{"id":"sn35.117","title":"The Kinds of Sensual Stimulation","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.117","title":"The Kinds of Sensual Stimulation","units":[{"id":"sn35.117:0","sourceIds":["sn35.117:0.1","sn35.117:0.2","sn35.117:0.3"],"kind":"text","text":{"pi":"Saṁyutta Nikāya 35.117\n12. Lokakāmaguṇavagga\nKāmaguṇasutta","en":"Linked Discourses 35.117\n12. The World and the Kinds of Sensual Stimulation\nThe Kinds of Sensual Stimulation"}},{"id":"sn35.117:1","sourceIds":["sn35.117:1.1","sn35.117:1.2","sn35.117:1.3","sn35.117:1.4","sn35.117:1.5","sn35.117:1.6","sn35.117:1.7","sn35.117:1.8","sn35.117:1.9","sn35.117:1.10"],"kind":"text","text":{"pi":"“Pubbeva me, bhikkhave, sambodhā anabhisambuddhassa bodhisattasseva sato etadahosi:\n‘yeme pañca kāmaguṇā cetaso samphuṭṭhapubbā atītā niruddhā vipariṇatā, tatra me cittaṁ bahulaṁ gacchamānaṁ gaccheyya paccuppannesu vā appaṁ vā anāgatesu’.\nTassa mayhaṁ, bhikkhave, etadahosi:\n‘yeme pañca kāmaguṇā cetaso samphuṭṭhapubbā atītā niruddhā vipariṇatā, tatra me attarūpena appamādo sati cetaso ārakkho karaṇīyo’.\nTasmātiha, bhikkhave, tumhākampi ye te pañca kāmaguṇā cetaso samphuṭṭhapubbā atītā niruddhā vipariṇatā, tatra vo cittaṁ bahulaṁ gacchamānaṁ gaccheyya paccuppannesu vā appaṁ vā anāgatesu.\nTasmātiha, bhikkhave, tumhākampi ye te pañca kāmaguṇā cetaso samphuṭṭhapubbā atītā niruddhā vipariṇatā, tatra vo attarūpehi appamādo sati cetaso ārakkho karaṇīyo.\nTasmātiha, bhikkhave, se āyatane veditabbe yattha cakkhu ca nirujjhati, rūpasaññā ca nirujjhati, se āyatane veditabbe …pe…\nyattha jivhā ca nirujjhati, rasasaññā ca nirujjhati, se āyatane veditabbe …pe…\nyattha mano ca nirujjhati, dhammasaññā ca nirujjhati, se āyatane veditabbe”ti.\nIdaṁ vatvā bhagavā uṭṭhāyāsanā vihāraṁ pāvisi.","en":"“Mendicants, before my awakening—when I was still unawakened but intent on awakening—I thought:\n‘My mind might often stray toward the five kinds of sensual stimulation that I formerly experienced—which have passed, ceased, and perished—or to those in the present, or in the future a little.’\nThen it occurred to me:\n‘In my own way I should practice diligence, mindfulness, and protecting the mind regarding the five kinds of sensual stimulation that I formerly experienced—which have passed, ceased, and perished.’\nSo, mendicants, your minds might also often stray toward the five kinds of sensual stimulation that you formerly experienced—which have passed, ceased, and perished—or to those in the present, or in the future a little.\nSo in your own way you should practice diligence, mindfulness, and protecting the mind regarding the five kinds of sensual stimulation that you formerly experienced—which have passed, ceased, and perished.\nSo you should understand that dimension where the eye ceases and perception of sights fades away.\nYou should understand that dimension where the ear … nose … tongue … body …\nmind ceases and perception of ideas fades away.”\nWhen he had spoken, the Blessed One rose from his seat and entered his dwelling."}},{"id":"sn35.117:2","sourceIds":["sn35.117:2.1","sn35.117:2.2","sn35.117:2.3","sn35.117:2.4","sn35.117:2.5","sn35.117:2.6"],"kind":"text","text":{"pi":"Atha kho tesaṁ bhikkhūnaṁ acirapakkantassa bhagavato etadahosi:\n“idaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘tasmātiha, bhikkhave, se āyatane veditabbe yattha cakkhu ca nirujjhati, rūpasaññā ca nirujjhati, se āyatane veditabbe …pe…\nyattha jivhā ca nirujjhati, rasasaññā ca nirujjhati, se āyatane veditabbe …pe…\nyattha mano ca nirujjhati, dhammasaññā ca nirujjhati, se āyatane veditabbe’ti.\nKo nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyā”ti?","en":"Soon after the Buddha left, those mendicants considered,\n“The Buddha gave this brief summary, then entered his dwelling without explaining the meaning in detail. …\nWho can explain in detail the meaning of this brief summary given by the Buddha?”"}},{"id":"sn35.117:3","sourceIds":["sn35.117:3.1","sn35.117:3.2","sn35.117:3.3","sn35.117:3.4"],"kind":"text","text":{"pi":"Atha kho tesaṁ bhikkhūnaṁ etadahosi:\n“ayaṁ kho āyasmā ānando satthu ceva saṁvaṇṇito, sambhāvito ca viññūnaṁ sabrahmacārīnaṁ.\nPahoti cāyasmā ānando imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā ānando tenupasaṅkameyyāma; upasaṅkamitvā āyasmantaṁ ānandaṁ etamatthaṁ paṭipuccheyyāmā”ti.","en":"Then those mendicants thought,\n“This Venerable Ānanda is praised by the Buddha and esteemed by his sensible spiritual companions.\nHe is capable of explaining in detail the meaning of this brief summary given by the Buddha.\nLet’s go to him, and ask him about this matter.”"}},{"id":"sn35.117:4","sourceIds":["sn35.117:4.1","sn35.117:4.2"],"kind":"text","text":{"pi":"Atha kho te bhikkhū yenāyasmā ānando tenupasaṅkamiṁsu; upasaṅkamitvā āyasmatā ānandena saddhiṁ sammodiṁsu.\nSammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Ekamantaṁ nisinnā kho te bhikkhū āyasmantaṁ ānandaṁ etadavocuṁ:","en":"Then those mendicants went to Ānanda, and exchanged greetings with him.\nWhen the greetings and polite conversation were over, they sat down to one side. They told him what had happened, and said,"}},{"id":"sn35.117:5","sourceIds":["sn35.117:5.1","sn35.117:5.2","sn35.117:5.3","sn35.117:5.4","sn35.117:5.5","sn35.117:5.6","sn35.117:5.7","sn35.117:5.8","sn35.117:5.9","sn35.117:5.10","sn35.117:5.11","sn35.117:5.12","sn35.117:5.13","sn35.117:5.14","sn35.117:5.15"],"kind":"text","text":{"pi":"“Idaṁ kho no, āvuso ānanda, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘tasmātiha, bhikkhave, se āyatane veditabbe yattha cakkhu ca nirujjhati, rūpasaññā ca nirujjhati, se āyatane veditabbe …pe…\nyattha jivhā ca nirujjhati, rasasaññā ca nirujjhati, se āyatane veditabbe …pe…\nyattha mano ca nirujjhati, dhammasaññā ca nirujjhati, se āyatane veditabbe’ti.\nTesaṁ no, āvuso, amhākaṁ acirapakkantassa bhagavato etadahosi:\n‘idaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n“tasmātiha, bhikkhave, se āyatane veditabbe yattha cakkhu ca nirujjhati, rūpasaññā ca nirujjhati, se āyatane veditabbe …pe…\nyattha jivhā ca nirujjhati, rasasaññā ca nirujjhati se āyatane veditabbe …pe…\nyattha mano ca nirujjhati, dhammasaññā ca nirujjhati, se āyatane veditabbe”ti.\nKo nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyā’ti?\nTesaṁ no, āvuso, amhākaṁ etadahosi:\n‘ayaṁ kho āyasmā ānando satthu ceva saṁvaṇṇito, sambhāvito ca viññūnaṁ sabrahmacārīnaṁ.\nPahoti cāyasmā ānando imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā ānando tenupasaṅkameyyāma; upasaṅkamitvā āyasmantaṁ ānandaṁ etamatthaṁ paṭipuccheyyāmā’ti.\nVibhajatāyasmā ānando”ti.","en":"“May Venerable Ānanda please explain this.”"}},{"id":"sn35.117:6","sourceIds":["sn35.117:6.1","sn35.117:6.2"],"kind":"text","text":{"pi":"“Seyyathāpi, āvuso, puriso sāratthiko sāragavesī sārapariyesanaṁ caramāno mahato rukkhassa …pe…\nvibhajatāyasmā ānando agaruṁ karitvā”ti.","en":"“Reverends, suppose there was a person in need of heartwood. …”\n“Please explain this, if it’s no trouble.”"}},{"id":"sn35.117:7","sourceIds":["sn35.117:7.1","sn35.117:7.2","sn35.117:7.3"],"kind":"text","text":{"pi":"“Tenahāvuso, suṇātha, sādhukaṁ manasi karotha, bhāsissāmī”ti.\n“Evamāvuso”ti kho te bhikkhū āyasmato ānandassa paccassosuṁ.\nĀyasmā ānando etadavoca:","en":"“Then listen and apply your mind well, I will speak.”\n“Yes, reverend,” they replied.\nĀnanda said this:"}},{"id":"sn35.117:8","sourceIds":["sn35.117:8.1","sn35.117:8.2","sn35.117:8.3","sn35.117:8.4","sn35.117:8.5","sn35.117:8.6","sn35.117:8.7","sn35.117:8.8","sn35.117:8.9","sn35.117:8.10","sn35.117:8.11","sn35.117:8.12","sn35.117:8.13","sn35.117:8.14"],"kind":"text","text":{"pi":"“Yaṁ kho vo, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘tasmātiha, bhikkhave, se āyatane veditabbe yattha cakkhu ca nirujjhati, rūpasaññā ca nirujjhati, se āyatane veditabbe …pe…\nyattha mano ca nirujjhati, dhammasaññā ca nirujjhati, se āyatane veditabbe’ti.\nImassa khvāhaṁ, āvuso, bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ ājānāmi.\nSaḷāyatananirodhaṁ no etaṁ, āvuso, bhagavatā sandhāya bhāsitaṁ:\n‘tasmātiha, bhikkhave, se āyatane veditabbe, yattha cakkhu ca nirujjhati, rūpasaññā ca nirujjhati, se āyatane veditabbe …pe…\nyattha mano ca nirujjhati, dhammasaññā ca nirujjhati, se āyatane veditabbe’ti.\nAyaṁ kho, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘tasmātiha, bhikkhave, se āyatane veditabbe yattha cakkhu ca nirujjhati, rūpasaññā ca nirujjhati, se āyatane veditabbe …pe…\nyattha mano ca nirujjhati, dhammasaññā ca nirujjhati, se āyatane veditabbe’ti.\nImassa khvāhaṁ, āvuso, bhagavatā saṅkhittena uddesassa uddiṭṭhassa vitthārena atthaṁ avibhattassa evaṁ vitthārena atthaṁ ājānāmi.\nĀkaṅkhamānā ca pana tumhe āyasmanto bhagavantaṁyeva upasaṅkamatha;\nupasaṅkamitvā etamatthaṁ puccheyyātha.\nYathā vo bhagavā byākaroti tathā naṁ dhāreyyāthā”ti.","en":"“Reverends, the Buddha gave this brief summary, then entered his dwelling without explaining the meaning in detail:\n‘So you should understand that dimension where the eye ceases and perception of sights fades away. You should understand that dimension where the ear … nose … tongue … body …\nmind ceases and perception of ideas fades away.’\nAnd this is how I understand the detailed meaning of this summary.\nThe Buddha was referring to the cessation of the six sense fields when he said:\n‘So you should understand that dimension where the eye ceases and perception of sights fades away. You should understand that dimension where the ear … nose … tongue … body …\nmind ceases and perception of ideas fades away.’\nThe Buddha gave this brief summary, then entered his dwelling without explaining the meaning in detail.\nAnd this is how I understand the detailed meaning of this summary.\nIf you wish, you may go to the Buddha and ask him about this.\nYou should remember it in line with the Buddha’s answer.”"}},{"id":"sn35.117:9","sourceIds":["sn35.117:9.1"],"kind":"text","text":{"pi":"“Evamāvuso”ti kho te bhikkhū āyasmato ānandassa paṭissutvā uṭṭhāyāsanā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:","en":"“Yes, reverend,” replied those mendicants. Then they rose from their seats and went to the Buddha, bowed, sat down to one side, and told him what had happened."}},{"id":"sn35.117:10","sourceIds":["sn35.117:10.1","sn35.117:10.2","sn35.117:10.3","sn35.117:10.4","sn35.117:10.5","sn35.117:10.6","sn35.117:10.7","sn35.117:10.8","sn35.117:10.9","sn35.117:10.10","sn35.117:10.11","sn35.117:10.12","sn35.117:10.13","sn35.117:10.14"],"kind":"text","text":{"pi":"“Yaṁ kho no, bhante, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n‘tasmātiha, bhikkhave, se āyatane veditabbe yattha cakkhu ca nirujjhati, rūpasaññā ca nirujjhati, se āyatane veditabbe …pe…\nyattha jivhā ca nirujjhati, rasasaññā ca nirujjhati, se āyatane veditabbe …pe…\nyattha mano ca nirujjhati, dhammasaññā ca nirujjhati, se āyatane veditabbe’ti, tesaṁ no, bhante, amhākaṁ acirapakkantassa bhagavato etadahosi:\n‘idaṁ kho no, āvuso, bhagavā saṅkhittena uddesaṁ uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho:\n“tasmātiha, bhikkhave, se āyatane veditabbe yattha cakkhu ca nirujjhati, rūpasaññā ca nirujjhati, se āyatane veditabbe …pe…\nyattha mano ca nirujjhati, dhammasaññā ca nirujjhati, se āyatane veditabbe”ti.\nKo nu kho imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajeyyā’ti?\nTesaṁ no, bhante, amhākaṁ etadahosi:\n‘ayaṁ kho āyasmā ānando satthu ceva saṁvaṇṇito, sambhāvito ca viññūnaṁ sabrahmacārīnaṁ.\nPahoti cāyasmā ānando imassa bhagavatā saṅkhittena uddesassa uddiṭṭhassa vitthārena atthaṁ avibhattassa vitthārena atthaṁ vibhajituṁ.\nYannūna mayaṁ yenāyasmā ānando tenupasaṅkameyyāma; upasaṅkamitvā āyasmantaṁ ānandaṁ etamatthaṁ paṭipuccheyyāmā’ti.\nAtha kho mayaṁ, bhante, yenāyasmā ānando tenupasaṅkamimha; upasaṅkamitvā āyasmantaṁ ānandaṁ etamatthaṁ paṭipucchimha.\nTesaṁ no, bhante, āyasmatā ānandena imehi ākārehi, imehi padehi, imehi byañjanehi attho vibhatto”ti.","en":"Then they said, “And Ānanda explained the meaning to us in this manner, with these words and phrases.”"}},{"id":"sn35.117:11","sourceIds":["sn35.117:11.1","sn35.117:11.2","sn35.117:11.3","sn35.117:11.4"],"kind":"text","text":{"pi":"“Paṇḍito, bhikkhave, ānando; mahāpañño, bhikkhave, ānando.\nMañcepi tumhe, bhikkhave, etamatthaṁ paṭipuccheyyātha, ahampi taṁ evamevaṁ byākareyyaṁ yathā taṁ ānandena byākataṁ.\nEso cevetassa attho. Evañca naṁ dhāreyyāthā”ti.\nCatutthaṁ.","en":"“Mendicants, Ānanda is astute, he has great wisdom.\nIf you came to me and asked this question, I would answer it in exactly the same way as Ānanda.\nThat is what it means, and that’s how you should remember it.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.117/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}