{"id":"sn38.6","title":"Ultimate Solace","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn38.6","title":"Ultimate Solace","units":[{"id":"sn38.6:0","sourceIds":["sn38.6:0.1","sn38.6:0.2","sn38.6:0.3"],"kind":"text","text":{"pi":"Saṁyutta Nikāya 38.6\n1. Jambukhādakavagga\nParamassāsappattasutta","en":"Linked Discourses 38.6\n1. With Jambukhādaka\nUltimate Solace"}},{"id":"sn38.6:1","sourceIds":["sn38.6:1.1","sn38.6:1.2","sn38.6:1.3","sn38.6:1.4","sn38.6:1.5","sn38.6:1.6","sn38.6:1.7","sn38.6:1.8","sn38.6:1.9","sn38.6:1.10","sn38.6:1.11","sn38.6:1.12"],"kind":"text","text":{"pi":"“‘Paramassāsappatto, paramassāsappatto’ti, āvuso sāriputta, vuccati.\nKittāvatā nu kho, āvuso, paramassāsappatto hotī”ti?\n“Yato kho, āvuso, bhikkhu channaṁ phassāyatanānaṁ samudayañca atthaṅgamañca assādañca ādīnavañca nissaraṇañca yathābhūtaṁ viditvā anupādāvimutto hoti, ettāvatā kho, āvuso, paramassāsappatto hotī”ti.\n“Atthi panāvuso, maggo atthi paṭipadā, etassa paramassāsassa sacchikiriyāyā”ti?\n“Atthi kho, āvuso, maggo atthi paṭipadā, etassa paramassāsassa sacchikiriyāyā”ti.\n“Katamo pana, āvuso, maggo katamā paṭipadā, etassa paramassāsassa sacchikiriyāyā”ti?\n“Ayameva kho, āvuso, ariyo aṭṭhaṅgiko maggo etassa paramassāsassa sacchikiriyāya, seyyathidaṁ—\nsammādiṭṭhi …pe… sammāsamādhi.\nAyaṁ kho, āvuso, maggo ayaṁ paṭipadā, etassa paramassāsassa sacchikiriyāyā”ti.\n“Bhaddako, āvuso, maggo bhaddikā paṭipadā, etassa paramassāsassa sacchikiriyāya.\nAlañca panāvuso sāriputta, appamādāyā”ti.\nChaṭṭhaṁ.","en":"“Reverend Sāriputta, they speak of this thing called ‘gaining ultimate solace’.\nAt what point do you gain ultimate solace?”\n“When a mendicant is freed by not grasping after truly understanding the six fields of contact’s origin, disappearance, gratification, drawback, and escape, at that point they’ve gained ultimate solace.”\n“But, reverend, is there a path and a practice for realizing this ultimate solace?”\n“There is.” …"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn38.6/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}