{"id":"sn4.22","title":"With Samiddhi","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn4.22","title":"With Samiddhi","units":[{"id":"sn4.22:0","sourceIds":["sn4.22:0.1","sn4.22:0.2","sn4.22:0.3"],"kind":"text","text":{"pi":"Saṁyutta Nikāya 4.22\n3. Tatiyavagga\nSamiddhisutta","en":"Linked Discourses 4.22\n3. Māra\nWith Samiddhi"}},{"id":"sn4.22:1","sourceIds":["sn4.22:1.1","sn4.22:1.2","sn4.22:1.3","sn4.22:1.4","sn4.22:1.5","sn4.22:1.6","sn4.22:1.7","sn4.22:1.8","sn4.22:1.9","sn4.22:1.10"],"kind":"text","text":{"pi":"Ekaṁ samayaṁ bhagavā sakkesu viharati silāvatiyaṁ.\nTena kho pana samayena āyasmā samiddhi bhagavato avidūre appamatto ātāpī pahitatto viharati.\nAtha kho āyasmato samiddhissa rahogatassa paṭisallīnassa evaṁ cetaso parivitakko udapādi:\n“lābhā vata me, suladdhaṁ vata me,\nyassa me satthā arahaṁ sammāsambuddho.\nLābhā vata me, suladdhaṁ vata me,\nyvāhaṁ evaṁ svākkhāte dhammavinaye pabbajito.\nLābhā vata me, suladdhaṁ vata me,\nyassa me sabrahmacārino sīlavanto kalyāṇadhammā”ti.\nAtha kho māro pāpimā āyasmato samiddhissa cetasā cetoparivitakkamaññāya yenāyasmā samiddhi tenupasaṅkami; upasaṅkamitvā āyasmato samiddhissa avidūre mahantaṁ bhayabheravaṁ saddamakāsi, apissudaṁ pathavī maññe undrīyati.","en":"At one time the Buddha was staying in the land of the Sakyans near Silāvatī.\nNow at that time Venerable Samiddhi was meditating not far from the Buddha, diligent, keen, and resolute.\nThen as Venerable Samiddhi was in private retreat this thought came to his mind,\n“I’m so fortunate, so very fortunate,\nto have a teacher who is a perfected one, a fully awakened Buddha!\nI’m so fortunate, so very fortunate,\nto have gone forth in a teaching and training so well explained!\nI’m so fortunate, so very fortunate,\nto have spiritual companions who are ethical and of good character.”\nAnd then Māra the Wicked, knowing Samiddhi’s train of thought, went up to him and made a terrifyingly loud noise close by him. It seemed as if the earth was shattering."}},{"id":"sn4.22:2","sourceIds":["sn4.22:2.1","sn4.22:2.2","sn4.22:2.3","sn4.22:2.4","sn4.22:2.5","sn4.22:2.6","sn4.22:2.7","sn4.22:2.8","sn4.22:2.9","sn4.22:2.10"],"kind":"text","text":{"pi":"Atha kho āyasmā samiddhi yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno āyasmā samiddhi bhagavantaṁ etadavoca:\n“idhāhaṁ, bhante, bhagavato avidūre appamatto ātāpī pahitatto viharāmi.\nTassa mayhaṁ, bhante, rahogatassa paṭisallīnassa evaṁ cetaso parivitakko udapādi:\n‘lābhā vata me, suladdhaṁ vata me,\nyassa me satthā arahaṁ sammāsambuddho.\nLābhā vata me, suladdhaṁ vata me,\nyvāhaṁ evaṁ svākkhāte dhammavinaye pabbajito.\nLābhā vata me, suladdhaṁ vata me,\nyassa me sabrahmacārino sīlavanto kalyāṇadhammā’ti.\nTassa mayhaṁ, bhante, avidūre mahābhayabheravasaddo ahosi, apissudaṁ pathavī maññe undrīyatī”ti.","en":"Then Samiddhi went up to the Buddha, bowed, sat down to one side, and told him what had happened. The Buddha said,"}},{"id":"sn4.22:3","sourceIds":["sn4.22:3.1","sn4.22:3.2","sn4.22:3.3","sn4.22:3.4","sn4.22:3.5","sn4.22:3.6","sn4.22:3.7","sn4.22:3.8","sn4.22:3.9"],"kind":"text","text":{"pi":"“Nesā, samiddhi, pathavī undrīyati.\nMāro eso pāpimā tuyhaṁ vicakkhukammāya āgato.\nGaccha tvaṁ, samiddhi, tattheva appamatto ātāpī pahitatto viharāhī”ti.\n“Evaṁ, bhante”ti kho āyasmā samiddhi bhagavato paṭissutvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.\nDutiyampi kho āyasmā samiddhi tattheva appamatto ātāpī pahitatto vihāsi.\nDutiyampi kho āyasmato samiddhissa rahogatassa paṭisallīnassa …pe…\ndutiyampi kho māro pāpimā āyasmato samiddhissa cetasā cetoparivitakkamaññāya …pe…\napissudaṁ pathavī maññe undrīyati.\nAtha kho āyasmā samiddhi māraṁ pāpimantaṁ gāthāya ajjhabhāsi:","en":"“Samiddhi, that’s not the earth shattering.\nThat’s Māra the Wicked come to pull the wool over your eyes!\nGo back to that same place, Samiddhi, and meditate, diligent, keen, and resolute.”\n“Yes, sir,” replied Samiddhi. He rose from his seat, bowed, and respectfully circled the Buddha, keeping him on his right, before leaving.\nAnd for a second time Samiddhi was meditating in that same place, diligent, ardent, and resolute.\nAnd for a second time he had the same thought …\nand Māra made an earth-shattering noise.\nThen Samiddhi addressed Māra the Wicked in verse:"}},{"id":"sn4.22:4","sourceIds":["sn4.22:4.1","sn4.22:4.2","sn4.22:4.3","sn4.22:4.4","sn4.22:4.5","sn4.22:4.6"],"kind":"text","text":{"pi":"“Saddhāyāhaṁ pabbajito,\nagārasmā anagāriyaṁ;\nSati paññā ca me buddhā,\ncittañca susamāhitaṁ;\nKāmaṁ karassu rūpāni,\nneva maṁ byādhayissasī”ti.","en":"“I went forth out of faith\nfrom the lay life to homelessness.\nMy mindfulness and wisdom are mature,\nmy mind is serene in immersion.\nMake whatever illusions you want,\nit won’t bother me.”"}},{"id":"sn4.22:5","sourceIds":["sn4.22:5.1"],"kind":"text","text":{"pi":"Atha kho māro pāpimā “jānāti maṁ samiddhi bhikkhū”ti dukkhī dummano tatthevantaradhāyīti.","en":"Then Māra the Wicked, thinking, “The mendicant Samiddhi knows me!” miserable and sad, vanished right there."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn4.22/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}