{"id":"sn38.9","title":"A Question About Ignorance","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn38.9","title":"A Question About Ignorance","units":[{"id":"sn38.9:0","sourceIds":["sn38.9:0.1","sn38.9:0.2","sn38.9:0.3"],"kind":"text","text":{"pi":"Saṁyutta Nikāya 38.9\n1. Jambukhādakavagga\nAvijjāpañhāsutta","en":"Linked Discourses 38.9\n1. With Jambukhādaka\nA Question About Ignorance"}},{"id":"sn38.9:1","sourceIds":["sn38.9:1.1","sn38.9:1.2","sn38.9:1.3","sn38.9:1.4","sn38.9:1.5","sn38.9:1.6","sn38.9:1.7","sn38.9:1.8","sn38.9:1.9","sn38.9:1.10","sn38.9:1.11","sn38.9:1.12","sn38.9:1.13"],"kind":"text","text":{"pi":"“‘Avijjā, avijjā’ti, āvuso sāriputta, vuccati.\nKatamā nu kho, āvuso, avijjā”ti?\n“Yaṁ kho, āvuso, dukkhe aññāṇaṁ, dukkhasamudaye aññāṇaṁ, dukkhanirodhe aññāṇaṁ, dukkhanirodhagāminiyā paṭipadāya aññāṇaṁ—\nayaṁ vuccatāvuso, avijjā”ti.\n“Atthi panāvuso, maggo atthi paṭipadā, etissā avijjāya pahānāyā”ti?\n“Atthi kho, āvuso, maggo atthi paṭipadā, etissā avijjāya pahānāyā”ti.\n“Katamo panāvuso, maggo katamā paṭipadā, etissā avijjāya pahānāyā”ti?\n“Ayameva kho, āvuso, ariyo aṭṭhaṅgiko maggo, etissā avijjāya pahānāya, seyyathidaṁ—\nsammādiṭṭhi …pe… sammāsamādhi.\nAyaṁ kho, āvuso, maggo ayaṁ paṭipadā, etissā avijjāya pahānāyā”ti.\n“Bhaddako, āvuso, maggo bhaddikā paṭipadā, etissā avijjāya pahānāya.\nAlañca panāvuso sāriputta, appamādāyā”ti.\nNavamaṁ.","en":"“Reverend Sāriputta, they speak of this thing called ‘ignorance’.\nWhat is ignorance?”\n“Not knowing about suffering, the origin of suffering, the cessation of suffering, and the practice that leads to the cessation of suffering.\nThis is called ignorance.”\n“But, reverend, is there a path and a practice for giving up that ignorance?”\n“There is.” …"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn38.9/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}