{"id":"sn47.46","title":"Restraint in the Monastic Code","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn47.46","title":"Restraint in the Monastic Code","units":[{"id":"sn47.46:0","sourceIds":["sn47.46:0.1","sn47.46:0.2","sn47.46:0.3"],"kind":"text","text":{"pi":"Saṁyutta Nikāya 47.46\n5. Amatavagga\nPātimokkhasaṁvarasutta","en":"Linked Discourses 47.46\n5. Freedom From Death\nRestraint in the Monastic Code"}},{"id":"sn47.46:1","sourceIds":["sn47.46:1.1"],"kind":"text","text":{"pi":"Atha kho aññataro bhikkhu yena bhagavā tenupasaṅkami …pe… ekamantaṁ nisinno kho so bhikkhu bhagavantaṁ etadavoca:","en":"Then a mendicant went up to the Buddha, bowed, sat down to one side, and said to him:"}},{"id":"sn47.46:2","sourceIds":["sn47.46:2.1","sn47.46:2.2","sn47.46:2.3","sn47.46:2.4","sn47.46:2.5"],"kind":"text","text":{"pi":"“Sādhu me, bhante, bhagavā saṅkhittena dhammaṁ desetu, yamahaṁ bhagavato dhammaṁ sutvā eko vūpakaṭṭho appamatto ātāpī pahitatto vihareyyan”ti.\n“Tasmātiha tvaṁ, bhikkhu, ādimeva visodhehi kusalesu dhammesu.\nKo cādi kusalānaṁ dhammānaṁ?\nIdha tvaṁ, bhikkhu, pātimokkhasaṁvarasaṁvuto viharāhi ācāragocarasampanno aṇumattesu vajjesu bhayadassāvī, samādāya sikkhassu sikkhāpadesu.\nYato kho tvaṁ, bhikkhu, pātimokkhasaṁvarasaṁvuto viharissasi ācāragocarasampanno aṇumattesu vajjesu bhayadassāvī samādāya sikkhassu sikkhāpadesu; tato tvaṁ, bhikkhu, sīlaṁ nissāya sīle patiṭṭhāya cattāro satipaṭṭhāne bhāveyyāsi.","en":"“Sir, may the Buddha please teach me Dhamma in brief. When I’ve heard it, I’ll live alone, withdrawn, diligent, keen, and resolute.”\n“Well then, mendicant, you should purify the starting point of skillful qualities.\nWhat is the starting point of skillful qualities?\nLive restrained in the monastic code, conducting yourself well and resorting for alms in suitable places. Seeing danger in the slightest fault, keep the rules you’ve undertaken.\nWhen you’ve done this, you should develop the four kinds of mindfulness meditation, depending on and grounded on ethics."}},{"id":"sn47.46:3","sourceIds":["sn47.46:3.1","sn47.46:3.2","sn47.46:3.3","sn47.46:3.4","sn47.46:3.5","sn47.46:3.6","sn47.46:3.7"],"kind":"text","text":{"pi":"Katame cattāro?\nIdha tvaṁ, bhikkhu, kāye kāyānupassī viharāhi ātāpī sampajāno satimā, vineyya loke abhijjhādomanassaṁ;\nvedanāsu …pe…\ncitte …pe…\ndhammesu dhammānupassī viharāhi ātāpī sampajāno satimā, vineyya loke abhijjhādomanassaṁ.\nYato kho tvaṁ, bhikkhu, sīlaṁ nissāya sīle patiṭṭhāya ime cattāro satipaṭṭhāne evaṁ bhāvessasi, tato tuyhaṁ, bhikkhu, yā ratti vā divaso vā āgamissati vuddhiyeva pāṭikaṅkhā kusalesu dhammesu, no parihānī”ti.\nAtha kho so bhikkhu bhagavato bhāsitaṁ abhinanditvā anumoditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.","en":"What four?\nMeditate observing an aspect of the body—keen, aware, and mindful, rid of covetousness and displeasure for the world.\nMeditate observing an aspect of feelings …\nmind …\nprinciples—keen, aware, and mindful, rid of covetousness and displeasure for the world.\nWhen you develop the four kinds of mindfulness meditation in this way, depending on and grounded on ethics, you can expect growth, not decline, in skillful qualities, whether by day or by night.”\nAnd then that mendicant approved and agreed with what the Buddha said. He got up from his seat, bowed and respectfully circled the Buddha, keeping him on his right, before leaving."}},{"id":"sn47.46:4","sourceIds":["sn47.46:4.1","sn47.46:4.2","sn47.46:4.3","sn47.46:4.4"],"kind":"text","text":{"pi":"Atha kho so bhikkhu eko vūpakaṭṭho appamatto ātāpī pahitatto viharanto nacirasseva—yassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja viharati.\n“Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā”ti abbhaññāsi.\nAññataro ca pana so bhikkhu arahataṁ ahosīti.\nChaṭṭhaṁ.","en":"Then that mendicant, living alone, withdrawn, diligent, keen, and resolute, soon realized the supreme culmination of the spiritual path in this very life. He lived having achieved with his own insight the goal for which gentlemen rightly go forth from the lay life to homelessness.\nHe understood: “Rebirth is ended; the spiritual journey has been completed; what had to be done has been done; there is nothing further for this place.”\nAnd that mendicant became one of the perfected."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn47.46/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}