{"id":"sn38.1","title":"A Question About Extinguishment","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn38.1","title":"A Question About Extinguishment","units":[{"id":"sn38.1:0","sourceIds":["sn38.1:0.1","sn38.1:0.2","sn38.1:0.3"],"kind":"text","text":{"pi":"Saṁyutta Nikāya 38.1\n1. Jambukhādakavagga\nNibbānapañhāsutta","en":"Linked Discourses 38.1\n1. With Jambukhādaka\nA Question About Extinguishment"}},{"id":"sn38.1:1","sourceIds":["sn38.1:1.1","sn38.1:1.2","sn38.1:1.3"],"kind":"text","text":{"pi":"Ekaṁ samayaṁ āyasmā sāriputto magadhesu viharati nālakagāmake.\nAtha kho jambukhādako paribbājako yenāyasmā sāriputto tenupasaṅkami; upasaṅkamitvā āyasmatā sāriputtena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho jambukhādako paribbājako āyasmantaṁ sāriputtaṁ etadavoca:","en":"At one time Venerable Sāriputta was staying in the land of the Magadhans near the little village of Nālaka.\nThen the wanderer Jambukhādaka went up to Venerable Sāriputta and exchanged greetings with him.\nWhen the greetings and polite conversation were over, he sat down to one side and said to Sāriputta:"}},{"id":"sn38.1:2","sourceIds":["sn38.1:2.1","sn38.1:2.2","sn38.1:2.3","sn38.1:2.4","sn38.1:2.5","sn38.1:2.6","sn38.1:2.7","sn38.1:2.8","sn38.1:2.9","sn38.1:2.10","sn38.1:2.11","sn38.1:2.12","sn38.1:2.13"],"kind":"text","text":{"pi":"“‘Nibbānaṁ, nibbānan’ti, āvuso sāriputta, vuccati.\nKatamaṁ nu kho, āvuso, nibbānan”ti?\n“Yo kho, āvuso, rāgakkhayo dosakkhayo mohakkhayo—\nidaṁ vuccati nibbānan”ti.\n“Atthi panāvuso, maggo atthi paṭipadā etassa nibbānassa sacchikiriyāyā”ti?\n“Atthi kho, āvuso, maggo atthi paṭipadā etassa nibbānassa sacchikiriyāyā”ti.\n“Katamo panāvuso, maggo katamā paṭipadā etassa nibbānassa sacchikiriyāyā”ti?\n“Ayameva kho, āvuso, ariyo aṭṭhaṅgiko maggo etassa nibbānassa sacchikiriyāya, seyyathidaṁ—\nsammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi.\nAyaṁ kho, āvuso, maggo ayaṁ paṭipadā etassa nibbānassa sacchikiriyāyā”ti.\n“Bhaddako, āvuso, maggo bhaddikā paṭipadā etassa nibbānassa sacchikiriyāya.\nAlañca panāvuso sāriputta, appamādāyā”ti.\nPaṭhamaṁ.","en":"“Reverend Sāriputta, they speak of this thing called ‘extinguishment’.\nWhat is extinguishment?”\n“Reverend, the ending of greed, hate, and delusion\nis called extinguishment.”\n“But, reverend, is there a path and a practice for realizing this extinguishment?”\n“There is, reverend.”\n“Well, what is it?”\n“It is simply this noble eightfold path, that is:\nright view, right purpose, right speech, right action, right livelihood, right effort, right mindfulness, and right immersion.\nThis is the path, the practice, for realizing this extinguishment.”\n“Reverend, this is a fine path, a fine practice, for realizing this extinguishment.\nJust this much is enough for diligence.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn38.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}