{"id":"sn35.239","title":"The Simile of the Chariot","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.239","title":"The Simile of the Chariot","units":[{"id":"sn35.239:0","sourceIds":["sn35.239:0.1","sn35.239:0.2","sn35.239:0.3"],"kind":"text","text":{"pi":"Saṁyutta Nikāya 35.239\n19. Āsīvisavagga\nRathopamasutta","en":"Linked Discourses 35.239\n19. The Simile of the Vipers\nThe Simile of the Chariot"}},{"id":"sn35.239:1","sourceIds":["sn35.239:1.1","sn35.239:1.2","sn35.239:1.3"],"kind":"text","text":{"pi":"“Tīhi, bhikkhave, dhammehi samannāgato bhikkhu diṭṭheva dhamme sukhasomanassabahulo viharati, yoni cassa āraddhā hoti āsavānaṁ khayāya.\nKatamehi tīhi?\nIndriyesu guttadvāro hoti, bhojane mattaññū, jāgariyaṁ anuyutto.","en":"“Mendicants, when a mendicant has three qualities they’re full of joy and happiness in this very life, and they have laid the groundwork for ending the defilements.\nWhat three?\nThey guard the sense doors, eat in moderation, and are committed to wakefulness."}},{"id":"sn35.239:2","sourceIds":["sn35.239:2.1","sn35.239:2.2","sn35.239:2.3","sn35.239:2.4","sn35.239:2.5","sn35.239:2.6","sn35.239:2.7","sn35.239:2.8","sn35.239:2.9","sn35.239:2.10","sn35.239:2.11","sn35.239:2.12"],"kind":"text","text":{"pi":"Kathañca, bhikkhave, bhikkhu indriyesu guttadvāro hoti?\nIdha, bhikkhave, bhikkhu cakkhunā rūpaṁ disvā na nimittaggāhī hoti, nānubyañjanaggāhī;\nyatvādhikaraṇamenaṁ cakkhundriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ. Tassa saṁvarāya paṭipajjati; rakkhati cakkhundriyaṁ; cakkhundriye saṁvaraṁ āpajjati.\nSotena saddaṁ sutvā …\nghānena gandhaṁ ghāyitvā …\njivhāya rasaṁ sāyitvā …\nkāyena phoṭṭhabbaṁ phusitvā …\nmanasā dhammaṁ viññāya na nimittaggāhī hoti nānubyañjanaggāhī;\nyatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjati; rakkhati manindriyaṁ; manindriye saṁvaraṁ āpajjati.\nSeyyathāpi, bhikkhave, subhūmiyaṁ cātumahāpathe ājaññaratho yutto assa ṭhito odhastapatodo. Tamenaṁ dakkho yoggācariyo assadammasārathi abhiruhitvā vāmena hatthena rasmiyo gahetvā, dakkhiṇena hatthena patodaṁ gahetvā, yenicchakaṁ yadicchakaṁ sāreyyapi paccāsāreyyapi.\nEvameva kho, bhikkhave, bhikkhu imesaṁ channaṁ indriyānaṁ ārakkhāya sikkhati, saṁyamāya sikkhati, damāya sikkhati, upasamāya sikkhati.\nEvaṁ kho, bhikkhave, bhikkhu indriyesu guttadvāro hoti.","en":"And how does a mendicant guard the sense doors?\nWhen a mendicant sees a sight with their eyes, they don’t get caught up in the features and details.\nIf the faculty of sight were left unrestrained, bad unskillful qualities of covetousness and displeasure would become overwhelming. For this reason, they practice restraint, protecting the faculty of sight, and achieving its restraint.\nWhen they hear a sound with their ears …\nWhen they smell an odor with their nose …\nWhen they taste a flavor with their tongue …\nWhen they feel a touch with their body …\nWhen they know an idea with their mind, they don’t get caught up in the features and details.\nIf the faculty of mind were left unrestrained, bad unskillful qualities of covetousness and displeasure would become overwhelming. For this reason, they practice restraint, protecting the faculty of mind, and achieving its restraint.\nSuppose a chariot stood harnessed to thoroughbreds at a level crossroads, with a goad ready. A deft horse trainer, a master charioteer, might mount the chariot, taking the reins in his right hand and goad in the left. He’d drive out and back wherever he wishes, whenever he wishes.\nIn the same way, a mendicant trains to protect, control, tame, and pacify these six senses.\nThat’s how a mendicant guards the sense doors."}},{"id":"sn35.239:3","sourceIds":["sn35.239:3.1","sn35.239:3.2","sn35.239:3.3","sn35.239:3.4","sn35.239:3.5","sn35.239:3.6","sn35.239:3.7"],"kind":"text","text":{"pi":"Kathañca, bhikkhave, bhikkhu bhojane mattaññū hoti?\nIdha, bhikkhave, bhikkhu paṭisaṅkhā yoniso āhāraṁ āhāreti:\n‘neva davāya, na madāya, na maṇḍanāya, na vibhūsanāya, yāvadeva imassa kāyassa ṭhitiyā, yāpanāya, vihiṁsūparatiyā, brahmacariyānuggahāya, iti purāṇañca vedanaṁ paṭihaṅkhāmi, navañca vedanaṁ na uppādessāmi, yātrā ca me bhavissati, anavajjatā ca phāsuvihāro cā’ti.\nSeyyathāpi, bhikkhave, puriso vaṇaṁ ālimpeyya yāvadeva rohanatthāya, seyyathā vā pana akkhaṁ abbhañjeyya yāvadeva bhārassa nittharaṇatthāya;\nevaṁ kho, bhikkhave, bhikkhu paṭisaṅkhā yoniso āhāraṁ āhāreti:\n‘neva davāya, na madāya, na maṇḍanāya, na vibhūsanāya, yāvadeva imassa kāyassa ṭhitiyā, yāpanāya, vihiṁsūparatiyā, brahmacariyānuggahāya, iti purāṇañca vedanaṁ paṭihaṅkhāmi, navañca vedanaṁ na uppādessāmi, yātrā ca me bhavissati, anavajjatā ca phāsuvihāro cā’ti.\nEvaṁ kho, bhikkhave, bhikkhu bhojane mattaññū hoti.","en":"And how does a mendicant eat in moderation?\nIt’s when a mendicant reflects rationally on the food that they eat:\n‘Not for fun, indulgence, adornment, or decoration, but only to sustain this body, to avoid harm, and to support spiritual practice. In this way, I shall put an end to old discomfort and not give rise to new discomfort, and I will have the means to keep going, blamelessness, and a comfortable abiding.’\nIt’s like a person who puts ointment on a wound only so that it can heal; or who oils an axle only so that it can carry a load.\nIn the same way, a mendicant reflects rationally on the food that they eat:\n‘Not for fun, indulgence, adornment, or decoration, but only to sustain this body, to avoid harm, and to support spiritual practice. In this way, I shall put an end to old discomfort and not give rise to new discomfort, and I will have the means to keep going, blamelessness, and a comfortable abiding.’\nThat’s how a mendicant eats in moderation."}},{"id":"sn35.239:4","sourceIds":["sn35.239:4.1","sn35.239:4.2","sn35.239:4.3","sn35.239:4.4","sn35.239:4.5","sn35.239:4.6","sn35.239:4.7","sn35.239:4.8"],"kind":"text","text":{"pi":"Kathañca, bhikkhave, bhikkhu jāgariyaṁ anuyutto hoti?\nIdha, bhikkhave, bhikkhu divasaṁ caṅkamena nisajjāya āvaraṇīyehi dhammehi cittaṁ parisodheti.\nRattiyā paṭhamaṁ yāmaṁ caṅkamena nisajjāya āvaraṇīyehi dhammehi cittaṁ parisodheti.\nRattiyā majjhimaṁ yāmaṁ dakkhiṇena passena sīhaseyyaṁ kappeti pāde pādaṁ accādhāya sato sampajāno uṭṭhānasaññaṁ manasi karitvā.\nRattiyā pacchimaṁ yāmaṁ paccuṭṭhāya caṅkamena nisajjāya āvaraṇīyehi dhammehi cittaṁ parisodheti.\nEvaṁ kho, bhikkhave, bhikkhu jāgariyaṁ anuyutto hoti.\nImehi kho, bhikkhave, tīhi dhammehi samannāgato bhikkhu diṭṭheva dhamme sukhasomanassabahulo viharati, yoni cassa āraddhā hoti āsavānaṁ khayāyā”ti.\nDutiyaṁ.","en":"And how is a mendicant committed to wakefulness?\nIt’s when a mendicant practices walking and sitting meditation by day, purifying their mind from obstacles.\nIn the first watch of the night, they continue to practice walking and sitting meditation.\nIn the middle watch, they lie down in the lion’s posture—on the right side, placing one foot on top of the other—mindful and aware, and focused on the time of getting up.\nIn the last watch, they get up and continue to practice walking and sitting meditation, purifying their mind from obstacles.\nThis is how a mendicant is committed to wakefulness.\nWhen a mendicant possesses these three qualities they’re full of joy and happiness in this very life, and they have laid the groundwork for ending the defilements.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.239/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}