{"id":"sn35.65","title":"Samiddhi’s Question About Māra","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.65","title":"Samiddhi’s Question About Māra","units":[{"id":"sn35.65:0","sourceIds":["sn35.65:0.1","sn35.65:0.2","sn35.65:0.3"],"kind":"text","text":{"pi":"Saṁyutta Nikāya 35.65\n7. Migajālavagga\nPaṭhamasamiddhimārapañhāsutta","en":"Linked Discourses 35.65\n7. With Migajāla\nSamiddhi’s Question About Māra"}},{"id":"sn35.65:1","sourceIds":["sn35.65:1.1","sn35.65:1.2","sn35.65:1.3","sn35.65:1.4","sn35.65:1.5"],"kind":"text","text":{"pi":"Ekaṁ samayaṁ bhagavā rājagahe viharati veḷuvane kalandakanivāpe.\nAtha kho āyasmā samiddhi yena bhagavā …pe…\nbhagavantaṁ etadavoca:\n“‘māro, māro’ti, bhante, vuccati.\nKittāvatā nu kho, bhante, māro vā assa mārapaññatti vā”ti?","en":"At one time the Buddha was staying near Rājagaha in the Bamboo Grove, the squirrels’ feeding ground.\nThen Venerable Samiddhi went up to the Buddha …\nand said to him:\n“Sir, they speak of this thing called ‘Māra’.\nHow do we define Māra or what is known as Māra?”"}},{"id":"sn35.65:2","sourceIds":["sn35.65:2.1","sn35.65:2.2","sn35.65:2.3","sn35.65:2.4","sn35.65:2.5","sn35.65:2.6"],"kind":"text","text":{"pi":"“Yattha kho, samiddhi, atthi cakkhu, atthi rūpā, atthi cakkhuviññāṇaṁ, atthi cakkhuviññāṇaviññātabbā dhammā, atthi tattha māro vā mārapaññatti vā.\nAtthi sotaṁ, atthi saddā, atthi sotaviññāṇaṁ, atthi sotaviññāṇaviññātabbā dhammā, atthi tattha māro vā mārapaññatti vā.\nAtthi ghānaṁ, atthi gandhā, atthi ghānaviññāṇaṁ, atthi ghānaviññāṇaviññātabbā dhammā, atthi tattha māro vā mārapaññatti vā.\nAtthi jivhā, atthi rasā, atthi jivhāviññāṇaṁ, atthi jivhāviññāṇaviññātabbā dhammā, atthi tattha māro vā mārapaññatti vā.\nAtthi kāyo, atthi phoṭṭhabbā, atthi kāyaviññāṇaṁ, atthi kāyaviññāṇaviññātabbā dhammā, atthi tattha māro vā mārapaññatti vā.\nAtthi mano, atthi dhammā, atthi manoviññāṇaṁ, atthi manoviññāṇaviññātabbā dhammā, atthi tattha māro vā mārapaññatti vā.","en":"“Samiddhi, where there is the eye, sights, eye consciousness, and things knowable by eye consciousness, there is Māra or what is known as Māra.\nWhere there is the ear, sounds, ear consciousness, and things knowable by ear consciousness, there is Māra or what is known as Māra.\nWhere there is the nose, smells, nose consciousness, and things knowable by nose consciousness, there is Māra or what is known as Māra.\nWhere there is the tongue, tastes, tongue consciousness, and things knowable by tongue consciousness, there is Māra or what is known as Māra.\nWhere there is the body, touches, body consciousness, and things knowable by body consciousness, there is Māra or what is known as Māra.\nWhere there is the mind, ideas, mind consciousness, and things knowable by mind consciousness, there is Māra or what is known as Māra."}},{"id":"sn35.65:3","sourceIds":["sn35.65:3.1","sn35.65:3.2","sn35.65:3.3","sn35.65:3.4","sn35.65:3.5","sn35.65:3.6","sn35.65:3.7"],"kind":"text","text":{"pi":"Yattha ca kho, samiddhi, natthi cakkhu, natthi rūpā, natthi cakkhuviññāṇaṁ, natthi cakkhuviññāṇaviññātabbā dhammā, natthi tattha māro vā mārapaññatti vā.\nNatthi sotaṁ …pe…\nnatthi ghānaṁ …pe…\nnatthi jivhā, natthi rasā, natthi jivhāviññāṇaṁ, natthi jivhāviññāṇaviññātabbā dhammā, natthi tattha māro vā mārapaññatti vā.\nNatthi kāyo …pe….\nNatthi mano, natthi dhammā, natthi manoviññāṇaṁ, natthi manoviññāṇaviññātabbā dhammā, natthi tattha māro vā mārapaññatti vā”ti.\nTatiyaṁ.","en":"Where there is no eye, no sights, no eye consciousness, and no things knowable by eye consciousness, there is no Māra or what is known as Māra.\nWhere there is no ear …\nno nose …\nno tongue …\nno body …\nWhere there is no mind, no ideas, no mind consciousness, and no things knowable by mind consciousness, there is no Māra or what is known as Māra.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.65/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}