{"id":"sn48.50","title":"At Āpaṇa","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn48.50","title":"At Āpaṇa","units":[{"id":"sn48.50:0","sourceIds":["sn48.50:0.1","sn48.50:0.2","sn48.50:0.3"],"kind":"text","text":{"pi":"Saṁyutta Nikāya 48.50\n5. Jarāvagga\nĀpaṇasutta","en":"Linked Discourses 48.50\n5. Old Age\nAt Āpaṇa"}},{"id":"sn48.50:1","sourceIds":["sn48.50:1.1","sn48.50:1.2","sn48.50:1.3","sn48.50:1.4"],"kind":"text","text":{"pi":"Evaṁ me sutaṁ—\nekaṁ samayaṁ bhagavā aṅgesu viharati āpaṇaṁ nāma aṅgānaṁ nigamo.\nTatra kho bhagavā āyasmantaṁ sāriputtaṁ āmantesi:\n“yo so, sāriputta, ariyasāvako tathāgate ekantagato abhippasanno, na so tathāgate vā tathāgatasāsane vā kaṅkheyya vā vicikiccheyya vā”ti?","en":"So I have heard.\nAt one time the Buddha was staying in the land of the Aṅgas, near the Aṅgan town named Āpaṇa.\nThen the Buddha said to Venerable Sāriputta:\n“Sāriputta, would a noble disciple who is sure and devoted to the Realized One have any doubt or uncertainty about the Realized One or his instructions?”"}},{"id":"sn48.50:2","sourceIds":["sn48.50:2.1","sn48.50:2.2","sn48.50:2.3"],"kind":"text","text":{"pi":"“Yo so, bhante, ariyasāvako tathāgate ekantagato abhippasanno, na so tathāgate vā tathāgatasāsane vā kaṅkheyya vā vicikiccheyya vā.\nsaddhassa hi, bhante, ariyasāvakassa etaṁ pāṭikaṅkhaṁ yaṁ āraddhavīriyo viharissati—akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu.\nYaṁ hissa, bhante, vīriyaṁ tadassa vīriyindriyaṁ.","en":"“Sir, a noble disciple who is sure and devoted to the Realized One would have no doubt or uncertainty about the Realized One or his instructions.\nYou can expect that a faithful noble disciple will live with energy roused up for giving up unskillful qualities and embracing skillful qualities. They’re strong, staunchly vigorous, not slacking off when it comes to developing skillful qualities.\nFor their energy is the faculty of energy."}},{"id":"sn48.50:3","sourceIds":["sn48.50:3.1","sn48.50:3.2"],"kind":"text","text":{"pi":"Saddhassa hi, bhante, ariyasāvakassa āraddhavīriyassa etaṁ pāṭikaṅkhaṁ yaṁ satimā bhavissati, paramena satinepakkena samannāgato, cirakatampi cirabhāsitampi saritā anussaritā.\nYā hissa, bhante, sati tadassa satindriyaṁ.","en":"You can expect that a faithful and energetic noble disciple will be mindful, with utmost mindfulness and alertness, able to remember and recall what was said and done long ago.\nFor their mindfulness is the faculty of mindfulness."}},{"id":"sn48.50:4","sourceIds":["sn48.50:4.1","sn48.50:4.2"],"kind":"text","text":{"pi":"Saddhassa hi, bhante, ariyasāvakassa āraddhavīriyassa upaṭṭhitassatino etaṁ pāṭikaṅkhaṁ yaṁ vossaggārammaṇaṁ karitvā labhissati samādhiṁ, labhissati cittassa ekaggataṁ.\nYo hissa, bhante, samādhi tadassa samādhindriyaṁ.","en":"You can expect that a faithful, energetic, and mindful noble disciple will, relying on letting go, gain immersion, gain unification of mind.\nFor their immersion is the faculty of immersion."}},{"id":"sn48.50:5","sourceIds":["sn48.50:5.1","sn48.50:5.2","sn48.50:5.3","sn48.50:5.4","sn48.50:5.5","sn48.50:5.6"],"kind":"text","text":{"pi":"Saddhassa hi, bhante, ariyasāvakassa āraddhavīriyassa upaṭṭhitassatino samāhitacittassa etaṁ pāṭikaṅkhaṁ yaṁ evaṁ pajānissati—\nanamataggo kho saṁsāro.\nPubbakoṭi na paññāyati avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsarataṁ.\nAvijjāya tveva tamokāyassa asesavirāganirodho santametaṁ padaṁ paṇītametaṁ padaṁ, yadidaṁ—\nsabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṁ.\nYā hissa, bhante, paññā tadassa paññindriyaṁ.","en":"You can expect that a faithful, energetic, mindful noble disciple with their mind immersed in samādhi will understand this:\n‘Transmigration has no known beginning.\nNo first point is found of sentient beings roaming and transmigrating, shrouded by ignorance and fettered by craving.\nBut when that dark mass of ignorance fades away and ceases with no residue left behind, that state is peaceful and sublime.\nThat is, the stilling of all activities, the letting go of all attachments, the ending of craving, fading away, cessation, extinguishment.’\nFor their noble wisdom is the faculty of wisdom."}},{"id":"sn48.50:6","sourceIds":["sn48.50:6.1","sn48.50:6.2","sn48.50:6.3","sn48.50:6.4"],"kind":"text","text":{"pi":"Saddho so, bhante, ariyasāvako evaṁ padahitvā padahitvā evaṁ saritvā saritvā evaṁ samādahitvā samādahitvā evaṁ pajānitvā pajānitvā evaṁ abhisaddahati:\n‘ime kho te dhammā ye me pubbe sutavā ahesuṁ.\nTenāhaṁ etarahi kāyena ca phusitvā viharāmi, paññāya ca ativijjha passāmī’ti.\nYā hissa, bhante, saddhā tadassa saddhindriyan”ti.","en":"When a noble disciple has tried again and again, recollected again and again, entered immersion again and again, and understood with wisdom again and again, they will be confident of this:\n‘I have previously heard of these things.\nBut now I have direct meditative experience of them, and see them with penetrating wisdom.’\nFor their faith is the faculty of faith.”"}},{"id":"sn48.50:7","sourceIds":["sn48.50:7.1","sn48.50:7.2","sn48.50:7.3","sn48.50:7.4","sn48.50:7.5"],"kind":"text","text":{"pi":"“Sādhu sādhu, sāriputta.\nYo so, sāriputta, ariyasāvako tathāgate ekantagato abhippasanno, na so tathāgate vā tathāgatasāsane vā kaṅkheyya vā vicikiccheyya vā.\nSaddhassa hi, sāriputta, ariyasāvakassa etaṁ pāṭikaṅkhaṁ yaṁ āraddhavīriyo viharissati—\nakusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu.\nYaṁ hissa, sāriputta, vīriyaṁ tadassa vīriyindriyaṁ.","en":"“Good, good, Sāriputta!\nSāriputta, a noble disciple who is sure and devoted to the Realized One would have no doubt or uncertainty about the Realized One or his instructions. …”\nThe Buddha then repeated Sāriputta’s answer word for word."}},{"id":"sn48.50:8","sourceIds":["sn48.50:8.1","sn48.50:8.2"],"kind":"text","text":{"pi":"Saddhassa hi, sāriputta, ariyasāvakassa āraddhavīriyassa etaṁ pāṭikaṅkhaṁ yaṁ satimā bhavissati, paramena satinepakkena samannāgato, cirakatampi cirabhāsitampi saritā anussaritā.\nYā hissa, sāriputta, sati tadassa satindriyaṁ."}},{"id":"sn48.50:9","sourceIds":["sn48.50:9.1","sn48.50:9.2"],"kind":"text","text":{"pi":"Saddhassa hi, sāriputta, ariyasāvakassa āraddhavīriyassa upaṭṭhitassatino etaṁ pāṭikaṅkhaṁ yaṁ vossaggārammaṇaṁ karitvā labhissati samādhiṁ, labhissati cittassa ekaggataṁ.\nYo hissa, sāriputta, samādhi tadassa samādhindriyaṁ."}},{"id":"sn48.50:10","sourceIds":["sn48.50:10.1","sn48.50:10.2","sn48.50:10.3","sn48.50:10.4","sn48.50:10.5","sn48.50:10.6"],"kind":"text","text":{"pi":"Saddhassa hi, sāriputta, ariyasāvakassa āraddhavīriyassa upaṭṭhitassatino samāhitacittassa etaṁ pāṭikaṅkhaṁ yaṁ evaṁ pajānissati—\nanamataggo kho saṁsāro.\nPubbakoṭi na paññāyati avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsarataṁ.\nAvijjāya tveva tamokāyassa asesavirāganirodho santametaṁ padaṁ paṇītametaṁ padaṁ, yadidaṁ—\nsabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṁ.\nYā hissa, sāriputta, paññā tadassa paññindriyaṁ."}},{"id":"sn48.50:11","sourceIds":["sn48.50:11.1","sn48.50:11.2","sn48.50:11.3","sn48.50:11.4","sn48.50:11.5","sn48.50:11.6"],"kind":"text","text":{"pi":"Saddho so, sāriputta, ariyasāvako evaṁ padahitvā padahitvā evaṁ saritvā saritvā evaṁ samādahitvā samādahitvā evaṁ pajānitvā pajānitvā evaṁ abhisaddahati:\n‘ime kho te dhammā ye me pubbe sutavā ahesuṁ.\nTenāhaṁ etarahi kāyena ca phusitvā viharāmi, paññāya ca ativijjha passāmī’ti.\nYā hissa, sāriputta, saddhā tadassa saddhindriyan”ti.\nDasamaṁ.\nJarāvaggo pañcamo."}},{"id":"sn48.50:12","sourceIds":["sn48.50:12.0","sn48.50:12.1","sn48.50:12.2","sn48.50:12.3","sn48.50:12.4"],"kind":"text","text":{"pi":"Tassuddānaṁ\nJarā uṇṇābho brāhmaṇo,\nsāketo pubbakoṭṭhako;\nPubbārāme ca cattāri,\npiṇḍolo āpaṇena cāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn48.50/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}