{"id":"sn35.234","title":"With Udāyī","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.234","title":"With Udāyī","units":[{"id":"sn35.234:0","sourceIds":["sn35.234:0.1","sn35.234:0.2","sn35.234:0.3"],"kind":"text","text":{"pi":"Saṁyutta Nikāya 35.234\n18. Samuddavagga\nUdāyīsutta","en":"Linked Discourses 35.234\n18. The Ocean\nWith Udāyī"}},{"id":"sn35.234:1","sourceIds":["sn35.234:1.1","sn35.234:1.2","sn35.234:1.3"],"kind":"text","text":{"pi":"Ekaṁ samayaṁ āyasmā ca ānando āyasmā ca udāyī kosambiyaṁ viharanti ghositārāme.\nAtha kho āyasmā udāyī sāyanhasamayaṁ paṭisallānā vuṭṭhito yenāyasmā ānando tenupasaṅkami; upasaṅkamitvā āyasmatā ānandena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho āyasmā udāyī āyasmantaṁ ānandaṁ etadavoca:","en":"At one time the venerables Ānanda and Udāyī were staying near Kosambī in Ghosita’s monastery.\nThen in the late afternoon, Venerable Udāyī came out of retreat, went to Venerable Ānanda, and exchanged greetings with him.\nWhen the greetings and polite conversation were over, he sat down to one side and said to Ānanda:"}},{"id":"sn35.234:2","sourceIds":["sn35.234:2.1","sn35.234:2.2"],"kind":"text","text":{"pi":"“Yatheva nu kho, āvuso ānanda, ayaṁ kāyo bhagavatā anekapariyāyena akkhāto vivaṭo pakāsito:\n‘itipāyaṁ kāyo anattā’ti, sakkā evameva viññāṇaṁ pidaṁ ācikkhituṁ desetuṁ paññapetuṁ paṭṭhapetuṁ vivarituṁ vibhajituṁ uttānīkātuṁ: ‘itipidaṁ viññāṇaṁ anattā’”ti?","en":"“Reverend Ānanda, the Buddha has explained, opened, and revealed in many ways how this body is not-self.\nIs it possible to explain consciousness in the same way? To teach, assert, establish, clarify, analyze, and reveal how consciousness is not-self?”"}},{"id":"sn35.234:3","sourceIds":["sn35.234:3.1","sn35.234:3.2"],"kind":"text","text":{"pi":"“Yatheva kho, āvuso udāyī, ayaṁ kāyo bhagavatā anekapariyāyena akkhāto vivaṭo pakāsito:\n‘itipāyaṁ kāyo anattā’ti, sakkā evameva viññāṇaṁ pidaṁ ācikkhituṁ desetuṁ paññapetuṁ paṭṭhapetuṁ vivarituṁ vibhajituṁ uttānīkātuṁ: ‘itipidaṁ viññāṇaṁ anattā’”ti.","en":"“It is possible, Reverend Udāyī."}},{"id":"sn35.234:4","sourceIds":["sn35.234:4.1","sn35.234:4.2","sn35.234:4.3","sn35.234:4.4","sn35.234:4.5"],"kind":"text","text":{"pi":"“Cakkhuñca, āvuso, paṭicca rūpe ca uppajjati cakkhuviññāṇan”ti?\n“Evamāvuso”ti.\n“Yo cāvuso, hetu, yo ca paccayo cakkhuviññāṇassa uppādāya, so ca hetu, so ca paccayo sabbena sabbaṁ sabbathā sabbaṁ aparisesaṁ nirujjheyya. Api nu kho cakkhuviññāṇaṁ paññāyethā”ti?\n“No hetaṁ, āvuso”.\n“Imināpi kho etaṁ, āvuso, pariyāyena bhagavatā akkhātaṁ vivaṭaṁ pakāsitaṁ: ‘itipidaṁ viññāṇaṁ anattā’”ti …pe….","en":"Does eye consciousness arise dependent on the eye and sights?”\n“Yes, reverend.”\n“If the cause and reason that gives rise to eye consciousness were to totally and utterly cease without remainder, would eye consciousness still be found?”\n“No, reverend.”\n“In this way, too, it can be understood how consciousness is not-self."}},{"id":"sn35.234:5","sourceIds":["sn35.234:5.1","sn35.234:5.2","sn35.234:5.3","sn35.234:5.4","sn35.234:5.5"],"kind":"text","text":{"pi":"“Jivhañcāvuso, paṭicca rase ca uppajjati jivhāviññāṇan”ti?\n“Evamāvuso”ti.\n“Yo cāvuso, hetu yo ca paccayo jivhāviññāṇassa uppādāya, so ca hetu, so ca paccayo sabbena sabbaṁ sabbathā sabbaṁ aparisesaṁ nirujjheyya, api nu kho jivhāviññāṇaṁ paññāyethā”ti?\n“No hetaṁ, āvuso”.\n“Imināpi kho etaṁ, āvuso, pariyāyena bhagavatā akkhātaṁ vivaṭaṁ pakāsitaṁ: ‘itipidaṁ viññāṇaṁ anattā’”ti …pe….","en":"Does ear … nose … tongue … body …"}},{"id":"sn35.234:6","sourceIds":["sn35.234:6.1","sn35.234:6.2","sn35.234:6.3","sn35.234:6.4","sn35.234:6.5"],"kind":"text","text":{"pi":"“Manañcāvuso, paṭicca dhamme ca uppajjati manoviññāṇan”ti?\n“Evamāvuso”ti.\n“Yo cāvuso, hetu, yo ca paccayo manoviññāṇassa uppādāya, so ca hetu, so ca paccayo sabbena sabbaṁ sabbathā sabbaṁ aparisesaṁ nirujjheyya, api nu kho manoviññāṇaṁ paññāyethā”ti?\n“No hetaṁ, āvuso”.\n“Imināpi kho etaṁ, āvuso, pariyāyena bhagavatā akkhātaṁ vivaṭaṁ pakāsitaṁ: ‘itipidaṁ viññāṇaṁ anattā’ti.","en":"mind consciousness arise dependent on the mind and ideas?”\n“Yes, reverend.”\n“If the cause and reason that gives rise to mind consciousness were to totally and utterly cease without remainder, would mind consciousness still be found?”\n“No, reverend.”\n“In this way, too, it can be understood how consciousness is not-self."}},{"id":"sn35.234:7","sourceIds":["sn35.234:7.1","sn35.234:7.2","sn35.234:7.3","sn35.234:7.4","sn35.234:7.5","sn35.234:7.6"],"kind":"text","text":{"pi":"Seyyathāpi, āvuso, puriso sāratthiko sāragavesī sārapariyesanaṁ caramāno tiṇhaṁ kuṭhāriṁ ādāya vanaṁ paviseyya. So tattha passeyya mahantaṁ kadalikkhandhaṁ ujuṁ navaṁ akukkukajātaṁ. Tamenaṁ mūle chindeyya; mūle chetvā agge chindeyya; agge chetvā pattavaṭṭiṁ vinibbhujeyya. So tattha pheggumpi nādhigaccheyya, kuto sāraṁ.\nEvameva kho, āvuso, bhikkhu chasu phassāyatanesu nevattānaṁ na attaniyaṁ samanupassati.\nSo evaṁ asamanupassanto na kiñci loke upādiyati.\nAnupādiyaṁ na paritassati. Aparitassaṁ paccattaññeva parinibbāyati.\n‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānātī”ti.\nSattamaṁ.","en":"Suppose there was a person in need of heartwood. Wandering in search of heartwood, they’d take a sharp axe and enter a forest. There they’d see a big banana trunk, straight and young and grown unskewed. They’d cut it down at the base, cut off the root, cut off the top, and unroll the coiled sheaths. But they wouldn’t even find sapwood, much less heartwood.\nIn the same way, a mendicant sees these six fields of contact as neither self nor belonging to self.\nSo seeing, they don’t grasp anything in the world.\nNot grasping, they’re not anxious. Not being anxious, they personally become extinguished.\nThey understand: ‘Rebirth is ended, the spiritual journey has been completed, what had to be done has been done, there is nothing further for this place.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.234/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}