{"id":"sn35.62","title":"The Depletion of All Fuel for Grasping (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.62","title":"The Depletion of All Fuel for Grasping (2nd)","units":[{"id":"sn35.62:0","sourceIds":["sn35.62:0.1","sn35.62:0.2","sn35.62:0.3"],"kind":"text","text":{"pi":"Saṁyutta Nikāya 35.62\n6. Avijjāvagga\nDutiyasabbupādānapariyādānasutta","en":"Linked Discourses 35.62\n6. Ignorance\nThe Depletion of All Fuel for Grasping (2nd)"}},{"id":"sn35.62:1","sourceIds":["sn35.62:1.1","sn35.62:1.2","sn35.62:1.3"],"kind":"text","text":{"pi":"“Sabbupādānapariyādānāya vo, bhikkhave, dhammaṁ desessāmi.\nTaṁ suṇātha.\nKatamo ca, bhikkhave, sabbupādānapariyādānāya dhammo?","en":"“Mendicants, I will teach you the principle for depleting all fuel for grasping.\nListen …\nAnd what is the principle for depleting all fuel for grasping?"}},{"id":"sn35.62:2","sourceIds":["sn35.62:2.1","sn35.62:2.2"],"kind":"text","text":{"pi":"Taṁ kiṁ maññatha, bhikkhave,\ncakkhu niccaṁ vā aniccaṁ vā”ti?","en":"What do you think, mendicants?\nIs the eye permanent or impermanent?”"}},{"id":"sn35.62:3","sourceIds":["sn35.62:3.1"],"kind":"text","text":{"pi":"“Aniccaṁ, bhante”.","en":"“Impermanent, sir.”"}},{"id":"sn35.62:4","sourceIds":["sn35.62:4.1"],"kind":"text","text":{"pi":"“Yaṁ panāniccaṁ dukkhaṁ vā taṁ sukhaṁ vā”ti?","en":"“But if it’s impermanent, is it suffering or happiness?”"}},{"id":"sn35.62:5","sourceIds":["sn35.62:5.1"],"kind":"text","text":{"pi":"“Dukkhaṁ, bhante”.","en":"“Suffering, sir.”"}},{"id":"sn35.62:6","sourceIds":["sn35.62:6.1","sn35.62:6.2"],"kind":"text","text":{"pi":"“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?","en":"“But if it’s impermanent, suffering, and perishable, is it fit to be regarded thus:\n‘This is mine, I am this, this is my self’?”"}},{"id":"sn35.62:7","sourceIds":["sn35.62:7.1"],"kind":"text","text":{"pi":"“No hetaṁ, bhante”.","en":"“No, sir.”"}},{"id":"sn35.62:8","sourceIds":["sn35.62:8.1","sn35.62:8.2"],"kind":"text","text":{"pi":"“Rūpā …pe…\ncakkhuviññāṇaṁ niccaṁ vā aniccaṁ vā”ti?","en":"“Sights …\neye consciousness …"}},{"id":"sn35.62:9","sourceIds":["sn35.62:9.1"],"kind":"text","text":{"pi":"“Aniccaṁ, bhante” …pe…."}},{"id":"sn35.62:10","sourceIds":["sn35.62:10.1"],"kind":"text","text":{"pi":"“Cakkhusamphasso nicco vā anicco vā”ti?","en":"eye contact …"}},{"id":"sn35.62:11","sourceIds":["sn35.62:11.1"],"kind":"text","text":{"pi":"“Anicco, bhante” …pe…."}},{"id":"sn35.62:12","sourceIds":["sn35.62:12.1"],"kind":"text","text":{"pi":"“Yampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi niccaṁ vā aniccaṁ vā”ti?","en":"The pleasant, painful, or neutral feeling that arises dependent on eye contact: is that permanent or impermanent?”"}},{"id":"sn35.62:13","sourceIds":["sn35.62:13.1"],"kind":"text","text":{"pi":"“Aniccaṁ, bhante” …pe….","en":"“Impermanent, sir.” …"}},{"id":"sn35.62:14","sourceIds":["sn35.62:14.1","sn35.62:14.2","sn35.62:14.3","sn35.62:14.4","sn35.62:14.5","sn35.62:14.6","sn35.62:14.7","sn35.62:14.8","sn35.62:14.9"],"kind":"text","text":{"pi":"“Sotaṁ …\nghānaṁ …\njivhā …\nkāyo …\nmano …\ndhammā …\nmanoviññāṇaṁ …\nmanosamphasso …\nyampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā, tampi niccaṁ vā aniccaṁ vā”ti?","en":"“Ear …\nnose …\ntongue …\nbody …\nmind …\nideas …\nmind consciousness …\nmind contact …\nThe pleasant, painful, or neutral feeling that arises dependent on mind contact: is that permanent or impermanent?”"}},{"id":"sn35.62:15","sourceIds":["sn35.62:15.1"],"kind":"text","text":{"pi":"“Aniccaṁ, bhante”.","en":"“Impermanent, sir.”"}},{"id":"sn35.62:16","sourceIds":["sn35.62:16.1"],"kind":"text","text":{"pi":"“Yaṁ panāniccaṁ dukkhaṁ vā taṁ sukhaṁ vā”ti?","en":"“But if it’s impermanent, is it suffering or happiness?”"}},{"id":"sn35.62:17","sourceIds":["sn35.62:17.1"],"kind":"text","text":{"pi":"“Dukkhaṁ, bhante”.","en":"“Suffering, sir.”"}},{"id":"sn35.62:18","sourceIds":["sn35.62:18.1","sn35.62:18.2"],"kind":"text","text":{"pi":"“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?","en":"“But if it’s impermanent, suffering, and perishable, is it fit to be regarded thus:\n‘This is mine, I am this, this is my self’?”"}},{"id":"sn35.62:19","sourceIds":["sn35.62:19.1"],"kind":"text","text":{"pi":"“No hetaṁ, bhante”.","en":"“No, sir.”"}},{"id":"sn35.62:20","sourceIds":["sn35.62:20.1","sn35.62:20.2","sn35.62:20.3","sn35.62:20.4","sn35.62:20.5","sn35.62:20.6","sn35.62:20.7","sn35.62:20.8","sn35.62:20.9","sn35.62:20.10"],"kind":"text","text":{"pi":"“Evaṁ passaṁ, bhikkhave, sutavā ariyasāvako cakkhusmimpi nibbindati, rūpesupi nibbindati, cakkhuviññāṇepi nibbindati, cakkhusamphassepi nibbindati.\nYampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tasmimpi nibbindati …pe…\njivhāyapi nibbindati, rasesupi nibbindati, jivhāviññāṇepi nibbindati, jivhāsamphassepi nibbindati, yampidaṁ jivhāsamphassapaccayā uppajjati …pe…\nmanasmimpi nibbindati, dhammesupi nibbindati, manoviññāṇepi nibbindati, manosamphassepi nibbindati.\nYampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tasmimpi nibbindati.\nNibbindaṁ virajjati; virāgā vimuccati; vimuttasmiṁ vimuttamiti ñāṇaṁ hoti.\n‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāti.\nAyaṁ kho, bhikkhave, sabbupādānapariyādānāya dhammo”ti.\nDasamaṁ.\nAvijjāvaggo paṭhamo.","en":"“Seeing this, a learned noble disciple grows disillusioned with the eye, sights, eye consciousness, and eye contact.\nAnd they grow disillusioned with the painful, pleasant, or neutral feeling that arises dependent on eye contact.\nThey grow disillusioned with the ear … nose … tongue … body …\nThey grow disillusioned with the mind, ideas, mind consciousness, and mind contact.\nAnd they grow disillusioned with the painful, pleasant, or neutral feeling that arises dependent on mind contact.\nBeing disillusioned, desire fades away. When desire fades away they’re freed. When they’re freed, they know they’re freed.\nThey understand: ‘Rebirth is ended, the spiritual journey has been completed, what had to be done has been done, there is nothing further for this place.’\nThis is the principle for depleting all fuel for grasping.”"}},{"id":"sn35.62:21","sourceIds":["sn35.62:21.0","sn35.62:21.1","sn35.62:21.2","sn35.62:21.3","sn35.62:21.4","sn35.62:21.5"],"kind":"text","text":{"pi":"Tassuddānaṁ\nAvijjā saṁyojanā dve,\nāsavena duve vuttā;\nAnusayā apare dve,\npariññā dve pariyādinnaṁ;\nVaggo tena pavuccatīti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.62/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}