"sn34.19:0","sourceIds":["sn34.19:0.1","sn34.19:0.2","sn34.19:0.3"],"kind":"text","text":{"pi":"Saṁyutta Nikāya 34.19\n1. Jhānavagga\nSamāpattimūlakasappāyakārīsutta","en":"Linked Discourses 34.19\n1. Absorption\nEntering and What’s Conducive"}},{"id":"sn34.19:1","sourceIds":["sn34.19:1.1","sn34.19:1.2","sn34.19:1.3","sn34.19:1.4","sn34.19:1.5","sn34.19:1.6","sn34.19:1.7","sn34.19:1.8","sn34.19:1.9","sn34.19:1.10","sn34.19:1.11","sn34.19:1.12"],"kind":"text","text":{"pi":"Sāvatthinidānaṁ.\n“Cattārome, bhikkhave, jhāyī.\nKatame cattāro?\nIdha, bhikkhave, ekacco jhāyī samādhismiṁ samāpattikusalo hoti, na samādhismiṁ sappāyakārī.\nIdha pana, bhikkhave, ekacco jhāyī samādhismiṁ sappāyakārī hoti, na samādhismiṁ samāpattikusalo.\nIdha pana, bhikkhave, ekacco jhāyī neva samādhismiṁ samāpattikusalo hoti, na ca samādhismiṁ sappāyakārī.\nIdha pana, bhikkhave, ekacco jhāyī samādhismiṁ samāpattikusalo ca hoti, samādhismiṁ sappāyakārī ca.\nTatra, bhikkhave, yvāyaṁ jhāyī samādhismiṁ samāpattikusalo ca hoti samādhismiṁ sappāyakārī ca ayaṁ imesaṁ catunnaṁ jhāyīnaṁ aggo ca seṭṭho ca mokkho ca uttamo ca pavaro ca.\nSeyyathāpi, bhikkhave, gavā khīraṁ, khīramhā dadhi, dadhimhā navanītaṁ, navanītamhā sappi, sappimhā sappimaṇḍo tatra aggamakkhāyati;\nevameva kho, bhikkhave, yvāyaṁ jhāyī samādhismiṁ samāpattikusalo ca hoti samādhismiṁ sappāyakārī ca ayaṁ imesaṁ catunnaṁ jhāyīnaṁ aggo ca seṭṭho ca mokkho ca uttamo ca pavaro cā”ti.\nEkūnavīsatimaṁ.\n(Samāpattimūlakaṁ.)","en":"At Sāvatthī.\n“Mendicants, there are these four meditators.\nWhat four?\nOne meditator is skilled in entering immersion but not in doing what’s conducive to it. …”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn34.19/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}