{"id":"sn46.53","title":"Fire","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn46.53","title":"Fire","units":[{"id":"sn46.53:0","sourceIds":["sn46.53:0.1","sn46.53:0.2","sn46.53:0.3"],"kind":"text","text":{"pi":"Saṁyutta Nikāya 46.53\n6. Sākacchavagga\nAggisutta","en":"Linked Discourses 46.53\n6. Discussion\nFire"}},{"id":"sn46.53:1","sourceIds":["sn46.53:1.1","sn46.53:1.2"],"kind":"text","text":{"pi":"Atha kho sambahulā bhikkhū pubbaṇhasamayaṁ nivāsetvā pattacīvaramādāya sāvatthiṁ piṇḍāya pavisiṁsu.\n(Pariyāyasuttasadisaṁ.)","en":"Then several mendicants robed up in the morning and, taking their bowls and robes, entered Sāvatthī for alms.\n(The same as the previous discourse.)"}},{"id":"sn46.53:2","sourceIds":["sn46.53:2.1","sn46.53:2.2","sn46.53:2.3","sn46.53:2.4","sn46.53:2.5","sn46.53:2.6"],"kind":"text","text":{"pi":"“Evaṁvādino, bhikkhave, aññatitthiyā paribbājakā evamassu vacanīyā:\n‘yasmiṁ, āvuso, samaye līnaṁ cittaṁ hoti, katamesaṁ tasmiṁ samaye bojjhaṅgānaṁ akālo bhāvanāya, katamesaṁ tasmiṁ samaye bojjhaṅgānaṁ kālo bhāvanāya?\nYasmiṁ panāvuso, samaye uddhataṁ cittaṁ hoti, katamesaṁ tasmiṁ samaye bojjhaṅgānaṁ akālo bhāvanāya, katamesaṁ tasmiṁ samaye bojjhaṅgānaṁ kālo bhāvanāyā’ti?\nEvaṁ puṭṭhā, bhikkhave, aññatitthiyā paribbājakā na ceva sampāyissanti, uttariñca vighātaṁ āpajjissanti.\nTaṁ kissa hetu?\nYathā taṁ, bhikkhave, avisayasmiṁ.","en":"“Mendicants, when wanderers of other religions say this, you should say to them:\n‘Reverends, which awakening factors should not be developed when the mind is sluggish? And which awakening factors should be developed at that time?\nWhich awakening factors should not be developed when the mind is restless? And which awakening factors should be developed at that time?’\nQuestioned like this, the wanderers of other religions would be stumped, and, in addition, would get frustrated.\nWhy is that?\nBecause they’re out of their element."}},{"id":"sn46.53:3","sourceIds":["sn46.53:3.1"],"kind":"text","text":{"pi":"Nāhaṁ taṁ, bhikkhave, passāmi sadevake loke samārake sabrahmake sassamaṇabrāhmaṇiyā pajāya sadevamanussāya yo imesaṁ pañhānaṁ veyyākaraṇena cittaṁ ārādheyya, aññatra tathāgatena vā tathāgatasāvakena vā ito vā pana sutvā.","en":"I don’t see anyone in this world—with its gods, Māras, and divinities, this population with its ascetics and brahmins, its gods and humans—who could provide a satisfying answer to these questions except the Realized One or his disciple or someone who has heard it from them."}},{"id":"sn46.53:4","sourceIds":["sn46.53:4.1","sn46.53:4.2","sn46.53:4.3"],"kind":"text","text":{"pi":"Yasmiṁ, bhikkhave, samaye līnaṁ cittaṁ hoti, akālo tasmiṁ samaye passaddhisambojjhaṅgassa bhāvanāya, akālo samādhisambojjhaṅgassa bhāvanāya, akālo upekkhāsambojjhaṅgassa bhāvanāya.\nTaṁ kissa hetu?\nLīnaṁ, bhikkhave, cittaṁ taṁ etehi dhammehi dussamuṭṭhāpayaṁ hoti.","en":"When the mind is sluggish, it’s the wrong time to develop the awakening factors of tranquility, immersion, and equanimity.\nWhy is that?\nBecause it’s hard to stimulate a sluggish mind with these things."}},{"id":"sn46.53:5","sourceIds":["sn46.53:5.1","sn46.53:5.2","sn46.53:5.3","sn46.53:5.4"],"kind":"text","text":{"pi":"Seyyathāpi, bhikkhave, puriso parittaṁ aggiṁ ujjāletukāmo assa.\nSo tattha allāni ceva tiṇāni pakkhipeyya, allāni ca gomayāni pakkhipeyya, allāni ca kaṭṭhāni pakkhipeyya, udakavātañca dadeyya, paṁsukena ca okireyya;\nbhabbo nu kho so puriso parittaṁ aggiṁ ujjāletun”ti?\n“No hetaṁ, bhante”.","en":"Suppose someone wanted to make a small fire flare up.\nIf they toss wet grass, cow-dung, and timber on it, spray it with water, and scatter dirt on it,\ncould they make it flare up?”\n“No, sir.”"}},{"id":"sn46.53:6","sourceIds":["sn46.53:6.1","sn46.53:6.2","sn46.53:6.3"],"kind":"text","text":{"pi":"“Evameva kho, bhikkhave, yasmiṁ samaye līnaṁ cittaṁ hoti, akālo tasmiṁ samaye passaddhisambojjhaṅgassa bhāvanāya, akālo samādhisambojjhaṅgassa bhāvanāya, akālo upekkhāsambojjhaṅgassa bhāvanāya.\nTaṁ kissa hetu?\nLīnaṁ, bhikkhave, cittaṁ taṁ etehi dhammehi dussamuṭṭhāpayaṁ hoti.","en":"“In the same way, when the mind is sluggish, it’s the wrong time to develop the awakening factors of tranquility, immersion, and equanimity.\nWhy is that?\nBecause it’s hard to stimulate a sluggish mind with these things."}},{"id":"sn46.53:7","sourceIds":["sn46.53:7.1","sn46.53:7.2","sn46.53:7.3"],"kind":"text","text":{"pi":"Yasmiñca kho, bhikkhave, samaye līnaṁ cittaṁ hoti, kālo tasmiṁ samaye dhammavicayasambojjhaṅgassa bhāvanāya, kālo vīriyasambojjhaṅgassa bhāvanāya, kālo pītisambojjhaṅgassa bhāvanāya.\nTaṁ kissa hetu?\nLīnaṁ, bhikkhave, cittaṁ taṁ etehi dhammehi susamuṭṭhāpayaṁ hoti.","en":"When the mind is sluggish, it’s the right time to develop the awakening factors of investigation of principles, energy, and rapture.\nWhy is that?\nBecause it’s easy to stimulate a sluggish mind with these things."}},{"id":"sn46.53:8","sourceIds":["sn46.53:8.1","sn46.53:8.2","sn46.53:8.3","sn46.53:8.4"],"kind":"text","text":{"pi":"Seyyathāpi, bhikkhave, puriso parittaṁ aggiṁ ujjāletukāmo assa.\nSo tattha sukkhāni ceva tiṇāni pakkhipeyya, sukkhāni gomayāni pakkhipeyya, sukkhāni kaṭṭhāni pakkhipeyya, mukhavātañca dadeyya, na ca paṁsukena okireyya;\nbhabbo nu kho so puriso parittaṁ aggiṁ ujjāletun”ti?\n“Evaṁ, bhante”.","en":"Suppose someone wanted to make a small fire flare up.\nIf they toss dry grass, cow-dung, and timber on it, blow on it, and don’t scatter dirt on it,\ncould they make it flare up?”\n“Yes, sir.”"}},{"id":"sn46.53:9","sourceIds":["sn46.53:9.1","sn46.53:9.2","sn46.53:9.3"],"kind":"text","text":{"pi":"“Evameva kho, bhikkhave, yasmiṁ samaye līnaṁ cittaṁ hoti, kālo tasmiṁ samaye dhammavicayasambojjhaṅgassa bhāvanāya, kālo vīriyasambojjhaṅgassa bhāvanāya, kālo pītisambojjhaṅgassa bhāvanāya.\nTaṁ kissa hetu?\nLīnaṁ, bhikkhave, cittaṁ taṁ etehi dhammehi susamuṭṭhāpayaṁ hoti.","en":"“In the same way, when the mind is sluggish, it’s the right time to develop the awakening factors of investigation of principles, energy, and rapture.\nWhy is that?\nBecause it’s easy to stimulate a sluggish mind with these things."}},{"id":"sn46.53:10","sourceIds":["sn46.53:10.1","sn46.53:10.2","sn46.53:10.3"],"kind":"text","text":{"pi":"Yasmiṁ, bhikkhave, samaye uddhataṁ cittaṁ hoti, akālo tasmiṁ samaye dhammavicayasambojjhaṅgassa bhāvanāya, akālo vīriyasambojjhaṅgassa bhāvanāya, akālo pītisambojjhaṅgassa bhāvanāya.\nTaṁ kissa hetu?\nUddhataṁ, bhikkhave, cittaṁ taṁ etehi dhammehi duvūpasamayaṁ hoti.","en":"When the mind is restless, it’s the wrong time to develop the awakening factors of investigation of principles, energy, and rapture.\nWhy is that?\nBecause it’s hard to settle a restless mind with these things."}},{"id":"sn46.53:11","sourceIds":["sn46.53:11.1","sn46.53:11.2","sn46.53:11.3","sn46.53:11.4"],"kind":"text","text":{"pi":"Seyyathāpi, bhikkhave, puriso mahantaṁ aggikkhandhaṁ nibbāpetukāmo assa.\nSo tattha sukkhāni ceva tiṇāni pakkhipeyya, sukkhāni ca gomayāni pakkhipeyya, sukkhāni ca kaṭṭhāni pakkhipeyya, mukhavātañca dadeyya, na ca paṁsukena okireyya;\nbhabbo nu kho so puriso mahantaṁ aggikkhandhaṁ nibbāpetun”ti?\n“No hetaṁ, bhante”.","en":"Suppose someone wanted to extinguish a great mass of fire.\nIf they toss dry grass, cow-dung, and timber on it, blow on it, and don’t scatter dirt on it,\ncould they extinguish it?”\n“No, sir.”"}},{"id":"sn46.53:12","sourceIds":["sn46.53:12.1","sn46.53:12.2","sn46.53:12.3"],"kind":"text","text":{"pi":"“Evameva kho, bhikkhave, yasmiṁ samaye uddhataṁ cittaṁ hoti, akālo tasmiṁ samaye dhammavicayasambojjhaṅgassa bhāvanāya, akālo vīriyasambojjhaṅgassa bhāvanāya, akālo pītisambojjhaṅgassa bhāvanāya.\nTaṁ kissa hetu?\nUddhataṁ, bhikkhave, cittaṁ taṁ etehi dhammehi duvūpasamayaṁ hoti.","en":"“In the same way, when the mind is restless, it’s the wrong time to develop the awakening factors of investigation of principles, energy, and rapture.\nWhy is that?\nBecause it’s hard to settle a restless mind with these things."}},{"id":"sn46.53:13","sourceIds":["sn46.53:13.1","sn46.53:13.2","sn46.53:13.3"],"kind":"text","text":{"pi":"Yasmiñca kho, bhikkhave, samaye uddhataṁ cittaṁ hoti, kālo tasmiṁ samaye passaddhisambojjhaṅgassa bhāvanāya, kālo samādhisambojjhaṅgassa bhāvanāya, kālo upekkhāsambojjhaṅgassa bhāvanāya.\nTaṁ kissa hetu?\nUddhataṁ, bhikkhave, cittaṁ taṁ etehi dhammehi suvūpasamayaṁ hoti.","en":"When the mind is restless, it’s the right time to develop the awakening factors of tranquility, immersion, and equanimity.\nWhy is that?\nBecause it’s easy to settle a restless mind with these things."}},{"id":"sn46.53:14","sourceIds":["sn46.53:14.1","sn46.53:14.2","sn46.53:14.3","sn46.53:14.4"],"kind":"text","text":{"pi":"Seyyathāpi, bhikkhave, puriso mahantaṁ aggikkhandhaṁ nibbāpetukāmo assa.\nSo tattha allāni ceva tiṇāni pakkhipeyya, allāni ca gomayāni pakkhipeyya, allāni ca kaṭṭhāni pakkhipeyya, udakavātañca dadeyya, paṁsukena ca okireyya;\nbhabbo nu kho so puriso mahantaṁ aggikkhandhaṁ nibbāpetun”ti?\n“Evaṁ, bhante”.","en":"Suppose someone wanted to extinguish a great mass of fire.\nIf they toss wet grass, cow-dung, and timber on it, spray it with water, and scatter dirt on it,\ncould they extinguish it?”\n“Yes, sir.”"}},{"id":"sn46.53:15","sourceIds":["sn46.53:15.1","sn46.53:15.2","sn46.53:15.3","sn46.53:15.4","sn46.53:15.5"],"kind":"text","text":{"pi":"“Evameva kho, bhikkhave, yasmiṁ samaye uddhataṁ cittaṁ hoti, kālo tasmiṁ samaye passaddhisambojjhaṅgassa bhāvanāya, kālo samādhisambojjhaṅgassa bhāvanāya, kālo upekkhāsambojjhaṅgassa bhāvanāya.\nTaṁ kissa hetu?\nUddhataṁ, bhikkhave, cittaṁ taṁ etehi dhammehi suvūpasamayaṁ hoti.\nSatiñca khvāhaṁ, bhikkhave, sabbatthikaṁ vadāmī”ti.\nTatiyaṁ.","en":"“In the same way, when the mind is restless, it’s the right time to develop the awakening factors of tranquility, immersion, and equanimity.\nWhy is that?\nBecause it’s easy to settle a restless mind with these things.\nBut mindfulness is always useful, I say.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn46.53/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}