{"id":"sn44.10","title":"With Ānanda","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn44.10","title":"With Ānanda","units":[{"id":"sn44.10:0","sourceIds":["sn44.10:0.1","sn44.10:0.2","sn44.10:0.3"],"kind":"text","text":{"pi":"Saṁyutta Nikāya 44.10\n1. Abyākatavagga\nĀnandasutta","en":"Linked Discourses 44.10\n1. The Undeclared Points\nWith Ānanda"}},{"id":"sn44.10:1","sourceIds":["sn44.10:1.1","sn44.10:1.2","sn44.10:1.3","sn44.10:1.4","sn44.10:1.5","sn44.10:1.6","sn44.10:1.7"],"kind":"text","text":{"pi":"Atha kho vacchagotto paribbājako yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho vacchagotto paribbājako bhagavantaṁ etadavoca:\n“kiṁ nu kho, bho gotama, atthattā”ti?\nEvaṁ vutte, bhagavā tuṇhī ahosi.\n“Kiṁ pana, bho gotama, natthattā”ti?\nDutiyampi kho bhagavā tuṇhī ahosi.\nAtha kho vacchagotto paribbājako uṭṭhāyāsanā pakkāmi.","en":"Then the wanderer Vacchagotta went up to the Buddha and exchanged greetings with him.\nWhen the greetings and polite conversation were over, he sat down to one side and said to the Buddha:\n“Worthy Gotama, does the self survive?”\nBut when he said this, the Buddha kept silent.\n“Then does the self not survive?”\nBut for a second time the Buddha kept silent.\nThen the wanderer Vacchagotta rose from his seat and left."}},{"id":"sn44.10:2","sourceIds":["sn44.10:2.1","sn44.10:2.2","sn44.10:2.3","sn44.10:2.4","sn44.10:2.5","sn44.10:2.6","sn44.10:2.7","sn44.10:2.8","sn44.10:2.9","sn44.10:2.10"],"kind":"text","text":{"pi":"Atha kho āyasmā ānando acirapakkante vacchagotte paribbājake bhagavantaṁ etadavoca:\n“kiṁ nu kho, bhante, bhagavā vacchagottassa paribbājakassa pañhaṁ puṭṭho na byākāsī”ti?\n“Ahañcānanda, vacchagottassa paribbājakassa ‘atthattā’ti puṭṭho samāno ‘atthattā’ti byākareyyaṁ, ye te, ānanda, samaṇabrāhmaṇā sassatavādā tesametaṁ saddhiṁ abhavissa.\nAhañcānanda, vacchagottassa paribbājakassa ‘natthattā’ti puṭṭho samāno ‘natthattā’ti byākareyyaṁ, ye te, ānanda, samaṇabrāhmaṇā ucchedavādā tesametaṁ saddhiṁ abhavissa.\nAhañcānanda, vacchagottassa paribbājakassa ‘atthattā’ti puṭṭho samāno ‘atthattā’ti byākareyyaṁ, api nu me taṁ, ānanda, anulomaṁ abhavissa ñāṇassa uppādāya:\n‘sabbe dhammā anattā’”ti?\n“No hetaṁ, bhante”.\n“Ahañcānanda, vacchagottassa paribbājakassa ‘natthattā’ti puṭṭho samāno ‘natthattā’ti byākareyyaṁ, sammūḷhassa, ānanda, vacchagottassa paribbājakassa bhiyyo sammohāya abhavissa:\n‘ahuvā me nūna pubbe attā, so etarahi natthī’”ti.\nDasamaṁ.","en":"And then, not long after Vacchagotta had left, Venerable Ānanda said to the Buddha:\n“Sir, why didn’t you answer Vacchagotta’s question?”\n“Ānanda, when Vacchagotta asked me whether the self survives, if I had answered that ‘the self survives’ I would have been siding with the ascetics and brahmins who are eternalists.\nWhen Vacchagotta asked me whether the self does not survive, if I had answered that ‘the self does not survive’ I would have been siding with the ascetics and brahmins who are annihilationists.\nWhen Vacchagotta asked me whether the self survives, if I had answered that ‘the self survives’, would that have facilitated the arising of the knowledge that\nall things are not-self?”\n“No, sir.”\n“When Vacchagotta asked me whether the self does not survive, if I had answered that ‘the self does not survive’, Vacchagotta—who is already confused—would have got even more confused, thinking:\n‘It seems that the self that I once had no longer survives.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn44.10/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}