{"id":"sn47.13","title":"With Cunda","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn47.13","title":"With Cunda","units":[{"id":"sn47.13:0","sourceIds":["sn47.13:0.1","sn47.13:0.2","sn47.13:0.3"],"kind":"text","text":{"pi":"Saṁyutta Nikāya 47.13\n2. Nālandavagga\nCundasutta","en":"Linked Discourses 47.13\n2. At Nāḷandā\nWith Cunda"}},{"id":"sn47.13:1","sourceIds":["sn47.13:1.1","sn47.13:1.2","sn47.13:1.3"],"kind":"text","text":{"pi":"Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena āyasmā sāriputto magadhesu viharati nālakagāmake ābādhiko dukkhito bāḷhagilāno.\nCundo ca samaṇuddeso āyasmato sāriputtassa upaṭṭhāko hoti.","en":"At one time the Buddha was staying near Sāvatthī in Jeta’s Grove, Anāthapiṇḍika’s monastery.\nAt that time Venerable Sāriputta was staying in the Magadhan lands near the little village of Nālaka, and he was sick, suffering, gravely ill.\nAnd the novice Cunda was his carer."}},{"id":"sn47.13:2","sourceIds":["sn47.13:2.1","sn47.13:2.2","sn47.13:2.3","sn47.13:2.4"],"kind":"text","text":{"pi":"Atha kho āyasmā sāriputto teneva ābādhena parinibbāyi.\nAtha kho cundo samaṇuddeso āyasmato sāriputtassa pattacīvaramādāya yena sāvatthi jetavanaṁ anāthapiṇḍikassa ārāmo yenāyasmā ānando tenupasaṅkami; upasaṅkamitvā āyasmantaṁ ānandaṁ abhivādetvā ekamantaṁ nisīdi. Ekamantaṁ nisinno kho cundo samaṇuddeso āyasmantaṁ ānandaṁ etadavoca:\n“āyasmā, bhante, sāriputto parinibbuto.\nIdamassa pattacīvaran”ti.","en":"Then Venerable Sāriputta was fully extinguished from that sickness.\nThen Cunda took Sāriputta’s bowl and robes and set out for Sāvatthī. He went to see Venerable Ānanda at Jeta’s grove, Anāthapiṇḍika’s monastery, bowed, sat down to one side, and said to him:\n“Sir, Venerable Sāriputta has become fully quenched.\nThis is his bowl and robe.”"}},{"id":"sn47.13:3","sourceIds":["sn47.13:3.1","sn47.13:3.2","sn47.13:3.3"],"kind":"text","text":{"pi":"“Atthi kho idaṁ, āvuso cunda, kathāpābhataṁ bhagavantaṁ dassanāya.\nĀyāmāvuso cunda, yena bhagavā tenupasaṅkamissāma; upasaṅkamitvā bhagavato etamatthaṁ ārocessāmā”ti.\n“Evaṁ, bhante”ti kho cundo samaṇuddeso āyasmato ānandassa paccassosi.","en":"“Reverend Cunda, we should see the Buddha about this matter.\nCome, let’s go to the Buddha and inform him about this.”\n“Yes, sir,” replied Cunda."}},{"id":"sn47.13:4","sourceIds":["sn47.13:4.1","sn47.13:4.2","sn47.13:4.3","sn47.13:4.4","sn47.13:4.5"],"kind":"text","text":{"pi":"Atha kho āyasmā ca ānando cundo ca samaṇuddeso yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinno kho āyasmā ānando bhagavantaṁ etadavoca:\n“ayaṁ, bhante, cundo samaṇuddeso evamāha:\n‘āyasmā, bhante, sāriputto parinibbuto;\nidamassa pattacīvaran’ti.\nApi ca me, bhante, madhurakajāto viya kāyo, disāpi me na pakkhāyanti, dhammāpi maṁ nappaṭibhanti ‘āyasmā sāriputto parinibbuto’ti sutvā”.","en":"Then Ānanda and Cunda went to the Buddha, bowed, sat down to one side, and said to him:\n“Sir, this novice Cunda says that\nVenerable Sāriputta has become fully quenched.\nThis is his bowl and robe.\nSince I heard this, my body feels like it’s drugged. I’m disorientated, and the teachings don’t spring to mind.”"}},{"id":"sn47.13:5","sourceIds":["sn47.13:5.1","sn47.13:5.2","sn47.13:5.3","sn47.13:5.4","sn47.13:5.5","sn47.13:5.6","sn47.13:5.7"],"kind":"text","text":{"pi":"“Kiṁ nu kho te, ānanda, sāriputto sīlakkhandhaṁ vā ādāya parinibbuto, samādhikkhandhaṁ vā ādāya parinibbuto, paññākkhandhaṁ vā ādāya parinibbuto, vimuttikkhandhaṁ vā ādāya parinibbuto, vimuttiñāṇadassanakkhandhaṁ vā ādāya parinibbuto”ti?\n“Na ca kho me, bhante, āyasmā sāriputto sīlakkhandhaṁ vā ādāya parinibbuto, samādhikkhandhaṁ vā …pe…\npaññākkhandhaṁ vā …pe…\nvimuttikkhandhaṁ vā …pe…\nvimuttiñāṇadassanakkhandhaṁ vā ādāya parinibbuto.\nApi ca me, bhante, āyasmā sāriputto ovādako ahosi otiṇṇo viññāpako sandassako samādapako samuttejako sampahaṁsako, akilāsu dhammadesanāya, anuggāhako sabrahmacārīnaṁ.\nTaṁ mayaṁ āyasmato sāriputtassa dhammojaṁ dhammabhogaṁ dhammānuggahaṁ anussarāmā”ti.","en":"“Well, Ānanda, when Sāriputta was fully quenched, did he take away your entire spectrum of ethical conduct, of immersion, of wisdom, of freedom, or of the knowledge and vision of freedom?”\n“No, sir, he did not.\nBut Venerable Sāriputta was my adviser and counselor. He educated, encouraged, fired up, and inspired me. He never tired of teaching the Dhamma, and he supported his spiritual companions.\nI remember the nectar of the teaching, the riches of the teaching, the support of the teaching given by Venerable Sāriputta.”"}},{"id":"sn47.13:6","sourceIds":["sn47.13:6.1","sn47.13:6.2","sn47.13:6.3","sn47.13:6.4","sn47.13:6.5","sn47.13:6.6","sn47.13:6.7","sn47.13:6.8","sn47.13:6.9"],"kind":"text","text":{"pi":"“Nanu taṁ, ānanda, mayā paṭikacceva akkhātaṁ:\n‘sabbehi piyehi manāpehi nānābhāvo vinābhāvo aññathābhāvo.\nTaṁ kutettha, ānanda, labbhā. Yaṁ taṁ jātaṁ bhūtaṁ saṅkhataṁ palokadhammaṁ, taṁ vata mā palujjīti—\nnetaṁ ṭhānaṁ vijjati.\nSeyyathāpi, ānanda, mahato rukkhassa tiṭṭhato sāravato yo mahantataro khandho so palujjeyya;\nevameva kho ānanda, mahato bhikkhusaṅghassa tiṭṭhato sāravato sāriputto parinibbuto.\nTaṁ kutettha, ānanda, labbhā. Yaṁ taṁ jātaṁ bhūtaṁ saṅkhataṁ palokadhammaṁ, taṁ vata mā palujjī’ti—\nnetaṁ ṭhānaṁ vijjati.\nTasmātihānanda, attadīpā viharatha attasaraṇā anaññasaraṇā, dhammadīpā dhammasaraṇā anaññasaraṇā.","en":"“Ānanda, did I not prepare for this when I explained that\nwe must be parted and separated from all we hold dear and beloved?\nHow could it possibly be so that what is born, created, conditioned, and liable to wear out should not wear out?\nThat is not possible.\nSuppose there was a large tree standing with heartwood, and the largest branch broke off.\nIn the same way, in the great Saṅgha that stands with heartwood, Sāriputta has become fully quenched.\nHow could it possibly be so that what is born, created, conditioned, and liable to wear out should not wear out?\nThat is not possible.\nSo Ānanda, live as your own island, your own refuge, with no other refuge. Let the teaching be your island and your refuge, with no other refuge."}},{"id":"sn47.13:7","sourceIds":["sn47.13:7.1","sn47.13:7.2","sn47.13:7.3","sn47.13:7.4","sn47.13:7.5","sn47.13:7.6","sn47.13:7.7","sn47.13:7.8"],"kind":"text","text":{"pi":"Kathañcānanda, bhikkhu attadīpo viharati attasaraṇo anaññasaraṇo, dhammadīpo dhammasaraṇo anaññasaraṇo?\nIdhānanda, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṁ;\nvedanāsu …pe…\ncitte …pe…\ndhammesu dhammānupassī viharati ātāpī sampajāno satimā, vineyya loke abhijjhādomanassaṁ.\nEvaṁ kho, ānanda, bhikkhu attadīpo viharati attasaraṇo anaññasaraṇo, dhammadīpo dhammasaraṇo anaññasaraṇo.\nYe hi keci, ānanda, etarahi vā mamaccaye vā attadīpā viharissanti attasaraṇā anaññasaraṇā, dhammadīpā dhammasaraṇā anaññasaraṇā; tamatagge mete, ānanda, bhikkhū bhavissanti ye keci sikkhākāmā”ti.\nTatiyaṁ.","en":"And how does a mendicant do this?\nIt’s when a mendicant meditates by observing an aspect of the body—keen, aware, and mindful, rid of covetousness and displeasure for the world.\nThey meditate observing an aspect of feelings …\nmind …\nprinciples—keen, aware, and mindful, rid of covetousness and displeasure for the world.\nThat’s how a mendicant lives with themselves as island and refuge, without other refuge; with the teachings as island and refuge, without other refuge.\nWhether now or after I have passed, any who shall live as their own island, their own refuge, with no other refuge; with the teaching as their island and their refuge, with no other refuge—those mendicants of mine eager to train shall be among the best of the best.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn47.13/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}