{"id":"sn44.11","title":"With Sabhiya Kaccāna","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn44.11","title":"With Sabhiya Kaccāna","units":[{"id":"sn44.11:0","sourceIds":["sn44.11:0.1","sn44.11:0.2","sn44.11:0.3"],"kind":"text","text":{"pi":"Saṁyutta Nikāya 44.11\n1. Abyākatavagga\nSabhiyakaccānasutta","en":"Linked Discourses 44.11\n1. The Undeclared Points\nWith Sabhiya Kaccāna"}},{"id":"sn44.11:1","sourceIds":["sn44.11:1.1","sn44.11:1.2","sn44.11:1.3","sn44.11:1.4","sn44.11:1.5","sn44.11:1.6","sn44.11:1.7","sn44.11:1.8","sn44.11:1.9"],"kind":"text","text":{"pi":"Ekaṁ samayaṁ āyasmā sabhiyo kaccāno ñātike viharati giñjakāvasathe.\nAtha kho vacchagotto paribbājako yenāyasmā sabhiyo kaccāno tenupasaṅkami; upasaṅkamitvā āyasmatā sabhiyena kaccānena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho vacchagotto paribbājako āyasmantaṁ sabhiyaṁ kaccānaṁ etadavoca:\n“kiṁ nu kho bho, kaccāna, hoti tathāgato paraṁ maraṇā”ti?\n“Abyākataṁ kho etaṁ, vaccha, bhagavatā:\n‘hoti tathāgato paraṁ maraṇā’”ti.\n“Kiṁ pana, bho kaccāna, na hoti tathāgato paraṁ maraṇā”ti?\n“Etampi kho, vaccha, abyākataṁ bhagavatā:\n‘na hoti tathāgato paraṁ maraṇā’”ti.","en":"At one time Venerable Sabhiya Kaccāna was staying at Ñātika in the brick house.\nThen the wanderer Vacchagotta went up to him, and exchanged greetings with him.\nWhen the greetings and polite conversation were over, he sat down to one side, and said to Sabhiya Kaccāna:\n“Worthy Kaccāna, does a realized one still exist after death?”\n“Vaccha, this has not been declared by the Buddha.”\n“Well then, does a realized one no longer exist after death?”\n“This too has not been declared by the Buddha.”"}},{"id":"sn44.11:2","sourceIds":["sn44.11:2.1","sn44.11:2.2","sn44.11:2.3","sn44.11:2.4","sn44.11:2.5","sn44.11:2.6"],"kind":"text","text":{"pi":"“Kiṁ nu kho, bho kaccāna, hoti ca na ca hoti tathāgato paraṁ maraṇā”ti?\n“Abyākataṁ kho etaṁ, vaccha, bhagavatā:\n‘hoti ca na ca hoti tathāgato paraṁ maraṇā’”ti.\n“Kiṁ pana, bho kaccāna, neva hoti na na hoti tathāgato paraṁ maraṇā”ti?\n“Etampi kho, vaccha, abyākataṁ bhagavatā:\n‘neva hoti na na hoti tathāgato paraṁ maraṇā’”ti.","en":"“Well then, does a realized one both still exist and no longer exist after death?”\n“This has not been declared by the Buddha.”\n“Well then, does a realized one neither still exist nor no longer exist after death?”\n“This too has not been declared by the Buddha.”"}},{"id":"sn44.11:3","sourceIds":["sn44.11:3.1","sn44.11:3.2","sn44.11:3.3","sn44.11:3.4","sn44.11:3.5","sn44.11:3.6","sn44.11:3.7","sn44.11:3.8","sn44.11:3.9","sn44.11:3.10","sn44.11:3.11","sn44.11:3.12","sn44.11:3.13","sn44.11:3.14","sn44.11:3.15","sn44.11:3.16","sn44.11:3.17","sn44.11:3.18","sn44.11:3.19","sn44.11:3.20"],"kind":"text","text":{"pi":"“‘Kiṁ nu kho, bho kaccāna, hoti tathāgato paraṁ maraṇā’ti, iti puṭṭho samāno:\n‘abyākataṁ kho etaṁ, vaccha, bhagavatā—\nhoti tathāgato paraṁ maraṇā’ti vadesi.\n‘Kiṁ pana, bho kaccāna, na hoti tathāgato paraṁ maraṇā’ti, iti puṭṭho samāno:\n‘abyākataṁ kho etaṁ, vaccha, bhagavatā—\nna hoti tathāgato paraṁ maraṇā’ti vadesi.\n‘Kiṁ nu kho, bho kaccāna, hoti ca na ca hoti tathāgato paraṁ maraṇā’ti, iti puṭṭho samāno:\n‘abyākataṁ kho etaṁ, vaccha, bhagavatā—\nhoti ca na ca hoti tathāgato paraṁ maraṇā’ti vadesi.\n‘Kiṁ pana, bho kaccāna, neva hoti na na hoti tathāgato paraṁ maraṇā’ti, iti puṭṭho samāno:\n‘etampi kho, vaccha, abyākataṁ bhagavatā—\nneva hoti na na hoti tathāgato paraṁ maraṇā’ti vadesi.\nKo nu kho, bho kaccāna, hetu, ko paccayo, yenetaṁ abyākataṁ samaṇena gotamenā”ti?\n“Yo ca, vaccha, hetu, yo ca paccayo paññāpanāya rūpīti vā arūpīti vā saññīti vā asaññīti vā nevasaññīnāsaññīti vā, so ca hetu, so ca paccayo sabbena sabbaṁ sabbathā sabbaṁ aparisesaṁ nirujjheyya.\nKena naṁ paññāpayamāno paññāpeyya rūpīti vā arūpīti vā saññīti vā asaññīti vā nevasaññīnāsaññīti vā”ti.\n“Kīvaciraṁ pabbajitosi, bho kaccānā”ti?\n“Naciraṁ, āvuso, tīṇi vassānī”ti.\n“Yassapassa, āvuso, etamettakena ettakameva tampassa bahu, ko pana vādo evaṁ abhikkante”ti.\nEkādasamaṁ.\nAbyākatavaggo paṭhamo.","en":"“Worthy Kaccāna, when asked these questions, you say that this has not been declared by the Buddha.\nWhat’s the cause, what’s the reason why this has not been declared by the Buddha?”\n“In order to describe him as ‘formed’ or ‘formless’ or ‘percipient’ or ‘non-percipient’ or ‘neither percipient nor non-percipient’, there must be some cause or reason for doing so. But if that cause and reason were to totally and utterly cease without remainder,\nhow could you describe him in any such terms?”\n“Worthy Kaccāna, how long has it been since you went forth?”\n“Not long, reverend: three years.”\n“One who has learned this much in this time, reverend, has learned a lot, who can say what lies ahead!”"}},{"id":"sn44.11:4","sourceIds":["sn44.11:4.0","sn44.11:4.1","sn44.11:4.2","sn44.11:4.3","sn44.11:4.4","sn44.11:4.5","sn44.11:4.6"],"kind":"text","text":{"pi":"Tassuddānaṁ\nKhemātherī anurādho,\nsāriputtoti koṭṭhiko;\nMoggallāno ca vaccho ca,\nkutūhalasālānando;\nSabhiyo ekādasamanti.\nAbyākatasaṁyuttaṁ samattaṁ.","en":"The Linked Discourses on undeclared questions are complete."}},{"id":"sn44.11:5","sourceIds":["sn44.11:5.0","sn44.11:5.1","sn44.11:5.2","sn44.11:5.3","sn44.11:5.4","sn44.11:5.5","sn44.11:5.6","sn44.11:5.7"],"kind":"text","text":{"pi":"Tassuddānaṁ\nSaḷāyatanavedanā,\nmātugāmo jambukhādako;\nSāmaṇḍako moggallāno,\ncitto gāmaṇi saṅkhataṁ;\nAbyākatanti dasadhāti.\nSaḷāyatanavaggo catuttho.\nSaḷāyatanavaggasaṁyuttapāḷi niṭṭhitā.","en":"The Book of the Six Sense Fields is finished."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn44.11/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}