{"id":"sn35.87","title":"With Channa","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn35.87","title":"With Channa","units":[{"id":"sn35.87:0","sourceIds":["sn35.87:0.1","sn35.87:0.2","sn35.87:0.3"],"kind":"text","text":{"pi":"Saṁyutta Nikāya 35.87\n9. Channavagga\nChannasutta","en":"Linked Discourses 35.87\n9. With Channa\nWith Channa"}},{"id":"sn35.87:1","sourceIds":["sn35.87:1.1","sn35.87:1.2","sn35.87:1.3","sn35.87:1.4","sn35.87:1.5","sn35.87:1.6"],"kind":"text","text":{"pi":"Ekaṁ samayaṁ bhagavā rājagahe viharati veḷuvane kalandakanivāpe.\nTena kho pana samayena āyasmā ca sāriputto āyasmā ca mahācundo āyasmā ca channo gijjhakūṭe pabbate viharanti.\nTena kho pana samayena yena āyasmā channo ābādhiko hoti dukkhito bāḷhagilāno.\nAtha kho āyasmā sāriputto sāyanhasamayaṁ paṭisallānā vuṭṭhito yenāyasmā mahācundo tenupasaṅkami; upasaṅkamitvā āyasmantaṁ mahācundaṁ etadavoca:\n“āyāmāvuso cunda, yenāyasmā channo tenupasaṅkamissāma gilānapucchakā”ti.\n“Evamāvuso”ti kho āyasmā mahācundo āyasmato sāriputtassa paccassosi.","en":"At one time the Buddha was staying near Rājagaha in the Bamboo Grove, the squirrels’ feeding ground.\nNow at that time the venerables Sāriputta, Mahācunda, and Channa were staying on the Vulture’s Peak Mountain.\nNow at that time Venerable Channa was sick, suffering, gravely ill.\nThen in the late afternoon, Venerable Sāriputta came out of retreat, went to Venerable Mahācunda and said to him,\n“Come, Reverend Cunda, let’s go to see Venerable Channa and ask about his illness.”\n“Yes, reverend,” replied Mahācunda."}},{"id":"sn35.87:2","sourceIds":["sn35.87:2.1","sn35.87:2.2"],"kind":"text","text":{"pi":"Atha kho āyasmā ca sāriputto āyasmā ca mahācundo yenāyasmā channo tenupasaṅkamiṁsu; upasaṅkamitvā paññatte āsane nisīdiṁsu. Nisajja kho āyasmā sāriputto āyasmantaṁ channaṁ etadavoca:\n“kacci te, āvuso channa, khamanīyaṁ, kacci yāpanīyaṁ, kacci dukkhā vedanā paṭikkamanti no abhikkamanti, paṭikkamosānaṁ paññāyati no abhikkamo”ti?","en":"And then Sāriputta and Mahācunda went to see Channa and sat down on the seats spread out. Sāriputta said to Channa:\n“I hope you’re keeping well, Reverend Channa, I hope you’re all right. I hope your pain is fading, not growing; that its fading is evident, not its growing.”"}},{"id":"sn35.87:3","sourceIds":["sn35.87:3.1","sn35.87:3.2","sn35.87:3.3","sn35.87:3.4","sn35.87:3.5","sn35.87:3.6","sn35.87:3.7","sn35.87:3.8","sn35.87:3.9","sn35.87:3.10"],"kind":"text","text":{"pi":"“Na me, āvuso sāriputta, khamanīyaṁ na yāpanīyaṁ, bāḷhā me dukkhā vedanā abhikkamanti no paṭikkamanti, abhikkamosānaṁ paññāyati no paṭikkamo.\nSeyyathāpi, āvuso, balavā puriso tiṇhena sikharena muddhani abhimattheyya; evameva kho, āvuso, adhimattā vātā muddhani ūhananti.\nNa me, āvuso, khamanīyaṁ, na yāpanīyaṁ …pe… no paṭikkamo.\nSeyyathāpi, āvuso, balavā puriso daḷhena varattakkhaṇḍena sīse sīsaveṭhaṁ dadeyya; evameva kho, āvuso, adhimattā sīse sīsavedanā.\nNa me, āvuso, khamanīyaṁ, na yāpanīyaṁ …pe… no paṭikkamo.\nSeyyathāpi, āvuso, dakkho goghātako vā goghātakantevāsī vā tiṇhena govikantanena kucchiṁ parikanteyya; evameva kho adhimattā vātā kucchiṁ parikantanti.\nNa me, āvuso, khamanīyaṁ, na yāpanīyaṁ …pe… no paṭikkamo.\nSeyyathāpi, āvuso, dve balavanto purisā dubbalataraṁ purisaṁ nānābāhāsu gahetvā aṅgārakāsuyā santāpeyyuṁ samparitāpeyyuṁ; evameva kho, āvuso, adhimatto kāyasmiṁ ḍāho.\nNa me, āvuso, khamanīyaṁ, na yāpanīyaṁ, bāḷhā me dukkhā vedanā abhikkamanti no paṭikkamanti, abhikkamosānaṁ paññāyati no paṭikkamo.\nSatthaṁ, āvuso sāriputta, āharissāmi, nāvakaṅkhāmi jīvitan”ti.","en":"“Reverend Sāriputta, I’m not keeping well, I’m not getting by. My pain is terrible and growing, not fading; its growing is evident, not its fading.\nThe winds piercing my head are so severe, it feels like a strong man drilling into my head with a sharp point.\nThe pain in my head is so severe, it feels like a strong man tightening a strong leather strap around my head.\nThe winds slicing my belly are so severe, like a deft butcher or their apprentice were slicing open a cow’s belly with a sharp meat cleaver.\nThe burning in my body is so severe, it feels like two strong men grabbing a weaker man by the arms to burn and scorch him on a pit of glowing coals.\nI’m not keeping well, I’m not getting by. My pain is terrible and growing, not fading; its growing is evident, not its fading.\nReverend Sāriputta, I shall commit suicide. I don’t wish to live.”"}},{"id":"sn35.87:4","sourceIds":["sn35.87:4.1","sn35.87:4.2","sn35.87:4.3","sn35.87:4.4","sn35.87:4.5","sn35.87:4.6","sn35.87:4.7"],"kind":"text","text":{"pi":"“Mā āyasmā channo satthaṁ āharesi.\nYāpetāyasmā channo, yāpentaṁ mayaṁ āyasmantaṁ channaṁ icchāma.\nSace āyasmato channassa natthi sappāyāni bhojanāni, ahaṁ āyasmato channassa sappāyāni bhojanāni pariyesissāmi.\nSace āyasmato channassa natthi sappāyāni bhesajjāni, ahaṁ āyasmato channassa sappāyāni bhesajjāni pariyesissāmi.\nSace āyasmato channassa natthi patirūpā upaṭṭhākā, ahaṁ āyasmantaṁ channaṁ upaṭṭhahissāmi.\nMā āyasmā channo satthaṁ āharesi.\nYāpetāyasmā channo, yāpentaṁ mayaṁ āyasmantaṁ channaṁ icchāmā”ti.","en":"“Please don’t commit suicide!\nVenerable Channa, keep going! We want you to keep going.\nIf you don’t have any suitable food, we’ll find it for you.\nIf you don’t have suitable medicine, we’ll find it for you.\nIf you don’t have a capable carer, we’ll find one for you.\nPlease don’t commit suicide!\nVenerable Channa, keep going! We want you to keep going.”"}},{"id":"sn35.87:5","sourceIds":["sn35.87:5.1","sn35.87:5.2","sn35.87:5.3","sn35.87:5.4","sn35.87:5.5","sn35.87:5.6","sn35.87:5.7","sn35.87:5.8","sn35.87:5.9"],"kind":"text","text":{"pi":"“Na me, āvuso sāriputta, natthi sappāyāni bhojanāni;\natthi me sappāyāni bhojanāni.\nNapi me natthi sappāyāni bhesajjāni;\natthi me sappāyāni bhesajjāni.\nNapi me natthi patirūpā upaṭṭhākā;\natthi me patirūpā upaṭṭhākā.\nApi ca me, āvuso, satthā pariciṇṇo dīgharattaṁ manāpeneva, no amanāpena.\nEtañhi, āvuso, sāvakassa patirūpaṁ yaṁ satthāraṁ paricareyya manāpeneva, no amanāpena.\n‘Anupavajjaṁ channo bhikkhu satthaṁ āharissatī’ti—evametaṁ, āvuso sāriputta, dhārehī”ti.","en":"“Reverend Sāriputta, it’s not that I don’t have suitable food;\nI do have suitable food.\nIt’s not that I don’t have suitable medicine;\nI do have suitable medicine.\nIt’s not that I don’t have a capable carer;\nI do have a capable carer.\nMoreover, for a long time now I have served the Teacher with love, not without love.\nFor it is proper for a disciple to serve the Teacher with love, not without love.\nYou should remember this: ‘The mendicant Channa will commit suicide blamelessly.’”"}},{"id":"sn35.87:6","sourceIds":["sn35.87:6.1","sn35.87:6.2"],"kind":"text","text":{"pi":"“Puccheyyāma mayaṁ āyasmantaṁ channaṁ kañcideva desaṁ, sace āyasmā channo okāsaṁ karoti pañhassa veyyākaraṇāyā”ti.\n“Pucchāvuso sāriputta, sutvā vedissāmā”ti.","en":"“I’d like to ask Venerable Channa about a certain point, if you’d take the time to answer.”\n“Ask, Reverend Sāriputta. When I’ve heard it I’ll know.”"}},{"id":"sn35.87:7","sourceIds":["sn35.87:7.1","sn35.87:7.2","sn35.87:7.3"],"kind":"text","text":{"pi":"“Cakkhuṁ, āvuso channa, cakkhuviññāṇaṁ cakkhuviññāṇaviññātabbe dhamme ‘etaṁ mama, esohamasmi, eso me attā’ti samanupassasi …pe…\njivhaṁ, āvuso channa, jivhāviññāṇaṁ jivhāviññāṇaviññātabbe dhamme ‘etaṁ mama, esohamasmi, eso me attā’ti samanupassasi …pe…\nmanaṁ, āvuso channa, manoviññāṇaṁ manoviññāṇaviññātabbe dhamme ‘etaṁ mama, esohamasmi, eso me attā’ti samanupassasī”ti?","en":"“Reverend Channa, do you regard the eye, eye consciousness, and things knowable by eye consciousness in this way: ‘This is mine, I am this, this is my self’?\nDo you regard the ear … nose … tongue … body …\nmind, mind consciousness, and things knowable by mind consciousness in this way: ‘This is mine, I am this, this is my self’?”"}},{"id":"sn35.87:8","sourceIds":["sn35.87:8.1","sn35.87:8.2","sn35.87:8.3"],"kind":"text","text":{"pi":"“Cakkhuṁ, āvuso sāriputta, cakkhuviññāṇaṁ cakkhuviññāṇaviññātabbe dhamme ‘netaṁ mama, nesohamasmi, na meso attā’ti samanupassāmi …pe…\njivhaṁ, āvuso sāriputta, jivhāviññāṇaṁ jivhāviññāṇaviññātabbe dhamme ‘netaṁ mama, nesohamasmi, na meso attā’ti samanupassāmi …pe…\nmanaṁ, āvuso sāriputta, manoviññāṇaṁ manoviññāṇaviññātabbe dhamme ‘netaṁ mama, nesohamasmi, na meso attā’ti samanupassāmī”ti.","en":"“Reverend Sāriputta, I regard the eye, eye consciousness, and things knowable by eye consciousness in this way: ‘This is not mine, I am not this, this is not my self.’\nI regard the ear … nose … tongue … body …\nmind, mind consciousness, and things knowable by mind consciousness in this way: ‘This is not mine, I am not this, this is not my self’.”"}},{"id":"sn35.87:9","sourceIds":["sn35.87:9.1","sn35.87:9.2","sn35.87:9.3"],"kind":"text","text":{"pi":"“Cakkhusmiṁ, āvuso channa, cakkhuviññāṇe cakkhuviññāṇaviññātabbesu dhammesu kiṁ disvā kiṁ abhiññāya cakkhuṁ cakkhuviññāṇaṁ cakkhuviññāṇaviññātabbe dhamme ‘netaṁ mama, nesohamasmi, na meso attā’ti samanupassasi …\njivhāya, āvuso channa, jivhāviññāṇe jivhāviññāṇaviññātabbesu dhammesu kiṁ disvā kiṁ abhiññāya jivhaṁ jivhāviññāṇaṁ jivhāviññāṇaviññātabbe dhamme ‘netaṁ mama, nesohamasmi, na meso attā’ti samanupassasi …\nmanasmiṁ, āvuso channa, manoviññāṇe manoviññāṇaviññātabbesu dhammesu kiṁ disvā kiṁ abhiññāya manaṁ manoviññāṇaṁ manoviññāṇaviññātabbe dhamme ‘netaṁ mama, nesohamasmi, na meso attā’ti samanupassasī”ti?","en":"“Reverend Channa, what have you seen, what have you directly known in these things that you regard them in this way: ‘This is not mine, I am not this, this is not my self’?”"}},{"id":"sn35.87:10","sourceIds":["sn35.87:10.1","sn35.87:10.2","sn35.87:10.3"],"kind":"text","text":{"pi":"“Cakkhusmiṁ, āvuso sāriputta, cakkhuviññāṇe cakkhuviññāṇaviññātabbesu dhammesu nirodhaṁ disvā nirodhaṁ abhiññāya cakkhuṁ cakkhuviññāṇaṁ cakkhuviññāṇaviññātabbe dhamme ‘netaṁ mama, nesohamasmi, na meso attā’ti samanupassāmi …pe…\njivhāya, āvuso sāriputta, jivhāviññāṇe jivhāviññāṇaviññātabbesu dhammesu nirodhaṁ disvā nirodhaṁ abhiññāya jivhaṁ jivhāviññāṇaṁ jivhāviññāṇaviññātabbe dhamme ‘netaṁ mama, nesohamasmi, na meso attā’ti samanupassāmi …pe…\nmanasmiṁ, āvuso sāriputta, manoviññāṇe manoviññāṇaviññātabbesu dhammesu nirodhaṁ disvā nirodhaṁ abhiññāya manaṁ manoviññāṇaṁ manoviññāṇaviññātabbe dhamme ‘netaṁ mama, nesohamasmi, na meso attā’ti samanupassāmī”ti.","en":"“Reverend Sāriputta, after seeing cessation, after directly knowing cessation in these things I regard them in this way: ‘This is not mine, I am not this, this is not my self’.”"}},{"id":"sn35.87:11","sourceIds":["sn35.87:11.1","sn35.87:11.2","sn35.87:11.3","sn35.87:11.4","sn35.87:11.5","sn35.87:11.6","sn35.87:11.7","sn35.87:11.8","sn35.87:11.9"],"kind":"text","text":{"pi":"Evaṁ vutte, āyasmā mahācundo āyasmantaṁ channaṁ etadavoca:\n“tasmātiha, āvuso channa, idampi tassa bhagavato sāsanaṁ niccakappaṁ sādhukaṁ manasi kātabbaṁ:\n‘nissitassa calitaṁ, anissitassa calitaṁ natthi.\nCalite asati passaddhi hoti.\nPassaddhiyā sati nati na hoti.\nNatiyā asati āgatigati na hoti.\nĀgatigatiyā asati cutūpapāto na hoti.\nCutūpapāte asati nevidha na huraṁ na ubhayamantarena.\nEsevanto dukkhassā’”ti.","en":"When he said this, Venerable Mahācunda said to Venerable Channa,\n“So, Reverend Channa, you should regularly apply your mind well to this instruction of the Buddha:\n‘For the dependent there is quivering. For the independent there’s no quivering.\nWhen there’s no quivering, there is tranquility.\nWhen there is tranquility, there’s no inclination.\nWhen there’s no inclination, there’s no coming and going.\nWhen there’s no coming and going, there’s no passing away and reappearing.\nWhen there’s no passing away and reappearing, there’s no this life or the next or between the two.\nJust this is the end of suffering.’”"}},{"id":"sn35.87:12","sourceIds":["sn35.87:12.1","sn35.87:12.2"],"kind":"text","text":{"pi":"Atha kho āyasmā ca sāriputto āyasmā ca mahācundo āyasmantaṁ channaṁ iminā ovādena ovaditvā uṭṭhāyāsanā pakkamiṁsu.\nAtha kho āyasmā channo acirapakkantesu tesu āyasmantesu satthaṁ āharesi.","en":"And when the venerables Sāriputta and Mahācunda had given Venerable Channa this advice they rose from their seats and left.\nNot long after those venerables had left, Venerable Channa committed suicide."}},{"id":"sn35.87:13","sourceIds":["sn35.87:13.1","sn35.87:13.2","sn35.87:13.3","sn35.87:13.4","sn35.87:13.5","sn35.87:13.6","sn35.87:13.7","sn35.87:13.8","sn35.87:13.9","sn35.87:13.10","sn35.87:13.11","sn35.87:13.12","sn35.87:13.13"],"kind":"text","text":{"pi":"Atha kho āyasmā sāriputto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā sāriputto bhagavantaṁ etadavoca:\n“āyasmatā, bhante, channena satthaṁ āharitaṁ.\nTassa kā gati ko abhisamparāyo”ti?\n“Nanu te, sāriputta, channena bhikkhunā sammukhāyeva anupavajjatā byākatā”ti?\n“Atthi, bhante, pubbavijjanaṁ nāma vajjigāmo.\nTatthāyasmato channassa mittakulāni suhajjakulāni upavajjakulānī”ti.\n“Honti hete, sāriputta, channassa bhikkhuno mittakulāni suhajjakulāni upavajjakulāni.\nNa kho panāhaṁ, sāriputta, ettāvatā saupavajjoti vadāmi.\nYo kho, sāriputta, tañca kāyaṁ nikkhipati, aññañca kāyaṁ upādiyati, tamahaṁ saupavajjoti vadāmi.\nTaṁ channassa bhikkhuno natthi.\n‘Anupavajjaṁ channena bhikkhunā satthaṁ āharitan’ti—\nevametaṁ, sāriputta, dhārehī”ti.\nCatutthaṁ.","en":"Then Sāriputta went up to the Buddha, bowed, sat down to one side, and said to him,\n“Sir, Venerable Channa has committed suicide.\nWhere has he been reborn in his next life?”\n“Sāriputta, didn’t the mendicant Channa declare his blamelessness to you personally?”\n“Sir, there is a Vajjian village named Pubbajira.\nThere Channa had families who were friendly, intimate, and hospitable.”\n“The mendicant Channa did indeed have such families.\nBut, Sāriputta, this is not enough for me to call someone ‘blameworthy’.\nWhen someone lays down this body and takes up another body, I call them ‘blameworthy’.\nBut the mendicant Channa did no such thing.\nYou should remember this: ‘The mendicant Channa committed suicide blamelessly.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn35.87/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}