{"id":"sn48.35","title":"Ascetics and Brahmins (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn48.35","title":"Ascetics and Brahmins (2nd)","units":[{"id":"sn48.35:0","sourceIds":["sn48.35:0.1","sn48.35:0.2","sn48.35:0.3"],"kind":"text","text":{"pi":"Saṁyutta Nikāya 48.35\n4. Sukhindriyavagga\nDutiyasamaṇabrāhmaṇasutta","en":"Linked Discourses 48.35\n4. The Pleasure Faculty\nAscetics and Brahmins (2nd)"}},{"id":"sn48.35:1","sourceIds":["sn48.35:1.1","sn48.35:1.2","sn48.35:1.3","sn48.35:1.4","sn48.35:1.5","sn48.35:1.6","sn48.35:1.7","sn48.35:1.8","sn48.35:1.9"],"kind":"text","text":{"pi":"“Pañcimāni, bhikkhave, indriyāni.\nKatamāni pañca?\nSukhindriyaṁ, dukkhindriyaṁ, somanassindriyaṁ, domanassindriyaṁ, upekkhindriyaṁ.\nYe hi keci, bhikkhave, samaṇā vā brāhmaṇā vā sukhindriyaṁ nappajānanti, sukhindriyasamudayaṁ nappajānanti, sukhindriyanirodhaṁ nappajānanti, sukhindriyanirodhagāminiṁ paṭipadaṁ nappajānanti;\ndukkhindriyaṁ nappajānanti …pe…\nsomanassindriyaṁ nappajānanti …pe…\ndomanassindriyaṁ nappajānanti …pe…\nupekkhindriyaṁ nappajānanti, upekkhindriyasamudayaṁ nappajānanti, upekkhindriyanirodhaṁ nappajānanti, upekkhindriyanirodhagāminiṁ paṭipadaṁ nappajānanti;\nna me te, bhikkhave, samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā, na ca panete āyasmanto sāmaññatthaṁ vā brahmaññatthaṁ vā diṭṭheva dhamme sayaṁ abhiññā sacchikatvā upasampajja viharanti.","en":"“Mendicants, there are these five faculties.\nWhat five?\nThe faculties of pleasure, pain, happiness, sadness, and equanimity.\nMendicants, there are ascetics and brahmins who don’t understand the faculty of pleasure, its origin, its cessation, and the practice that leads to its cessation.\nThere are ascetics and brahmins who don’t understand the faculty of pain …\nhappiness …\nsadness …\nequanimity, its origin, its cessation, and the practice that leads to its cessation.\nI don’t deem them as true ascetics and brahmins. Those venerables don’t realize the goal of life as an ascetic or brahmin, and don’t live having realized it with their own insight in this very life."}},{"id":"sn48.35:2","sourceIds":["sn48.35:2.1","sn48.35:2.2","sn48.35:2.3","sn48.35:2.4","sn48.35:2.5","sn48.35:2.6","sn48.35:2.7"],"kind":"text","text":{"pi":"Ye ca kho keci, bhikkhave, samaṇā vā brāhmaṇā vā sukhindriyaṁ pajānanti, sukhindriyasamudayaṁ pajānanti, sukhindriyanirodhaṁ pajānanti, sukhindriyanirodhagāminiṁ paṭipadaṁ pajānanti;\ndukkhindriyaṁ pajānanti …pe…\nsomanassindriyaṁ pajānanti …pe…\ndomanassindriyaṁ pajānanti …pe…\nupekkhindriyaṁ pajānanti, upekkhindriyasamudayaṁ pajānanti, upekkhindriyanirodhaṁ pajānanti, upekkhindriyanirodhagāminiṁ paṭipadaṁ pajānanti,\nte ca kho me, bhikkhave, samaṇā vā brāhmaṇā vā samaṇesu ceva samaṇasammatā brāhmaṇesu ca brāhmaṇasammatā, te ca panāyasmanto sāmaññatthañca brahmaññatthañca diṭṭheva dhamme sayaṁ abhiññā sacchikatvā upasampajja viharantī”ti.\nPañcamaṁ.","en":"There are ascetics and brahmins who do understand the faculty of pleasure, its origin, its cessation, and the practice that leads to its cessation.\nThere are ascetics and brahmins who do understand the faculty of pain …\nhappiness …\nsadness …\nequanimity, its origin, its cessation, and the practice that leads to its cessation.\nI deem them as true ascetics and brahmins. Those venerables realize the goal of life as an ascetic or brahmin, and live having realized it with their own insight.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn48.35/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}