{"id":"sn35.81","title":"Several Mendicants","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.81","title":"Several Mendicants","units":[{"id":"sn35.81:0","sourceIds":["sn35.81:0.1","sn35.81:0.2","sn35.81:0.3"],"kind":"text","text":{"pi":"Saṁyutta Nikāya 35.81\n8. Gilānavagga\nSambahulabhikkhusutta","en":"Linked Discourses 35.81\n8. Sick\nSeveral Mendicants"}},{"id":"sn35.81:1","sourceIds":["sn35.81:1.1","sn35.81:1.2","sn35.81:1.3","sn35.81:1.4","sn35.81:1.5","sn35.81:1.6"],"kind":"text","text":{"pi":"Atha kho sambahulā bhikkhū yena bhagavā tenupasaṅkamiṁsu …pe… ekamantaṁ nisinnā kho te bhikkhū bhagavantaṁ etadavocuṁ:\n“idha no, bhante, aññatitthiyā paribbājakā amhe evaṁ pucchanti:\n‘kimatthiyaṁ, āvuso, samaṇe gotame brahmacariyaṁ vussatī’ti?\nEvaṁ puṭṭhā mayaṁ, bhante, tesaṁ aññatitthiyānaṁ paribbājakānaṁ evaṁ byākaroma:\n‘dukkhassa kho, āvuso, pariññatthaṁ bhagavati brahmacariyaṁ vussatī’ti.\nKacci mayaṁ, bhante, evaṁ puṭṭhā evaṁ byākaramānā vuttavādino ceva bhagavato homa, na ca bhagavantaṁ abhūtena abbhācikkhāma, dhammassa cānudhammaṁ byākaroma, na ca koci sahadhammiko vādānuvādo gārayhaṁ ṭhānaṁ āgacchatī”ti?","en":"Then several mendicants went up to the Buddha … and asked him,\n“Sir, sometimes wanderers of other religions ask us:\n‘Reverends, what’s the goal of leading the spiritual life under the ascetic Gotama?’\nWe answer them like this:\n‘The goal of leading the spiritual life under the Buddha is to completely understand suffering.’\nAnswering this way, we trust that we repeat what the Buddha has said, and don’t misrepresent him with an untruth. We trust our explanation is in line with the teaching, and that there are no legitimate grounds for rebuttal or criticism.”"}},{"id":"sn35.81:2","sourceIds":["sn35.81:2.1","sn35.81:2.2","sn35.81:2.3","sn35.81:2.4","sn35.81:2.5","sn35.81:2.6","sn35.81:2.7","sn35.81:2.8","sn35.81:2.9","sn35.81:2.10","sn35.81:2.11","sn35.81:2.12","sn35.81:2.13","sn35.81:2.14","sn35.81:2.15"],"kind":"text","text":{"pi":"“Taggha tumhe, bhikkhave, evaṁ puṭṭhā evaṁ byākaramānā vuttavādino ceva me hotha, na ca maṁ abhūtena abbhācikkhatha, dhammassa cānudhammaṁ byākarotha, na ca koci sahadhammiko vādānuvādo gārayhaṁ ṭhānaṁ āgacchati.\nDukkhassa hi, bhikkhave, pariññatthaṁ mayi brahmacariyaṁ vussati.\nSace pana vo, bhikkhave, aññatitthiyā paribbājakā evaṁ puccheyyuṁ:\n‘katamaṁ pana taṁ, āvuso, dukkhaṁ, yassa pariññāya samaṇe gotame brahmacariyaṁ vussatī’ti?\nEvaṁ puṭṭhā tumhe, bhikkhave, tesaṁ aññatitthiyānaṁ paribbājakānaṁ evaṁ byākareyyātha:\n‘cakkhu kho, āvuso, dukkhaṁ, tassa pariññāya bhagavati brahmacariyaṁ vussati.\nRūpā …pe…\nyampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi dukkhaṁ.\nTassa pariññāya bhagavati brahmacariyaṁ vussati …pe…\nmano dukkho …pe…\nyampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi dukkhaṁ.\nTassa pariññāya bhagavati brahmacariyaṁ vussati.\nIdaṁ kho taṁ, āvuso, dukkhaṁ, tassa pariññāya bhagavati brahmacariyaṁ vussatī’ti.\nEvaṁ puṭṭhā tumhe, bhikkhave, tesaṁ aññatitthiyānaṁ paribbājakānaṁ evaṁ byākareyyāthā”ti.\nAṭṭhamaṁ.","en":"“Indeed, in answering this way you repeat what I’ve said, and don’t misrepresent me with an untruth. Your explanation is in line with the teaching, and there are no legitimate grounds for rebuttal or criticism.\nFor the goal of leading the spiritual life under me is to completely understand suffering.\nIf wanderers of other religions were to ask you:\n‘Reverends, what is that suffering?’\nYou should answer them:\n‘Reverends, the eye is suffering. The goal of leading the spiritual life under the Buddha is to completely understand this.\nSights … Eye consciousness … Eye contact …\nThe pleasant, painful, or neutral feeling that arises dependent on eye contact is also suffering.\nThe goal of leading the spiritual life under the Buddha is to completely understand this.\nEar … Nose … Tongue … Body … Mind …\nThe pleasant, painful, or neutral feeling that arises dependent on mind contact is also suffering.\nThe goal of leading the spiritual life under the Buddha is to completely understand this.\nThis is that suffering. The goal of leading the spiritual life under the Buddha is to completely understand this.’\nWhen questioned by wanderers of other religions, that’s how you should answer them.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.81/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}