{"id":"sn35.103","title":"About Uddaka","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.103","title":"About Uddaka","units":[{"id":"sn35.103:0","sourceIds":["sn35.103:0.1","sn35.103:0.2","sn35.103:0.3"],"kind":"text","text":{"pi":"Saṁyutta Nikāya 35.103\n10. Saḷavagga\nUdakasutta","en":"Linked Discourses 35.103\n10. The Sixes\nAbout Uddaka"}},{"id":"sn35.103:1","sourceIds":["sn35.103:1.1","sn35.103:1.2","sn35.103:1.3","sn35.103:1.4","sn35.103:1.5","sn35.103:1.6","sn35.103:1.7","sn35.103:1.8","sn35.103:1.9","sn35.103:1.10","sn35.103:1.11"],"kind":"text","text":{"pi":"“Udako sudaṁ, bhikkhave, rāmaputto evaṁ vācaṁ bhāsati:\n‘idaṁ jātu vedagū,\nidaṁ jātu sabbajī,\nidaṁ jātu apalikhataṁ\ngaṇḍamūlaṁ palikhaṇin’ti.\nTaṁ kho panetaṁ, bhikkhave, udako rāmaputto avedagūyeva samāno ‘vedagūsmī’ti bhāsati, asabbajīyeva samāno ‘sabbajīsmī’ti bhāsati, apalikhataṁyeva gaṇḍamūlaṁ ‘palikhataṁ me gaṇḍamūlan’ti bhāsati.\nIdha kho taṁ, bhikkhave, bhikkhu sammā vadamāno vadeyya:\n‘idaṁ jātu vedagū,\nidaṁ jātu sabbajī,\nidaṁ jātu apalikhataṁ\ngaṇḍamūlaṁ palikhaṇin’ti.","en":"“Mendicants, Uddaka son of Rāma used to say:\n‘Hereupon, ever the knowledge master!\nHereupon, ever the conqueror of all!\nHereupon, ever the undug\nboil’s root was dug out by me!’\nEven though Uddaka son of Rāma was no knowledge master, he said ‘I’m a knowledge master.’ Though he was no conqueror of all, he said ‘I’m conqueror of all.’ And though the boil’s root was not dug out, he said ‘I’ve dug out the boil’s root.’\nA mendicant might rightly say here:\n‘Hereupon, ever the knowledge master!\nHereupon, ever the conqueror of all!\nHereupon, ever the undug\nboil’s root is dug out!’"}},{"id":"sn35.103:2","sourceIds":["sn35.103:2.1","sn35.103:2.2","sn35.103:2.3"],"kind":"text","text":{"pi":"Kathañca, bhikkhave, vedagū hoti?\nYato kho, bhikkhave, bhikkhu channaṁ phassāyatanānaṁ samudayañca atthaṅgamañca assādañca ādīnavañca nissaraṇañca yathābhūtaṁ pajānāti;\nevaṁ kho, bhikkhave, bhikkhu vedagū hoti.","en":"And how is someone a knowledge master?\nIt’s when a mendicant truly understands the six fields of contact’s origin, disappearance, gratification, drawback, and escape.\nThat’s how a mendicant is a knowledge master."}},{"id":"sn35.103:3","sourceIds":["sn35.103:3.1","sn35.103:3.2","sn35.103:3.3"],"kind":"text","text":{"pi":"Kathañca, bhikkhave, bhikkhu sabbajī hoti?\nYato kho, bhikkhave, bhikkhu channaṁ phassāyatanānaṁ samudayañca atthaṅgamañca assādañca ādīnavañca nissaraṇañca yathābhūtaṁ viditvā anupādāvimutto hoti;\nevaṁ kho, bhikkhave, bhikkhu sabbajī hoti.","en":"And how is a mendicant a conqueror of all?\nIt’s when a mendicant comes to be freed by not grasping after truly understanding the six fields of contact’s origin, disappearance, gratification, drawback, and escape.\nThat’s how a mendicant is a conqueror of all."}},{"id":"sn35.103:4","sourceIds":["sn35.103:4.1","sn35.103:4.2","sn35.103:4.3","sn35.103:4.4","sn35.103:4.5"],"kind":"text","text":{"pi":"Kathañca, bhikkhave, bhikkhuno apalikhataṁ gaṇḍamūlaṁ palikhataṁ hoti?\nGaṇḍoti kho, bhikkhave, imassetaṁ cātumahābhūtikassa kāyassa adhivacanaṁ mātāpettikasambhavassa odanakummāsūpacayassa aniccucchādanaparimaddanabhedanaviddhaṁsanadhammassa.\nGaṇḍamūlanti kho, bhikkhave, taṇhāyetaṁ adhivacanaṁ.\nYato kho, bhikkhave, bhikkhuno taṇhā pahīnā hoti ucchinnamūlā tālāvatthukatā anabhāvaṅkatā āyatiṁ anuppādadhammā;\nevaṁ kho, bhikkhave, bhikkhuno apalikhataṁ gaṇḍamūlaṁ palikhataṁ hoti.","en":"And how has a mendicant dug out the undug boil’s root?\n‘Boil’ is a term for this body made up of the four principal states, produced by mother and father, built up from rice and porridge, liable to impermanence, to wearing away and erosion, to breaking up and destruction.\n‘Boil’s root’ is a term for craving.\nIt’s when a mendicant has given up craving, cut it off at the root, made it like a palm stump, obliterated it, so it’s unable to arise in the future.\nThat’s how a mendicant has dug out the undug boil’s root."}},{"id":"sn35.103:5","sourceIds":["sn35.103:5.1","sn35.103:5.2","sn35.103:5.3","sn35.103:5.4","sn35.103:5.5","sn35.103:5.6","sn35.103:5.7","sn35.103:5.8","sn35.103:5.9","sn35.103:5.10","sn35.103:5.11","sn35.103:5.12","sn35.103:5.13"],"kind":"text","text":{"pi":"Udako sudaṁ, bhikkhave, rāmaputto evaṁ vācaṁ bhāsati:\n‘idaṁ jātu vedagū,\nidaṁ jātu sabbajī,\nidaṁ jātu apalikhataṁ\ngaṇḍamūlaṁ palikhaṇin’ti.\nTaṁ kho panetaṁ, bhikkhave, udako rāmaputto avedagūyeva samāno ‘vedagūsmī’ti bhāsati, asabbajīyeva samāno ‘sabbajīsmī’ti bhāsati; apalikhataṁyeva gaṇḍamūlaṁ ‘palikhataṁ me gaṇḍamūlan’ti bhāsati.\nIdha kho taṁ, bhikkhave, bhikkhu sammā vadamāno vadeyya:\n‘idaṁ jātu vedagū,\nidaṁ jātu sabbajī,\nidaṁ jātu apalikhataṁ\ngaṇḍamūlaṁ palikhaṇin’ti.\nDasamaṁ.\nSaḷavaggo pañcamo.","en":"Uddaka son of Rāma used to say:\n‘Hereupon, ever the knowledge master!\nHereupon, ever the conqueror of all!\nHereupon, ever the undug\nboil’s root is dug out!’\nEven though Uddaka son of Rāma was no knowledge master, he said ‘I’m a knowledge master.’ Though he was no conqueror of all, he said ‘I’m conqueror of all.’ And though the boil’s root was not dug out, he said ‘I’ve dug out the boil’s root.’\nA mendicant might rightly say here:\n‘Hereupon, ever the knowledge master!\nHereupon, ever the conqueror of all!\nHereupon, ever the undug\nboil’s root is dug out!’”"}},{"id":"sn35.103:6","sourceIds":["sn35.103:6.0","sn35.103:6.1","sn35.103:6.2","sn35.103:6.3","sn35.103:6.4","sn35.103:6.5"],"kind":"text","text":{"pi":"Tassuddānaṁ\nDve saṅgayhā parihānaṁ,\nPamādavihārī ca saṁvaro;\nSamādhi paṭisallānaṁ,\nDve natumhākena uddakoti.\nSaḷāyatanavagge dutiyapaṇṇāsako samatto."}},{"id":"sn35.103:7","sourceIds":["sn35.103:7.0","sn35.103:7.1","sn35.103:7.2","sn35.103:7.3","sn35.103:7.4","sn35.103:7.5"],"kind":"text","text":{"pi":"Tassa vagguddānaṁ\nAvijjā migajālañca,\nGilānaṁ channaṁ catutthakaṁ;\nSaḷavaggena paññāsaṁ,\nDutiyo paṇṇāsako ayanti.\nPaṭhamasatakaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.103/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}