{"id":"sn34.55","title":"Persistence and What’s Conducive","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn34.55","title":"Persistence and What’s Conducive","units":[{"id":"sn34.55:0","sourceIds":["sn34.55:0.1","sn34.55:0.2","sn34.55:0.3"],"kind":"text","text":{"pi":"Saṁyutta Nikāya 34.55\n1. Jhānavagga\nSātaccamūlakasappāyakārīsutta","en":"Linked Discourses 34.55\n1. Absorption\nPersistence and What’s Conducive"}},{"id":"sn34.55:1","sourceIds":["sn34.55:1.1","sn34.55:1.2","sn34.55:1.3","sn34.55:1.4","sn34.55:1.5","sn34.55:1.6","sn34.55:1.7","sn34.55:1.8","sn34.55:1.9","sn34.55:1.10","sn34.55:1.11","sn34.55:1.12","sn34.55:1.13","sn34.55:1.14","sn34.55:1.15"],"kind":"text","text":{"pi":"Sāvatthinidānaṁ.\n“Cattārome, bhikkhave, jhāyī.\nKatame cattāro?\nIdha, bhikkhave, ekacco jhāyī samādhismiṁ sātaccakārī hoti, na samādhismiṁ sappāyakārī.\nIdha pana, bhikkhave, ekacco jhāyī samādhismiṁ sappāyakārī hoti, na samādhismiṁ sātaccakārī.\nIdha pana, bhikkhave, ekacco jhāyī neva samādhismiṁ sātaccakārī hoti, na ca samādhismiṁ sappāyakārī.\nIdha pana, bhikkhave, ekacco jhāyī samādhismiṁ sātaccakārī ca hoti, samādhismiṁ sappāyakārī ca.\nTatra, bhikkhave, yvāyaṁ jhāyī samādhismiṁ sātaccakārī ca hoti samādhismiṁ sappāyakārī ca ayaṁ imesaṁ catunnaṁ jhāyīnaṁ aggo ca seṭṭho ca mokkho ca uttamo ca pavaro ca.\nSeyyathāpi, bhikkhave, gavā khīraṁ, khīramhā dadhi, dadhimhā navanītaṁ, navanītamhā sappi, sappimhā sappimaṇḍo tatra aggamakkhāyati;\nevameva kho, bhikkhave, yvāyaṁ jhāyī samādhismiṁ sātaccakārī ca hoti, samādhismiṁ sappāyakārī ca ayaṁ imesaṁ catunnaṁ jhāyīnaṁ aggo ca seṭṭho ca mokkho ca uttamo ca pavaro cā”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nPañcapaññāsamaṁ.\n(Yathā pañcapaññāsaṁ veyyākaraṇāni honti tathā vitthāretabbāni.)\nKhandhavaggo tatiyo.","en":"At Sāvatthī.\n“Mendicants, there are these four meditators.\nWhat four?\nOne meditator is skilled in practicing persistently for immersion but not in doing what’s conducive to it.\nOne meditator is skilled in doing what’s conducive to immersion but not in practicing persistently for it.\nOne meditator is skilled neither in practicing persistently for immersion nor in doing what’s conducive to it.\nOne meditator is skilled both in practicing persistently for immersion and in doing what’s conducive to it.\nOf these, the meditator skilled both in practicing persistently for immersion and in doing what’s conducive to it is the foremost, best, leading, highest, and finest of the four.\nFrom a cow comes milk, from milk comes curds, from curds come butter, from butter comes ghee, and from ghee comes cream of ghee. And the cream of ghee is said to be the best of these.\nIn the same way, the meditator skilled both in practicing persistently for immersion and in doing what’s conducive to it is the foremost, best, leading, highest, and finest of the four.”\nThat is what the Buddha said.\nSatisfied, the mendicants approved what the Buddha said.\n(All should be told in full as per the fifty-fifth discourse.)"}},{"id":"sn34.55:2","sourceIds":["sn34.55:2.0","sn34.55:2.1","sn34.55:2.2","sn34.55:2.3","sn34.55:2.4","sn34.55:2.5"],"kind":"text","text":{"pi":"Tassuddānaṁ\nSamādhi samāpatti ṭhiti ca,\nVuṭṭhānaṁ kallitārammaṇena ca;\nGocarā abhinīhāro sakkacca,\nSātacca athopi sappāyanti.\nJhānasaṁyuttaṁ samattaṁ.","en":"The Linked Discourses on Absorption are complete."}},{"id":"sn34.55:3","sourceIds":["sn34.55:3.0","sn34.55:3.1","sn34.55:3.2","sn34.55:3.3","sn34.55:3.4","sn34.55:3.5","sn34.55:3.6","sn34.55:3.7"],"kind":"text","text":{"pi":"Tassuddānaṁ\nKhandha rādhasaṁyuttañca,\ndiṭṭhiokkanta uppādā;\nKilesa sāriputtā ca,\nnāgā supaṇṇa gandhabbā;\nValāha vacchajhānanti,\nkhandhavaggamhi terasāti.\nKhandhavaggasaṁyuttapāḷi niṭṭhitā.","en":"The Book of the Aggregates is finished."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn34.55/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}